Ka Leo o ka Lahui, Volume II, Number 704, 12 May 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

--

JOHN E. BUSH,

--

HONOLULU MEI 12, 1893

--

KA MOOLELO

-O-

HIIAKAIKAPOLI-

OPELE

--

I HOOPONOIA

--

MAI KA POE KAHIKO MAI A

ME KA POE I HOOPAA I NA

MOOLELO A ME NA

KAAO KAHIKO O

HAWAII NEI.

--

            E hoala ae paha wau, i aku o Lohiau, ala mai no o Olepau ia oe ke hoala aku, ae mai o Hiiakaikapoliopele, ae e ala mai no, hoala ia hoi ha wahi a Lohiau, hoala keia ma ke mele penei.

E ala e, e ala, e ala e Mahianu

E ala e Mahialani

E ala e ka maile hihi

I o akua nei la e ala e

            A pau ka ia nei o li ana aku alaila, lohe o Olepau i keia leo, a hoala aku ana iaia ma ke mele,, alaila, pane mai o Olepau, ke ala aku nei no aole i moe, aohe hoi e hihi ua alai ia mak nei e oukou wahine o Hiiakaikapoliopele paha oe, o ke kaikaina o Pele, alaila, lalau ae i ka puaa, a hahau aku imua o na akua o kakou.

            Pane iho na wahine ana.  Ka! o Hiiakaikapoliopele keia wahine ino e ku mai nei la, maka mai, luahine a inoino loa no, ua lohe paha kakou ia Hiiakaikapoliopele he wahine maikai, puka mai ka la, puka ka wahine maikai o Hiiakaikapoliopele, o ku ula o ka hua o Kaula, o ka ili o Hiiakaikapoliopele ua like moe iho moe no o Olepau.

            O ke kumu o keia olelo ino a ua mau wahine nei a Kaweloikaiehulehu laua o Waihinalo, no ka ike o laua nei i ka wahine maikai o Hiiakaikapoliopele, manao laua nei o lilo ke kane a laua nei iaia nei, oia ke kumu o ko laua nei hoinoino ana aku ia lakou nei, a o ke kahea ole ia i iho keia ike kane me ke aikane ua hele ka paha o Olepau, e kahea ae paha au e komo kakou maloko ala wale no paha ia ia oe, ia lakou nei e ku'ana, i ke mai ia ia nei, kulu iho la kona waimaka, no ke aloha i ke kaikaina ia Hiiakaikapoliopele, aohe hoi e, hiki iaia nei ke kahea aku, noho no keia, uwe i ke kaikaina, ia manawa ko ia nei oli aku la no ia ma ke mele penei Liuliu aloha @

O Kohalalele kanahele

Mauka o Kapapala komo-e-komo

E komo aku au maloko

Mai hoohewahewa ia'u

Owau ia, owau, owau no--e

 

            A pau ia mele aia nei, alaila, pane mai o Kaweloikaiehuehu ma laua o Waihinalo, pono no ke kahea ana mai, he pilipili kanaka, he hanauna, kahea mai e komo, kuno lakou nei a o ke kahea ole ia mai, alaila, kahea aku o Hiiakaikapoliopele ia Kaweloikaiehuehu.

 

O Kaweloikaiehuehu

Makani aku o Kaipuula

O-hee aku o Makawelo

Huki kolo aku o Kahului

Kaa lau ohua aku

O Kaipuula--la

 

            A pau ia mele aia nei, pane mai o Kaweloikaiehuehu, pono no kou kahea ana mai ia'u, o oe ku'u kaikaina, owau kou kaikuana, kahea mai oe i ko'u inoa, i ae o Olepau e moe nei e, alia olua, o Hiiakaikapoliopele paha keia e kahea mai nei o ke alai mai o laua, aole paha ia wahi a na wahine, moe iho oe, moe no o Olepau, ku no lakou nei mawaho, a o ke kahea ole ia mai o lakou nei, nana aku o Hiiakaikapoliopele, o ka noho mai o Kapomailele, e uwe ana ia lakou nei i ke ku mawaho, nana iho keia i ke kane me ke aikane, ua hele a lewa i ka make a ka ai ole, hai aku keia ia Kapomailele, he mau malihini ka ia nei, ma ke mele penei.

O oe ia e Wailuaiki

E Kalauli pali a uli

Ua hele ia e Liawahine

E ka wahine kahea pali

Kui lei pua o Hoakalei e

E lei au, e lei hoi au

I na hala i pala, i loli

I Hanakahi

Ua make eleele wale i ke anu

Ua ahai ia e ke Kinau

I o Mahamoku e i Waioli

O kuu makani lawalawakua

Kupuni kapa o Wailuaiki

Honi ala pua Kaiaulu

Kahea ka luna o Kanmae

He malihini ka'u no lalo e

E uwe kaua e

 

--

HE MAU NANEHAI NO KA

NAAUAO.

--

            Imua o na opio o e au o Liliuokalanai.

            Nanehai 3.  I na paha e kapaeia na Kanawai mau o ka Poai Lani o ke ao holookoa; alaila ihea la e waho ai ka honua nei?

