Ka Leo o ka Lahui, Volume II, Number 682, 12 April 1893 — Page 4
| This text was transcribed by: | Siira Phoenix |
| This work is dedicated to: | TO LISTENING |
KA LEO O KA LAHUI.
"E Mau ke Ea o ka Aina i ka Pono."
KA LEO.
JOHN E. BUSH,
HONOLULU APERILA 12 1893
KA MOOLELO
O
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A
ME KA POE I HOOPAA I NA
MOOLELO A ME NA
KAAO KAHIKO O
HAWAII NEI.
Hao aku nei ke aikane i na kanaka a pau, koe wale iho nei no o maua e kiai iaia, moe ia, noho aku maua nana, wahi a Kahuanui.
Haha aku ka hana o ka lima kapu oia nei o Kilanea. nana i oi ka pahoehoe o kai o Puna, koele no la, ku ke a i kai o Apua, kahuli Apua haa o Maukele, aole o Lohiau iloko o ka hale, alaila, hapai ae o Hiiakaikapoliopele i keia mele, penei:
A Limaloa i ke kaha
O Kaunalewa hoi e
Ako Mana i ka hale ohai
Aina ko hele la e
Hoopunipuni i ka malihini
Puni hoi au---e.
A pau ia mele a Hiiakaikapoliopele, i mai o Kahuanui. Aohe palau, ei ae no ke waiho mai nei iloko o ka hale kuu kaikunane, oia ko maua mea e noho nei, i noho mau iaia.
I mai o Kahuanui, e hoi kakou i ka hale, ae aku na malihini.
Ko lakou hoi aku la no ia a hiki i ka hale, nana aku no keia i ka uhane o ke kane e ku mai ana no i ka puka o ke ana, hapai hou ae no o Hiiakaikapoliopele i ka uwe ma ke mele, penei:
Ako na nani maka i Wawaenohu e
Me he nanai hale la Kaula i ke kai
Ke amo ae la i ka lima o Kaunuloa e
Ke hoa la i ke kua o Keinoai
He ai aloha keia ia oe la--e.
A pau ia mele aia nei, alaila, hapai hou no o Hiiakaikapoliopele i keia uwe ma ke mele penei:
O Kaula nui kai akaka
Ua po Kahalauaola i ka noe
O ka manu nae ke lele nei
Kai iluna o Waahila la
Ke noo la i Keinoai
He ai aloha keia ia oe la--e
A pau keia mele aia nei, nana aku o Hiiakaikapoliopele i keia mau wahi wahine e noho mai ana, o Aka ka inoa o kekahi wahine, a e Kilioe ka inoa o kekahi, o keia mau wahine, o na mea no ia nana e huna ua mau ana nei o Lohiau, noho iho la no laua nei paa ka puka o ke ana, ia ike ana, ia ike ana aku aia nei ia laua e alai ana i ka ipuka o ke ana, alaila, hapai ae o Hiiakaikapoliopele i keia meie, i mea e make ai ua mau wahine nei, penei:
Apopo make o Kilioe laua o Aka i ka lau o ka pule a Hiiaka.
Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka haka ia ole, i hiki ke hoolawa hou ia aku kou imi.
MA KE KAUOHA.
HE MAU NANEHAI NO KA NAAUAO.
Imua o na opio, o e au a Liliuokalani.
Nanehai 3. I na paha e kapaeia na Eanawai mau o ka Poai Lani o ke ao holookoa; alaila ihea la e waho ai ka honua nei?
Nanehai 5. Heaha la ka mea e moe ai (unoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
[Ma ka loaa pono o ka haina, e kapaeia ai kekahi Nanehai, mai ka hoolaha mau ana].
HOOLAHA A KA LUNA HOOKO KAUOHA I KA POE AIE.
