Ka Leo o ka Lahui, Volume II, Number 683, 13 ʻApelila 1893 — Page 1
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
==============================================
BUKE II. HONOLULU APERILA 13, 1893 Helu 683
==============================================
KE ALOHA O KAWEKIULANI.
-
1st. Ua puia ke kaona i ka ala
O ke onaona Rose Hawaii
O ka pua oi kela o kanani
A ka puuwai e anoai ai.
Hui: He aloha no Kawekiulani
No ka Lei a Kapili Likelike
Pua nani o Ainahau
Ka onohi momi o Hawaii
2nd. O ka oi aku no Hawaii
Ma nei hana o ka imiloa
He loaa i ka welelau lima
I ka nanahe male a ka leo.
3rd. Ua mohala ka lau o ka naenae
Ua oliko ke Koaie
Ua ohaoha ku Pualehua
No ka Wohi kapu o Hawaii.
MISS KEKOAOHIWAIKALANI.
Puahaulani Hale, Mar. 25, 1893.
---o-o-o---
HE MOOLELO KAILI PUUWAI
-NO-
SENIA LUTERA
-
Ka Ui Puuwai Mabala
-:O:-
ENELANI KAHIKO.
-
A I OI E
He Nanea Hooheno no kekahi Kauna Wahine Opio me kana mau Aloha Ekolu.
(Kaauia no Ka Leo.)
-
MOKUNA XXXVI.
-
Ua hoopuiwa ia aela o Laionela i ka hoopa malie ana aku a kekahi ea ma kona poohiwi a i kona huli ana ae a nana, ua ike aku la oia i kana wahine e ku mai ana imua ona,m me na maka i uapehupeha i ka uwe.
Heaha ka ano o keia mau waimaka e Iulia? wahi a Laionela i ninau aku ai me ka leo oluolu, e hai mai, malia o hiki ia'u ke hooaku i ka kahe ana mai o kona mau waimaka.
Aole anei oe i ike o kona po hope keia e ole ai ma keia ao? wahi ana i hawanawana mai ai i kana kana me ka huna ana iho i mau maka iluna o kana umauma a hookuu aku la i kana ukana, a kona mau lihilihi e kahe makawalu, a pulu pono ka umauma o kana kane. O e Laionela! ua haawi oia i kona ola makamae, no ko kaua hauoli iloko o keia noho ana!
He oiaia io no ia, e ku' u Iulia maikai, wahi a Laionela i pane aku ai, me ka uumi iho i ke kahe ana mai a kona waimaka. Aole oia he wahine aka, he anela oia mai ka lani mai.
E Laionela ma ka'u hoomaopopo iho me ha mea ala owau kai ku i ka hewa, aole hoi oia e paa mai la ka hewa, aole hoi oia e paa mai la i ka paahao, wahi hou a Iulia me kona hoomau ana no i ka uwe ana.
Me he a'a, ma na ano apau, o kaua ke kumu o keia pilikia i ili aku ai maluna o kona kino hewa ole.
Hamau, e kou Iulia aloha, wahi a Laionela, me kona honi, a holoi ana aku i ka waimaka o kana wahine.
Owau kau e hoahewa mai, aole hoi o oe. Owau e kamailio aku nei ia oe, ka mea i ku i ka hewa, e kuu aloha, a o oe, ua like kou maemae e like me ko kela pua rose nani e popohe mai la iloko o ke la kiaha gula.
O ko'u ake nui wale no o kona hoopakele ia mai ka make mai! wahi a Iulia, aliila ka hoi loaa lla'u ka maha, a me ka hauoli o keia ole ana.
Me kou puuwai a pau o kau makemake no ia wahi a Laionela, me kona ake e noho hookahi oia iloko o kona kaamaha. Nolailo pane aku la oia i kana wahine ke hele aku nei i kau wahi o ka poele ele, a he mea pono wale no ia oe e hoi e hooluolu, alaila, honi aku la oia i kana wahine, a pane aku la, e hoi oe e moe, a ne ke Akua o hoomaikai mai ia oe!
