Ka Leo o ka Lahui, Volume II, Number 696, 2 May 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II      HONOLULU MEI2, 1893   Helu 696

HE NANEA KAMAHAO

-NO-

MAIKA

 

KE KEIKI

Hapa Ilikini a Hawaii hoi

 

KE KANAKA MUA LOA NANA I PANA KE AKUA BEA A NAILIKINI I MAKA’U LOA AI -A O KA WELI HOI O NA ILI KEOKEO - A MEKA LULU IA ANA O KELA HUI KEAKA A LI.

Hoohauoli ia ka puuwai o na poe o Kaleponi i ka loaa o ka hui pepehi kanaka o Conegokena ma Pepehi mainoino ia na ili keokeo. He $25,000,000, ka uku makana ke loaa o Maika. Kau hou ka weli i ko Kaleponi poe no ka eueu hapa Ilikini.  20 kue ia Maika 1.  Aole oia he kanaka, he akua.  Lele i ka pali kiekie me ka lio.  He noho paipai ka hokua o ka lio ahiu no Maika.  Hui o Maika me na Ilikini iloko o kekahi a-na nui.  Mare hou o Maika.  Lilo oia i moi.  Hui ka makua me ke keiki.  Ka lulu ia ana o ka Hui Keaka a Li.  ka loaa ana o kekahi keiki Hawaii oiaio opio ia Maika, ka ili poo o na ili keokeo ka mea e pii ai o kou kulana a me ka hopena o keia moolelo.  Good-bye.

 

He oiaio ua hoka io no ua poe makaikiu nei i ka hiki ana aku makahi a lakou i ike hope ai-i-ka lio, a ua hoolele pu ia ko lakou hauli mamuli o ko lakou ike ana aku i ka mea a lakou i uhai mai ai e kau ana maluna o kekahi bipi ahiu, ma ka kahi he mau tausani kapuai ka haahaa ilalo, a o ka lio hoi ana i kau ai ua paa ilalo o ke pohopoho, ua ike iho la lakou, o kahi a lakou e ku nana ana he pali nihinihi a ke kiekie launa ole mai, e hiki ole ai i kekahi kino kanaka e like ma ko lakou ano ke iho aku ma ua pali la a ohi loa aku hoi i kekahi holoholona.

A ua hoomaopopo iho la no lakou, ua lele no ka mea a lakou i uhai ai, mai kahi a lakou e kau ana, a oia ke kumu o ko lakou hoopuka ana ae i kela mau huaolelo a kana i ike mua ae nei e kuu makamaka heluhelu.

“Aole oia he kanaka, he aku”

Aia nae i ka hala ana o kekah mau minu-e o ko lakou ku nana aua me ka hoka nui, ua Koopuiwa loa ia lakou i ka a lakou i ike maopop aku ai i na helhelna o ka mea a lakou i ubai ai me ko lakou manao la he mea okoa e aku, eia ka o ka mea no a lakou e huli nei, non hoi ka puu dala nui hewahewa launa ole mai, i ka wa a ua hololio kamahao nei i huli pa-pu mai ai o kon alo ia lakou nei, ua hooho ae la ua poe nei.

Auwe! O Maika no ka keia a kakou e uhai nei, kai no he mea okoa aku.  Eia nai ka mea kamahao loa, i ka wa a ua poe nei i hooho ae ai i ka inoa a Maika, oia no ka wa i haule pahu hou aku ai o kekahi mau hoa o lakou, a koe iho la no he hookahi i kow mai iwaena o ua poe nei he elima i ka ike ana o keia wahi makai i ka pau loa ana o ko lakou mau hoa i ka make ma o ke kapoo ana aku o kekahi mau pua pana ma ko lakou mau puuwai, oia no ka wa i huli ae ai i hope a kuupau aku la ika holo o ko wahi lio, me ka pha makau, o uhai ia mai oia e ua hapa Ilikini nei, a o kona make ia ao no ka hoi ke koa, ao pu no me ka holo.

a na keia wahi makai i hoike pau kau ko lakou moolelo o ka lakou huakai. mai ka mua a hiki i ka hope, a ua kau ka weli i kekahi poe makai, mamuli o ka haanui ana aku a keia wahi makai.

