Ka Leo o ka Lahui, Volume II, Number 683, 13 April 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

--

JOHN E. BUSH,

--

HONOLULU  APERILA 13 1893

--

KA MOOLELO

-O-

HIIAKAIKAPOLI-

OPELE.

--

I HOOPONOPONOIA

--

MAI KA POE KAHIKO MAI A

ME KA POE I HOOPAA I NA

MOOLELO A ME NA

KAAO KAHIKO O

HAWAII NEI.

--

E aka e Kihoe i ka pua--e

Na wahine kapa ole e nenee wale

I ka hapana kui opihi

O ka luna i Halaaniani la

Na wahine kapa ole.

 

            A pau keia mele ana aia nei, i loa no i ka pau ana o keia mele, o ka make iho la no ia o ua mau wahine nei, o Aka me Kilioeikapuaa, a make laua, kaawale ka ipuka o ke ana, o ke alanui nae, ua lawe ua mau wahine nei i ke alanui ua nalowale.

            O ka hgle aku la no ia o laua nei a hiki i ke kumu o ke alanui e pii ai iluna o ua ana nei o Lohiau e waiho nei, aohe alanui.

            I mai o Wahineomao ia Hiiakaikapoliopele, aohe alanui o kaua ia, pane mai o Hiiakaikapoliopele, huli aku ke alo i ka pali.

            Huli aku la no hoi ko Wahineomao alo i ka pali, a no ke ahiahi loa, aneane e poeleele loa, i mai o Wahineomao i ke aikane, e pooloele paha a auanei kaua, aole paha kaua e hiki iluna poe@eale o no.

            Alaila, kahea aku kela i ka la ma ke mele e kau malie i ka muli o Hea, i kahea ana no a Hiiakaikapoliopele, ua lohe mai la ka la i kana kahea, penei ke kahea ana ma ke mele:

 

E Kini, e hiki i Kauai i kou aina

O Koa Makaiwa o Halawa

Paia Kona i ou kino

Akua nui o Hiiaka la

Hiki e, pii e, iho e

E kau i ka muli o Hea

Kau malie oe e ka la.

            Ma ia kahea ana aia nei, o ke kau malie iho la no ia o ka la i kahi hookahi, aole hoi o ka iho iho ilalo o ke kau malie iho la no ia o ka la i kahi hookahi.

            Ko laua nei pii aku la no ia ma ua pali nei, he pali hiki ole i ka pii.

            Aka, ma ka mana o Hiiakaikapoliopele, ko laua mea o ka pii ana ma ua pali nei, oia hoi kela pali o Kalalau ka inoa.

            Ko laua nei pii aku la no ia a kokoke i ke ana, kahi a Lohiau e waiho mai ana, e ku mai ana no ka uhane o Lohiau i ka ipuka o ke ana, ike ka uhane o Lohiau ia laua nei, kaha aku e holo, i holo aku ka hana, e lalau aku ana ka lima kapu o Hiiakaikapoliopele o Kilauea, paa ka uhane o ua kane nei o Lohiau.

--

            Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou iini.

                        MA KE KAUOHA.

--

HE MAU NANAHAI NO KA NAAUAO.

--

            Imua on a opio o e@u o Liliuokalani.

            Nanehai 3.  I na paha e kapaeia na Kanawai mau o ka Poai Lani o ke ao holookoa; alaila ihea la e waho ai ka honua nei?

            Nanehai 5.  Heaha la ka mea e moe ai (upoi ai) na maka i ka wa e pule ai?

            Nanehai 6.  O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

--

HOOLAHA A KA LUNA HOOKO

KAUOHA I KA POE AIE.

--

            Imua oka Aha Kaapuni o ka Apana Kaaouni Akahi, ma ka Hooponopono Palapala Hooilina.  Ma ka Palapala Hooilina a Maria O'Sullivan i make.  O ka mea nona ka moa malalo nei, ke hoolaha aku nei, ua hookohuia oia i Luna Hooko Kauoha no ka Palapala Hooilina a kauoha hope loa a Maria O'Sullivan i make ma Honolulu  A ma keia ke hoike aku nei oia i ka poe he mau aie ko Maria O'Sullivan ia lakou, e waiho koke mai iaia i ka lakou mau koi i hooiaioia ma na bila aie pololei ma ka Halekuai o E. O. Hall & Son (Mikaholo) iloko o eono malama mai keia la aku, a e hoole loa ia hoi na koi ke hal akeia manawa.