Ua hapai a@la oia i kona maka iluna na kana kane o honi ai, a iloko o na la a pau o kona ola ana aole i poina ia Laionela ka minoaka i hekau mai maluna o na papalina o kana waine i ua po la ana i honi ai, aole no hoi oia i ike hou aku i kekahi minoaka oia ano ma ia hope iho.
Mamua o kona puka ana mai ka rumi aku o kana kane e naho ana ua ana kanalua au no ka noi ana e moe, nolaila, ku iho laoia a huli hou aku la i hope e nana aku ai i na helehelena nani o kana kane, la ia e ku ana malaila, ua ike aku la oia i kekehi mea e maaloalo ana iloko o ke opu nahelehele, nana i hoopuanuanu ae i ka holo ana o ke koko iloko o kona puuwai, a iloko o ka malamalama o ka mahina, ua ike maopopo aku la oia i ka hulaili ana mai o ka pu kaapoohiwi, ua kaulona pono ia aku i ka puuhai o kana kane.
Aole i pau.
==================================
HE NANEA KAMAHAO
-NO-
MAIKA
KE KEIKI
Hapa Ilikina a Hawaii hoi.
KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI -
A O KA WELI HOI O NA ILI KEOKEO - A ME KA LUKU IA ANA O KELA HUI KEAKA A LI.
-
E noho mai kana e kuu aloha, ke halialia e wale mai nei no ia'u na hiohiona i kau ia maluna o kuu makuakane auwe ka manaonao e - na konu io bipi hoi keia
mea, elua poo kanaka manaonao iluna o kahi moe, o keia poo uuku o kuu keiki no ia, a no kuu aloha keia poo, ka hele ana oke kino maoli o Maika ma
ka moeuhane no ka Ilina o ka wahine, wi ka niho o ka poe hana hoomainiono pau i ke koli ola ia ka hui pepehi kanaka o Conegokena ma.
-
Iloko oia wa i hele aku ai ua hapa Ilikini a hou aku la keia i na pepe ao a lelua o ua poe nei, a hookomo aku la keia i ke kaula ilihau a ia nei i hilo ai, ua hana ia keia karaima eleele loa e ua hapa Ilikini nei iloko o na leo uwe e hoopaiakuli ana i ka lewa mai ka waha mai o ua poe powa nei iloko o ko lakou ke kue aku, no ka mea; ua hao ia aku la e ke akamai o ka hapa Ilikini a hiki ole i kekahi o lakou ke kue mai, a aolo no hoi he hiki ia lakou ke kahea ae i ma kekua, no ka mea, eia lakou iwaena o ke kula kuanea kanaka ole a i laukanaka i ka leo o na manu me na holohalona, aole no hoi he hele ia o ia wahi e na makaikai no ka makau i na holoholona hihiu o ka waonahele a ma hoopokole ana ae, ua pau kau hana, ua pio ka oe ahi,
A pela iho la i lanakila loa ai keia karaima eleele a ua hapa Ilikini nei, i ka pau pono ana ona pepeiao o ma poe powa nei i ka hookomo ia me ka kaula ilihau ia wa i ku nana aku ai ua hapa Ilikini nei a luilui noke aku la oia i ka aka akaaka a me kona puana aku.
Laki maoli oukou i ka loaa o ko oukou mau kula pepaiao makana no ka oukou mau mea i hana ai, i na aole oukou i hana i kekahi karaima eleele, @a aole e loaa keia makana kulapepeiao ia oukou, ua hoowela ia ka puuwai o ua poe powa nei me ke piho mai@a, no keia mau h@aolelo pahenehene a u hapa Ilikini nei ina paha i loaa hou ia lakou ka lanakila ina paha ua pua ua hapa Ilikini nei i ka ai maka a naunau a kona kino holookoa e like me ka ana o ka pakanau, aohe hoi e hiki ua paa lakou i ka hauhoa ia me ke kaula ilihau aohe he hana aku, o ka aa wale aku no o na maia a e nana wale aku no i ka hopena a wahia e ili ibo ana maluna o lakou pakahi.
