Ka Leo o ka Lahui, Volume II, Number 707, 17 Mei 1893 — Page 4
| This text was transcribed by: | Patricia Ravarra |
| This work is dedicated to: | 'AHAmele |
KA LEO O KA LAHUI.
"E Mau ke Ea o ka Aina i ka Pono."
KA LEO
JOHN E. BUSH,
honolulu mei 17, 1893
KA MOOLELO
––O––
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.
Hao mai ana ka mai o Olepau o ka pehu, o ka hele ia a hoomanana i ua mea he pehu, pane mai o Olepau i na wahine, eia no nei mai o’u la he pehu, aohe mai wahi ana wahine hoole no laua nei, ma ke mele penei,
Aohe e make kuu alii ia oe
Ke hoole mai ne akua wahine oia nei
Na wahine i ke komohana
I ka paepae i ka puka
I ka nio o Kaneikapuahakea
Akua oia nei, e hoole mai ana
Aohe e make
Ma ia hoole ana no a laua nei, helelei no keia mai o Olepau, iliki hou aku no o Hiiakaikapolipele i ua mai o Olepau ma ke mel@.
Ua make ia he a-a ma ko Kahiki-nui
He paiea ko Molokini
Ua kuikui papa o Maui
No Molokai ka poe aloha
Kaa kumakena o Lanai––e
Aia i ka kualima ua make ia
Ke i mai nei Haumea
He-o ka mai la a puni
Ua make ia––e
Iliki aku ana nei mai o Olepau, he @ o ka hele ia o Olepau a aneane make, hele kahi hanu a ka pu ai E! make paha wau wahi a Olepau hoole no ua mau wahine nei aohe mai.
Aohe e make kuu alii ia oe
Ke hoole nei na ’kua kane
Oia nei o Kane ma
Laua o Kanaloa
Kaekae maliu ka lani
Ke akua iki, ke akua nui
Ke akua loa, ke akua poko
Ke kini o ke akua, ka lehu o ke akua
Ka mano o ke akua
Ke kookooha o ke akua
Akua oia nei, e hoole mai ana
Aohe e make
Helelei no keia mai oia nei, o keia poe akua a Waihinalo ma e hahai nei.
Aole i pau.
E E alawa ae e na makamaka i ka hoolaha a Painapa, mala@la e loaa ai na kinohinohi o ke Kau la wela, mamua o na Halekuai e a@ o keia Paaaina. Ke hooia mai nei ka poe i kipa aku e ike i kana mau mea kuai, he nani maoli no, a he emi na kumukuai. Nolaila, e nan@ ae i ikemaka.
He halawai kuikawa ka Ka Hui Hooulu Lahui e malamaia ana i keia auina la Poalua hora 3 p.m., ma Honuakaha, no ka noonoo ana i kekahi kumuhana ano nui e waiho ia mai ana. Nolaila, ua makemake ia na hoa a pau e hiki kino ae ma keia halawai.
Ma ke Kauoha.
E E hoomakaukau e na makamaka, i na mohai o ke aloha, no ka liuliu ana i mau kahiko nani no ka La Hanau o ka Na’i Aupuni, nolaila, e pono i na makamaka ke makaala ae i na Wehi o ke kino, ma ka Halekuai Emi Loa o N. S. Sachs, ma ke Alanui Papu.
E E hoomanao e na hoaloha, i na Kakini Eleele Daimana ano hou loa, i loaa ole kona lua ma kekahi mau Halekuai e ae o keia kulanakauhale. Nolaila, e hoonaue ae i ka Heiau o na Paikini, kahi i wae mua loa ia ai no ko oukou mau anoi.
E Ke kauoha ia aku nei na Luna Lawe Pepa a pau o ka nupepa “Ka Oiaio” e hoihoi mai i na helu o koe oia pepa, a oukou e paa ala, ina he mau helu koe; oiai hoi, ua makemake ia ka Helu 48 o Aperila 21. E hoouna pololei mai ma ka inoa o ka nupepa. E hoolohe i keia leo kahea.
Ma ke Kauoha.
E Mai haohao e na makamaka ke loaa ole aku ka oukou pepa; e hoopaa ana makou i ka pepa o na inoa i hookaa ole mai i ka uku pule a mahina o ka kakou wahaolelo ma ka aoao o ka Lahui. E eleu mai i ka hookaa ana i ike pono ai i na mea hou o ka aina aloha iloko o ka noho na kupilikii o keia mau la
Ma ke Kauoha.
HE MAU NANEHAI NO KA NAAUAO.
Imua o na opio o e au o Liliuokalani.
Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waho ai ka honua nei?
Nanehai 5. Heaha la ka mea e moe ai (upoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ole uhane o ke ao maluna ma ka Lani?
[Ma ka loaa pono o ka haina, e kapaeia ai kekahi Nanehai, mai ka hoolaha mau ana.]
HEIAU O NA PAIKINI!
Kiho o Alanui Papu me Hotele.
Hoolaha Kuikawa!
No Ka Pomaikai o ka Lehulehu.
