Ka Leo o ka Lahui, Volume II, Number 686, 18 April 1893 — Page 2

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI

JOHN E. BUSH,

Lunahooponopono a me Puuku.

POALUA, APERILA 18, 1893

HE MANAO AKEA I KA LAHUI.

Mamuli o ko ka Hon. John E. Bush koi ana mai nei, ka Ona ponoi o na Nupepa  LA OIAIO a me KA LEO O KA LAHUI;  Nolaila, mai keia la aku, ua waiho aku au i ko’u noho Lunahooonopono ana, a me ka noho Puuku ana no ia mau pepa; O na kauoha nupepa a pau loa, na kakau manao ana a me na hookaa dala ana, a peia aku, e hoouna pololei ia mai ma ko Hon. Jno. E. Bush inoa.

JOSEPH NAWAHI,

Honolulu , Mar. 27, 1893.

OLELO HOOLAHA.

Eia ma ke Keena o KA LEA O KA LAHUI kekahi mau BUKE INOA o ka Hui Hawaii Aloha Aina.  he wa kupono keia o na Hawaii Ponoi e hoike i ko lakou Makee Kuokoa, ko Lakou Aloha Aina, a Aloha Kuokoa.

        MA KE KAUOHA,

J.K. KAULIA.

Kakauolelo o ka H.H.Aloha Aina.

 

Kahea Halawai Aha Elele Nui.

Ua hooholoia e ka Aha Hooko o “Ka Hui Hawaii Aloha Aina” a na kane; o ka Poakahi la 1 ^st o Mei, M.H. 1893, e hiki mai ana, oia ka la e malama ia ai ka halawai nui a ka Aha Elele a ka Lahui ma Honolulu nei.

Ua makemake ia na Elele o kela a me keia Apana e hiki mai ma Honolulu nei, i ka manawa i hoike ia ae la maluna.

    J.A. CUMMINS.

                          Peresidena Hanohano

    JOS. NAWAHI

                          Peresidena

Honolulu Aperila 12 1893

 

HALAWAI MA MANANA.

Mamuli o ka poloai ana mai a ma kamaaina o Ewa, ua hele aku hoi o Messrs. J.E. Bush, J.K. Kau@a, J. Kahai, a me M.Mahelona, e h@olelo imua o na makaainana aloha ai ia a aloha alii.  He oiaio ma huli aku no kekahi mau Hawaii i ke koi mai a na haku hana o lakou, e kakau e hoohui aina, aka ua hoike mai no lakou aole maoli ia o ko lakou manao.

Ua hiki aku na hea o ka Hui Hawaii Aloha Aina, a hooluana iho @ manawa ma kahi hoolulu o ke mea ahi ma Manana, oiai na @ a me na wahine e hoakoakoa mai ana.

Mahope o ka hora 12:30 awakea, ma hoomaka no haiolelo e kamailio imua o ke anaina, a no aneane eha hora, ua hoonanea a hoonaauao ia hoi na hoa makaainana oia wahi.  Ua hoike ia aku ke kumu o ke kukuluia ana o ka Hui Hawaii Aloha Aina, e Mr. Kaulia, kakauolelo, mahope o na olelo paipai a Mose Mahelona.  Ua wehewehe aku hoi ka Hope Peresidena J.E. Bush o ka Hui, i ke kumu o ka hookahuli ia ana o ke aupuni; na na keiki missionari i hana keia hana; na lakou i hana kekahi Kumukanawai i paumele me ke koko o ka lima kakauha o na hana a lakou i kukala i ka 1887, a pela no i mau ai ia manao a hiki wale i keia 1893.  He Kumukanawai ka makemake o ka lahui, e hana ia me ke komo pu o na mea a pau, aole nae he ae o na missionari.  O ka hope ua koi maoli aku na makaainana i ka Moiwahine i kukala mai i Kumukanawai hou.

