Ka Leo o ka Lahui, Volume II, Number 669, 24 Malaki 1893 — Page 4
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
========================
KA LEO.
========================
JOSEPH NAWAHI,
========================
HONOLULU MARAKI 24, 1893
========================
KA MOOLELO
-O-
HIIAKAIKPOLIOPELE
-
I HOOPONOPONOIA
-
MAI KA POE KAHIKO MAI A ME KA POE I HOOPAA I NA
MOLELO A ME NA KAAO KAHIKO O HAWAII NEI.
-
I ka pau ana oia mele aia nei ko laua nei hele aku la no ia a hala ia wahi a malaila aku a Waialae a malaila aku a hala ia mau wahi aku, a Pupukea laua nei ike laua nei ia Piliaaama e noho ana e lawaia, nana aku laua nei i ka lawaia mai o Piliaaama, kani kahea aia nei.
O Piliaaama kianaka lawaia o ka pali
Hee puewai o Waimea
Konohiki aku o Ihiloko
Lawaia hi-aku o Kaipahu la
He aha ua ia?
Pane mai o Piliaaama ia laua nei, no ka ninau ana aku a Hiiakaikapoliopela i ka ia ma ke mele.
Hai mai o Piliaaama ia laua i ka inoa o ka ia ana i lawaia ana he kaia ka ia he Moi ka ia he oio ua ia, he ahole ka ia he paaua pau ka olelo ana mai o Piliaaama ia laua nei, kani aku no ke oli a Hiiakaikapoliopele penei.
O Piliaaama kanaka lawaia
Kane hiialo oe a Kapuewai
Laweia aku o Kapapaiki la
He aha ua ie e?
Pane mai o Piliaaama, he uhu ua ia, he Opule kaia, he Manini ka ia, he Hinane ka ia, he papai mno hi ua ia pau na ia e lawaia ianei la e au.
Kaha aku la no laua nei hele, a kahawai laua nei o Waimea, ko laua nei hele, aku la noia ma ke one pae ma kela kapa, ae aku la no laua nei a luna o Kehuopuu, nana aku o Hiiakaikapoliopele i ke ukI o Ihikoko me he mea la i puhiia ka hale i ka hele a ula, kani aku ka ia nei oli penei.
Ke aina mai la e ka wai
Ka maha uki o Ihukoko
Ke puhi ia la e kamakani
Hakoi ka ua ka wai iluna
A kinai ia hoiu ka iwi o ka wai
Eha ika leo, he loe wale no - e
A pau ia oli ana aianei nana aku laua nei imua, a hoolono aku la i ka leo o ke kai o Waialua ika halulu mai kani aku ke oli aia nei i luna o Kehuohapuu, penei
O waialua kai leo nui
Ua lono ka uka o Lihue
Ke wa ala wahi awa e
Kuli wale kali wale i ka leo
He leo no ke kai e.
I luna no laua nei o Kehuohapuu e noho nei; kani hou no ke oli aianei penei:
O Waialua lai eha e
Eha ka malino lalo o Waiualua.
I Aku o Hiiakaikapoliopele ike aikane ia Wahineomao, i na kaua he o opu oia he o i ka limalima o hele aku a ka punawai paina mau
[continued in column three]
===================================================
[two columns wide]
E Nana e na Keonimana i Keia
KE KONO AKU NEI MAKOU IA OUKOU E KIPA MAI; A KE WAIHO PU AKU NEI I KEKAHI MAU KUMUKUAI HAAHAA LOA.
N. S. SACHS.
104 Alanui Papu, Honolulu.
He heluna nui o na waiwai o na kane i loaa mai nei ia makou ma ka mokuani hope loa mai nei.
Ua Hiki ia MAKOU ke Hoolawa aku i ko OUKOU Makemake ma na ANO a pau, a he HAAHAA loa ka MAKOU mau KUMUKUAI.
KOE NA AAHU O WAHO.
Na Pale Ili o luna o na k ane 25c Na Palule Kane Ano Hou loa $1.26
" " Huluhulu " 50c " Kakini Kane 2 paa i ka 25c
" " " o lalo " 50c " " " maikai loa
" " Palule Hana o na Kane mai " " " 3 paa i ke $1.00
k@ 75c a pii aku Hainaka Keokeo o na Kane
" " Aiana ole ia o na Kane o he $1.00 no ke Kakini
ke ano maikai loa 60c Lei Ai Silika Ano Hou loa o
na Kane 3 i ke $1.00
Na Paikini Hou loa, o na Ai@ ala, I n @ Haawe, na Hamaka Silika -
A me na Lei Ai o na ano like ile he lehulehu loa; ma na Kumuku ai Haahaa loa.
