Ka Leo o ka Lahui, Volume II, Number 674, 31 March 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOHN E. BUSH,

HONOLULU MARAKI 31, 1893

 

KALANAKILA O HAWAII.

            1st.                 

Ua hookoia ke ko'ii,

Kau a ka manao;

Ua lanakila mau Hawaii

Ka Hoku o ka Pakipika

 

            Chorus.

Na Hawaii no ke Aloha,

Aina o ka lokomaikai;

Lahui malama i ka pono,

Me ka Laahia o ke Kalaunu.

 

            2nd.

"Aohe kupueu o Kahiki,

Nana e hoonioni mai;

Ua ewe ua malu ua paa,

Eia i ka piko o Wakea.

 

            3rd.

Eia Hawaii ua wehi,

I ka Lei nani o ka Lanakila;

Kilakila na pua na mamo,

Na ewe kupa o ka Aina.

 

            KEKOAOHIWAIKALANI

            Puahaulani Hale.

            Maraki 25, 1893.

 

KA MOOLELO

 

HIIAKAIKAPOLIOPELE.

 

I HOOPONOPONOIA

 

MAI KA POE KAHIKO MAI A

MEKA POE I HOOPAAINA

MOOLELO A ME NA

KAAO KAHIKO O

HAWAII NEI.

 

            Kaha akku la no o Hiiakaikapoliopele ma hele ana, i nana ka hana o Wailuanuiahoano, e hele ana laua la, ko laua nei hele aku ia no ia a kau ana iluna o ka pali, i nana iho ka hana o laua nei, e lawaia ana nei, ekolu makau, ekolu opae, ho-o i ka makau iloko o ka io opae, mali keia a paa ka maunu, o ke poo o na opae, mama keia a puhi aku la i ka hauna, ona mai la ka ia, kioia aku la keia a ka makau me ka mauau, hipai aku la o Malaehaakoa e keia mele, penei:

 

Pa mai ka makani

 O ka lele waa --e

alakani kai ehu

Lalo o ka pali

O kipu i malenalena

O wainiha i ka'u makau

He ia, he ia na ka lawaia

Na Malaehaakoa --e

           

            A pau kana mele, pane mai o Hiiakaikapoliopele ia Malaehaakoa ma ka mele, penei:

 

O Malaehaakoa lawaia o ka pali

Keiki lawaia oe a Wainiha

Moopuna a Kanaolani

 

Lawaia ku pali o Haena

Au umauma o ke ala haki

He ia na ka lawaia

Na Malaehaakoa -- e

           

            Alaila lohe ae la o Malaehaakoa i keia leo, nana ae la o Malaehaakoa iluna, aohe ike oia nei i ka mea nona keia leo, o ka malu nae kai uhi iho maluna oia nei, alaila i ae keia, nou ka hoi keia la malu nui e ka wahine ai laau o Puna, alaila, hapai ae la o Malaehaakoa i keia mele, me ke kiloi pu aku i kana makau iloko o ke kai, penei:

O oe ia e ka wahine ai laau o Puna

E ka lala i ka ulu o Wahinekapu --e

He ia, he ia na ka lawaia

Nana akua wahine o Puna --e

            A pau ia mele a Maalaehaakoa alaila, makaukau keia e hoi, o oki ae la keia i ka makau; hahao iloko o ka eke aia nei, a hoi aku la o Malaehaakoa i ka hale.

            Ko makou la leleuwaki keia, i ahaia oe.  I hoalu wale ia aku no oia iho paha keia wahi hoohene.

            I love you, se no! no!

            No guru hanahana Sunia ma.

            O Sia me.---

 

HE MAU NANEHAI NO KA NAAUAO.

            Imua o na opio o e au o Liliuokalani.

            Nanehai 3.  I na paha e kapaeia na Eianawai mau o ka Poai Lani o ke ao holookoa: alaila ihea la e waiho ai ka honua nei?

            Nanehai 5:  Heaha la ka mea e moe ai (unoi ai) na maka i ka wa e pule ai?

            Nanehai6.  O ka hiona i ike ia ma ka moeuhane, he mau hoakaka anei ia o ke oia uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

 

HOOLAHA PAPA AINA.

            E ike auanei na kanaka a pau ma ke ia; Owau e ka mea nona ka inoa malalo iho nei, ke papa aku nei au i na mea a pau loa, aole a puni wale a ae aku paha e hoolimalima a e kuai paha i kela mau Apana aina a pau loa e kuu kupunakane i make, oia o S.W.B. Kahaumanu.  Oia keia:

            Hookahi Apana Aina ma Honouliuli Ewa, Oahu, Hookahi ma Waikele, Ewa Hookahi ma Leleo, Honolulu.