  Mamuli o ke aloha o ka Moiwahine ua ae mai ae oia, aka, ua alai ia e kona Aha Kuhina, mahope o ko lakou noonoo ana he mea kupono ole e hana ia ia wa.  Aole hoi i hewa ka Moiwahine, o ka lahui kai hewa, o ka Aha Kuhina kai hewa, oiai ua ae hookamani mua lakou i ka Moiwahine a hoole hou iho mahope o ko lakou lilo ana i mau Kuhina.  Ua wehewehe piha ia aku na kumu i ulu ai o keia manao hookahuli aina, oia no ka ohumu o na keiki missionari mahope o ka waiwai a hiki i ka lilo ana oia mea he mea i o ae i ko ke Akua hoopono, i ka hana a lakou a me na makua o lakou i hele mai ai e hana.

  Ua kokua ia keia manao kuko o na missionari e Mr. Stevens, mamuli o ke kauleo ia ana mai e ka hookele aupuni Mr. Blaine, o ka aoao Republika.

 Ua hoopau ia ka hana hewa mua a Mr. Stevens i hana ai, oia hoi ua kuu hou ia ka hae Amerika ilalo, ka hae i kowelo ia i ka lepo o na hana hewa a keia poe hoohui aina.

  Hookahi hana i koe a ke Komisina Blount e hana ai, ke pau pono na mea hewa i hana ia i ka moakaka.  Ma ke ano hoopono o keia kanaka naauao, aole kakou e hopohopo i ka hoihoi hou ia o ke Aupuni Hawaii e like me kona ano mua.  He oiaio no paha he wa e hiki mai ana, ke mau ke emi o ka lahui Hawaii, e kupono aku ana no kakou e noho ana malalo o kekahi mana e aku, a o Amerika paha ua mana la.  Aka, i keia wa aole i kupono, Eia no kakou ke noho piha kanaka nei.  He nui no na pulapula e ulu hou ai keia lahui, a laukanaka hou ka aina.  O keia haawina, he loaa wale no, ke malama kakou i na hana pono.

  He mea oiaio no hoi, aia no iloko o ka kakou lima ko kakou mau pono a pau.  E like me ka ke kanaka hana, pela no e hua mai ai ka hopena o kana mau hana, no ka hoopomaikai a hoopoino paha.  Nui ka hewa i hana ia, a e nui ana no ka hewa e ilihia ana maluna o kakou.  Aka, he uuku wale no ke alanui e pau ai o keia mau mea.  O na mihi, o ka hana maikai, mai hoino wale aku, e aloha i ka aina, i ka moi, a i ke kanaka, a e hoomaikai aku i ke Akua, ke kumu o na mea a pau.

  I ka ninau e hoi hou ana anei ko kakou Moiwahine i ka noho moi, he hookahi no a makou pane,  E  HOIHOI  IA  ANA  NO!  A eia ke kumu:

He aupuni hoopono o Amerika.  Oia kona moolelo. He oiaio he poe hana kolohe no kekahi e komo ana ma kahi mana aupuni, aka, he wa wale no.  Ua like ko lakou manao me ko kakou poe kolohe.  Aka, he poe kakaikahi loa lakou,  Aia no ka nui ma ka hoopono, ma ka hoopololei,  Ina ua hewa ka poe i komohia i keia hana, aole ana ke aupuni Amerika e hoopaa ana ia hana, aka, e hooponopono hou ia ana.  I hakalia wale no i ke akaka pono aku i ke aupuni o Mr. Cleveland.

  Me he la, ke pau pono aku ka mea i huna ia i ka hoike pau ia e ke Komisina e hoihoi ia ana o Liliuokalani, i aloha nui ia, ma ka noho moi o Hawaii, no na olelo hoolana e aku, aole nae i hoopaa ia e makou.

 

HALAWAI  HOOHUI  AINA.

  Ma ke ahiahi Poaha o ka pule i hala, i hoao ia ai kekahi halawai e ka poe hoohui aina e malama ma ka Hale Paikau kahiko.

