Ka Leo o ka Lahui, Volume II, Number 698, 4 Mei 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

 

KA LEO.

 

JOHN E. BUSH,

 

HONOLULU  MEI 4, 1893

 

KA MOOLELO

 

O

 

HIIAKAIAKAPOLI-

 

OPELE

 

 

I HOOPONOPONOIA

 

 

MAI KA POE KAHIKO MAI A

 

ME KA POE I HOOPAA I NA

 

MOOLELO A ME NA

 

KAAO KAHIKO O

 

HAWAII NEI.

 

 

            Mamua aku paha kamaaina, a honua, alaila, mahope aku ka malihini, ua maikai ia mea imua o Peleula.

            Ko ia nei hele e aku la no ia a hiki i ua hale Kilu nei, noho o Peleula, ku no hoi o Wahineomao hele.

            Pane aku o Hiiakaikapoliopele, o hele no au a ma ka aoao mea kane, noho iho, wahi a Wahineomao.

            Ko ia nei hele aku la no ia, ia Wahineomao e hele ana, kani aku ke oli a Hiiakaikapoliopele, penei: Po Puna i ka uwahi kui maka le-

                                                                                    hua

Na wahine ki heihei, pa-i heihei o

                                                Uka

E noho ana ka papa lohi o Mau-

                                                kele

Haa hoi ka papa-e haa hoi ka papa

Ke kahuli nei-e

            A pau ia oli ana aia nei, a hele aku la o Wahineomao, puka aku la o Lohiau, pane aku o Hiiakaikapoliopele ia Lohiau:

            E! ke hele la, hele no a ma aka o ka ka oiwi wahine noho, ae mai no o Lohiau, ku kela a hele, @kani aku no ke oli a Hiiakaikapoliopele.

penei:

Mai Puna au-e, mai Puna

Ke haa la ka lau o ka lima e

O ke oho o ka niu. e leha ana i kai e

            A pau ia oli ana aia nei, komo no hoi o Lohiau iloko o ua hale nei, puka aku no hoi o Hiiakaikapoliopele, kani no ke oli aia nei penei:

Mai Puna au-e mai Puna au

Mai uka au o Wahinekapu

Mai poluea i ke ahi a Laka la

Mai Puna au-e.

            A pau ia oli ana aia nei, komo no hoi o Lohiau iloko o ua hale la me Wahineomao, a ma ko Waikiki ma aoao noho iho la laua nei.

            Komo aku la o Hiiakaikapoliopele a noho wale aku la no keia ma kahi e. o Peleula wale no ma kon aoao o ua hale Kilu nei, a no kona noho hookahi aohe koolua, a me kona manao kuko ia Lohiau no ke kanaka maikai.

            Hoouna ae la ia i kekahi kanaka ona ia Aala, e kii ia Lohiau i kokoolua nona.

Ia pane ana no o Peleula e kii ia Lohiau.

            Pane mai o Hiiakaikapoliopele ia Peleula, o kaua hoi ha malaila.

            Ia lohe ana o Peleula i keia olelo a Hiiakaikapoliopele, i iho o Peleula iloko iho ona:

            Ka! Oia ala ka! Aole hoi ia i kahea ia aku nei, pela o Peleula.

            Ia wa, pane mai ke kanaka o Peleula, aole oe, oia la aku.

            I mai o Hiiakaikapoliopele, aole pono oia, o huhu mai auanei ka mea kane, o ka pono ea, o kaua malaila, aohe a'u kane, kohu no kaua.

            Hele mai paha auanei kane a la mea kane, huhu mai ka wahine, ua maikai ia mea imua o Peleula.

            Ko Hiiakaikapoliopele ku ae la no ia hele a noho pume Peleula.

                                                                                                Aole i pau.

 

 

            Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou iini.

                                                                                    MA KE KAUOHA.

 

 

HE MAU NANEHAI NO KA NAAUAO.

 

            Imua o na opio o e au o Liliuokalani.

            Nanehai 3. I na paha e kapaeia na Eanawai mau o ka Poai Lahi o ke ao holookoa; alaila ihea la e waho ai ka honua nei?

            Nanehai 5. Heaha la ka mea e moe ai (upoi ai) na maka i ka wa e pule ai?

            Nanehai 6.  O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

 

Kuai Kuikawa no na Lede!

 

O ka la wela o ka Makalii, ke kono mai nei ia i mau lole lahilahi loa, na

            Lole Keokeo a me na Lole hiki ke holoi ia.

                        Ua loaa mai nei he heluna nui o na ano hou loa

 

 

MA KAHI

O

 

N. S. SACHS,

 

104 Alanui Papu, Honolulu.

 

A e kuai ia aku aka ma na Kumukuai i Hoemiia iho.

