Ka Leo o ka Lahui, Volume II, Number 670, 27 March 1893 — Page 4
| This text was transcribed by: | Shawna Alapa'i |
| This work is dedicated to: | Randoll K. Ngum, my loving uncle |
KA LEO O KA LAHUI.
"E Mau ke Ea o ka Aina i ka Pono."
KA LEO
JOHN E. BUSH,
HONOLULU MARAKI 27, 1893
KA MOOLELO
O
HIIAKAIKAPOLIOPELE
I HOOPONOPONOIA
MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI
Nana aku o Hiiakaikapoliopele, i keia mau wahi Akua e noho mai ana o Lahuimoho ka inoa o kekahi o Wawaemoho kainoa o kekahi pane aku o Hiiakaikapoliopele ma ke mele penei.
Noho aku o ke kau o ka ino e
Ia noho pu aku maua me kuu’kau
I ke Kahawai pali o Lahuimoho
He pali ke kua, he pali ke alo
Hoomaha wale ana ika lani e
I i au o ka’u pua no anei oe?
I noho ai au a kupa ika hale
I ko hale hoi---e,
A pau ia mele aianei, ko laua nei hele aku la no ia a hala o Waialua hiki laua nei i ke kula o Mokuleia huli aku keia nana i uka, e noho mai ana o kamae, i aku o Hiiakaikapoliopele, mai poina oe ia’u e kamae, i maila oe, aole au i kanaenae aku ia oe, kano no ke oli aianei penei.
O Kamae aina a ke kehau,
Me he kai la ha Mokuleia
Uhi ae la na la na pali
Kuu pali kui -------- e
Kui e hono, kui laau ka wai o Kealia
A Kealia pau ka loa
He wai Kaaiea mamua
Kuu ka luhi ka maloeloe ika loa
Maloeloe wale ke kiina
O ka noa i ka loa ----- e.
A pau ia mele aianei, ko laua nei hele aku la noia a luna o Waiakaalea, huli mai la keia nana i hope kani aku ke oli a ia nei penei.
O ke hoihoina o upena i ke alanui
Ka naenae aua a ka mea hele
Ilaila e ilaila, eia kanaenae
Ka mohai a ka mea hele
He leo e, he leo wale no---------e.
Huli aku keia nana ia Kuaokala, o ka hele o ke uwalo a ea ika la kani hou aku ke oli a Hiiakaikapoliopele penei,
Na uala maka eaea o Kuakala
Ka mana lau nui o Koiaki.
O ka imu lapa inai ia
E inai me na Uhu kai o Kaena
E Kaena e, e ai kaua ia Kaena
I aine ia no’u no ko Akua
Homai ana ---------e.
Huli aku keia nana ia Kaena me he manu la e lele ana ike kai, kani aku ke oli aia nei penei.
:Aole i puehu:
Ua puehu aku la no Hawaii ma ka Poalima iho nei ke Kahili o lau Niu o na Kona, me kona onekii hele a piha u i na huapala maka onaona i hawele ia ma ke kia hope. Nui no kela pela mai ko makou wahi kaaka huli mea hou. Guruhanahana.
E Nana e na Keonimana i Keia
KE KONO AKU NEI MAKOU IA OUKOU E KIPA MAI; A KO WAIHO PU AKU NEI I KEKAHI MAU KUMUKUAI HAAHAA LOA.
N.S. SACHS,
104 Alanui Papu, Honolulu.
He heluna nui o na waiwai o na kane i loaa mai nei ia makou ma ka mokuahi hope loa mai nei.
