Ka Leo o ka Lahui, Volume II, Number 673, 30 March 1893 — Page 4
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
KA LEO O KA LAHUI.
"E Mau ke Ea o ka Aina i ka Pono."
KA LEO.
-----
JOHN E. BUSH,
-----
HONOLULU, MARAKI 30, 1893
-----
KA MOOLELO
-0-
HIIAKA IKA POLIO PELE
-----
I HOOPONOPONOIA
-----
MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.
-----
Ko laua nei hele aku la no ia, i ka moana laua nei e holo aku ana. ike aku no o Hiiakaikapoliopele i ka uhaue e Lohiau e ku mai ana i ka puka o ke ana, iluna o ka pali o Kalalau, kani aku ke oli a Hiiakaikapoliopele, penei:
A Kalalau a Ke e
A kapali au i Haena
E peahi mai ana
Kalawakua ia'u la peahi
E peahi mai ana
Kalawakua ia'u, owau keia,
O ka maka o ke aloha la
o ke aloha hoi-e
Holo aku la no laua nei, o ke ku mai no o ka uhane o Lohiau i ka puka o ke ana, hapai hou no keia i ke mele, penei:
Ua puea e ke one ka lahua o uka
Ua ho-a iki Kaula i ka papa
Ua huna i ke kino i ka pohaku
O ka pua nae ke ahu nei i ka ala
Alanui hele o Kaumukupukupu
Hele liula o Kepohakau e, kau @a
A Kapohakau he Kilohana ia
He makaikai ia no Kahuanui
A Kaunu anei o ke aloha ia
A ia'u la eha oe
A pau ia mele aia nei. pae ana laua nei i ka honua, aole laua nei i hele mua i kahi o Lohiau ma aka, hele mua lana nei ia Malaehaakoa ma la laua me kana wahine o Wailuanuihoano.
Ia hele ana aku o laua nei. aole laua nei i kipa ma ka hale o Malaehaakoa ma, aka ua hele loa laua nei ma ke alanui, no ka ike no o Hiiakaikapoliopele ia Malaehaakoa aia i ka lawaia, ua lawe ka wahine ia Malaehaakoa a kahi lawaia, no ka mea, o ka hana mau no ia a Malaehaakoa o ka lawaia.
He kanaka oopa o Malaehaakoa. aole nae on a manao e haalele i kana hana, ua lawe aku o Wailuanuiahoano i ua o Malaehaakoa, a waiho hoi mai, kuku kapa iloko o ka hale kuku-kua, kuku iho la o Wailuanuiahoano a kau ae la ka la, alaila, kii aku i ke kane.
Ua hele mai o Hiiakaikapoliopele ma a mawaho o ka hale, ku laua nei, a o ka pane ole mai o Wailuanuiahoano ia laua nei, nolaila, hapai ae la o Hiiakaikapoliopele i keia male penei:
Kunihi ka mauna i ka lai e
O Waialeale la i Wailua
Huki iluna ka popo ua o Kawaikini
Alai ia ae la e Nounou
Nola Kaipuhaa
Ka laula mauka o Kapaa-e
I paa i ka leo, he ole ka hea nai
E hea mai ka leo-e
-----
Ua pau hoi ka makani nui, he mau kulu pakaua ia e kilihune mai nei.
I keia ahiahi e lohe hou ai kakou in a lkeo hoene o na mea kani a na keiki puhi ohe, o ka Puali Puhiohe Lahui Hawaii, ma ka luakini o Kawaihao.
-----
HE MAU NANEHAI NO KA NAAUAO.
-----
Imua o na opio o e au o Liliuokalani
Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?
Nanehai 5. Heaha la ka mea e moe ai (unoi ai) na maka i ka wa e pule ai?
Nanehai 6, O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
(Ma ke loaa pono o ka haina, e kapaeia ai kekahi Nanehai, mai ka hoolaha mau ana.)
-----
HOOLAHA PAPA AINA.
E ike auanei na kanaka a pau ma ke ia; Owau o ka mea nona ka inoa malalo iho nei, ke papa aku nei au i na mea a pau loa, aole e puni wale a ae aku paha e hoolimalima a e kuai paha i kela mau Apana Aina a pau loa o kuu kupunakane i make, oia o S. W. B. Kahaumanu. Oia keia:
Hookahi apana Ama ma Honouliuli Ewa, Oahu; Hookahi ma Waikele, Ewa Hookahi ma Leloe, Honolulu.
Owau iho no.
S. W. B. KAHAUMANU-OPIO.
Maraki 9, 1893. Mar17 1mw.
-----
E Nana e na Keonimana i Keia
KE KONO AKU NEI MOKOU IA OUKOU E KIPA MAI; A KE WAIHO PU AKU NEI I KEKAHI MAU KUMUKUAI HAAHAA LOA.
