Ka Leo o ka Lahui, Volume II, Number 689, 21 April 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU, APERILA 21, 1893.              Helu 689

 

HE MOOLELO KAILI PUUWAI NO SENIA LUTERA

 

Ka Ui Puuwai Mabala O ENELANI KAHIKO. A I OI E

He Nanea Hooheno no kekahi Kauna Wahine Opio me kana mau Aloha Ekolu.

(Kaauia no Ka Leo.)

 

MOKUNA XXXVI.

 

            E hoomanao mau ana no hoi o Laionelo, ke ike iki aku oia i kekahi haawina like me Senia, ke ike aku e haili ana oia a hoomanao wale ae no, aia la ihea kana ipo.

            Aka, ua hiki mai na la he lehulehu a hala aku, a pela a piha ka mahina, aole nae he ike a he lohe iki ia no Senia.  Aka aole oia i hoopalaka i ka imi ana.

 

MOKUNA XXXVII.

            E uhi ana ka pouli maluna o ke kulanakauhale o Nu Ioka, he pouli anoano a neoneo no hoi na pipa alanui oia kulanakauhale i kaulana i ka nani a me ka hiehie o kona kulana, ia mau hora o ke au moe.

            E iho makawalu iho ana na kulu paka ua makawiwi o ka Makalii me he kui la ka ooi, e houhou ana i ka ili o kamahele alo anu, a e ike moo wini ia aku ana hoi na ipukukui ku huina o ke alanui iloko o ka noe e halii paa ana.

            Me he la ma ka hoomaopopo aku na luhi ka malamalama o na kukui i ka hooikaika mau e poha pono ko lakou nani, i hoonalowale ia ae ai hoi kekahi anoano oneoneo o ke alahele.

            Aka iloko oia pouli nui e halii paa ana ma na alahele, a kaua hoi e kuu hoa e a-a iho la na maka, e hoaano ole aku ai e hou poo iloko oia pouli nui; aia hoi ike ia aku la kekahi oiwi kino pilalahi a hiehie o ke kulana, i aahu ia me ke kapa eleele, e hooikaika ana iloko o keia po inoa a pouli nui, ma kekahi o na alanui kuanea a lepo no hoi o ke kulanakauhale, a iaia i kaalo ae ai malalo o ka malumalu o kekahi kukui ku huina, a pa pono iho la hoi kona malamalama maluna o na helehelena haikea o kekahi wahine, ka helehelena aloha a piha kaumaha hoi o ka kaua hiwahiwa, ka lede Senia; ka eueu a hiapaiole hoi nana i alo ia pouli; a hoomanao ae la au i keia mau wahi lalani mele nou:

            Mea ole ia po anu me ke koekoe

            I ke kono hakukoi a ko aloha

            I ko pane ana mai ma ka hihio

            E kuu aloha e -mai uwe oe.

 

            Aole he maikai a pani o kona mau aahu, a aia hoi iloko o kona mau helehelena, ua ike ia aku ua nui kona noho hoomanawanui ana ilokoo ke kaumaha a me ka inea.  Ae, o Senia io no keia, e hele nei ma na alanui o ke kulanakauhale o Nu Ioka, aole nae keia o ka Senia, wahine opio helehelena nani, piha hauoli a kakou i ike mua ai, ina la mua, e kukuli ana ma ka aoao o ke kiowai aniani ma kona home ma Enelani i na la loihi i kaa hope aku, ke kaikamahine hoi i ui iho ai iaia iho ma ka pule iaia e nana ana i ua wai aniani la, e hiki mai ana hoi kekahi mea e aloha mai iaia: a aole no hoi keia Senia me ka ui lua ole o ke 'lii wahien Cobona, nona ka waiwai a me ka mana i lawa a ku e like me ka anoai ana a ka a @u.

_____

            Hookahi pule i koe mai ka la apopo aku, oia hoi ka Poaono o keia pule ae, e wehe hou ia ai ke kikina kinipopo o keia kau.  Mai hoopalaleha.