                        ABERAHAM FERNANDEZ,

Luna Hooko Kauoha o ka Palapala

            Hooilina o Maria O'Sullivan i make.

            Hanaia i keia la 20 o Maraki, 1893.

            mar 27 3wksd.

--

E Nana e na Keonimana i Keia.

E WEHE IA ANA!

E WEHE IA ANA!!

Ke Ala hou Ana o na

Kahiko Nani Like Ole

--MA KAHI--

-O-

N. S. SACHS,

104 Alanui Papu, Honolulu.

 

Eia ma ko'u Halekuai, e ike ai na mea a pau,

e Punawai Pipii Ano Hou

I kahikoia me na Pua Nani Like ole o kela a me keia ano.

Na Lipine Ano Hou Loa

Na Lihilihi Panio.

 

Like ole o na Ano he nui.

            Na kahiko nani, i kimikohu ia, i ka wehi o na Opio.  Eia la ke ahu

                        Alala kunui nei, hele mai hookahi, hele mai elua, hele mai a pau

                                    Eia ka Nani la, ke alohi nei i ka papa o Maukele

                                                Na ka anoi e wae, elike me ke koi-i a ka puuwai.

--:N. S. SACHS:--

mar 31 674-tfd.           104 Alanui Papu, Honolulu.

 

 

HEIAU O NA PAIKINI!

--

Kihi o Alanui Papu me Hotele.

Wehe AIwaiwa Ana o na Waiwai Hou Loa

--

Ma ke ku ana mai nei o ka MOKUAHI AUSTRALIA a me ka

MOKUKIAPA C. D. BRYANT;

 

            Ua loaa mai Ia'u he 117 PAHU UKANA me na Waiwai hou o na ano hou loa.  He nani e ha-i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui.

            Ke konoia aku nei e hele mai e nana i keia mau Waiwai Hou Loa.

HE MAU WAIWAI HOU WALE NO MA NA WAHI A PAU OLOKO NEI O KO'U HALEKUAI.

            He heluna nui o na Kamaa Wahine, Kane a me na Keiki.  O ka'u mau Kumukuai e kulike ana ia me kou makemake.

            E huli ae hoi ma ke kahiko Lole Aahu o na Aahu o na Wahine.  He nani makalapua okoa no ia i ike mua ole ia ma keia Kulanakauhale, ma na Lole hiki ke Holoi ia o na Waihooluu.

            E komo mai e nana i ka makou mau Waiwai Hou Loa, a ke hooia aku nei wau ia oukou.  Owau he Alakai o na Kumukuai haahaa loa.

S. ERLICH,

Kihi o Alanui Papu me Hotele.

--

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co--PAINAIA.

HELU 99 Alanui Papu.

--

Oili Pulelo PAINAPA e kela i Kaupoku o

hanalei; aka i hewa no nae i ka lele

mua i ka hooulu i ka la ino.

--

            Oiai he manawa ilihune keia, no ka aina nei, no ka mea ke wawalo mai nei a leo pilikia o ka lehulehu mai o a o, a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku no au ma ia hana maikai, no ka mea

He Kawa ia Na'u i Lele a Opu.

            He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no kou e hookeia ai kela olelo kaulana a kahiko

Ohi Hapuku ka I'a o Kanaaau.

            Eia ma Ko'u Halekuai nei na Parale K@ apau, na @ na Hapuu a oukou o na maikini a @, mai ke @ Ledea ma na Keonimana o ke ano hou loa i ike @ malu o na waihoolulu a pau, a pela aku, a pela aku

E Kuai ia aku ana no ke Kumupaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua ako.  Na ka oiai mua me ka loaa, oloolo aku no ihope, n@.

                                    B. F. EHLERS & CO

            575. tf-dly.