Ka Leo o ka Lahui, Volume II, Number 666, 21 March 1893 — KA MOOLELO O HIIAKAIKAPOLIOPELE. [ARTICLE]

KA MOOLELO O HIIAKAIKAPOLIOPELE.

I HOOPONOPONOIA

MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

Ko laua nei hele aku la no ia, no ka mea, ua make iho la o Mokolii ua lilo ae la ke kino i alanui, ko laua hele aku la no ia a hala o Kaauwaia a hala o Makana, a luna laua nei o Puuomahie, nana laua nei nana laua nei ia Kahana, e hai ana ka makani o Kahana he Ahiu, e hee nalu ana Kelii o Kahana, o Palani kona inoa, me kana wahine me kana wahine me Ie wale, e hee nalu ana, o ka laua puni ia o ka heenalu ke hiki ia makani he Ahiu a o ka inoa no ia oia makani a hiki i keia wa, ke hai mai ka nalu. Ia i ke ana aku o Hiiakaikapoliopele, ia laua la e heena;u ana, ka ni aku ke oli ana nei penei. A makani Ahiu anu ai Kahana, Kakala i ka lauwili o Koolau Hoopuepue i ke anu Kaloikee Ka nahele loa ma uka o Kaiehua-loa-e Hele aku he loa a Huilua-e O Palani oe o Ke'lii heenalu o Kahana. Alaila, pane mai o Paleni ia Hii akaikapoliopele, me ka olelo ino. ae o Palani au ke lii hee nalu o keia ina o Kahana nei, owai hoi oe e na wahine hookano o kau hele ana

mai nei a kahea mai iau ? Ua i ke mai no paha oe iau e hee nalu ana me ka'u wahine he wahine lalau i ke ole no ka oe iaʻu, o ka'u puni no nei, owai hoi oe e na lapuwale.. Ia manawa, ma ia olelo ino ana aku a Palani, komo ka manao inaina iloko o Hiiakaikapoliopele, ko ia nei hele aku la noia e hee nalu i hee nalu iho ka hana, o Palani aohe pae, ku hou no ua nalu, i hoo pae hou iho ka haua, aohe pae, ku hou no ua nalu o kalua ia aohe no he pae, i ke kolu nae o ka nalu ia hee ana a Paīani e oia iho ana o uo Palani e ka nalu noho ana ilalo o ka papaku o ke kai, make o Palani no ke kane ka make, make pu me ka wahine me Iiewele, make laua ko laua nei hele aku la noia a hala o Kahana a hala o Punaluu, a ka wai o Waiono, Puheemiki. Kapano Haleaaha, Papaakoko, a luna o Kaluanui, huli aku o Hiiakaikapoliopele nana i uka o Kaliuwaa, aloha aku keia ia Kauhiikeimakaokalani ua alai ia ae e ka laki nalowale, nolaila, uwe aku ai o Hiiakaikapoliopele ia ia ma ke mele penei. O Kauhiikeimakaokalani, O ka pali kekee o Halawa O ke kuahiwi pali o Kahei E like hoi me Kaliuwaa la Ka pali ololo o Puna i Hilo O ka hala onaona o Manuukeau E kui e lei au

O ka uhi i ka maka i ka halua Paalani na maka o Peapea I ka hulu o ka manu Uluuhi ka hulu o ka nianu i ka -ua; Ke lele kaha ia lupe la, lawe la Lawe ka ua lawe ka makani Lawe ke Kaupu hulu manu Kelekele i o akua lahe akua He akua ia la aohe i ke mai i O kau luahi nui o ka maka Ke ala nei E ala. e ala, mai ana e E ala, e Hikaalani E ala e Kahooilonaikalani E ala e Hoomauwahine A makalii—la, e ala-e. —:Aole i puehu:— HE MAU NANEHAI NO KA NAAUAO. Imua o na opio o ke au o Liliuokalani. Nanehai 3. Ina paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei ? Nanehai 5. Heaha la ka mea e moe ai ( upoi ai) na maka i ka wa e pule ai ? Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani ? [Ma ka loaa pono o ka haina, e kapaeia ai kekahi Nanehai, mai ka hoolaha mau ana].