Ka Leo o ka Lahui, Volume II, Number 705, 15 May 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.                       HONOLULU MEI 15, 1893                          Helu 705

 

HE NANEA KAMAHAO

 

- NO -

 

MAIKA

 

KE KEIKI

 

Hana Ilikini a Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI A O KA WELI HOI O NA ILI KEOKEO - A ME KA LUKU IA ANA O KELA HUI KEAKA A LI.

 

Hoohauoli ia ka puuwai o na poe o Kaleponi i ka loaa o ka hui pepehi kanaka o Conegokena ma Pepehi mainoino ia na ili keokeo.  He $25,000,000, ka uku makana ke loaa o Maika.  Kau hou ka weli i ko Kaleponi poe no ka eueu hapa Ilikini.  20 kae ia Maika 1.  Aole oia he kanaka, he akua.  Lele !  ka pali kiekie me ka lio.  He noho paipai ka hokua o ka lio ahiu no Maika.  Hui o Maika me na Ilikini iloko o kekahi a-na nui.  Mare hou o Maika.  Lilo oia i moi.  Hui ka makua me ke keiki.  Ka luku ia ana o ka Hui Keaka a Li. ka loaa ana o kekahi keiki Hawaii oiaio opio ia Maika, ka ili poo o na ili keokeo ka mea e pii ai o kou kulana a me ka hopena o keia moolelo.  Good-bye.

 

            E ike mua au ia ae he kaikamahine, i na la ua hiu a wela ia oe e a'u i ke kake o Lehua. a aia la mahea kona hale i kahea mai nei ia'u iaia nei nae i hiki aku ai ma kahi e noho mai ana o ua nohea nei, ua kaa e aku la no i ua Hapa Ilikini nei ka mahaoi e ana ma ke kamailio ana aku.

            He kamaaina okoa no hoi ko'u i hele pu mai nei, eia mai nei ka hoi o oe ko'u kamaaina.

            Auwe!  O kou hoohewahewa koke iho la no ka ia ia'u, ko'u hoa i aloalo pu mai nei iloko o na ululaau o keia mau pae mauna mai nei.

            A eia aku nei mahea ka lio o kaua i kau pu mai nei?

            Ua hookuu ia aku nei no hoi paha e a'u e ai weuweu.

            O ka mea kupanaha loa aku ia ia'u no ka a ku ilalo o ka honua o kou nalowale honua iho la no ka hoi ia me ka lio.

            O ke ano mau iho la no ia oia lio, nolaila, e komo ae paha kaua e ai ai a hewa ka waha, hookahi no uku o ka leo.

            Mahea anei au e komo aku ai. wahi a ua Hapa Ilikini nei me ka niha pahaohao, no ka mea; ke ike nei oia aole he hale o ia wahi a laua nei e hui pu nei me ke kaikamahine.

            Aole i pau pono ka ia nei kamaiho ana. oia no ka wa a ua kaika. mahine nei i pio ae ai, a me he hekili la ka ia nei mea i lohe aku i ke kapalulu, aia hoi, i alawa iho ko ia nei hana i ka pohaku nui huina ha e niniu ae ana, o ka mea kupanaha loa aku ia i ka ia nei hoomaopopo iho, aole he mea ana e oke nei, e hoouai ana hoi i na pohaku nei, o ka niniu wale iho no, a liuliu ka ia nei ike ana aku i ka niniu ana o ua pohaku nei, ua hoopuiwa loa ia keia, i ko ia nei ike ana aku i ka pii ana mai o kekahi aoao o ua pohaku nei a ku pololei, ia wa i ike aku ai ua eueu nei a kaua i kekahi wahi puka uuku ano huina-ha malalo pono o ua pohaku nei. e kupono ai no kekahi kino kanaka e komo ai. no ka mea; o ka laula o keia wahi puka he hookahi no kapuai me ka hapa. a o kona loa he elua kapuai me umi iniha. iaia nei e kilohi ana i keia mau mea kupanaha ana e ike nei, oia no ka wa a au kaikamahine opio nei i pane aku ai i ka kaua mau Hapa Ilikini.

            Auhea oe e kuu malihini a'u i lawe mai nei e hoomakaikai i kuu home nei mamua o kou komo pu ana me a'u iloko o kuu home. eia au ke noi nei ia oe e hoohiki mai oe imua o kuu alo, a me ka Mea Mana Loa,

 

                        Aole i pau.

