Ka Leo o ka Lahui, Volume II, Number 717, 31 May 1893 — Page 4
| This text was transcribed by: | Darren Okimoto |
| This work is dedicated to: | Kaimuki class of '78 |
KA LEO O KA LAHUI.
"E Mau ke Ea o ka Aina i ka Pono."
KA LEO.
JOHN E. BUSH,
HONOLULU MEI 31, 1893
KA MOOLELO
O
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.
Ke kumu o ko ia nei manao ana e hele, i pau loa na kaikaina o Olepau i ka make aohe alii e ae o Maui e koe, i hookahi no alii o Maui a puni, o Kapo, i hookahi no hoi kila o Maui a puni, o ko ia nei kaikuaana o Kapo, me kana kane o Puanui, aohe mea nana e keakea ae, o ko laua nei ai nana aina, oia ke kumu o ko Hiiakapoliopele koi ana e iho i kai o Kawaipapa.
Ia lakou nei i hiki ai i ka hale puhenehene, e noho mai ana na kanaka ua piha o loko ke ’lii i ka nana i ka lealea, o Kaakau, me na kahu o ke alii, ke kukulu nei na puu noa, ike mai la na mea a pau o ka hale, i ka wahine maikai oia nei.
Kuko mai ia ko lakou naau ia nei i wahine na ke alii o lakou na Kaakau.
Ia lakou nei i komo ai iloko o ka hale hula, haawi ia lakou nei ka noa, hoole no keia, a no ka nui koi o ka poe nona ka hale hula, e lilo ia lakou nei ka huna o ka noa, ae aku keia.
Ia manawa, lilo ia Hiiakapoliopele ka huna o ka noa, ia aku o Hiiakapoliopele. E! liko ae nei ka noa ia’u he noa kapu kau, ia’u wale no a eo, aole kekahi e huna mai i kau noa, ua maikai ia pane ana aia nei imua o ke anaina puhenehene, a me ke alii nana ka hula.
O ua alii nei nana ka lealea o Kaakau, ua paa kona wahi i ka paku ia i ka lau maioo o ka maia, ua kapu ia ia wahi, he Palauhulu aia iloko oia wahi ua ’lii nei o Kaakau, ke nana kapakahi mai nei ia lakou nei.
Ke kumu o kona noho ana iloko wahi, he make mai, nolaila i kapa aku ai o Hiiakapoliopele ia ia he maka mai ma ke mele.
Ia manawa no, hoomaka iho la o Hiiakapoliopele, e huna i ka noa kani ke oli aia nei, he oli ano hoohilahila ia Kaakau i mea e hilahila ai o Kaakau lele i ka pali a make, ua ko io ia nana aia nei.
Kukupau na Limahana o KA LEO me ka la inehinei. Eleu no.
=>Ina luna lawe pepa o KA LEO O KA LAHUI, ke kauoha ia aku nei oukou, e hoihoi mai i ka helu 707 o Mei 17, i na he mau pepa koe oia la ia oukou.
MA KE KAUOHA.
=>E hoomanao e na hoaloha, i na Kakini Elele Daimana ano hou loa, i loaa ole kona lua ma kekahi mau Halekuai e ae o keia kulanakauhale. Nolaila, e hoonaue ae i ka Heiau o na Paikini, kahi i wae mua loa ia ai no ko oukou mau anoi.
Keia Kau Kinipopo.
Mamuli o ka hooholo ana o na Kapena o na Hui Kinopopo like ole ekolu, nolaila ua hooholo lakou e hoomaka ka paani ana i keia Poaono ae, a o ka nui o ka manawa e paani ai he 18, a o ka paani hope loa, i kekahi la nui kulaia, a penei na kuhikuhi ana:
“ 30-Kamehameha Crescent
June 3-Crescent Hawaii
“ 10-Hawaii Kamehameha
“ 17-Kamehameha Crescent
“ 24-Crescent Hawaii
July 1-Hawaii Kamehameha
“ 4-Kamehameha Crescent
“ 8-Crescent Hawaii
“ 12-Hawaii Kamehameha
“ 15Kamehameha Crescent
“ 22-Crescent Hawaii
“ 29-Hawaii Kamahemeha
HE WATI LOAA.
Ma ka la 10 o keia mahina, ua loa ia’u kekahi wati pakeke ma ke alanui e hele ala i ka Hale Pupule, maluna o ka pou na. O ka uku o ko’u malama ana, a me na lilo o ka hoolaha ma ka aoao o ka mea nana ka wati. E kii koke mai o hala na la he 15 lilo loa ia’u.
DANIEL W. PUNIWAA
Kapalama, Mei 11, 1893.
may15 tfd.
HOOLAHA IMUA O KE AKEA.
E o’u mau makamaka maikai o ke one oiwi o Kakuhihewa mai Hawaii a Kauai o Mano, eia au ko oukou hoaloha oiaio, ke hoike aku nei imua o oukou i ka mea oiaio e like me ka manao maikai i kono ia mai e kou hoaloha, a na oukou no hoi ia e kilohi pono iho, a oia keia; oiai au iloko o na la a ka ma’i e noho ana, he ma’i hoi e noho pu ole ai me ka lehulehu a me kekahi ano ma’i e ae no hoi e piii ana i ko’u kino, na nui no hoi ko’u kaumaha a me ka’u kane no ka nui o na pilikia i ili iho maluna o’u nolaila ua imi aku la keia Leoug Keng Pon Kauka L. Akina, ina Alanui Hotele helu 49, ma kana mau lappau ana ia’u a na loaa mai no hoi ka lanakila a pau no hoi ke kaumaha o ka naaa, a ua haawi hou mai oia ia’u i ka pomaikai o ko maua noho ana i ka laau hoohapai keiki a na ko no ia mau lawelawe ana a keia kanaka me ka noeau loa a ua loaa ia mana ia hua maikai iloko o na la i noho loihi ai ma ke pale ia ana aku o na pilikia mai u’a aku, nolaila e o’u mau hoaloha oiaio i loaa i na pilikia a i hoonele pu ia hoi no ia hua laha ole, e hele ae imua ona i pau ka pilikia a hooko ia mai hoi ka makemake o ka ole ka lohe pepeiao, e hele imua o Akina i pau kuhihewa.