N. S. SACHS.
104 Alanui Papu, Honolulu,
He heluna nui o na waiwai o na kane i loaa mai nei ia makou ma ka mokuahi hope loa mai nei.
Ua Hiki ia MAKOU ke Hoolawa aku i ko OUKOU makemake ma na ANO a pau, a he HAAHAA loa ka MAKOU mau KUMUKUAI.
KOE NA AAHU O WAHO.
Na Pale Ili o luna o na kane 25c Na Palule Kane Ano Kou loa $1.26
" " Honolulu " 50c " Kakini Kane 2 paa i ka 25c
" " " o lalo 50c " " " maikai loa
" PaLule Hana o na Kane mai " Hainaka Keokeo o na Kane.
ka 75c a pii aku he $1.00 no ke Kakini
" " Aiana ole ia o na Kane o " Lei A@ Silika Ano Hou loa o
ke ano maikai lo 60c na Kane 3 i ke $1.00
Na Paikini Hou loa, o na Aikala, Pma, Kaawe, na Haina ka Silika
A me na Lei Ai o na ano like oile helehulehu loa; ma na Kumuku ai Haahaa loa.
Na Pahu lole a me na Paiki e kuaiia no i ke Kumulilo.
Na Lolewawae Ahinahina Pelekane Uliuli me ka Ulaula.
Na Paalole o ka poe Pena, a me na Palule hana o na ano a pau.
Na Paulole Auau o na Kane me na Kamalii, me na Lolewawae ekekei.
E hoomanao o ka makou na Kumukuai haahaa loa. E kipa mai i pau ai ko oukou kuhihewa.
-----: N. S. SACHS : -----
75 tfd. 104 Alanui Papu, Honolulu
HEIAU O NA PAIKINI!
-----
Kini o Alanui Papu me Hotele.
Wehe Aiwaiwa Ana o na Waiwai Hou Loa.
-----
Me ke ku ana mai nei o ka MOKUAHI AUSTRALIA a me ka MOKUKIAPA C. D. BRYANT;
Ua loaa mai la'u he 117 PAHU UKANA me na Waiwai hou o na ano hou loa. He nani e ha-i e ai na pua o ke Kula, i ka ua mea o'ka nui hewahewa o na Waiwai i wae ponoia e a'u me ka maiau nui.
Ke konoia aku nei e hele mai e nana i keia mau Waiwai Hou Loa.
HE MAU WAIWAI HOU WALE NO MA NA WAHI A PAU OLOKO NEI O KO'U HALEKUAI.
He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me kou makemake.
Ke huli ae hoi ma ke kahiko Lole Aahu o na Aahu o na Wahine. He nani makalapua okoa no ia i ike mua ole ia ma keia Kulanakauhale. ma na Lole hiki ke Holoi ia o na Waihooluu.
E komo mai e nana i ka makou mau Waiwai Hou Loa, a ke hooia aku nei wau ia oukou. Owau ke Alakai o na Kumukuai haahaa loa.
S. EHRLICH,
Kihi o Alanui Papu me Hotele.
-----
HE KUAI HOOKELAKELA NUI!
-----
Hele mai Hookahi, a i ole Hele mai no a Pau Loa
MA KA HALE KUAI ALAKAI O
B. F. Ehlers & Co. - PAINAPA.
HELU 99 Alanui Papu.
-----
Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino
-----
Oiai he manawa ilihune keia no ka aina nei, no ka mea ka wawalo mai @@@ leo pilikia o ka lehulehu mai o a o, a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku no au ma ia hana maikai, no ka mea
He Kawa ia Na'u i Lele a Opu.
He mau makahiki loihi i hala ae nei, akahi okoa kua @@@@ i ke ahi o o Kamaile a me ke Kawelu o Lanihuli a i mea no hoi e hoo@@@ kela olelo kaulana a kahiko
Ohi Hapuku ka I'a o Kapaau.
Eia ma Ko'u Halekuai nei na Parale Kamalii o na ano a pau, na Lako Lole na Hapuu a oukou o na paikini a @@ mai ke nui a ka ukulele, na Lako Lole o @ Lede a me na Keonimana o ke a @@ hou loa i ike mua ole ia ma Hawaii nei, na @@@ malu o na waihoolulu a pau, a pela aku, a pela aku.
E Kuai ia aku ana no ke Kumupaa.
Nolaila mai hoohala i ka ike ana ia kaua.
E hoomaka ana keia kuai hookelakela mai a ma keia @@@ aku @@ Na ka oioi mua no ka loaa. oleole aku no ihope, n@@.
575. tf-dly B. F. EHLERICH CO