 

KAUKA

Yong Kam Pung

            [APANA.]

Helu 81 Alanui Maunakea.

 

KAUKA LOEA O KAAINA PUA

 

            Ua hiki ke hoola ia, kela a me keia ano ma'i. mai ko na kane. wahine a me ko na keiki liilii.  O na mai ha@no a meina ma'i e pili ana i ka maka. pau pu ia i ke ola.  O na ma'i koko inoino a me ka hooulu hou aoa i na wahi poino o ka puui wai a me ke kino, e hoola ia no me ka maalahi.  Pela me na ma'i hu'i koko maloo, ua hiki ke hoola ia me ke oki ole.  Ke hoike ia aku nei eia ke ola ianei me ka oluolu pu o ka hi auhau.

            E KIPA mai e ka poe hooluuluuia me na haawina pilihua ka ma'i. a na'u oukou e hooluolu uku,

            KAUKA YONG KAM PUNG.

            mar.29 - 2monsd

 

HE MOOLELO KAILI. PUUWAI

 

- NO -

 

MATIFIRA

 

Ka Hookolo Meheu Lua Ole

 

- KA -

 

Olali o na Alahele Hoopaha'oha'o

 

- KA -

 

Punawai Kupua o Alemoni

 

- KA -

 

Huewai Ili Batenisa.

 

A ME KA

 

Lunahine Maka Kupua.

 

He Moolelo Kupua no Arabia.

 

(Kaauia no Ka Leo.)

 

            Huli ae la oia a pane ae la ina kaikamahine.  ihea olua e lawe nei ia'u?

            Pane mai la ke kaikamahine mamua. noho malie oe. aole au kuleana ninau o kiloi ia oe e maua iloko o keia luaahi.

            E hoomanao pu kaua e ka mea heluhelu, eia no lakou iluna o ka waa e holo nei. a ke holo nei ua waa ala maluna o ka ula o ke ahi.  Nani ke kupanaha o keia ano waa.

            O ke kaikamahine hoi e hoe ana mahope, kihele aku la oia i kona wawae i ke kua o Matifira me ka pane leo ole, a i ko Matifira huli ana mai i hope, ua hamau aku la ua kaikamahine la me ka pa'ipa'i ana ae i kona lima ma kona waha me he mea la e olelo aku ana.

 

"Hamau kaua e ke hoa

He makani iho kena he Ulumano."

 

            Maanei, e ike kaua no keia mau kaikamahine, hookahi o laua he huhu.

            O kahi mea nae i nani loa ai, oia no ka noho ana o ke kaikamahine huhu mamua o ka waa, ina paha oia mahope, ina ua make mua o Matifira la.

            Hoomau aku ia no laua nei i ka lele ana a hala ae la ka luahi pele o Ziro, hoea aku la laua nei maluna o "Muliwa Omaomao."

            Huli hou mai la no ua kaikamahine la mamaa a pane mai la i kona kokoolua pehea kaua ia ianei e kuu hoa?

            Oiai, aolo e liki @@ hora ke hoole i ka olelo kanoho a ko kava haku no ka mea, mala e ili mai kona koko maluna o kaua.

            Pane aku la no ke kaikamahine mahope, kahaha, e make hoi ke kanaka ia nei i keaha, ho aku kana imua. mai hana kana pela, e lawe no kaua a hiki imua o ke ahi a kaua, a aia no iaia ko ianei make a me ka ole.

            Pane mai la na kaikamahine la mamua, ina pela kau hana, alaila, e haalele ana no au ia oe, a e hoi ana no au imua o ko'u haku, oiai, aole o'u makemake e poino ma'uwale au mahope o kau mau hana lapuwale.

            I keia mau olelo hope, papai aku la ke kaikamahine mahope ia Matifira me ka pane ana aku i keia mau huaolelo penei:

            Auhea oe, maanei la kaawale oe a kaawale maua, he mea oiaio ua aloha au ia oe, aole hoi e hihi ua oi ae no hoi ka huhu o kuu kaikuaana ia oe mamua o ka mea kupono.

            Nolaila, e hoolei ana au ia oe iloko o keia muliwai, he muliwai make keia, he muliwai hoi e hiki ole ai i ka mana o kekahi kupua ke hoopakele iaia iho mai loko ae o na unii ana o keia muliwai.