A ua hoe haeha hou ia ko Kapena Sula puuwai i kona lohe hou ana aku i keia mau mea e pili ana no kana keiki, a ua nui no hoi kana hooikaika i kahi e loaa ai o hana keiki.  aole nae he loaa iki, a ua nui loa k ehaeha o kona naau i ka hoko ole ia o kon makemake.

Aole i puehu o Maika, aia no a uwila hou aku.

 

KAUKA

Yong Kam Pung

[APANA.]

Helu 81 Alanui Maunakea

KAUKA LOEA O KA AINA PUA

Ua hiki ke hoola ia kela a mekeia ano ma’i, mai ko na kane. wahine a me ko na keiki liilii.  O na mai ha-no a me na ma’i e pili ane i ka maka, pau pu ia i ke ola.  O na ma’i koko inoino a me ka hooulu hou ana i na wahi poino o ka puu wai a me ke kino, e hoola ia no me ka maalahi.  Pela me na ma’i hu’i koko maloo, ua hiki ke hoola ia me ke oki ole.  Ke hoike ia aku nei eia ke ola ianei me ka oluolu pu o kahi auhau.

E KIPA mai e ka poe i hooluuluuia me na haawina pilihua a ka ma’i a na’u oukou e hooluoiu uku.

KAUKA YONG KAM PUNG.

mar.29-2moned.

 

HE MOOLELO KAILI PUUWAI

-NO-

SENIA LUTERA

Ka Ui Puuwau Mabala

-:O:-

ENELANI KAHIKO

A I OIE

He Nanea Hooheno no kekahi Kauna Wahine Opio me kana mau Aloha Ekolu

(Kaauia no Ka Leo)

MOKUNA XXXVII

“Aloha oe, a na ke Akua Mana Loa, e kiai a e malama ia oe e kuu hanau-kahi, i aloha nui ia! ia wa o Senia i aloha ai i kona luaui makuahine, a puana ne la i keia mau hauolelo ku i ka walohia:

E kuu makuahine, e kuu makuahine hoi e,  e haalelel mai ana anei oe ia’u!

O na huaolelo hope loa keia a laua i lohe ai mai kekahi a kekahi a lele loa ae la ka hanu o kona makuahine, a pili iho la kona mau maka.

Mahope o ko Senia, kumakena ana no kona makuahine no kekahi manawa, kahea aku la oia i ke kaikamahine e kiai i ke kino kupapau a olelel aku ia, e hoouna mai ana oia i ka mea nana e hooponopono a nana e hoomakaukau no ka hoolewa ana i kona luaui makuahine.

Hooponopono iho la oia i ka lima o ka mea make, a me kona waiho ana, a kulou iho la a honi iaia, Huli’aku la o Senia mai ka rumi a hoi no kona rumi.  me ke kaumaha o kona naau i na mea i loohia iaia, a me na mako e hiolo ana me na waimaka, oia i komo aku ai i kona rumi.

I kona hoomaopopo ana ae ia loko o kona wahi noho, ike aku la oia i kekabi kanaka malihini e noho mai ana imua ona, a ku ae la ua mea nei main ka noho ae, a pa pono iho la na kukana o ka malamalama o ke kukui maluna o kona helehelena a me kona lauoho, a me he la he gula ia wa i ka nana aku.

E Senia, e kuu Senia, kuu ipo aloha, wahi ana, a lele mai la oia a puliki a honi hoomau iho la i kane aloha.  Ia wa, ahiahi no maopopo ae la iaia keia mea.

E Loionela, he moeuhane anei keia? a uwe iho la keia iluna o ka poohiwi o kana kane-ipo a hala he manawa, maha kona ike ana i ka mea ana i kuko ai, pane aku la oia ia Loionela.

Ua nu kou luhi a me kou hoehaeha ana ia’u, a ua lawa kou hoopai a hoehaeha ia ana.  Ano, e kuu aloha, ua pau ko kaua kaawale ana, ano; e lawe aku oe ia’u ma ko’u malu, a ma ke apo ana o ko’u lima a’u e hilinai ai, he wahine nau no ka manawa pau ole!

Ke ao aku nei au ia oe, wahi a Laionela.  Aole au e ae e hookaawale hou ia kaua.  Ua imi au ia oe a puni ka honua, a ua ukali hoi au ma ke kai loa i kahi au i hele ai ma keia huakai hope mail la, ma ke aiakai a kekahi kuhikuhi iloko o’u e loaa ana oe ia’u ma keia wahi.  A ano, e kuu aloha, ua loaa oe ia’u a ua pau ko kaua hookaawale ia ana, no ka mea.  i keia po no e lili ana kaua he kane a he wahine malalo o ka berita hemolele o ka mare.