_____

            Mamuli o ka nui loa o na hoi i hiki ae i ka Hui Hana Keaka Hawai e hoike hou mai lakou i ke kaikamahine Ui o Paliuli, -LAIEIKAWAI.  -Ua hooholo lakou e hooko i keia mau noi no ka manawa hope loa i keia ahiahi Poaono ae e hiki mai ana Aperila 22, 1893.  O ka hope loa keia o ka ike ana iaia iluna o ka eheu o kona mau kahu manu a me ka ipo mai Kealohilani mai.

            E naue ae e na mea a pau i ike pono ia i lohe pono ai oukou i ka pu lau-i a Kahalaomapuana i puhi aku ai a lohe o -LAIEIKAWAI- a lilo ai lakou he mau Aikane nana, a me ke kaua ana o Kihanuilulumoku me na koa o Aiwohikupua [a pau nui i ka muka ia e keia moo] i kii mai ai ia -LAIEIKAWAI- e kaili me ka lima ikaika.

            Na ka Bana Lahui Hawaii e hoonanea ana ke anaina, E hele e na mea a pau i ike pono ina hana "O ka po Loa o Halalii."  He $0.50 $0.75, $1.00 aku kona.

_____

HE NANEA KAMAHAO NO MAIKA.

KE KEIKI Hapa Hikini a Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI - A O KA WELI HOI O NA ILI KEOKEO- A ME KA LUKU IA ANA O KELA HUI KEAKA A LI.

 

            E noho mai kaua e kuu aloha, ke halialia e wale mai nei no ia'u na hiohiona i kau ia maluna o kuu makuakane, auwe ka manaonao a-ua kohu io bipi hoi keia mea, elua poo kanaka manaonao iluna o kahi moe, o keia poo uuku o kuu keiki no ia, a no kuu aloha keia poo, ka hele ana o ke kino maoli o Maika ma ka moeuhane no ka Ilina o ka wahine, wi ka niho o ka poe hana hoomaihoino pau i ke koli ola ia ka hui pepehi kanaka o Conegokena ma.

 

            O ke kumu nui wale no i hiki ole ai i ka maka peni a kou mea kakau nei ke wehewehe aku no keia mau hana hoomainoino a ka mea nona keia nanea maluna o kona enemi, no ka piha manaonao maoli no, ina paha o oe pu kekahi e kuu makamaka heluhelu malaila i ka wa i hana ai o Maika i keia karaima eleele, aole paha oe e aa ana e ku malaila a nana aku i ke kino o Conegokena no 5 sekona, e laa paha ka ike aku i ka houhou ia o ke kino o Conegokena kolikoli ia me ka pahi kunikuni ia me ka momoku ahi me ka ho-a pu ia ae o kekahi wahi ahi a malie-malalo o na kapuai wawae o Conegokena, a he ku maoli no i ka manaonao.

            Nolaila, ma keia wahi de hoopokole ana aku i ka makapeui a kou mea kakau nei, ua oi paumi aku ka muinoino a me ka ehaeha i ili maluna o ke kino hapanea o ka olomana Conegokena, a ma keia wahi o ka naua nanea e aui hou ae kaua ihope ko ka kaua eueu.

            I ka wa i ike ai o Maika ua holopono kana apana hana i hana aku ai maluna o kona mau enemi ia manawa ua noonoo iko la oia i kana mau mea e hana ai, la wa oia i hooholo iho ai e kakou i wahi hoolaha, ia wa oia i lalau iho ai i kekahi wahi apana pepa, a me kekahi wahi peni a hoomaka aku la au hapa Ilikini nei e kakau i hoolaha ia pau ana o ka ia nei kakau ana, ua hoopili aku la oia i ua hoolaha nei ma ke kumulaau a ua poe powa nei e lewalewa ana, ma ke ano he olelo hoolaha no na mea e pili ana no na enemi ona e lewalewa nei, iluna o na lala laau, a heluhelu ia no na mananao o loho o ua pala pala hoolaha nei e like me keia malalo iho nei:

            E hoomanawanui iki kaua a uwila hou aku, me ka olelo hoolaha a ka hapa Ilikini.

