Ka Leo o ka Lahui, Volume II, Number 696, 2 May 1893 — Page 4

KA LEO O KA LAHUI.

"E Mau ke Ea o ka Aina i ka Pono."

KA LEO.

JOHN E. BUSH,

HONOLULU MEI 2, 1893

KA MOOLELO

o

HIIAKAIKAPOLIOPELE.

I HOOPONOPONOIA

MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

            A pau keia oli ana aia nei, ku ana keia i kai o Puuloa.

            Hookokoke aku la keia ma kahi o kamaaina, e hoomakaukau ana na kanaka, na wahine a me na kamalii e hele i Kou, i ka po lealea o Peleula ma Waikiki, he po lealea nui ia ma Kou nei, o Kou ka inoa mua o Honolulu nei i ka wa mamua.

            Ia hookokoke ana aku o Hiiakaikapoliopele, e olelo ana na kamaaina no ua po lealea nei, ninau aku la keia e hoomakaukau ana oukou a hele i hea? Pane mai la lakou, i ka po lealea o Peleula ma, ninau hou keia, i hea la?

            I kou wahi a kamaaina, ko ia nei lohe iho la no ia, manao keia e hookuu loa i ke kane me ke aikane aia nei ma kai, o hala loa auanei, aole keia e ike i ka lealea o ke kane i ka hula, no ka mea ua lohe wale o Hiiakaikapoliopele i ka lealea i ka hula kilu o Lohiau, nolaila, e hookuu auanei keia i ke kane hala loa i Hawaii, ua maopopo ia ia nei ka manawa e make ai o Lohiau ke hiki i Hawaii, nolaila, kahea aku keia ia Lohiau e hoopae mai i ka waa iuka, i a'e aku keia, alaila, holo pu lakou maluna o ka waa, no ka mea, ua lana lea mai, ka manao o Hiiakaikapoliopele no ka lealea i ka hula, ma ke mele kahea ana penei.

Pohaku au waa lalea i kai nei Hoe mai, hoe mai, a pae iuka nei I a'e aku au, ae ae hoe oe

E Pakanaloa , e Laukaieie

E Lohiauipo - e, hoea mai he waa Ia pao iuka nei, ia a'e aku au - e

            A pau ia mele aia nei, la manawa, pane aku o Wahineomao ia Lohiau.

            E! Hoe ia ae ka waa o kaua iuka, ke kahea mai la ko wahine, i mai o Lohiau:

            Kahaha, aole paha ia i i mai ia kaua e pae ma keia wahi, hoomaka ia e hele mauka, kauoha mai ia ia kaua e holo kaua makai, holo kaua makai a hala na wahi i hala aku nei ia kaua mahope, a ma keia mau wahi aku, he awawa nui aku keia la, e hele ana a iho i Koolau, o Nuuanu ia, he puu aku mamua o Leahi ia, a ma ia huli aku, he loko nui, o Maunalua ia, ka lae e lae ae ana o Kawaihoa ia, o Kuamoookane olu ???

            A ma ia ??? aku la, pae kaua, a hiki ae ia, alaila, holo kakou, pela kana kauoha ia kaua.

            I mai o Wahineomao ia Lohiau, hoopae ia ae ka waa o kaua iuka, o huhu mai auanei ko wahine.

            Alaila, hooko o Lohiau i ka nui koi a Wahineomao e pae iuka.

            Ko laua nei hoe mai la no ia a pee iuka, a-e mai o Hiiakaikapoliopele a holo aku la lakou nei, ia holo ana aku o lakou nei a waho o Puuloa, huli aku keia nana iuka, e noho mai ana o Kinimakalehua, o Leinono, o Kealia.

            I aku o Hiiakaikapoliopele, mai poina oukou ia'u e Kinimakalehua, i mai la oukou ia'u, aole au i kanaenae aku ia oukou.

                        Aole i pau.

            Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou iini.

                        MA KE KAUOHA.

HE MAU NANEHAI NO KA NAAUAO.

            Imua o na opio o e au o Liliuokalani.

            Nanehai 3.  I na paha e kapaeia na Kanawai mau o ka Poai Lani o ke ao holookoa; alaila ihea la e waho ai ka honua nei?

            Nanehai 5.  Heaha la ka mea e moe ai (upoi ai) na maka i ka wa e pule ai?

            Nanehai 6.  O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

Kuai Kuikawa no na Lede!

O ka la wela o ka Makalii, ke kono mai nei ia i mau lole lahilahi loa, na Lole Keokeo a me na Lole hiki ke holoi ia.