Me ka oiaio
LOMELE NAHAE.
may26-1m*.
HEIAU O NA PAIKINI!
Kihi o Alanui Papu me Hotele.
Hoolaha Kuikawa!
No Ka Pomaikai o ka Lehulehu.
Ua loaa mai nei Ia’u mailoko mai o na Hale hana Kakini o Europa Mai kekahi heluna nui hewahewa o na
Kakini Eleele Daimana.
Hoolaha! Hoolaha!!
He Kuai Kuikawa Ka’u e kuai aku ai i na KAKINI no Ka Manawa Wale no ma na Kumukuai Haahaa
Loa i ike mua ole ia ma keia Kulanakuuhale kona lua ma ke Emi loa.
Na Kakini Sihka o na Wahine, na Kane Kamahi.
Na Kakina Hapa Silika a me na Kakini o na Ano e ae he Lehulehu Wale.
Mai hoohaia oukou i ke kipa ana mai e ike i keia kuai hoemi nui ke hoola aku nei A u o na Kumukuai a pau i kau ia maluna o keia mau Kakini, na emi loa iho ia mamua o na Halekuai e ae o keia Kuianakauhale.
S. EHRLICH,
Kihi o Alanui Papu me Hotele.
may8
HOOLAHA HOU.
E na Makamaka Aloha---
HE KUAI HOOKELAKELA NUI!
Hele mai Hookahi, a i ole Hele mai no a Pau Loa.
MA KA HALE KUAI ALAKAI O
B.F. Ehlers & Co.—Painapa.
HELU 99 Alanui Papu.
ILAILA WALE NO E LOAA AI NA ANO HOU O KE KAU
Oia hoi na HALUA.
KAKIMI LAU.
KAKIMIA ELELE.
Na Lole Puu Ano Hou Loa.
Na Pale Puka Aniani ana hou ioa i ike ole ia ma ke Kaona ne i na wa I hala aku nei.
Kuka Koloka o na Wahine me na Kamalii
He nui wale aku na mea i koe, e kipa nui mai oukou i pau ke kuhihewa,
A KE MANAO NEI NO HOI MAKOU, AOLE NO E NELE KO OUKOU HELE MAI.
He nani anei keia aole i kanamai he mea hoi na oukou e poina ole ai
I KA INOA O PAINAPA, ME KA OIAIO.
Owau iho no.
705. tf-dlv. B. F. EHLERS & CO
E Hoomakaukau no ka la 11 o Iune E Hiki Mai Ana.
E Makemake Ana Oe i Papale hou a me ona Lole hou?
MA KAHI
O
N. S. SACHS,
104 Alanui Papu, Honolulu.
O keia ka Halekuai e kuai ai oe i kau mau mea kuai no ia la.
He mau Waiwai Hou Loa.
Me na Kumukuai Haahaa Loa.
He mau Papale ano hou lua no ka a Heihei i konohinohi a kau ka Iwa he la makani Na Papale Keokeo maikai loa, i hanaia a paa ma na lipine keokeo a kala e ae no ka 2.50 a pa aku iluna.
Na Papale i hana ia a maikai loa, i hoonaniia me na Pua, Ripine a me na Lihilihi a Hulu papa, ma na kumukuai kuikawa no keia mau la wale no.
Ina ae e hele ona i ka heihei, e makemake ana oe i Lole Keokeo maikai nou, nolaila, he kuai kuikawa ka makou hou o keia manawa wale no.
E loaa no na Loie Lihilihi no ka 3.50 he kuai kuikawa no keia, ina oe e makemake ana ian Lole Keokeo holookoa ua hiki ia makou ke kuai ia oe me ka makepono loa, i keia manawa wale no.
Na Lole Halua Keokeo papmu, kahakaha loloa, puu a pela aku, ma ka 6 @ I-a no ke dala, na kuai ia mamua no ia a 20 a 25 keneka o ka I-a, pau keia, e makemake ana i mamale no ua la ala, i @ hi e nale aku ai i ka wela o ka la, @ hiki ia makou ke kuai aku ina Mamal@ me na lau nani no ka 1.00 he makepono maoli. E makemake ana paha oe i mau mikinilima nou, eia hou ua kuai hoopono, na Mikinilima o na waihooluu ano hou loa no ka 1.00 o ka loaa, o keia no ka makou i kuai ai mamua no ke 1.50.
E makemake ana oe i mau Ribine, eia maloko o o ko’u Halekuai nei, na ano wai hoolun@ o na ano a pua iaalalo ino o ka la, nolaila, e loaa ana no kou makemake.
He oiaio ke kuai hoi poho nei makou ina waiwai pili ina kane.
Na Palale ano hou o na Kane me na lei a i oia ano hookahi no, mai ka he @ 1 ½ aku o ka a-i a hiki i ka helu 18 no ka 1.00.
Alaila, ko na Kamaili Kane hoi, e kuai hoopoho ia aku ena na Papale Raiki Keokeo a ano e ae paha no ka 59 cts, na like ka maikai o keia me ka papale 1.00 au e kuai ai ma kekahi halekuai e aku. E hele mai e nana i ka makou mau waiwai, a e ike no auanei oe in kuu@ai oluolu loa.
:N. S. SACHS:
may15 795 tfd. 104 Alanui Papu, Honolulu.