Imua o ka Aha Kaapuni o ka Apana Kaapuni Akahi. ma ka Hooponopono Palapala Hooilina. Ma ka Palapala Hooilina a Maria O'Sullivan i make. O ka mea nona ka moa malalo nei, ke hoolaha aku nei, ua hookohuia oia i Luna Hooko Kauoha no ka Palapala Hooilina a kauoha hope loa a Maria O'Sullivan i make ma Honolulu. A ma keia ke hoike aku nei oia i ka poe he mau aie ko Marie O'Sullivan ia lakou. E waiho koke mai iaia i ka lakou mau koi i hooiaioia ma an bila aie ponolei ma ka Halekuai o E. O. Hall & Son (Mikaholo) iloko o eono malama mai keia la aku, a e hoole loa hoi na koi ke hala keia manawa.
ABERAHAM FERNANDEZ,
Luna Hooko Kauoha o ka Palapala
Hooilina o Maria O'Sullivan i make.
Hanaia i keia la 20 o Maraki, 1893.
mar 27 3 wksd.
E Nana e na Keonimana i Keia.
E WEHE IA ANA!
E WEHE IA ANA!!
Ke Ala hou Ana o na
Kahiko Nani Like Ole
MA KAHI
O
N. S. SACHS,
104 Alanui Papu, Honolulu,
Eia ma ko'u Halekuai, e ike ai na mea a pau,
e Punawawai Pipii Ano Hou
I kahikoia me na Pua Nani Like ole o kela a me keia ano.
Na Lipine Ano Hou Loa
Na Lihilihi Panio.
Like ole o na Ano he nui.
Na kahiko nani i kinikohu ia, i ka wehi o na Opio. Eia la ke ahu
Alala kunui nei, hele mai hookahi, hele mai elua, hele mai a pau
Eia ka Nani la, ke alohi nei i ka papa o Maukele
Na ka anoi e wae, elike me ke koi i koi a ka puuwai.
:N. S. SACHS:
mar31 674-tfd. 104 Alanui Papu, Honolulu.
HEIAU O NA PAIKINI!
Kihi o Alanui Papu me Hotele.
Wehe Aiwaiwa Ana o na Waiwai Hou Loa
Ma ke ku apa mai nei o ka MOKUAHI AUSTRAILIA a me ka MOKUKIAPA C. D. BRYANT;
Ua loaa mai Ia'u he 117 PAHU UKANA me na Waiwai hou o na ano hou loa,
He nani e ha i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui.
Ke konoia aku nei e hele mai e nana i keia mau Waiwai Hou Loa.
HE MAU WAIWAI HOU WALE NO MA NA WAHI A PAU O LOKO NEI O KO'U HALEKUAI.
He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me kou makemake.
Ke huli ae hoi ma ke kahiko Lole Aahu o na Aahu o na Wahine. He nani makalapua okea no ia i ike mua ole ia ma keia Kulanakauhale, ma na Lole hiki ke Holoi ia o na Waihooluu.
E komo mai e nana i ka makou mau Waiwai Hou Loa, a ke hooia aku nei wau ia oukou. O wau ke Alakai o na Kumukuai haahaa loa.
S. ERLICH,
Kihi o Alanui Papu me Hotele.
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
MAKA HALE KUAI ALAKAI O
B. F. Ehlers & Co --PAINAI A.
HELU 99 Alanui Papu.
Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino
Oiai he manawa ilihune keia no ka aina nei, no ka mea ke wawalo mai nei u leo pilikia o ka lehulehu mai o a o, a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku ne au ma ia hana maikai, no ka mea.
He Kawa ia Na'u i Lele a Opu.
He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko
Ohi Hapuku ka I'a o Kapaau.
Eia ma Ko'u Halekuai nei na Papale Kamalii o no ano o pau, na Lako Lole na Hapuu a oukou o na paikini a pau, mai ke nui a ka ukulele, na Lako Lole o @ Lede a me na Keonimana o ke ano hou loa i ike mua ole ia ma Hawaii nei, na M@ malu o na waihoolulu a pau, a pela aku, a pela aku.
E Kuai ia aku ana no ke Kumupaa.
Nolaila mai hoohala i ka ike ana ia kaua.
E hoomaka ana keia kuai hookelakela mai a ma keia mua aku. Na ka oiai mua no ka loaa, oloelo aku no ihopo, nele.
575. tf-dly. B. F. EHLERS & CO.