            Aka, ina no hoi he hiki ia oe ke hoopakele ia oe iho mai keia mau poino ae, alaila, o kou alanui e hole ae ai, ma keia kahiomau oe e hele ae ai, oia ka'u wahi makana ia oe e like me ko'u aloha ia oe.

            Pane aku la o Matifila i ua mau kaikamahine ia.  Kupanaha maoli olua, e kuhi ana au i ka olua kii ana ae nei ia'u he maikai e like la hoi me ka maikai o ka olua mau olelo, eia ka aole, i lawe mai nei ka olua ia'u e make au maloko o keia lokowai make, heaha la hoi, ua make hoi paha au ia olua. o keia make @a no nae o'u. aole ia he make maikai he make ana keia na ka poe hoohe wale, aole hoi e hihi, aole o'u makemake e hoopoino aku i ko olua mau ola kino, no ka mea. he mau wahine olua no ka aoao palupalu.

            Pane hou ae la ua Matifila ala no kona aho hopeloa a haule aku hoi no luna o kela moana wai uliuli e lana ae aua me konoa mau waihooluu weliweli o ka make pene'.

            Heuwai Ili Batenisa!  Huewai Ili Batenisa!!  E kokua mai ia'u.

            Huli ae la oia a pane aku la i ua mau kaikamahine la, ahea oluahoolei mai ia'u, eia ua makaukau.

            Ia wa koke no ua kula'i ia mai la ua Matifila la a haule aku la iloko o ke kai a nalowale aku la me kona ea hou ole ana ae iluna o ka ili o ka wai.

            E hoomanao kaua e ka mea heluhelu, o ka wa no i haule aku ai o Matifiia iloko o ka wai, aia no ka Huewai Batenisa e hamama pono ae ana malalo pono ona, ua makukau hoi oia no ke ale ana aku i ka mea a kona naau i aloha ai. kona haku opio aloha ole hoi, a hookuli hoi i kana mau olelo kauoha i kauoha aku ai iaia me ka papa pu aku hoi.

            I ka wa no i haule aku ai, oia no kona wa i hamama ae ai a komo pololei iho la o Matifila iloko ona, a upiki ae la oia a paa iho la o Matifira iloko o ua wahi oinole ili la a ke aloha hoomanawanui.

 

HUIALAHAO A ME AINA O OAHU.

 

Papa Manawa

 

Mai a Mahope o Okatoba 1, 1892

 

NA KAA

 

                                    A.M     .A.       P. M.   P. M.

Haalele ia Honolulu    6:15     8:45     1:45     4:35

Hoaa i Honouliuli        7:20*   9:57     2:57     5:35

Haalele ia "                  7:30*   10:13   3:45     5:42

Hoea i Honolulu          8:35*   11:55   4:55     8:50+

NO KULANAKAUHALE MOMI IHO.

 

Haalele ia Honolulu                            5:10#   P.M.

Hiki i Kulanakauhale Momi               5:48#

Haalele ia   "            "                       6:55*   A.M.

 

            +Poaono wale no

            *Koe ka Lapule

            @Koe ka Poaono.

                        Sept. 28           tf-dly.

 

HOOLAHA AINA.

           

            E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau. Mokupuni o Hawaii.  O ka mea a mau mea i kuai a hoolimalima paha i heia wau aina, aole i mana ia hana ana, ina he mea a mau mea pha e hoike koke mai ia'u, a i ole e kipaku no au ia lakou.

                                    S. K. KILA OPIO.

            Honolulu, Feb 17 1893.

            4ts-wkly.

 

Elia Kaululaau.

Kauka Hana Niho.

 

            Ua hiki ke huki ma Niho me kaeha ole iloko o ka manawa pokoleloa.  He loea me ka noeau ma ka Hoopiha ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

            He Mikioi ka Holoi ana ina Nihe.  He pa'anehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

            O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Kauki Haua Niho; mai ka Papa, Kauka Hana Niho mai o ke Aupuni Hawaii, mamuli e ka ike aha e na Hoa o na Papa Ola i kona akamai maoli ma keia Oihana ano nui.

            E ikeia kakou Hoa Kanaka o lipa hewa ke aloha ia lakou nei ae.

            Keena Hana maluna ae o ka Hale Hana Pu i ke kihi o Aianui Moa me Betela Puka komo e pii ai iluna o ke Keena ma Al Moi

            mar.0 - tfd