Ka Leo o ka Lahui, Volume II, Number 702, 10 May 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

E Mau ke Ea o ka Aina i ka Pono.”

 

Buke II.           HONOLULU MEI 10, 1893.             Helu 702

 

HE NANEA KAMAHAO

NO

MAIKA

KE KEIKI

Hapa Ilikini a Hawaii hoi.

KE KANAKA MUA LOA NANA I PANA KE AKUA BEA A NA ILIKINI I MAKA’U LOA AI—A O KA WELI HOI O NA ILI KEOKEO—A ME KA LUKU IA ANA O KELA HUI KEAKA A LI.

Hoohauoli ia ka puuwai o na poe o Kaleponi i ka loaa o ka hui pepehi kanaka o Conegokena ma Pepehi mainoino ia na ili keokeo.  He $25,000,000, ka uku makana ke loaa o Maika.  Kau hou ka weli i ko Kaleponi poe no ka eueu hapa Ilikini.  20 kue ia Maika 1.  Aole oia he kanaka, he akua.  Lele i ka pali kiekie me ka lio.  He noho paipai ka hokua o ka lio ahiu no Maika.  Hui o Maika me na Ilikini iloko o kekahi a-na nui.  Mare hou o Maika.  Lilo oia i moi.  Hui ka makua me ke keiki.  Ka luku ia ana o ka Hui Keaka a Li, ka loaa ana o kekahi keiki Hawaii oiaio opio ia Maika, ka ili poo o na ili keokeo ka mea e pii ai o kou kulana a me ka hopena o keia moolelo.  Good-bye.

 

            Ua poho nae ia manaolana ana o ua hapa Ilikini nei, mamuli o ka hooi paumi ia ana aku o ka holo o ua lio nei i ko ka wa mua, i ko laua hiki ana aku ma ke kae o ua muliwai nei, oia no ka wa a ua lio nei i lele aku ai ma kekahi aoao o ka muliwai.

            Ua hoopuiwa loa ia ka mea hololio kamahao i kona wa i kulana mai ai i hope i ka wa a kona lio i hoomaka aku ai e lele ma kekahi aoao o ka muliwai, ma o ka hookui ana mai o kona poo me ko Maika poo, ua alawa ino ae la oia i hope no keia mea kamahao i kanono pono mai ai mahope o kona poo, me kona manao la ua paki ia mai oia i ka pohahu e kekahi mea lokoino.

            Ua hoopihoihoi loa ia kona puuwai i ka ona i huli ae ai i hope ma o kona ike ana i kekahi kino kanaka e pili mai ana mahope o kona kua a oia kaua i huli ae ai ihope a @ aku ia oia i ua @.

            @

            Kahaha, aole paha au i manao e kau ana a@ iluna o kou lio, no ka ka mea, i haule mai au mai luna mai o kekahi kumulaau eia nae hoi, kau e ana au iluna o kou lio, aole no hoi e hiki i ka oluolu a kou lunaikehaia ke kala mai ia’u ma o keia mahaoi ana mai nei o’u iluna o kou lio.

            He keu o a ke kanaka hoopunipuni, i na paha oe i haule mailuna iho o ka laau pehea oe i kau ai iluna o kuu lio.

            I haule iho no hoi au a o ka pololei ana o kuu lima a ma ka hoelo a malaila au kahi i pune ai, la oe hoi e kuupau ana i ka holo o kou lio, a hiki wale i ko’u hoomanawanui ana mai i ka pinana a kau pono mahope au.

            Aole anei e hiki ia oe ke hai pololei mai, lele mai no oe e kau mahope mai o’u.

            E kala mai oe ia’u no k@u hoopunipuni ana aku nei ia oe, oia i’o maoli no ka pololei, ua manao no au pela, e like ma kau mea i hai mai nei, wahi a ua Hapa Ilikini nei a kaua i hahai pololei aku ai imua o ke alo o ka mea hoopunipuni, a oia ka ua hololio kamahao nei i paue aku ai.