  Eia ka nui o na lala i hiki ae:

Robata Napunako Poe, Keonipulu, Kealoha, Kaohiwaena, Keoki Makamu, Keoni Samoa, Iosepa Ulumaia’lii Kawainui, Col. Pali a me Lutanela Punana; 2 mau haole malihini, a me hookahi kanaka aole i maopopo kona inoa.  Ua koho wale aku ko makou kiu, o Nunu paha a i ole ia, o Kakohe no.

  O R.W. Wilikoki hoi, aole oia i hiki ae ma keia halawai, oiai, ua haalele oia i keia Hui a keia poe hoohui aina.

  Oiai, aole hiki ke malamaia ka halawai no ke omilumilu loa a na wahi lala.

  Ia manawa, ua hiki mai o Robata Napunako Poe i kona manao.  He aloha no au i ka Moi, eia nae, aole i oi aku ko’u aloha i ka Moi, mamua o ko’u ohana, nolaila, he mea pono ia’u e nana i kahi e kokua ia mai ai au, i hiki ai ia’u ke malama i ko’u ohana.  O ke kumu e huli nui ole mai nei na kanaka Hawaii e komo i mau lala no keia Hui Hoohui Aina, oia no ka hoonuinui o na nupepa e kokua nei i ka aoao lahui ina e hoi hou ka Moiwahine iluna o ka Noho’lii, alaila e pau loa ana na kanaka Hawaii i kakau inoa ma ka aoao hoohui aina i ka liia.

  He hooounipuni keia mau olelo au e Robata Napunako Poe, aole loa ne mau mamala olelo oia ano i koopukea ma ka nupepa KA LEO iloko o keia mau malama 3.  He hilahila auanei oe i ka hoike ae i ka mea pololei, aole he ae o na kanaka Hawaii aloha aina oiaio i keia hana, koe oukou me he mau hipa eleele opu lokoino ala iwaena o na pu-a hipa keokeo.  Ua manao au o ka hoohui aina ka mea oi aku o ka pono.  E nana e ka lahui Hawaii i keia keiki a kakou i hoouna ai i Italia e hooaauao ia ai malalo o ke kakou mau lilo (aupuni).

  O keia iho la auanei ka uku a keia keiki ia oukou e ka lahui, ka olelo mai, e hoohui aku i ko oukou aina?

  He hana auanei keia a keia keiki Hawaii e hiki ai ke olelo ia ae he aloha oia i kona makuahine e waiho mai ia i kahi mau o kela a me keia?

  O keia auanei ke kumu nui i hoouna ia ai na keiki Hawaii e hoohaauao ia a hoi mai  kue e ka makemake o ka lahuikanaka Hawaii e noho nei iloko o keia mau la me ka naau kaumaha no ke aloha i ko lakou aina?  Ke hoike aku nei makou i ka haina ma ka aoao o ka lahui, aole, Nolaila, e nana pono iaia, a e hoopaa ma ko oukou mau naau i ke ano o keia mau hana haahaa o ka hoopilimea ai, a mai puni i kana mau wale waha ana.  O ka KA LEO O KA LAHUI  hoike aku o ka oukou e ka lahui ka hoopaa i na inoa o keia poe Iuda.

 

Halawai a na Lede.

  Ma ka halawai a na Lede Aloha Aina ma ke kakahiaka Poakahi nei, ua waiho mai o Mrs. Makapolena i kona noho Peresidena ana a me Mrs. C.O. Berger, na Mrs. Ward, Foster, Prrat, a me ka Puuku Mrs. Giffard, a me kekahi mau lala kakaikahi e ae.

  Ua koho koke ka halawai ia Mrs. James Campbell, Kuaihelani i Peresidena no lakou, Mrs. J.A. Cummins, Mrs. Kahalewau Hope Peresidena, Mrs. Charles Stillman [Mele Kilimana] i kakauolelo Mrs. Fernandez i Puuku, o na komite hooko mua no o ka Hui.

  Nolaila eia ko oukou Hui Aloha Aina malalo o na Luna Nui hou; a e huki like oukou i ke kaula me ka puuwai lokahi o ke Aloha Aina a papahi i ka lei loke o ka Lanakila.