            Ua loaa mai nei he heluna nui o na ano hou lea

-MA KAHI-

o

N. S. SACHS,

104 Alanui Papu, Honolulu.

                        A e kuai ia aku aka ma na Kumukuai, i Hoemiia iho.

Na Lole Keokeo Papamu a Kahakaha loloa 7 Pa no ka $1.00.  O keia mau Waiwai mamua he 20c keneta o ka I-a.

Na Lole Keokeo Papamu a me ke kahakaha loloa 6 I-a i ke Dala he 25c Keneta o ka I-a mamua.  O keia mau waiwai he emi loa na kumukuai, a ka poe a pau i kuai ai i mau Holoku Keokeo, e hele mua mai maanei e nana ai i keia kuai hoopoho oni

Na Lole Kinamu o ke Ano Hou Loa.

            7 I-a no ka $1.00 mamua he 20 kanaka o ka i-a.

Na Sakinia Farani eleele a me na Pua a me na Lau nani loa, he 25c o ka I-a.

Na lole ano Silika Pake o ke ano hou loa o na waihooluu paa loa, 25c o ka I-a.

Na lole Hapalilina Lahilahi. me na Pua nani, 1 i-a ka laula no 6 i-a i ka $1.00 a me na lole lahilahi o na ano he uui wale, a pela aku.

Lihilihi Lole a me na Lihilihi Lopi me na Kumukuai haahaa loa.

Na Lihilihi Paku Pukaaniani o na Paikini hou loa ao ka 25c o ka i-a.

Na Papale hou o keia Kau Makalii no na Wahine a me na Kaikamahine o na Paikini Hope 1 a mai nei.

Na Papale Keokeo i hanaia a paa ma na kumukuai oluolu loa.

Na Pua Papale hou, Hulu hou, Ribine hou.

He heluna nui o na Papale Raiki o na Kamaliikane a me ko na kane, ma ke kumukuai hoopono, o ka makou mau papale Raiki no ke 50c, ua like ia me na Papale $1.00 o na Halekuai e ae.

                        E Hele Mai e Ike Pono no Oukou Iho.

--:N. S. SACHS:--

may1 695-tid.              104 Alanui Papu, Honolulu.

HEIAU O NA PAIKINI!

Kihi o Alanui Papu me Hotele.

Wehe Aiwaiwa Ana o na Waiwai Hou Loa

Ua loaa mai nei Ia'u ma keia moku mai nei, he heluna nui hewahewa

-O NA-

Lole Ano Hou Loa

Kamaa o na Wahine me na Kaikamahine

Kamaa o na kane me na keikikane.

            He beluna nui o na Kamaa Wahine, Kane a me na Keiki.  O ka'u mau Kumukuai e kulike ana ia me ko oukou makemake.

Hoolaha!                     Hoolaha!!

Mai ka Poaono Aku, Aperila 29, 1893.

Ekuai aku ana Au no ka Manawa Pokole Loa

I NA

Lole Kalakoa

Ma ka 5 Keneta o ka I-a

O na Paleili makaupena o na Wahine no hookahi pule wale no ma ka 12 1/2 Keneta o ka mea hookahi.

            Ke konoia aku nei e hele mai e nana i keia mau Waiwai Hou Loa.

S. ERLICH,

Kihi o Alanui Papu me Hotele.

may1

HE KUAI HOOKELAKELA NUI!

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co--PAINAPA.

HELU 99 Alanui Papu.

Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino.

            Oiai he manawa ilihune keia ao ka aina nei, no ka mea ke wawale mai nei a leo pilikia o ka lehulehu mai o a o, a ke kuai hoopohe mai nei hoi, kekahi mau ha e kuai e hoao ana e kulai kekahi i kekahi, nolaila ke komo pu aku ne au ma ia hana maikai, no ka mea.

He Kawa ia Na'u i Lele a Opu.

            He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko

Ohi Hapuku ka I'a o Kapaau.

            Eia ma Ko'u Halekuai nei na Papale Kamalii o na ano a pau, na Lako Lole na Hapuu a oukou o na paikini a pau. mai ke nui a ka ukulele, na Lako Lole o o Lede a me na Keonimana o ke ano hou loa i ike mua ole ia ma Hawaii nei, na M malu o na waihoolulu a pau, a pela aku, a pela aku

E Kuai ia aku ana no ke Kumupaa,

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku, Na ??? oioi mua no ka loaa, oloolo aku no ihope, ??? ,

??? 5.  tf-dly.                            B. F. EHLERS & CO,