            I na paha o keia holo like ana mai neia a kaua a i loaa pono mai nei kaua i na kanaka o kuu makua kane o ko make no ia, a me au pu, laki loa nae i ko lakou hala e ana i ke kuahiwi.

            Heaha ka lakou hana o ka pii ana aku nei i ke kuahiwi?  wahi a Maika.

Aole i pau.

 

KAUKA

Yong Kam Pung

[APANA.]

Helu 81 Alanui Maunakea.

KAUKA LOEA O KA AINA PUA

            Ua hiki ke hoola ia kela a me keia ano ma’i, mai ke na kane, wahine a me ko na keiki liilii.  O na mai ha-no a me na ma’i e pili ana i ka maka, pau pu ia i ke ola.  O na ma’i koko inoino a me ka hooulu hou ana i na wahi poino o ka puui wai a me ke kino, e hoela ia no me ka maalahi.  Pela me na ma’i hu’i koko maloo, ua hiki ke hoola ia me ke oki ole.  Ke hoike ia aku nei eia ke ola ianei me ka oluolu pu o ka hi auhau.

            E KIPA mai o ka poe @

KAUKA YONG KAM PUNG,

@

 

HE MOOLELO KAILI PUUWAI

NO

MATIFIRA

Ka Hookolo Meheu Lua Ole

KA

Olali o na Alahele Hoopaha’oha’o

KA

Punawai Kupua o Alemoni

KA

Huewai Iii Batenisa.

A ME KA

Luahine Maka Kupua.

He Moolelo Kupua no Arabia.

(Ka@ia no Ka Leo.)

            Mahope iho o ka laua mau kukai kamailio ana, ua hoike piha aku la ua wahi omole ili nei ina mea a pau e pili ana no ua Debolo ala, e laa kona mana, kona ikaika.  a me ka mea ole nana oia e hoohaule pio.

            I ka hope loa o na kukai olelo a ua wahi omole nei, ua pane aku la oia i ka opio, mai hele nae kaua ilaila, no ka mea, oia wahi a kaua e hele aku ai, he alahele ia no ko kaua poino koke, a oiai hoi, he minamina au ia oe, oiai akahi no a omaka ae kou mau la i ke kanaka opio.

            I kela wa i pane aku ai ua keiki opio Matifira nei, aole au e pono ke noho mumule e like me keia a kaua e noho nei, oiai he aa loa au ina ano @ana a pau e pili ana no ka paio ana aku me kekahi mea, oiai he aa no ko’u naau.

            Pane aku la ua hu’e-wai ili ’la, e kuu haku, mai manao oe e like me ka opiopio o kou manao, pela e uilani ae ai kou naau no ke ake ana e loaa ona hoa paio, a oiai hoi, akahi no oe a omaka ae iloko o na la o ke kanaka makua, nolaila, aole au e ae aku ana i kou manao.

            Pane aku la ua Matifira ’la, o ko’u manao paa e hele kaua e ike maka au i kahi o kela Debolo, oiai ua hiaai loa ia au i kau mau olelo i hoike mai nei ia’u, o ka ike wale aku no la pau ae la no.

            I ka ike @ kahi @ ili i @ o ka manao @ pane aku @:

            Ina pela, e hoomanawanui oe iloko o na la he elima mai keia la aku alaila e hele no kaua.

            Na keia ma’i olelo i hoomaalili aku i ka manao uluku iloko o ua opio nei, a o kana wale no e kali ana me ka uluhua nui.  o ka hiki koke mai o ka la i makemake ia.

            Pau ae la hoi ko ia nei manao hoouiuhua i kona wahi hoa haiahaiolelo oia wahi mehameha, a noho aku la laua nei me ka oluolu.

            A hala na la he eha o ko laua nei noho ana, a o ka mea maa mau hoi i ua koa opio nei a kaua, o ka hele mau ma ka aekai i na kakahiaka nui a pau, i ka wa hoi a na kukuna alohilohi o ka la e pahola mai ai i kona nani oikelakela maluna o ka ili kai.