            Nanehai 5.  Heaha la ka mea e moe ai (unoi ai) na maka i ka wa e pule ai?

            Nanehai 6.  O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

--

 

HEIAU O NA PAIKINI!

--

Kihi o Alanui Papu me Hotele.

Hoolaha Kuikawa!

No Ka Pomaikai o ka Lehulehu.

--

Ua loaa mai Ia'u mailoko mai o na Hale hana Kakini o Europa

Mai kekahi heluna nui hewahewa o na

Kakini Eleele Daimana.

Hoolaha!  Hoolaha!!

He Kuai Kuikawa Ka'u e kuai aku ai i na KAKINI no

Ka Manawa Wale no ma na Kumukuai Haahaa

 

Loa i ike mua ole ia ma keia Kulana-

kauhale kona lua ma ke

Emi Loa.

Na Kakini Silika o na Wahine, na Kane

A ME NA

Kamalii.

Na Kakini Hapa Silika a me na

Kakini o na Ano e ae he Lehu-

lehu Wale.

Mai hoohala oukou i ke kipa ana mai e ike ikeia kuai lioemi nui

 ke hooia aku nei Au o na Kumukuai a pau i kau ia maluna

o keia mau kakini, na emi @ia iho ia mamua o na

Halekuai e ae o keia Kulanakauhale.

 

S. ERLICH,

Kihi o Alanui Papu me Hotele.

@ay@

--

HE KUAI HOOKELAKELA NUI!

--

 

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co--PAINAIA.

HELU 99 Alanui Papu.

--

Oili Pulelo PAINAPA e kela i Kaupoku o

hanalei; aka i hewa no nae i ka lele

mua i ka hooulu i ka la ino.

--

            Oiai he manawa ilihune keia, no ka aina nei, no ka mea ke @awalo mai nei a leo pilikia o ka lehulehu mai o a o, a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku no au ma ia hana maikai, no ka mea

He Kawa ia Na'u i Lele a Opu.

            He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no koi e hook@ia ai kela olelo kaulana a kahiko

Ohi Hapuku ka I'a o Kapaau.

            Eia ma Ko'u Halekuai nei na Perale Kamalii o na ano a pau, na Lako Lole na Hapuu a oukou o na paikini a pau, mai ke nui a ka ukulele, na Lako Lole o n Lede a me na Keonimana o ke ano hou loa i ike mea ole ia ma Hawaii nei, na M  malu o na waihoolulu a pau, a pela aku, a pela aku

 Kuai ia aku ana no ke Kumupaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku.  Na ka oioi mua me ka loaa, oloolo aku no ihope, nela.

                                    B. F. EHLERS & CO

            575. tf-dly.

--

Kuai Kuikawa no na Lede!

 

O ka la wela o ka Makalii, ke kono mai nei ia i mau lole lahilahi loa, na

            Lole Keokeo a me na Lole hiki ke holoi ia.

                        Ua loaa mai nei he heluna mai o na ano hou loa

--MA KAHI--

-O

N. S. SACHS,

104 Alanui Papu, Honolulu.

 

A e kuai ia aku aka ma na Kumukuai i Hoemiia iho.

Na Lole Keokeo Papamu a Kahakaha loloa 7 1-a no ka $1.00.  O keia mau Waiwai mamua he 20c keneta o ka I-a.

Na Lole Keokeo Papamu a me ke kahakaha loloa 6 I-a i ke Dala he 25c Keneeta o ka I-a mamua.  O keia mau waiwai he emi loa na kumukuai, a ka poe a

            pau i kuai ai i mau Holoku Keokeo, e hele mua mai maanei e nana

                        ai i keia kuai hoopoho nui.

 

Na Lole Kinamu o ke Ano ou Loa.

            7 I-a no ka $1.00 mamua he 20 kanaka o ka i a.

Na Sakinia Farani @ na Pua a me na Lau@ani loa, he $ o ka I-a.

Na lole ano Silika Pake o ke ano hou loa o na waihooluu paa loa, " " "

Na lole Hapalilina Lahilahi, me na Pua nani, 1 i-a ka laula no 6 i-a i ka $1.00

            a me na lole lahilahi o na ano he uni wale, a pela a @u.

Lihilihi Lole a me na Lihilihi Lopi me na Kumukuai haahaa loa.

Na Lihilihi Pake Pukuaniani o na Paik@a hou loa no ka 25c o ka i-a.

Na Papale hou o keia Kau Makalii no na Wahine a me na Kaikamahine o na Paikini Hope I a mai nei.

Na Papale Keokeo i hanaia a pau ma na kumukuai oluolu loa

Na Pua Papale hou, liulu hou, Ribine hou.

Na heluna nui o na Papale Raiki o na Kamaliikane a me ko na kane ma ke kumukuai hoopono, o ka makou mau papale Raiki no ke @, ua have ia me na

            Pa ale $ o na Halekuai e ae.

E Hele Mai e Ike Pono no Oukou Iho.

--:N. S. SACHS:--

may1 @t@d.  104 Alanui Papu, Honolulu