Ka Leo o ka Lahui, Volume II, Number 719, 2 Iune 1893 — Page 4
| This text was transcribed by: | Mike Mccurdy |
| This work is dedicated to: | Thomas L. McCurdy |
KA LEO O KA LAHUI.
"E Mau ke Ea o ka Aina i ka Pono."
KA LEO.
JOHN E. BUSH,
HONOLULU IUNE 2, 1893
KA MOOLELO
-O-
HIIAKAIKAPOLIOPELE.
@ HOOPONOPONIA
MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.
Ia wa nee aku la no o Lohiau, a kokeke me Hiiakaikapoliopele, lalau mai la keia i ka ai o Lohiau, a apo mai la, hikii keia i ka lei, hoouka kekahi lima o ka wahine maluna, kani ke oli a Hiiakaikapoliopele penei.
O Hiiaka ka wahine
Ke apo la i ka pua
Ke kui lei ke no ala i ka manai
Eha ka lei ka apana lehua lai
A ka wahine la kuu wahine
Kuu wahine ike ehu makani olalo
Lulumi aku la ka i kai o Hilo-one
No Hilo ke alOha aloha wale ka le@
-e
A pau ia mele aia nei, honi laua o ei, ia laua nei e honi ana, hooho ko laio poe, e honi e, honi no o ua o Hiiakaikapoliopele me ke kane a laua, aohe hei wa, ua noa i ke kaikuaana of ka honi e mai no ka ia.
I mai o Pele i na mea a pau o waho e hooho nei, ua nani, o kona wawae luhi ia, aia ka hewa o ka moe, hoohuli mai la no keia i ke kane, hooho no hoi o lalo o ka lua, a ho-ao a ho ao no o ua Hiiakaikapoliopele me ke kane a laua, nohe hoi wa, noa ka oiwi o ke kane a laua ia Pele o ka ho-ao e mai la no ka ia o Hiiakaikapoliopele i ke kane a laua.
Ia lohe ana o Pele ia walaau, i ne o Pele, hewa kai no o ka ihu kana o ke kino ka'u hewa, wahi a Pele.
Hoolale ae ana o Pele ike ahi, e Lonomakua eio mai o Lonomakua o
I aku o Pele i ahi, i ahi no a pulupulu, pulupulu no a-a, a no a kukuni, kukuni no a wela, wela no a make, nele ia ke kaikaina, mele ao ke kaikuaena, i ka wa ke kane a maua.
Hao mai ana o Lonomakua i ke ahi, @iki mai ana ke ahi, pane iho o Lohiau ia Hiiakaikapoliopele. E ! ke ahi ninau ae ka wahine auhea ?
I iho of Lohiau, eia ae la ke pii mai nei.
I ae o Hiiakaikapoliopele ia Lokiau aoha nu pule ?
He pule no wahi a Lohiau.
Oli ana, wahi a Hiiakaikapoliopele,
Pule no hoi o Lohiau ma ko mole penei.
Ua wela Puulena i ke ahi
Ua wela ka mauna o Uwehanuna
Uwe au punia i ka awa
Kiliohi aku au o ka mauna o ka lua
E haoa mai ana ke-a
Ka laau e, hoolaau
Hooiaau mai ana ke kii
Ka moe i ou nei
Ia loaa ka hale ka lili kaua paio
Paio o laua-e
Aole i pau.
Keia Kau Kinipopo.
Mamuli o ka hooholo ana o na Kapena o na Hui Kinopopo like ole ekolu, nolaila ua hooholo lakou e hoomaka ka paani ana i keia Poaono ae, a ko ka nui o ka manawa e paahi ai he 18, a o ka paani hope loa, i kekahi la nui kulaia, a penei na kuhikuhi ana:
" 30-Kamehameha Crescent
June 3-Crescent Hawaii
" 10-Hawaii Kamehameha
" 17-Kamehameha Crescent
" 24-Crescent Hawaii
July 1-Hawaii Kamehameha
" 4-Kamehameha Crescent
" 8-Crescent Hawaii
" 12-Hawaii Kamehameha
" 15Kamehameha Crescent
" 22-Crescent Hawaii
" 29-Hawaii Kamehemeha
HEIAU O NA PAIKINI!