Na Lole Keokeo Papamu a Kahakaha loloa 7 la no ka $1.00. O keia mau Waiwai mamua he 20c keneta o ka I-a.

Na Lole Keokeo Papamu a me ke kahakaha loloa 6 I-a i ke Dala he 25c Keneta o ka I-a mamua. O keia mau waiwai he emi loa na kumukuai, a ka poe a ai i keia kuai hoopoho nui

 

Na Lole Kinamu o ke Ano ou Loa.

            7 I-a no ka $1.00 mamua he 20 kanaka o ka i-a.

Na Sakinia Farani eleele a me na Pua a me na Lau nani loa, he 25c o ka I-a.

Na lole ano Silika Pake o ke ano hou loa o na waihooluu paa loa, "  "  "

Na lole Hapalilina Lahilahi. me na Pua nani, 1 i-a ka lau@a no 6 i-a i ka $1.00

            a me na looia lahilahi o na ano he nui wale, a pela a @,

Lihilihi Lole a me na Lihilihi Lopi me na Kumukuai haahaa loa.

Na Lihilihi Paka Pukaaniani o na Paikini hou loa no ka 25c o ka i-a.

Na Papale hou o keia Kau Makalii no na Wahine a me na Kaikamahine o na Paikini Hope 1 a        mai nei.

Na Papale Keokeo i hanaiaa paa ma na kumukuai oluolu loa.

Na Pua Papale hou, Hulu hou, Ribine hou.

He heluna nui o na Papale Raiki o na Kamaliikane a me ko na kane ma ke kumukuai          hoopono, o ka makou mau papale Raiki no ke 50c, ua like ia me na

            Pa ale $1.00 o na Halakuai e ae.

                                    E hele Mai e Iko Pono no Oukou Ino.

 

----:N. S. SACHS:----

may1  395tfd.                                                                                                104 Alanui Papu, Honolulu,

 

HEIAU O NA PAIKINI!

 

Kihi o Alanui Papu me Hotele.

 

Wehe Aiwaiwa Ana o na Waiwai Hou Loa

 

 

Ua loaa mai nei Ia'u ma keia moku mai nei. he heluna nui hewahewa

O NA

 

Lole Ano Hou Loa

 

Kamaa o na Wahine me na Kaikamahine

 

Kamaa o na kane me na keikikane.

 

            He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me ko oukou makemake.

Hoolaha!                     Hoolaha!!

 

Mai ka Poaono Aku, Aperila 29, 1893.

 

E kuai aku ana Au no ka Manawa Pokole Loa

 

I NA

 

Lole Kalakoa

 

 

Ma ka 5 Keneta o ka I-a.

O na Paleili makaupena o na Wahine no hookahi pule wale no ma ka 12 1/2 Keneta o ka mea hookahi.

 

            Ke konoia aku nei e hele mai e nana i keia mau Waiwai Hou Loa.

S. ERLICH,

Kihi o Alanui Papu me Hotele.

may1

 

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

 

MA KA HALE KUAI ALAKAI O

 

B. F. Ehlers & Co-PAINAPA.

 

HELU 99 Alanui @Papu.

 

Oili Pulelo PAINAPA e kela i Kaupoku o

Hanalei; aka i hewa no nae i ka lele

mua i ka hooulu i ka la ino

 

Oiai he manawa ilihune keia no ka aina nei, no ka mea ke wawalo mai nei u leo pilikia o ka lehulehu mai o a o, a ke kuai hoopoho mai nei hoi kekahi@ma ha e kuai e hoao ana e kulai kekahi i kekahi, nolaila ke komo pu aku ne au ma ia hana maikai, no ka mea

He Kawa ia Na'u i Lele a Opu.

 

            He mau makahiki loihi i hale ae nei. akahi okoa kuu ukuhua i ke ahi o o Kamaile a me ka Kawelu o Lanihuli, a i mea no hoi e hookoia ai kela olelo kaulana a kahiko

 

Ohi Hapuku ka I'a o Kapaau.

            Eia ma Ko'u Halekuai nei na Papale Kamalii o na ano a pau, na Lako Loina Hapuu a oukou o na paikini a pau. mai ke nui a ka ukulele, na Lako Lole o @ Lede a me na Keonimana o ke ano hou loa i ike mua ole ia ma Hawaii nei, na M,malu o na waihoolulu a pau, a pela aku, a pela aku

E Kuai ia aku ana no ke Kumupaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua @aku. Na @mua ne ka loaa, oloolo aku no ihope, nele.

 

575.     tf-dly.                                                                                      B. F. EHLERS & CO