Ua Hiki ia MAKOU ke Hoolawa aku i ko OUKOU Makemake ma na ANO a pau, a he HAAHAA loa ka MAKOU mau
KUMUKUAI
KOE NA AAHU O WAHO
Na Pale Ili o luna o na kane 25c
Na Pale Huluhulu o na kane 50c
Na Pale Ili o lalo no kane 50c
Na Palule Hana o na Kane mai ka 75c a pii aku
Na Pale Aiana ole ia o na Kane o ke ano maikai loa 60c
Na Palule Kane Ano Hou loa $1.26
Na Kakini Kane 2 paa i ka 25c
Na Kakini Kane 2 maikai loa
Na Hainaka Keokeo o na Kane he $1.00 no ke Kakini
Na Lei Ai Silika no Hou loa o na Kane 3 i ke $1.00
Na Paikini Hou loa, o na Aikala. Uma, Kaawe, na Hainaka Silika A me na Lei Ai o na apo like ole he lehulehu loa; ma na K@muku ai Haahaa loa.
N Paha lo e a me ua Paiki e kuaha i o i ke Kumulilo.
Na Loiewawae Ahinahina Pelekane Uliuli me ka Ulaula.
Na Paalole o ka pee Pena, a me na Palule hana o na ano a pau.
Na Paalole Auau o na Kane me na Kamalii, me na Lolewawae ekekei.
E hoomanao o ka makou na Kumukuai haahaa loa. E kipa mai i pau ai ko oukou kuhihewa.
N.S. SACHS:
75-tfd. 104 Alanui Papu, Honolulu.
HEIAU O NA PAIKINI!
Kihi o Alanui Papu me Hotele.
Wehe Aiwaiwa Ana o na Waiwai Hou Loa
ma ke ku ana mai nei o ka MOKUAHI AUSTRALIA a me ka MOKUKIAPA C.D. BRYANT:
Ua loaa mai Ia’u he 117 PAHU UKANA me na Waiwai hou o na ano hou loa. He nani e ha-i e ai na pua o ke Kula, i ka ua mea o ka nui hewahewa o na Waiwai i wae ponoia e a’u me ka maiau nui.
Ke konoia aku nei e hele mai e nana i keia mau Waiwai Hou Loa.
HE MAU WAIWAI HOU WALE NO MA NA WAHI A PAU O LOKO NEI O KO’U HALEKUAI.
He heluna nui o na Kamaa Wahine, Kane a me na Keiki. O ka’u mau @ kuai e kulike ana ia me kou makemake.
Ke huli ae hoi ma ke kahiko Lole Aahu o na Aahu o na Wahine. He nani makalapua okoa no ia i ike mua ole ia ma keia Kulanakauhale, ma na Lole hiki @. Holoi ia o na Waihoo.uu.
E komo mai e nana i ka makou mau Waiwai Hou Loa, a ke hooia aku nei @ ia oukou. Owau ke Alakai o na Kumukuai haahaa loa.
S. EHRLICH,
Kihi o Alanui Papu me Hotele.
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
MA KA HALEKUAI ALAKAI O
B.E. Ehlers & Co-PAINAPA
HELU 99 Alanui Papu
Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino.
Oiai he manawa ilihune keia no ka aina nei, no ka mea ke wawalo mai nei @ leo pilikia o ka lehulehu mai o a oa a ke kuai hoopoho mai nei hoi kekahi @ @ e kuai e hoao ana e kulai kekahi i kekahi, nolaila ke komo pu aku nei au @ @ hapa maikai, no ka mea
He Kawa ia Na’u i Lele a Opu.
He mau makahiki loihi i hala ae nei akahi akea kuu uluhua i ke ahi o @ Kamaile a me ke Kawelu o Lanihuli, a i mea no Loi e hoo@@ia ai kela olelo kaulana a kahiko
Ohi Hapuku ka I’a o Kapaau.
Eia ma Ko’u Halekuai nei na Papale Kamalii o na apo a pau na l@ko lole na @ a oukou o na pakini a pau, mai ke nui a ka ukulele, na @ @ @ @ a me na K@@imana o ke ano lau lea i ike nana ole a na L@ wahine @ @ malu o na waihoolulu a pau, a pela kau, a pela aku.
E Kuai ia aku ana no ke Kumupaa
Nolaila mai hoohala i ka ike ana ia kama,
E hoomaka ana keia kuai hookelakela mai a na keia mau aku. Na ka oiai mua no ka loaa, oluolu aku no ihope, @.
575. tf-dlv. B.F. EHLERS & CO