Na Pahu lole a me na Paiki e kuaiia no i ke Kumulilo.
Na Lolewawae Ahioanina Pelekane Uliuli me ka Ulaula.
Na Paalole o ka poe Pena, a me na Palule hana o na ano a pau.
Na Paalole Auau o na Kane me na Kamalii, me na Lolewawae ekekei.
E hoomanao o ka makou na Kumukuai haahaa loa. E kipa mai, i pau ai ko oukou kuhihewa.
-:N. S. SACHS:-
75-tfd 104 Alanui Papu, Honolulu.
=========================================
[column three]
ke aho, hiki aku i kau hale makamaka ua ma ke aho, i na kaua, ko laua hele aku la noia a hala ia wahi aku, a kula laua nei o Lauhulu nana aku keia ia Kaala, i aku keia mai poina oe i'au e Kaala, i mai nei oe aole au i ka naenae aku ia oe e Kaala, oli aku k eia penei:
O Kaala kuahiwi mauna kehau
Ke opu maila la i kamoha
Poluea iho la ilalo o Haleauau
Ke kini ka kehau anu o Kalena
A kahi no ka nele o ka la pono
Aohe moe waa o ka ponei
Ka moe waa e.
-:Aole i puehu:-
---o-o-o---
HE MAU NANEHAI NO KA NAAUAO.
-
Imua o na opio o ke au o Liliuokalani.
Nanehai 3. I na paha e kapaeia na Kanawai ma o ka Poai Lani o ke ao hoolookoa; alaila ihea la e waiho ai ka honua nei?
Nanehai 5. Heaha la ka mea e moe ai (upoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
(Ma ka loaa pono o ka haina, e kapaeia ai kekahi Nanehaium mai ka hoolaha mau ana.)
===============================
[columns four and five]
HEIAU O NA PAIKINI!
-
Kihi o Alanui Papu me otele.
Wehe Aiwaiwa Ana ona Waiwai Hou Loa
-
Ma ke ku ana mai nei o ka MOKUAHI AUSTRALIA a me ka MOKU KIAPA C. D. BRYANT;
Ua loaa mai Ia'u he 117 PAHU UKANA me na Waiwai hou o na ano hou loa.
He nani e ha i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui.
Ke konoia aku nei e hele mai e nana i keia ma Waiwai Hou Loa.
HE MAU WAWAI HOU WALE NO MA NA WAHI A PAU O LOKO NEI O KO'U HALEKUAI.
He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me kou makemake
Ke huli ae hoi ma ke kahiko Lele Aahu o na Aahu o na Wahine. He nana ma kalapua okoa no ia i ike mua ole ia ma keia Kulanakauhale, ma na Lole hiki ke Holio ia o na Waihooiuu.
E komo mai e nana i ka makou mau Waiwai Hou Loa, a ke hooia aku nei wau ia oukou. Owau ke Alakai o hna Kumukuai haahaa loa.
S. EHRLIC,
Kihi o Alanui Papu me Hotele.
=====================================
HE KUAI HOOLAKA LA NUI!
-
Hele mai Hookahi, a i ole Hele mai no a Pau Loa
MA KA HALE KUAI ALAKAI O
B. F. Ehlers & Co. -PAINAPA
HELU 99 Alanui Papu.
-
Oili Pulelo PAINAPA e kela i Kaupoku o hanalei;
aka i hewa no nae i ka lele mua i ka hooulu i ka la no.
-
Oiai he manawa ilihune keia no ka aina nei no ka mea ke wawalo mai nei@ leo pilikia o ka lehulehu mai o a o a ke kuai hoopoho mai nei hoiu kekahi mau ha e kuai e hoao ana e kulai kekahi i kekahi, nolaila ke komo pu aku nei au ma ia hana maikai, no ka mea.
He Kawa ia Na'u i Lele a Opu.
He mau makahiki loihi i hala ae neik akahi okoa kuu uluhua i ke ahi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko.
Ohi Hapuku ka I'a o Kapaau.
Eia ma Ko'u Halekuai nei na Papale Namalii o na ano a pau, na Lako Lole na Hapuu a oukou o na paikini a nau, mai ke nui a ka ukulele ma Lako Lole o @ Lede a me na Keonimana o ke ano l@u loa i ike m@a ole ia ma Hawaii neik ua Mamalu ona waihoolulu a pau, a pela aku, a hela aku.
E Kuai ia aku ana no ke Kumupaa.
Nolaila mai hoohala i ka ike ana ia kana.
E hoomaka ana keia kuai hookelakela mai a ma keia mua aku. Na ka oioi mua no ka loaa, oloolo aku no ihope, welo.
575. tf-dly. B. F. EHLERS & CO.