Ka Leo o ka Lahui, Volume II, Number 713, 25 May 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

JOHN E. BUSH,

 

HONOLULU MEI 25, 1893

 

KA MOOLELO

--O—

HIIAKAIKAPOLIOPELE.

 

I HOOPONOPONOIA

 

MAI KA POE KAHIKO MAI A

ME KA POE I HOOPAAINA

MOOLELO A ME NA

KAAO KAHIKO O

HAWAII NEI

 

          Paa ke alanui i na kanaka, e hele aku ana, hoolo aku ana o Wahineomao, kahuhu paki hoi ua kanaka e hele mai nei, paa ke alanui, ninau mai o Hiiakaikapoliopele, auhea ?  Ei ae paa ke alanui, wahi a Wahineomao.

          I aku o Hiiakaikapoliopele ia Wahineomao, aohe kanaka, heaha la wahi a Wahineomao.  i aku ke aikane, o na akua o ke kahuna e hele ana e lapaau ia Olepau, i mai o Wahineomao aole no i kana mai o ua akua.  i hou aku ke aikane aohe akua maoli, ninau hou mai kela heaha ka ?

          He laau ua kalei ia a me he ka naka la ke kino, ke poo, na lima na wawae no, o na maka he mau maka pipi, oia hoi kela ia o Ewa, he pipi ka inoa, an@ane lakou ia e kokoke mai i aku o Hiiakaikapoliopele ia Wahineomao, nana ia aku kahi e hele mai ai.

          I nana oe a i ae ae ma ka aoao kapu o maua me kuu kaikuaana make o Olepau i keia la, aka, i ae ae lakou ma ka aoao noa o maua.  ola o Olepau i keia la, ma ia olelo no aia nei, lohe no o Lohiaa, ninau hou no keia.  ola no o Olepau i keia la ?

          Ae, aku no o Hiiakaikapoliopele ae, o ke ola ana o Olepau.  o kuu make ana no ia.  alaila kauo aku olua ia’u a ka mokuna o keia aina alaila.  waiho iho olua ia’u ilaila, i hele mai ka huakai hele o ke alanui.  a nana iho ia’u e waiho ana, alaila.  loaa kuhikuhina o keia wahi o Maui nei.

          Oia nana no ko Wahineomao a ae no ma ka aoao kapu o laua nei ninau mai ke aikane.  mahea ka huakai e ole ae nei?

          Ma ka aoao kapu no o olua me ko kaikuaana.  wahi a Wahineomao i aku o Hiiakaikapoliopele i ke aikane, e make ana o Olepau i keia ia, ma ia olelo aia nei.  ke olu waie la no o Lohiau.  i ka make o Olepau.

          Ka hele aku la no ia o ke kahuna me na mea ana i hoomakaukau ai.  a hala hope lakou nei, kahea aku o Hiiakaikapoliopele.

          E Kauakahimaikulani ma e, i o mai kela i o.  manao o Hiiakaikapoliopele e lilo ka leo oia nei.  no ka mea he kahuna apo leo kela, kahea aku ana keia ia’u la e---ola---e.

          Ko lakou la hoi-aku la no ia, hele no hoi lakou nei, oia hele o Kauakahimaikulani, a hiki i kahi o ke kupapau, e waiho mai ana no hoi o Olepau, ua make.

          Aole i pau.

 

          E alawa ae e na makamaka i ka hoolaha a Painapa, mala@a e loaa ai na kinohinohi o ke Kau la wela, mamua o na Halekuai e ae o kia Paeaina.  Ke hooia mai nei ka poe i kipa aku e ike i kana mau mea kuai, he nanai maoli no, a he emi na kumukuai.  Nolaila e naue ae i ikemaka.

          E hoomakaukau e na makamaka, i na mohai o ke aloha, no ka liuliu ana i mau kahiko nani no ka La Hanau o ka Na’i Aupuni, nolaila, e pono i na makamaka ke makaala ae i na Wehi o ke kino, ma ka Halekuai Emi Loa o N. S. Sachs, ma ke Alanui Papu.

          E hoomanao e na hoaloha, i na Kakini Eleele Daimana ano hou loa.  i loaa ole kona lua ma kekahi mau Halekuai e ae o keia kulanakauhale.  Nolaila, e hoonaue ae i ka Heiau o na Paikini, kahi i wae mua loa ia ai no ko oukou mau anoi.

 

HEIAU O NA PAIKINI!

 

Kihi o Alanui Papu me Hotele.

 

Hoolaha Kuikawa!

 

No Ka Pomaikai o ka Lehulehu.

 

Ua loaa mai nei Ia’u mailoko mai o na Hale hana Kakini o Europa.

          Mai kekahi heluna nui hewahewa o na.

 

Kakini Eleele Daimana.

Hoolaha!     Hoolaha!!

          He Kuai Kuikawa Ka’u e kuai aku ai i na KAKINI no

          Ka Manawa Wale no ma na Kumukuai Haahea

         

          Loa i ike mua ole ia ma keia Kulanakauhala kona lua ma ke Emi Loa.

Na Kakini Hapa Silika a me na

Kakini o na Ano e ae he Lehulehu Wale.

 

Mai hoohala oukou i ke kipa ana mai e ike i keia kuai hoemi nui

ke hooia aku nei Au o na Kumukuai a pau i kau ia maluna

o keia mau Kakini.  ua emi loa iho ia mamua o na

Halekuai e ae o keia Kulanakauhale.

 

S.  ERLICH,

Kihi o Alanui Papu me Hotele.

may6

 

          Ke kauoha ia aku nei na Luna Lawe Pepa a pau o ka nupepa “Ka Oiaio” e hoihoi mai i na helu i koe oia pepa.  a oukou e paa ala, ina he mau helu koe; oiai hoi, ua makemake ia ka Helu 48 o Aprila 21.  E hoouna pololei mai ma ka inoa o ka nupepa.  E hoolohe i keia leo kahea.