Kihi o Alanui Papu me Hotele.
Hoolaha Kuikawa!
No Ka Pomaikai o ka Lehulehu.
Ua loaa mai ne Ia'u mailoko mai o na Hale hana Kakini o Europa Mai kekahi heluna nui hewahewa o na
Kahini Eleele Daimana.
Hoolaha! Hoolaha !!
He Kuai Kuikawa Ka'u e kuai aku ai i na KAKINI no Ka Manawa Wale no ma na Kumukuai Haahaa
Loa i ike mua ole ia ma keia Kulanakauhale kona lua ma ke Emi Loa.
Na Kakini Silika o na Wahine, na Kane
A ME NA
Kamalii.
Na Kakini Hapa Silika a me na Kakini o na Ano e ae he Lehulehu Wale.
Mai hoohala oukou i ke kipa ana mai e ike i keia kuai hoemi nui ke hooia aku nei Au o na Kumukuai a pau i kau ia maluna o keia mau Kakini, ua emi loa iho ia mamua o na Halekuai e ae o keia Kulanakauhale.
S. EHRLICH,
Kihi o Alanui Papu me Hotele.
may8
HE WATI LOAA.
Ma ka la 10 o keia mahina, ua loaa ia'u kekahi wati pakeke ma ke alanui e hele ala i ka Hale Pupule, maluna o ka pou na. O ka uku o ko'u malama ana, a me ua lilo o ka hoolaha ma ka aoao o ka mea nana ke wati. E kii koke ma o hala na la he 15 lilo loa ia'u.
Daniel W. Puniwaa
Kapalama, Mei 11, 1893.
may15 tfd.
HOOLAHA IMUA O KE AKEA.
E o'u mau makamaka maikai o ke one oiwi o Kakuhihewa mai Hawaii a Kauai o Mano, eia au ko oukou hoaloha oiaio, ke hoike aku nei imua o oukou i ka mea oiaio e like me ka manao i kono ia mai e kou hoaloha, a na oukou no hoi ia e kilohi pono iho, a oia keia; oiai au iloko o na la a ka ma'i e noho ana, he ma'i hoi e noho pu ole ai me ka lehulehu a me kekahi ano ma'i e ae no hoi e pili ana i ko'u kino ua nui no hoi ko'u kaumaha a me ka'u kane no ka nui o na pilikia i ili iho maluna o'u nolaila ua imi aku la maua i kahi o ka pono, a ua loaa aku la keia Leong Keng Pong Kauka L. Akina, ma Alanui Hotele helu 40, ma kana mau lapaau ana ia'u a ua loaa mai no hoi ka lanakila a pau no hoi ke kaumaha o ka naau, a ua haawi hou mai oia ia'u i ka pomaikai o ko maua noho ana i ka laau hoohapai keiki a ua ko no ia mau lawelawe ana a keia kanaka me ka noeau loa a ua loaa ia maua ia hua maikai iloko o na la i noho loihi ai ma ke pale ia ana aku o na pilikia mai u'a aku, nolaila e o'u mau hoaloha oiaio i loaa i na pilikia a hookele pu ia hoi no ia hua laha ole, e hele ae imua ona i pau ka pilikia a hooko ia mai hoi ka makemake o ka ole ka lohe pepeiao, e hele imua o Akina i pau kuhihewa.
Me ka oiaio
Lomele Nahau.
may26-@m@.
HOOLAHA HOU.
E na Makamaka Aloha---
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
Oiai oukou e hele ana ma na alanui o ke Kaona, mai hoopoina i Ke Kipa ae
MA KA HALE KUAI ALAKAI O
B. F. Ehlers & Co-PAINAPA.
HELU 99 Alanui Papu.
