Ka Leo o ka Lahui, Volume II, Number 715, 29 May 1893 — Page 4
| This text was transcribed by: | Danna Lyman |
| This work is dedicated to: | Kamehameha Class of 1962 |
KA LEO O KA LAHUI.
"E Mau ke Ea o ka Aina i ka Pono."
K A L E O.
JOHN E. BUSH,
HONOLULU MAI 29, 1893
KA MOOLELO
-o-
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A ME KA POE I HOOPAA INA
MOOLELO A ME NA KAAO KAHIKO O HAWAII NEI.
Kainoa paha i make au ia hai, na i ala no ka hoi ko’u make, ike ae la na mea a pau i ke kuhikuhi: a ke alii, i make no ia ia Kapo, a mahope iho oia manawa, kauoha o Olepau i ka aina i kona kaikaina ia Kaumuleialii. a lilo kona noho alii ana i kona kaikaina o na wahine malalo o Kaumuleialii.
Ke manao nei o Olepau e ola ana kona kaikaina, eia ka o ko laua hora hookahi no ia e make ai, ia kauoha ana a Olepau i ka aina, nele iho la o Kapo i ka hooilina ole ia wa no puka ae o Kapo, a mawaho o ka hale ku.
I nana mai ka hana o Wahineomao, e ku ana o Kapo, i aku o Wahineomao ia Hiiakaikapoliopele, aia ko kaikuaana la ke ku mai la ke kumu o ko Kapo haalele ana i ke kupapau no kona hilahila ia Olepau.
I ke kuhikuhi ana mai o Olepau i make no ia ia Kapo, oia ku no o Kapo mawaho o ka hale, a holo aku ana o Kapo.
I nana mai ka hana o Wahineomao, e holo aku ana o Kapo, iliki hou mai ana o Hiiakaikapoliopele, i ke mele hou no Olepau a make loa penei.
A pala ka hala, hala lei o ke kaha
Pauku i ka hala maka o Haiku—e
He aloha ole, he aloha ole oukou
E Kauakahimakulani ma
Ka lawe ae no anaana ia Olepau make
E kala i make ai
Ke eku mai la ka ilo i kona maka
Ke kolo mai la ka @io i kona wana
O Kupalakaiku, he lauoho ke ola ke ola
Ia mele a Hiiakaikapoliopele, make loa o Olepau, holo ana ke kaikuaana o Kapo.
Kahea aku o Hiiakaikapoliopele ia Kapo, e ninau aku ana i ka mea iaia ke kauoha ia ana o ka aina, ma ke mele, penei:
E Kapo wahine a Puanui
Aikane a Waihinano
Wahine i ke alo o Puanui—e
Ia wai o Maui?
Hai mai o Kapo i ka hooilina o Maui a puni, i ke kaikaina ma ke mele, penei:
Ia Kaumuleialii
I ka poaha mau i ka ili o Kawau
Kuwalu ka inoa o Kiha—e
Ke alii iaia o Maui—o
Ia lohe ana o Hiiakaikapoliopele i ka hai ana mai o Kapo i ka mea iaia o Maui, alaila, manao o Hiiakaikapoliopele i ka mele o Kapo i ka aina ole, i aku keia i ke kaikuaana ma ke mele penei:
Pua ka lehua i ka auwai
I kahawai i Waiokila—la
O ke koko o Kawaunui ma—la
Aloha wale, aloha wale holonuna—e
Aole i pau.
Keia Kau Kinipopo.
Mamui o ka hooholo ana o na Kapena o na Hui Kinopopo like ole ekolu, nolaila ua hooholo lakou e hoomaka ka paani ana i keia Poaono ae. a o ka nui o ka manawa e paani ai he 18, a o ka paani hope loa. i kekahi la nui kulaia. a penei na kuhikuhi ana:
" 30—Kamehameha Crescent
June 3—Crescent Hawaii
" 10—Hawaii Kamehameha
" 17—Kamehameha Crescent
" 24—Crescent Hawaii
July 1—Hawaii Kamehameha
" 4—Kamehameha Crescent
" 8—Crescent Hawaii
" 12—Hawaii Kamehameha
" 15—Kamehameha Crescent
" 22—Crescent Hawaii
" 29—Hawaii Kamehameha
HEIAU O NA PAIKINI!