I kuu Laionela, ua nui kuu hoehaeha ia ana a me kuu hoopai ia no kou mau hewa, aka, ia’u e hilihai nei maluna o kou umauma.  ua lili ia mau mean he a mea i poina ia’u i keia wa, mamuli o kuu hauoli nui. Ano, iloko o’u ke kani nei ka leo o ka hauoli lua ole e i ae aua.  o oe no ka’u ipo aloha, kau mea i kuko ai, a ano ua hoopomaikai ia au i keia p i ke ko aua o kuu lia, ia oe e kuu aloha.

Mahope o ko laua mare ana ua huli hoi aku hoi laua no ka home nani o ke kane ma Enelani, a noho kokoke hoi he manawa me ka makuakane, m ko laua hoopomaikai ia me kekahi ohana keiki nani.

-:KA HOPENA:-

 

HE UMI (10) APANA AINA HOME MAIKAI NO KE KUAI.

Aia he Umi apana aina Home maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L Hopkins a me Mr. Marcfarlane a i keia mamua o ka aina e G. Wl Keaweamahi.

A oia no na apana aina pa hale Inanai loa i koe iloko o ke kulane kauhale nei.

He oluolu loa ke kumukuai.  He maikai ke kuleana. Na ka mea kuai mai e uku no na Palapia.

No na mea i koe e ninau ia William C, Achi Honolulu Maraki 27, 1893.    tf.

 

 

HUIALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

                            A.M.          A.M.          P. M.         P.M.

Haaleleia Honolulu  6:16*          8:45  1:45  4:30

Hoea i Honouliuli      7:20  9:57  2:57  5:35

Haaleleia    “            7:30*          10:13         3:45  5:42

Hoea i Honolulu       8:35*          11:55         4:55  @

NO KULNAKAUHALE MOMI IMU

Haalele ia Honolulu                    5:10 a.m.

Hiki i Kulanakauhale Momi                 5:48  +

Haalele ia   “                “                   6:55* a.m.

         +Poaono wale no

         *Koe ka Lapule

         || Koe ka Poaono.     

Sept. 28 tf- dly.

 

HOOLAHA AINA.

E ike auanei na kanaka a @ ma keia Hoolaha, owau o S. K. @la Opio, e noho ana ma Honolulu, Mokupouna o Oahu, ke hoike @ nei au ma ke akea owau wale @ ka pilikoko pili loa i na aina a @la (k) Kepola (w) a me Ku (k) i makee waiho la ma Kahuku Kau Mokupuni o Hawaii.  O ka mea a @ mea i kuai a hoolimalima pa@ paa nei i ua mau apana aina nei.  e hoike koke mai ia’u a i ole e kipaku no au ia lakou.

                          S.K. Kila Opio

       Honolulu, Feb 17, 1893.

4ts-wkly.

 

Elia Kaululaau

Kauka Hana Niho

 

Ua hiki ke huki ina Niho @ @ eha ole iloko o ka anawa pokelu loa.  He loea me ka noeau make Hoopiha ana i ka niho meke @ Kala a mea e ae paha.  He akamai lua ole i ka Hana ana i na Niho Kui o na ano a pau.

He mikioi ka Holo@ana@ina Niho.  He palanehe kona mau lima @ Kana mau mea Hana Niho e @ ano Hou loa i loaa mai nei.  Heoluolu no ke kukai olelo ana no kana ukuhana.

O ke kanaka Hawaii @ wale no keia maileke ae o ka @ o 40,000 kanaka i loea ka Lai@ Kauko Hana Niho; mai ka Papa Kauka Hana Niho mai o ke A@ni Hawaii, mamulioka ike ana e na Hoa o na Papa Ola i kona akamia maoli ma keia Oihana ane nui.

E ikeia kakou Hoa Kanaka o  lipa hewa kealoha ia lakou nei ae.

Keena Hana maluna ae o ka Hale Hana Pu i ke kihi o Aianui @ a me Betela Puak komo a pii @iluea o ke Keena ma Al. Moi.

mar. 6 -tfd