Ka Leo o ka Lahui, Volume II, Number 676, 4 April 1893 — Page 4
| This text was transcribed by: | Lyn Kuda |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
---
KA LEO.
---
JOHN E. BUSH,
---
HONOLULU APERILA 4, 1893
---
HE WEHI NO KAWANANAKOA.
---
1st. Ahe wehi no Kawananakoa,
Iwa kiani o Hawaii;
Ka Hokuloa kakahiaka.
E alohi nei malamalama.
Chorus.--
E ia o Kalani Kawika,
I ke one o Kakuhihewa;
E kipa eia ka mehana,
I ka poli nahenahe o Malio,
2nd. Ua hoohie mai Maleka.
I ke onaona Lei Mokihana,
E ake no a iki lihi
I ka poli Lauae o Makana.
3rd. Aole no e loaa mai.
Maoli pua no Hawaii;
E popohe ana i ke kehau,
Ka mapu ana mai huihui.
---
KA MOOLELO
--O--
HIIAKAIKAPOLIOPELE.
---
I HOOPONOPONOIA
---
MAI KA POE KAHIKO MAI A ME KA POE I HOOPAA INA MOOLELO A ME NA KAAO KAHIKO O HAWAII NEI.
---
A pau ka ai ana a na akua, alaila ai o Wahineomao i kana wahi mea ai ke moe nei no o Hiiakaikapoliopele, oia hele ana mai no a moe o ka moe aku la no ia, o ke aikane wale no kai nee mai i ka ahaaina, ina mea i hoomakaukau ia na laua.
Ia Wahineomao i ai ai, alaila, hoomaka o Malaebaakoa e hula me kana wahine, me Wailuanuiahoano hapai ae laua i keia mele loihi loa, penei, "He nula Pele keia"
o kaua a Pele i haka i Kahiki
I hakaka ai me Puna-ai-koae
Mahuka mai Pele i Hawaii
Mahuka Pele i ona onohi
I na lapa uwila
E lapa i mahina--la
Elieli kau mai
He kai moe nei no Pele
No ke akua, he kai hoolale ina moku
Hai aku ka i Hanakahi
I ke one o Waiolama iluna
A koa ka hale o ko akua
Ke amo ala ke ko-i
Ke kua la iuka
Haki nuanua mai
Ka nalu mai Kahiki
Popoi aku la i ke alo o Kiluaea
Ke kai huli i ke alo o Papalauahi
Kanaka hea i ka la Ko puaakanu, wahine kui lehua
Ka uka i Olaa, kuu moku lehua
I ke alo o Heeia, o Kukuena wahine
Komo i ka lauwili na hoalii
I ka nahele o Puna ae a e a noho
Eia mukou ko lau kaula la
Eleile kau mai
He kai ehu ko Kohalaloa
Kai Apaapaa ko ka pali i uka
He kai kiai pali ko Kakupehau
Kai pii hala ko aina
Ke popoi aku la i kai o Maui
Ke kai a ka wahine alii
O ke kui lehua a Pele
O kou akua la--e
Elieli kau mai
Mai ia hana ana a Malaehaakoa ma, makemake loa o Hiiakaikapoliopele, i aku ia Wahineomao, ai malie loa a ua nei oe i kau wahi ai, alaila, ai malie loa iho la o Wahine omao i kana wahi mea ai, ke hula ala no laua la.
Ua hookohuia o J. Mort. Oat i Luna Leta Nui no ke Aupuni ma kahi o Mr. W. Hill i hoopauia.
---
HE MAU NANEHAI NO KA NAAUAO.
---
Imua o na opio o e au o Liliuokalani.
Nanehai 3. I na paha e kapaeia na Eanawai mau o ka Poai Lani o ke ao holookoa; alaila ihea la e waiho ai ka honua pei?
Nanehai 5. Heaha la ka mea e moe ai (unoi ai) na maka i ka wa e pule ai?
Nanehai 6. o ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
"Ma ka loaa pono o ka haina, e kapaeia ai kekahi Nanehai, mai ka hoolaha mau ana".
---
HOOLAHA PAPA AINA.