Kihi o Alanui Papu me Hotele.
Hoolaha Kuikawa!
No Ka Pomaikai o ka Lehulehu.
Ua loaa mai nei Ia’u mailoko mai o na Hale hana Kakini o Europa
Mai kekahi heluna nui hewahewa o na
Kakini Eleele Daimana.
Hoolaha! Hoolaha!!
He Kuai Kuikawa Ka’u e kuai aku ai i na KAKINI no
Ka Manawa Wale no ma na Kumukuai Haahaa
Loa i ke mua ole ia ma keia Kulanakauhale kona ina ma ka Emi Loa.
Na Kakini Silika o na Wahine, na Kane a me na Kamalii.
Na Kakini Hapa Silika a me na Kakini o na Ano e ae he Lehulehu Wale.
Mai hoohala oukou i ke kipa ana mai e ike i keia kuai hoemi nui
ke hooia aku nei Au o na Kumukuai a pau i kau ia maluna
o keia mau Kakini, na emi loa iho ia mamua o na
Halekuai e ae o keia Kulanakauhale.
S. ERLICH,
Kihi o Alanui Papu me Hotele.
may 8
HE WATI LOAA.
Ma ka la 10 o keia mahina, ua loa@ ia’u kekahi wati pakeke ma ke alanui e hele ala i ka Hale Pupule, maluna o ka pou pa. O ka uku o ko’u malama ana, a me na lilo o ka hoolaha ma ka aoao o ka mea nana ka wati. E kii koke mai o hala na la he 15 lilo loa ia’u.
DANIEL W. PUNIWAA
Kapalama, Mei 11, 1893.
may 15 tfd.
HOOLAHA IMUA O KE AKEA.
E o’u mau makamaka maikai o ke one oiwi o Kakuhihewa mai Hawaii a Kauai o Mano, eia au ko oukou hoaloha oiaio, ke hoike aku nei imua o oukou i ka mea oiaio e like me ka manao maikai i kono ia mai e kou hoaloha, a na oukou no hoi ia e kilohi pono iho, a oia keia; oiai au iloko o na la a ka ma’i e noho ana. he ma’i hoi e noho pu ole ai me ka lehulehu a me kekahi ano ma’i e ae no hoi e pili ana i ko’u kino, ua nui no hoi ko’u kaumaha a me ka’u kane no ka nui o na pilikia i ili iho maluna o’u nolaila ua imi aku la maua i kahi o ka pono, a ua ioua aku la keia Leong Keng Pong Kauka L. Akina, ma Alanui Hotele helu 40, ma kana mau lapaau ana ia’u a ua loaa mai no hoi ka lanakila a pau no hou mai oia ia’u i ka pomaikai o ko mana noho ana i ka laau hoohapai keiki a na ko no ia mau lawelawe ana a keia kanaka me ka noeau loa a ua loaa ia mana ia hua maikai iloko o na la i noho loihi ai ma ke pale ia ana aku o na pilikia mai u’a aku. nolaila e o’u mau hoaloha oia o i loaa i na pilikia a i hoonele pu ia hoi no ia hua laha ole, e hele ae imua ona i pau ka pilikia a hooko ia mai hoi ka makemake o ka ole ka lohe pepeiao, e hele imua o Akina i pau kuhihewa.
Me ka oiaio
Lomele Nahau.
may 26-1m
HOOLAHA HOU.
E na Makamaka Aloha
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
Oiai oukou e hele ana ma na alanui o ke Kaona, mai hoopoina i Ke Kipa ae
MA KA HALE KUAI ALAKAIO
B. F. Ehlers & Co.—PAINAPA
HELU 99 Alanui Papu.
