Ka Leo o ka Lahui, Volume II, Number 667, 22 Malaki 1893 — HE WEHI NO LE'AKAHELE. [ARTICLE]

HE WEHI NO LE'AKAHELE.

He wehi keia ho Leʻakahele Kahia'paioie o ka Makakila He Elele hopo ole na ka Lahui, He imi kaulike no Hawaii Na Le'akahele i huepau aku Ma ke Telegarapa lawe olelo Hoike ana hoi me ka wiwo ole, No Hawaii moku kele i ke kai Aia Hawaii ua manuheu Ua kailiku ia ka Leialii O Liliuololokulaniikekapu Me ke Kalaunu hoi o ke Auponi Aia i ka nuku o ka Aeko I ka mana o na koa Amerika Pehea oukou a i nei hana I manao ai hoi a e limanui Ua nui ke aloha o Le'akahele O Ailuene Buki no ka Lahui Haalele ke aloha kakia iwi Imi ia i ka pono o ka aina I loaa hou ai e ka hanohano O ka Ihikapu a o Hawaii nei Ua nui ke aho o Leʻakahele Ua hiki hou i ke one hanau Ua hui hou hoi me ka Lahui Na ewe hanau o ka aina Lohea ka leo o Le'akahele Ma na kapakai a o Hawaii » Hoike mai ana i ka nuhou Ua ola Hawaii a mau loa Hoole mai nei Amerika Hoohui Aina me Hawaii Ua kue loa na Senate Na hana lima nui i manao ia Ua ola hou o Liliuokalni Ua kau hou i ka hano haweo Ke poo Kalaunu a o Hawaii Hoomalu ana hoi i ka Lahui Eia e ka leo o Kalivilana Ua oki Hawaii me ka maluhia Haina ka puana a o ko wehi O Le'akahele i ka ehuehu Hea aku makou o mai oe O Ailuene Buki kou inoa. Haku ia e Mrs. Kala. Honuakaha, Mar. 21 1893