---o-o-o---
Mai hoopoina i ka hoonaue ae e ike i ka Po Le'a o Halalii; no ka mea aia ilaila ke koi@ koi a ko puuwai.
---o-o-o---
[pointing finger] Eia ka papa inoa o na Komite kakauinoa o "Ka Hui Hawaii Aloha Aina"
F. S. Keiki, Apana 1.
Chas. Keawe Apana 2.
J. K. Prendergast Apana 3.
Kapamawaho)
A. K. Palekaluhi, Apana 4.
Wm. Mikimana, Apana 5.
================================
HE UMI (10) APANA AINA HOME MAIKAI NO KE KUAI.
Aia he Umi apana aina Home maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L. Hopkins a me Mr. Marcfarlane a i keia mamua o ka aina o G. W. Keaweamahi.
A oia no na apana aina pa hale Inani loa i koe iloko o ke kulana kauhale nei.
He oluolu loa ke kumukuai. He maikai ke kuleana. Na ka mea kuai mai e uku no na Palapala.
No na mea i koe e ninau ia William C. Achi Honolulu Maraki 27, 1893. tf.
-----------------------------
OLELO HOOLAHA.
-
E ike auanei na kanaka a pau me keia ke papa loa ia aku nei na mea a pau, aole e hele maluna o na aina o Kahikinui a me Auwahi i lilo nai iua maua malalo o ke kuai a me ka hoolimalima a lawe aihue i na manu Pelehu. Pikake a me na ano manu e ae apau loa e hele ala maluna o ua mau aina nei. A pa keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia mana a hookolokolo, a hoopai ia e ke kanawai no ka lawe aihue i kekahi a ua mau ano manu nei e h@ke mai ma ko maua Hale Kuai ma Wailuku. Ua kapu pu ia no hoi @ kanaka a pau aole e hele @luna o ko maua mau aina kula no ka lawe ana i na Bipi. Lio a mau Holoholona e ae, me ka noi mea ole mai ia maua a i ko maua Lana paha, oia o Frank Frietas e noho ala maluna o ka aina.
A. ENOS & CO.
Wailuku, Maui, Feb. 9th 1893
feb9 3msw.
=============================
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1892.
NA KAA
*
AM AM PM PM
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Heaiele ia " 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHAE MOMI IHO.
Haalele ia Honolulu 5:10|| P.M.
Hiki i Kulanakauhale Momi 5:48||
Haalele ia " " 6:55* A.M.
+ Poaono wale no
* Koe ka Lapule
|| Koe ka Poaono
Sept. 28 tf-dly.
-------------------------------------------------------------
HOOLAHA AINA.
E ike auanei na kanaka a pau ma keia Hoolaha, owau o S.K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepole (w) a me Ku (k) i make e waiho la nma Kahuku Kau, Mokupuni o Hawaii. O ka mea a mau mea i kuai a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei, e hoike koke mai ia'u a i ole e kipaku no au ia lakou.
S. K. KILA OPIO.
Honolulu, Feb. 17, 1893.
4ts-wkly.
---------------------------------------------------------------
Elia Kaululaau.
Kauka Hana Niho.
-
Ua hiki ke huki ina Niho me ka eha ole iloko o ka manawa pokole loa. He loea me ka @ooau ma ka Hoopiha ana i ka niho me ke Gula Kala a mea e ae paha. He akamai loa ole i ka Hana ana i na Niho Kui o na ano a pau.
He Mikioi ka Holoi ana ina Niho. He palanehe kona mau lima ma Kana mau mea Hana Niho o na ano Hou loa i loaa mai nei. He oluolu no ke kukai olelo ana no kona ukuhana.
O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Kauka Hana Niho: mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ol@ kena akamai maoli ma keia Oihana ano nui.
E ikeia kakou Hoa Kanaka o kipa hewa ke aloha ia lakou nei ae.
Koena Hana maluna ae o ka Hale Hana Pu i ke kihi o Alanui Moi a me Betela Puka komo e pii a i iluna o ke Keena ma Al, Moi.
mar.-tfd.