E ike auanei na kanaka a pau ma ke ia; Owau o ka m[x]a nona ka inoa malalo iho nei, ke papa aku nei au i na mea a pau loa, aole e puni wale a ae aku paha e hoolimalima a e kuai paha i kela mau Apana Aina a pau loa o kuu kupunakane i make, oia o S. W. B. Kahaumanu. Oia keia:
Hookahi Apana Aina ma Honouliuli Ewa, Owahu; Hookahi ma Waikele, Ewa Hookahi ma Leleo, Honolulu.
Owau iho no,
S.W. B. Kahaumanu-Opio.
Maraki 9, 1893. mar17 1mw.
---
E Nana e na Keonimana i Keia.
E WEHE IA ANA! E WEHE IA ANA!!
Ke Ala hou Ana o na
Kahiko Nani Like Ole
--MA KAHI--
--o--
N.S. SACHS,
104 Alanui Papu, Honolulu.
Eia ma ko'u Halekuai, e ike ai na mea a pau,
He Punawai Pipii Ano Hou
I kahikoia me na Pua Nani Like ole o kela a me keia ano.
Na Lipine Ano Hou Loa Na Lihilihi Panio.
Like ole o na Ano he nui.
Na kahiko nani i kinikohu ia, i ka wehi o na Opie. Eia la ke ahu
Alala kunui nei, hele mai heokahi, hele mai elua. hele mai a pau
Eia ka Nani la, ke alohi nei i ka papa o Maukele
Na ka anoi e wae, elike me ke koi-i koi a ka puuwai.
--:N.S. SACHS:--
mar31 674-tfd. 104 Alanui Papu, Honolulu.
---
HEIAU O NA PAIKINI!
---
Kihi o Alanui Papu me Hotele.
Wehe Aiwaiwa Ana o na Waiwai Hou Loa
---
Ma ke ku ana mai nei o ka MOKUAHI AUSTRALIA a me ka MOKUKIAPA C.D. BRYANT;
Ua loaa mai Ia'u he 117 PAHU UKANA me na Waiwai hou o na ano bou loa, He pxxx[ni e ha-i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui.
Ke konoia aku nei e hele mai e nana i keia mau Waiwai Hou Loa.
HE MAU WAIWAI HOU WALE NO MA NA WAHI A PAU O LOKO NEI O KO'U
HALEKUAI.
He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me kou makemake.
Ke huli ae hoi ma [x]e kahiko Lole Aahu o na Aahu o na Wahine. He nani makalapua okoa no ia [xxx] e mua ole ia ma keia Kulanakauhale. ma na Lole hiki ke Holoi ia o na Wali [xxx]u.
E komo mai e nana i ka makou mau Waiwai Hou Loa, a ke hooia aku nei wau ia oukou. Owau ke Alakai o na Kumukuai haahaa loa.
S. EHRLICH,
Kihi o Alanui Papu me Hotele.
---
HE KUAI HOOKELAKELA NUI!
---
Hele mai Hookahi, a i ole Hele mai no a Pau Loa
MA KA HALE KUAI ALAKAI O --
B.F. Ehlers & Co--PAINAPA.
HELU 99 Alanui Papu.
---
Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino!
---
Oiai he manawa ilihune keia ao ka aina nei, no ka mea ke wawalo [xxx]ai nei[x]n leo pilikia o ka lehulehu mai o a o, a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku ne au ma ia hana maikai, no ka mea
He Kawa ia Na'u i Lele a Opu.
He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no Loi e hookeia ai kela olelo kaulana a kahiko
Ohi Hapuku ka I'a o Kapaau.
Eia ma Ko'u Halekuai nei na Panale Kamalii o na ano a pau, na Lako Lole na Hapuu a oukou o na paikini a pau mai ke nui a ka ukulele, na Lako Lole o a Lede a me na Keonimana o ke a[xxx]hou loa i ike mua ole ia ma Hawaii [x]ei, na M malu o na Waihoolulu a pau, a pela aku, a pala aku
E Kuai ia aku ana no ke Kumupaa.
Nolaila mai hoohala i ka ike ana ia kaua.
E hoomaka ana keia kuai hookelakela mai a ma keia mua[x] aku. Na ka oioi mua no ka loaa. oloolo aku no ihope, nele.
B.F. EHLERS & CO.
575. tf-dly.