Ua loaa mai nei Ia’u mailoko mai o na Hale hana Kakini o Europa
Mai kekahi heluna nui hewahewa o na
Kakini Eleele Daimana.
Hoolaha! Hoolaha!!
He Kuai Kuikawa Ka’u e kuai aku ai i na KAKINI no
Ka Manawa Wale no ma na Kumukuai Haahaa
Loa i ike mua ole ia ma keia Kulanakauhale kona lua me ke Emi Loa.
Na Kakini Silika o na Wahine, na Kane
a me na
Kamalii.
Na Kakini Hapa Silika a me na Kakini o na Ano e ae he Lehulehu Wale.
Mai hoohala oukou i ke kipa ana mai e ike i keia kuai hoemi nui, ke hooia aku nei Au o na Kumukuai a pau i kau ia maluna o keia mau Kakini, na emi loa iho ia mamua o na Halekuai e ae o keia Kulanakauhale.
S. ERLICH,
Kihi o Alanui Papu me Hotele.
may6
HOOLAHA HOU.
E na Makamaka Aloha –––
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
Oiai oukou e hele ana ma na alanui o ke Kaona, mai hoopoina i Ke Kipa ae
MA KA HALE KUAI ALAKAI O
B. F. Ehlers & Co.–– painapa .
HELU 99 Alanui Papu.
ILAILA WALE NO E LOAA AINA ANO HOU O KE KAU
Oia hoi na HALUA.
KAKIMIA LAU,
KAKIMIA ELEELE.
Na Lole Puo Ano Hou Loa.
Na Pale Puka Aniani ano hou loa i ike ole ia ma ke Kaona nei i na wa
I hala aku nei.
Kuka Koloka o na Wahine me na Kamalii
He nui wale aku na mea i koe, e kipa nui mai oukou i pau ke kuhihewa,
A na oukou hoi ia e akena aku i ka nani oia mau mea.
A KE MANAO NEI NO HOI MAKOU, AOLE NO E NELE KO OUKOU HELE MAI.
He nani anei keia aole i kanamai he mea hoi na oukou e poina ole ai
I KA INOA O PAINAPA, ME KA OIAIO.
Owau iho no.
705. tf-dly B. F. EHLERS & CO
E Hoomakaukau no ka la 11 o Iune
E Hiki Mai Ana.
E Makemake Ana Oe i Papale hou a me ona Lole hou?
––––ma kahi––––
–––o
N. S. SACHS,
104 Alanui Papu, Honolulu.
O keia ka Halekuai e kuai ai oe i kau mau mea kuai no ia la.
He Mau Waiwai Hou Loa.
Me na Kumukuai Haahaa Loa.
He mau Papale ano hou loa no ka la Heihei i kinohinohi a kau ka @ he la makani. Na Papale Keokeo maikai loa, i hanaia a paa ma na lipine keokeo a kala e ae no ka 2.50 a pii aku iluna.
Na Papale i hana ia a maikai loa, i hoonaniia me na Pua, Ripine a me na Lihilihi a Hulu paha, ma na kumukuai kuikawa no keia mau la wale no.
Ina oe e hele ana i ka heihei, e makemake ana oe i Lole Keokeo maikai @, nolaila, he kuai kuikawa ka makou nou no keia manawa wale no.
E loaa no na Lole Lihilihi no ka 3.50 he kuai kuikawa no keia, ina oe e makemake ana ina Lole Keokeo, holookoa, ua hiki ia makou ke kuai ia oe me ka makepono loa, i keia manawa wale no.
Na Lolo Halua Keokeo papamu, kahakaha loloa, puu a pela aku, ma ka 6 a 7 I-a no ke dala, ua kuai ia mamua no ka 20 a 25 keneka o ka I-a, pau keia, e makemake ana i mamalu no ua la ala, i mea hoi e pale aku ai i ka wela o ka la, ua hiki ia makou kekuai aku ina Mamalu me na lau nani no ka @00 he makepono maoli. E makemake ana paha oe i mau mikinilima nou, eia hou na kuai hoopoho, na Mikinilima o na waihooluu ano hou loa no ka 1.00 o ka pa@, o keia no ka makou i kuai ai mamua no ke 1.50.
E makemake ana oe i mau Ribine, eia maloko o ko’u Halekuai nei, na ano wai hooluu o na ano a pau malalo iho o ka la, nolaila, e loaa ana no kou makemake.
He oiaio ke kuai hoopoho nei makou ina waiwai pili ina kane.
Na Palule ano hou o na Kane me na lei a@ oia ano hookahi no, mai ka helu 14-1/2 aku o ka a-i a hiki i ka helu 18 no ka 1.00.
Alaila, ko na Kamalii Kane hoi, e kuai hoopoho ia aku ana na Papale Raiki Keokeo a ano e ae paha no ka 50 cts, na like ka maikai o keia me ka papale 1.00 au e kuai ai ma kekahi hale kuai e @u. E hele mai e nana i ka makou maa waiwai, a e ike no auanei oe iu kukukuai oluolu loa.
–––:N. S. SACHS:–––
may 15 705 @d. 104 Alanui Papu, Honolulu.