          MA KE KAUOHA.

 

          Mai haohao e na makamaka ke loaa ole aku ka oukou pepa; e hoopaa ana makou i ka pepa o na inoa i hookaa ole mai i ka uku pule a mahina o ka kokou wahaole@  ma ka aoao o ka Lahui.  E eleu mai i ka hookaa ana i ike pono ai i na mea hou o ka aina aloha iloko o ka nohona kupilikii o keia mau la

          Ma ke Kauoha.

 

HE MAU NANEHAI NO KA

NAAUAO.

         

          Imua o na opio o e au@o Liliuokalani.

          Nanehai 3.  I na paha e kapaeia na Eanawai mau o ka Poai Lani o ke ao holookoa:  alaila ihea la e waho ai ka honua nei ?

          Nanehai 5.  Heaha la ka mea e moe ai (u@oi ai) na maka i ka wa e pule ai ?

          Nanehai 6.  O ka hiona i ike ia ma ka moeuhane.  he mau hoakaka anei ia o ke ola uhane o ke ao maluna ma ka Lani ?

          [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

         

HOOLAHA HOU.

 

E  na  Makamaka  Aloha---

 

HE KUAI HOOKELAKELA NUI !

 

Hele mai Hookahi,  a i ole Hele mai no a Pau Loa

Oiai oukou e hele ana ma na alanui o ke Kaona, mai hoopoina i

Ke Kipa ae

 

MA KA HALEKUAI ALAKAI O

 

B.  F.  EHLERS  &  CO—PAINAA

 

HELU 99  Alanui Papu.

 

ILAILA WALE NO E LOAA AINA ANO HOU O KE KAU

Oia hoi na HALUA.

          KAKIMIA LAU.

          KAKIMIA ELEELE.

          Na Lole Puu Ano Hou Loa.

Na Pale Puka Aniani ano hou ioa i ike ola ia ma ke Kaona nei i na wa

          I hala aku nei.

          Kuka Koloka o na Wahine me na Kamalii

He nui wale aku na mea i koe, e kipa nui mai oukou i pau ke kui ihewa.

          A na oukou hoi ia e akena aku i ka nani oia mau mea.

A KE MANAO NEI NO HOI MAKOU, AOLE NO E NELE KO OUKOU HELE MAI.

          He nani anei keia aole i kanamai he mea hoi na oukou e poina ole ai

          I KA INOA O PAINAPA, ME KA OIAIO.

Owau iho no.

705. tf-dlv.  B. F. EHLERS & CO

 

E Hoomakaukau no ka la 11 o Iune

E HIKI MAI ANA.

E Makemake Ana Oe i Papale hou a me ona

Lole hou?

 

----MA EAHI----

--O

 

N. S. SACHS,

104 Alanui Papu, Honolulu.

 

          O keia ka Halekuai e kuai ai oe i kau mau mea kuai no ia la.

 

He Mau Waiwai Hou Loa.

Me na  Kumukuai  Haahaa  Loa.

 

          He mau Papale ano hou loa no ka la Heihei i kinohinohi a kau ka Iwa hel@ makani.  Na Papale Keokeo maikai loa,  i hanaia a paa ma na lipine keokeo a kala e ae no ka 2.50 a pii aku iluna.

          Na Papale i hana ia a maikai loa, i hoonaniia me na Pua, Ripine a me na Lihilihi a Hulu paha, ma na kumukuai  kuikawa no keia mau la wale no.

          Ina oe e hele ana i ka Heihei, e makemake ana oe i Lole Keokeo maikai nou.   nalaila, he kuai kuikawa ka makou n@u @ o keia manawa wale no.

          E loaa no na Lole Lihilihi no ka 3.50 he kuai kuikawa no keia.  ina oe e makemake ana ina Lole Keokeo holookoa.  ua hiki ia makou ke kuai ia oe me ka makepono loa, i keia manawa wale no.

          Na Lole Halua Keokeo papamu kahakaha loloa, puu a pela aku, ma ka 6 a 7 I-a no ke dala.  ua kuai ia mamua no ka 20 a 25 keneka o ka I-a, pau keia, e makemake ana i mamalu no ua la ala.  i mea hoi e uale aku ai i ka wela o ka la, ua hiki ia makou ke kuai aku ina Manu lu me na lau nani no ka 1.00 he makepono maoli.  E makemake ana paoa oe i mau mikinilima nou, eia hou ua kuai hoo@@@ho, na Mikinilima o na waihooluu ano hou loa no ka 1.00 o ka @@a, o keia no ka makou i kuai ai mamua no ke 1.50.

          E makemake ana oe i @@@@ Ribine, eia maloko o ko’u Halekuai nei, na ano wai hooluu o na ano a pau malalo iho o ka la, nolaila, e loaa ana no kou makemake.

          He oiaio ke kuai hoopoho nei makou ina waiwai pili ina kane.

Na  Palule ano hou o na Kane me na lei a-1 oia ano hookahi no.  mai ka helu 14 ½ aku o ka a-1 a hiki i ka helu 18 no ka 1.00.

          Alaila, ko na Kamalii Kane hoi, e kuai hoopoho ia aku ana na Papale Raiki Keokeo a ano e ae pha no ka 50 cts, ua like ka maikai o keia me ka papale 1.00 au e kuai ai ma kekahi halekuai e @@@.  K@hele mai e nana i ka makou mau waiwai, a e ike no auanei oe iu kumukuai oluolu loa.

 

----: N.  S.  SACHS:----

may@-5      705 tfd.       104 Alanui Papu.  Honolulu