______

            Eia ka papa inoa o na Komite kakauinoa o "Ka Hui Hawaii Aloha Aina"

F.S. Keiki, Apana 1.

Chas. Keawe, Apana 2.

J.K. Prendergast Apana 3.

            Kapamawaho)

A.K.Palekaluhi, Apana 4.

Wm. Mokimana, Apana 5.

_____

HE UMI (10) APANA AINA HOME MAIKAI NO KE KUAI.

            Aia he Umi apana aina Home maikai loa no he kuai aku e waiho la ma Kalia Waikiki, Oahu, mawaena o kahi o Hon. Chas. L. Hopkins a me Mr. @ a i keia mamua o ka aina e G.W.Keaweamahia.

            A oia no na apana aina pa hale luani loa i koe iloko o ke kulanakauhale nei.

            He oluolu loa ke kumukuai.  he maikai ke kuleana, Na ka mea kuai mai e uku no na Palapala.

            No na mea i koe e ninau ia William C, Achi Honolulu Maraki 27, 1893.       tf.

_____

KAUKA Yong Kam Pung [APANA.]

Helu 81 Alanui Maunakea.

 

KAUKA LOEA O KA AINA PUA

 

            Ua hiki ke hoola ia kela a me keia ano ma'i, mai ko na kane, wahine a me ko na keiki liilii.  O @ mai ha-no a me na ma'i e pili ane i ka maka, pau pu ia i ke ola.  O na ma'i koko inoino a me ka hooulu hou ana i na wahi poino o ka puu wai a me ke kino, e hoola ia no me ka maalahi.  Pela me na ma'i hu'i koko maloo, ua hiki ke hoola ia me ke oki ole.  Ke hoike ia aku nei eia ke ola ianei me ka oluolu pu o kahi auhau.

            E KIPA mai e ka poe i hooluulunia me na haawina pilihua a ka ma'i, a na'u oukou e hooluolu uku.

KAUKA YONG KAM PUNG.

mar.29 - @

_____

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892.

NA KAA

 

Hoolele ia Honolulu    6:15am                        8:45am                        1:45pm            4:38pm

Hoea i Honouliuli        7:20am                        9:57am                        2:37pm            5:25pm

Haalele ia Honouliuli  7:30am                        10:13am          3:45pm            5:32pm

NO KULANAKAUHALE MOMI IHO.

Haalele ia Honolulu                            5:10pm           

Hiki i Kulanakauhale Momi                5:48pm

Haalele ia Kulanakauhale Momi         5:55pm

            +Poaono wale no

            *Koe ka Lapule

            II Koe ka Poaono.

Sept.28 tf-dly.

_____

HOOLAHA AINA.

            E ike auanei na kanaka a pau ma keia Hoolaha, owau o S.K.Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupunio o Hawaii.  O ka mea a mau mea i kuai a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei e hoike koke mai ia'u, a i ole e @ no au ia lakou.

S.K. KILA OPIO.

Honolulu, Feb 17 1893.

4ts-wkly.

_____

Elia Kaululaau.  Kauka Hana Niho.

 

            Ua hiki ke huki ma Niho mae ka eha ole iloko o ka manawa @ loa.  He loea me ka noeau ma ka Hoopiha ana i ka niho me ke Gula Kala a mea e ae paha.  he akamai lua ole i ka Hana ana i na @ Kui o na ano a pau.

            He Mikioi ka Holo@ .  He palamehe kona mau lima mea Kana mau mea Hapa Niho o ma ano Hou loa i loaa mai nei.  He oluolu no ke kukai olelo ana no @ ukuhana.

            O ke kanaka Hawaii hookahi wale no keia mailoko ae o ka @ o 40,000 kanaka i loea ka @ Kauke Hana Niho; mai ka Papu Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano @,.

            E ikeia kakou Hoa Kanaka o kipa hewa ke aloha ia lakou nei @.

            Keena Hana maluna ae o ka Hale Hana Pu i ke kihi o Alanui @ a me Betela Puka kome e pii ai iluna o ke Keena ma @, Mei, @