Ka Leo o ka Lahui, Volume II, Number 701, 9 Mei 1893 — Ko Makou Mahalo. [ARTICLE]

Ko Makou Mahalo.

He nui ko ;nakou mahalo i na wehewehe hoakaka manao ana a Ka Leo oka Lahui, e pili ana i ke poo manao i hoopukaia ae: "He Alakai Kuhihewa" O keia kekahi ona 'manao ī kupono i ka oīaio maoli, e pili ana i na hana a me ke ano o ka hoopono maoli o kekahi ano ohana haole, i like ole loa hoi me na ano haole o ka poai misionari (koe wale aku no hoi o Rev. L. Laiana). O keia no ko kakou kumu noho ana hoopilikia ia a hookomo mau ia iloko o na hookahuli aupuni mau a me na hoohaunaele ohumu kipikipi alunu mana.

Ua hunaia ko lakou nei mau ano ilio hihiu hae iloko o na koloka aahu hookamani o ke Ka ristiano, aka; ua liiki ole nae i ko lakou ano ino maoli ke pee mau iloko o inoa Karistiano; a o ka hopena, ua puka a maka mai la, ua olelo kuamuamu hoino hailiili, a Kakela me Bihopa a me Olnen. e olelo ana ia kakou ha poe Hawaii ponoi, a lakou a me ko lakou mau makua i ao m'ai ai i ka malamalama o Karisto. O keia mau ano 10 maoli no ke kumu mahele lua o na ano haole i hiki mai a noho pu me kakou. O na ano haole ohana mikinare nae kai oi aku o ke ano ino loa; no ka mea ua hcSle mai lakou no ke Kea o Karisto a ua haaleie lakou i ko Karisto ao ana e noho a e hana hoopono, a e aloha i na hipa o Hawaii, aka; ua ala ae nei lakou, a powa iho la no 1 na hipa a lakou i kauoha ia ai e hanai. Na Kekahi Poe Heluiielu.