            O ka mea haohao mau nae a ua opio nei, ina wa a pau ana e hele ai ma ka ae-one, e loaa mau ana iaia kekahi pua oliva.

            A oia kana i nalu iho ai iloko iho ona penei, kahaha, aole hoi he pua e like me keia maluna o keia wahi mokupuni, eia nae ke ike nei au i keia pua.

            A puana hoiu ao la ua Matifira ’la, he pua keia akahi no a haule iho nei, ke makamaka nei no ka uhaki ia ana mai nei, he kanaka e ae no anei kekahi maluna o keia wahi mokupuni?  Ina he kanaka aia la oia i hea e noho nei?  Ina aia oia maluna o na pe’a o ko’u aina nei, ua

aa loa au e hele e huli a hiki i kona loaa ana ia’u.

            Aole he kanaka maluna o keia aina! wahi a kahi omole ili.

            Alaila, owai ka ke kupueu nana i kiloi iho nei i keia pua maanei nei? wahi a ka opio.

            He pua oliva kena na na manu o ke kai i lawe mai nei ia nei, wahi a ka omole ili.

            E hoomanao kaua e ka mea heluhelu, o neia mau olelo a kahi omole ili, he mau olelo oiaio ole ia, eia aku no, he mea okoa lea, he opua hiki kakahiaka, he ipo kakia iwi ka mea nana i lawe mai ia @ua, i mea hoowalewale i ka nani o ka mokupuni o ke kai.

            Na keia mau olelo pelo nae a kahi hu’e-wai ili i hoopau ae i ka manao hoohooi o na Matifira nei, a huli hoi aku la oia no kona home.

            I ka elima ae o ka la, i ke kakahiaka nui poeleele, ua ala ae la no ua Matifira ’la a iho aku la no kana wahi maa mau e hele ai i ka holoholo.

            Iaia i hiki aku ai aole oia i ike pua oliva ma kahi maa mau e loaa ai iaia, aka, hoomau aku la no oia i ka nana ana, aia hoi, lohe keliuliu aku la oia i kekahi leo himeni i panai pu ia me ka leo o kekahi mea kani @ ana i ke kumu o ka hana, i @ leo wawale o @.

 

HULALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

                                    A.M.    A.        P.M.    P.M.

Haalele ia Honolulu    6:15*   8:45     1:45     4:35

Hoea i Honouliuli        7:20*   9:57     2:57     5:35

Haalele ia        “          7:30*   10:13   3:45     5:42

Hoea i Honolulu          8:35*   11:55   4:55     6:50†

NO KULANAKAUHALE MOMI IHO.

Haalele ia Honolulu    5:10|| P.M.

Hiki i Kulanakauhale Momi    5:48||

Haalele ia        “          “          6:55* A. M.

† Poaono wale no

* Koe ka Lapule

|| Koe ka Poaono.

Sept. 28           tf-dly.

 

HOOLAHA AINA.

            E like auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a mau mea i kuai a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei, e hoike koke mai ia’u, a i ole e kipaku no au ia lakou.

S. K. KILA OPIO.

Honoulu, Feb 17 1893.

4ts—wkly.

 

Elia Kaululaau.

Kauka Hana Niho.

            Ua hiki ke huki ina Niho me ka eha ole iloko o ka manawa pokele loa.  He loea me ka noeau ma ka Hoopiha ana i ka niho me ke Gula Kala a mea e ae paha.  He akamai loa ole i ka Hana ana ina Niho Kui o na ano a pau.

            He Mikioi ka Holo@ana@ina Niho.  He palanehe kona mau lima ma Kana mau mea Hana Niho e na ano Hou loa i loaa mai nei.  He oluolu no ke kukai olelo ana no kona ukuhana.

            O ke kanaka Hawaii hookahi wale no keia mailoko ae o ka huina o 40,000 kanaka i loea ka Laikini Kauka Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

            E ikeia kakou Hoa Kanaka @ipa hewa kealoha ia lakou nei @

            Keena Hana maluna ae o ka H@ i ke kihi @