 

   Ua hoike ia mai ia makou oiai e malama ana ke Hoomana Momona i hooponopono hou ia i ka lakou halawai haipule ma ke ahiahi Sabati nei ma ko lakou hale Halawai ma Ariona Hale.  Ua komo aku la elua koa o ke Aupuni me na pu Raifela a holoholo iho la mawaho o ko lakou Halepule.  Ke makemake nei lakou e ike ma ka mana hea la i loaa ai ke kuleana i keia mau koa o ke Aupuni e komo maloko o keia wahi me na mea kaua e kiai ai.

 

AKAKA  KE  ALIILAILA.

Ma ka Poaono nei, ua malama ia ka Fea ma Moanalua, e like me ia i hoolaha ia ai.

  O ka mea kupanaha i ike ia, oia Keia, I ka hora 1 P.M. o ka auinala, ua hiki kino aku ka Moiwahine Kane Make Napelakapu Kapiolani a me ka Keikialii Kawananakea, a ua launa pu me na makaainana. 

  Iaia i hoomakaukau ai e lele iho mai luna iho o kona kaa, oia ka wa i moku iho ai ke koko o Kulanihakoi a hiolo mai la ne pakaua me ka ikaika, a o na pakaukau aina keia, na bola poi, no pa ia, ua piha pu i ka wai, a ua hui aku a hui mai kalo, i Kanawao.

  Oia ka wa i pane ae ai ka lehulehu, o keia la malie hoi e ia ka hoi e ua ana, aole mae hoi he ua he ehu wawe no Kalani.

  Ua paina na Alii iluna o ko laua kaa, oiai, aohe lihi o kahi i hoomakaukau ia no laua; ua hapala ke ke’a, nakele ka ai, i kau a mea o ka ikaika launa ole o ka ua.

  O ka mea hilu loa nae hoi, oia no ka he’e pololei ana o ka ua, a pa ka ili i ke kai, aole hoi i palale ae. A he hoike ana keia, oia iho la ke kulana o na’lii o Hawaii nei, a he poe alii oiaio mai ka po mai.

 

HE  KAHUNA  LAPAAU  HOOPUNIPUNI.

Ma ke ahiahi o ka la 11 o Aperila nei, ua hiki kino a e la o Keaka ma kahi o kekahi kanaka ma’i oia o James Lota Hoopii, oiai nae ka mea ma’i e hanu paupau ano ana ua hana iho la keia kahuna i kekahi haoa kupanaha, a oia keia.

  Ua komo aku la oia iloko o ka hale o ka mea ma’i e moe ana, oiai ua pau kona ike a me kona lohe, a hana iho la i kekahi hana eepa hoopunipuni maluna o ka mea ma’i.

  Ua olelo aku la ua kahuna nei, i ka wahine mare a ke mea ma’i, ewehe i ke kapa, ua hookoia oiai, ua pau ka noonoo maikai o keia wahine, oiai, ua piha loa ia oia i ka luuluu me ke kaumaha, oiai kona hoapili e nipoa ia ana e na ehaeha a noia kumu ua ae mai oia, me ka manao he pono, eia ka auanei e nele ana oia, a e wehe mai ana i ka pili hooko-oia loko.

  Eia ka hana a keia Kahuna e kuehu ana oia i ka-la’i mau ke poo a ka wawae, oiai kona kino e waiho ko hana ae ana.

  Eia ne olelo, E ka –Hou-E ku a hele, a e waiho iho i ke kino o ke kanaka, a pela ‘ku.

  Ua ku ehu oia no elima manawa me ka-la’i, a i ka pau ana, na huli ae la oia a pane aku la i ka wahine a me ka peo  e noho ana, aole oia nei e make ana, i keia po, ku o’a a hele, pau ka pilikia.

  Oia ka wa i pane aku ai ke kahi mea, iua kahuna nei, hele a oia o Lota ia oe, lilo oe i akua no’u e pule ai, oiai, aohe akua i ka Lani.