Ka Leo o ka Lahui, Volume II, Number 682, 12 ʻApelila 1893 — UA HALA O JAMES HOOPII. [ARTICLE]
UA HALA O JAMES HOOPII.
Ma ke ahiahi o ka Poakahi nei, hoora 6:35 minute, ua kipa ae la ka anela o ka make i ka hale kino o Kimo Hoopii, a lawe aku la i hanu ola mai iaia aku, a waiho iho la i ka lepo no ka lepo, he opio oia, nona na makahiki he 37 a oi, a o Maui kona aina hanau, aloha wale na makua, i ka ike ole i ka hanu o ka laua keiki, he koa kiai oia no ka puali koa o ka Moiwahine Liliuokalani, a hiki i ka wa i hoopau ia ai oia oihana he hookahi wale no pule o ka mai ana, a kuu aku la ka luhi, moe aku la i ka moe kapu o Niolopua, e hoomaikai ia ke Akua ma na lani kiekie loa, nana no hoi i haawi mai, a nana no hoi i lawe aku.