Ka Leo o ka Lahui, Volume II, Number 708, 18 Mei 1893 — Hookohuia o Komisina Blount ma ko Stevens wahi. I KUHINA NOHO MA HAWAII. [ARTICLE]
Hookohuia o Komisina Blount ma ko Stevens wahi.
I KUHINA NOHO MA HAWAII.
WAKINEKONA MAY 0. Ua hooia mai na Luna Aupuni o ka oihana Kuhina Nui i keia po, ina olelo i wanana ia mamua aku nei e hookohuia ana o Mr. Blount i Kuhina Noho ma Hawaii, mamua ua manaoia e noho ana o Mr. Stevens e malama i ka oihana a hiki i ka la 24 o keia mahina, oia hoi ka manawa ana i hoolaha ae ai e holo mai no Kapālakiko, aka ua ike ia i keia manawa, ua ao ia aku o Stevens e hoihoi koke aku ina pono a pau o ka oii£na ia Komisina Blount ka mea i hookohuia aku i hope nona. He mau kumu kekahi e manao ia aku ai, aole e ae ia o Stevens e noho e malama i oihana a hiki i ka la 24 o Mei, mamuli o kona hooikaika mahope o ka hoohui-aina.