ILAILA WALE NO E LOAA AI NA ANO HOU O KE KAU
Oia hoi na HALUA,
KAKIMIA LAU,
KAKIMIA ELEELE,
Na Lole Puu Ana Hou Loa.
Na Pale Puka Aniani ano hou loa i ike ole ia ma ke Kaona nei i na wa
I haia ak ne.
Kuka Koloka o na Wahine me na Kamalii
He nui wale aku na mea i koe, e kipa nui mai oukou i pau ke kuhihewa,
A na oukou hoi ia e akena aku i ka nani oia mau mea.
A KE MANAO NEI NO HOI MAKOU, AOLE NO E NELE KO OUKOU HELE MAI.
He nani anei keia aole i kanamai ke mea hoi na oukou e poina ole ai
I NA INOA O PAINAPA, ME KA OIAIO.
Owao iho no.
705. tf-dly. B.F. EHLERS & CO
E Hoomakaukau no ka la 11 o Iune
E Hiki Mai Ana.
E Makemake Ana Oe i Papale hou a me ona Lole hou?
MA KAHI
-o
N. S. SACHS,
104 Alannui Papu, Honolulu
O keia ka Halekuai e kuai ai oe i kau mau mea kuai no ia la.
He Mau Waiwai Hou Loa.
Mena Kumukuai Haahaa Loa.
He mau Papale ano hou loa no ka la. Heihei i kinohinohi a kau ka Iwa he la Kamani. Na Papale Keokeo maikai loa, i hanaia a pau m@ na lipine keokeo a kala mae no ka 2.50 a pii aka @iuna.
Na Papale i hana ia a maikai loa, i hoomanua me na Pua, Ripine a me na Lihilihi a Huh@ paha, ma na kumukaui kuikawa no keia mau ia wale no.
Ina oe e hele ana i ka heihei, e makemake ana oe i Lole Keokeo makiai hou, nolaila, ke kuai kuikawa ka makou nou no keia manawa wale no.
E loaa na na Lole Lihilihi no ka 3.50 he h@@ kuikawa no keia, ina oe e makemake ana ina Lole Keokeo holookoa, ua hiki ia makou o ke kuai ia oe me ka makepono loa, i keia manawa wale no.
Na Lole Haiua Keokeo papamu, kahakaia loloa puu a pela aku, ma ka 6 a 7 l-a no ke dala, ua kuai ia manua no ka 20 a 25 keneka o ka l a, pau keia, e makemake ana i mamalu no ua la aia, i mea hei e pale aku u ai i ka wela o ka ia, ua hiki ia makou ke kuai aku ma Mamalu me na ia@ nani no ka 1.00 he makepono maoli. E makemake ana paha oe ia mau miknilima noa, oia hou na kuai hoopoe he, na Mikinilima o na waihooluu ano hou loa no ka 1.00 o ka paa, o keia no ka makou i kuai ai mamua no ke 1.50.
E makemake ana oe i mau Ribine, eia maloko o ko'u Halekuai nei, na ano wai hooluu o na ano a pau malalo iho o ka la, nolaila, o loaa ana no kou makemake.
He oiaio ke kue hoopoho nei makou ina waiwai pili ina kane.
Na Papale ano hou o-na Kane me na lei'a i oia ano hookahi no, mai ka heiu 1 $ aku o ka a-i a hiki i ka helu 18 no ka 1.00.
Alaila, ko na Kamalii Kane hoi, e kuai hoopehe ia aku ana na Papale Raiki Keokeo a ano e ae paha no ka 50cts, na li@e ka maikai o keia me ka papale 1.00 au e kuai ai ma kekahi halekuai e @@n. E hele mai e nana i ka makou maa mai wai, a e ike no ananei he iu kumukuai loa.
-:N.S. SACHS:-
may15@705-tfd. 104 Alanui Papu, Honolulu.