ILAILA WALE NO E LOAA AI NA ANO HOU O KE KAU
Oia hoi na HALUA.
KAKIMIA LAU.
KAKIMIA ELEELE.
Na Lole Puo Ano Kou Loa.
Na Pale Puka Aniani ano hou loa i ike ole ia ma ke Kaona nei i na wa I hala aku nei.
Kuka Koloka o na Wahine me na Kamalii
He nui wale aku na mea i koe, e kipa nui mai oukou i pau ke kuhihewa,
A na oukou hoi ia e akena aku i ka nani oia mau mea.
A KE MANAO NEI NO HOI MAKOU, AOLE NO E NELE KO OUKOU HELE MAI.
He nani anei keia aole i kanama@, he mea hoi na oukou e poina ole ai
I KA INOA O PAINAPA, ME KA OIAIO.
Owau iho no.
705. tf-div. B. F. EHLERS & Co.
E Hoomakaukau no ka la 11 o Iune
E Hiki Mai Ana.
E Makemake Ana Oei Papale hou a me ona Lole hou?
MA KAHI
-o-
N. S. SACHS,
104 Alanui Papu, Honolulu.
O keia ka Halekuai e kuai ai oe i kau mau mea kuai no ia la.
He Mau Waiwai Hou Loa.
Me na Kumukuai Haahaa Loa.
He mau Papale ano o loa no ka la Heihei i kinohinohi a kau ka Iwa he la makani. Na Papale Keokeo maikai loa, i hanaia a paa ma na lipine keokeo a kala e se no ka 2.50 a pai aku liuna.
Na Papale i hana ia a maikai loa, i hoonaniia me na Pua, Ripine a me na Lihilihi a Hulu paha, ma ua kumukuai kuikawa o keia mau la wale no.
Ina oe e hele ana i ka Heihei, e makemake ana oe i Lole Keokeo maikai nou, nolaila, he kuai kuikawa ka makou nou @ keia manawa wale no.
E loaa no na Lole Lihilihi no ka 3.50 he kuai kukawa no keia, ina oe e makemake ana ina Lole Keokeo holoukoa. ua hiki ia makou ke kuai ia oe me ka makepono loa, i keia manawa wale no.
Na Lole Halua Keokeo papa@. kahakaha loloa, puu a pela aku, ma ka 6 a 7 I-a no ke dala, ua kuai @ mamua no ka O a 25 keneka o ka I-a, pan keia, e makemake ana i mamalu no ua la ala, i mea hoi e pale aku ai i ka wela o ka la, ua hiki ia makou ke kuai aku ana @analu a e na lau nani no ka 1.00 he @ maoli. E makemake ana paha oe i mau mikinilina nou, eia hou ua kuai hoopoho, na Mikinilima o na waihooluu ano hou loa no ka 1.00 o ka @, o keia no ka makou i kuai ai manua no ke 1.50.
E makemake ana oe i mau Ribine, eia maloko o ko’u Halekuai nei, na ano wai hooluu o na ano a pau malalo iho o ka la, nolaila, e loaa ana no kou makemake.
He oiaio ke kuai hoopoho nei makou ina waiwai pili ina kane.
Na Palule a@ hou o na Kane me na lei a i oia ano hookahi no, mai ka helu 14½ aku o ka @ a hiki i ka helu 18 no ka 1.00.
Alaila, ko na Kamalii Kane hoi, e kuai hoopoho ia aku ana na Palale R@ Keokeo a ano e ae paha no ka 50 cts, ua like ka maikai o keia me ka papale 1.00 ahe kuai ai ma kekahi halekuai e@. E hele mai e nana i ka makou mau waiwai, a e ike no auanei oe i kumukuai oluolu loa.
N. S. SACHS
may 15 705-tid. 104 Alanui Papu, Honolulu.