            Owau iho no,

            S.W.B. KAHAUMANU-OPIO.

Maraki 9, 1893.  mar17  1mw.

 

E Nana e na Keonimana i Keia.

E WEHE IA ANA!

E WEHE IA ANA!!

Ke Ala hou Ana o na

Kahiko Nani Like Ole

- MA KAHI -

N.S. SACHS.

104 Alanui Papu, Honolulu

Eia ma ko'u Halekuai, e ike ai na mea a pau,

He Punawai Pipii Ano Hou

[ kahikoia me na Pua Nani Like ole o keia a me keia ano,

Na Lipine Ano Hou Loa

Na Lihilihi Panio.

Like ole o na Ano he nui.

Na kahiko nani i kinikohu ia, i ka wehi o na Opio.  Eia la ke ahu

Alaia kuani nei, hele mai hookahi, hele mai elua, hele mai a pau

Eia ka Nani la, ke alohi nei i ka papa o Maukele

Na ka anoi e wae, elike me ke koi-i koi a ka puuwai.

: N.S. SACHS:

mar31 674-tid.   104 Alanui Papu, Honolulu.

 

HEIAU O NA PAIKINI!

Kihi o Alanui Papu me Hotele.

Wehe Aiwaiwa Ana o na Waiwai Hou Loa

Ma ke ku ana mai nei o ka MOKUAHI AUSTRALIA a me ka

MOKUKIAPA C.D. BRYANT;

 

            Ua loaa mai Ia'u he 117 PAHU UKANA me na Waiwai hou o na ano hou loa, He nani e ha i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui.

            Ke konoia aku nei e hele mai e nana i keia mau Waiwai Hou Loa.

            HE MAU WAIWAI HOU WALE NO MA NA WAHI A PAU O LOKO NEI O KO'U HALEKUAI.

            He heluna nui o na Kamaa Wahine, Kane a me na Keiki.  O ka'u mau Kumukuai e kulike ana ia me kou makemake.

            Ke huli ae hoi ma ke kahiko Lele Aalu o na Aahu o na Wahine.  he nani makalapua okoa no ia i ike mua ole ia ma keia Kulanakauhale, ma na Lole hiki ke Holoi ia o na Waihooinu.

            E komo mai e nana i ka makou mau Waiwai Hou Loa, a ke hooia aku nei wau ia oukou.  Owau ke Alakai o na Kumukuai haahaa loa.

S. EHRLICH,

Kihi o Alanui Papu me Hotele.

 

HE KUAI HOOKELAKELA NUI!

Hele mai Hookahi, a i ole Hele mai no a Pau Loa

MA KA HALE KUAIALAKAI O

B.F. Ehlers & Co - PAINAPA.

HELU 99 Alanui Papu.

Oili Pulelo PAINAPA e kela i Kaupoku o

hanalei; aka i hewa no nae i ka lele

mua i ka hooulu i ka la ino

            Oiai he manawa ilihune keia no ka aina nei, no ka mea ke wawalo mai nei ka leo pilikia o ka lehulehu mai o a o, a ke kuai hoopoho mai nei hoi kekahi mau ha e koai e koao ana e kulai kekahi i kekahi, nolaila ke komo pu aku no au ma ia hana maikai, no ka mea

 

He Kawa ia Na'u i Lele a Opu.

            He mau makahiki loihi i hala ae nei, akahi olooa kuu a @ i ke ahi o o Kamaile a nie ke Kawelu o Lanihuli, a i mea no koi e hookela ai kela olelo kaulana a kahiko.

 

Ohi Hapuku ka I'a o Kapau.

            Eia ma Ko'u Halekuai nei na Papale Kamalii o na ano a pau, na Lako Lole na Hapuu a oukou o na paikini a mua mai ke nui a ka ukulele, na Lako Lole o a Lede a me na Keonimana o ke ana hou loa i ike mua ole ia ma Hawaii nei, na M@ malu o na waihoolulu a pau, a pela aku, a nela aku

 

E kuai ia aku ana no ke Kumupaa,

Nolaila mai hoohala i ka ike ana ia kana.

            E hoomaka ana keia kuai hookelakala mai a ma keia mua aku.  Na ka oiei mua no ka loaa, oloolo aku no ihope, nolo.

575.  tf -dly.    B.F. EHLERS & CO.