Ka Leo o ka Lahui, Volume II, Number 671, 28 Malaki 1893 — HE OHU NO KAWANANAKOA. [ARTICLE]

HE OHU NO KAWANANAKOA.

He ohu keia nou e Kalani O Kawananakoa o ka wekiu O ka Opuu liko o ke Kalaunu Haaheo ae ai o Hawaii Loa He loa ka helena ou e Kalani I ka huikau a o Amerika E imi ana hoi me ka hopo ole I ka Ea aloha o kou Aina Kulia i ka Nuu oia ke kapu O ka noho Kalaunu o Hawaii Hea'ku makou o mai oe O Kawananakoa i Kawekiu E ola o Kalani a mau loa I milimili hoi na ka Lahui. He ohu keia no Kawika O Kawananakoa i ka uluwehi Kahiko mau oe no ka Lahui He milimili hoi na Liliulani He lani ke aloha no ka lahui He hiapo hoi oe na makou Aole poina kou Lahui Kau hana pookela i alo aku nei Kau hana pookela i alo aku nei Kou kino opio puuwai kila He aloha Lahui i ka umauma Haina ka puana no ko wehi O Kawananakoa i Kawekiu Hea aku makou o mai oe O Kalani uluwehi kou inoa He inoa nou e Kalani Kawika Ka manu Nunu lawe olelo Pahola e ka lono i Amerika O Kawananakoa ua hiki mai Eia i ka lai Kapalakiko I kaulu wehi o ka Ipuka Gula Makaleho ia hoi e ka nui manu Nene holohau o ke Kuahiwi Aohe no lua e loaa mai Hawaii oi kela oia ka oi Hea aku makou o mai oe O Kalani Kawika i ka uluwehi E ola o Kalani a mau loa A kau i ka olu a o Hawaii Hakuia e Mrs. Kepeohookalani Honuakaha, Mar. 24th. 1893.