Ka Leo o ka Lahui, Volume II, Number 665, 20 Malaki 1893 — HE LEI NO KAWANANAKOA [ARTICLE]

HE LEI NO KAWANANAKOA

He lei nou e Kawananakoa Ka Hoku hele o ka Pakipika O oe ka Elele ola Hawaii Ola ai o Liliuokalani i ke kapu O ka opuu liko o ke Kalaunu I ka puuwai hoi o ka Lahui Ua hui lokahi na Mana Nui Haawi ke aloha nou e Kalani He hiapo mua oe na Kekaulike He lei momi hoi no Hawaii He iini pauole ko Kawika O Kawananakoa i ka wekiu He Kiu ka makani kau aheahe He hoailona ia nou e Kalani Aia i Maleka i ka uluwehi I ke Aloalii Wakinekona Ilaila o Kalani ike iho ai I ka paikini hou o Amerika Ua like ka manno o na hoa O ka Aha Senate a o Nu Ioka Hoomau ia ka Leialii O ka noho Kalaunu a o Hawaii Huli hoi o Kalani me ka hanohano Me ka lanakila nui oi kelakela Ua kela Kawika i ka'u ike Ua haule hope hoi na enemi Na auna Kolea hoi o Kahiki Nana i pakaha ka Leialii I manao ai hoi a e hoonele Ia Liliuokalani i ke kapu Ua kapu Hawaii a mau loa Ua kaohi ia e ka Lahui Ke aloha aina oi kelakela Makia paa ia ke Kalaunu Kuapau ka hana ia Kawika O Kawananakoa i ka uluwehi He wehi mau ia nou e Kalani He kahiko hoi no ka Lahui Ka Hoku Daimana e anapu ana Alohi i ke alo a o Europa Hea mai ke Kuini Vitoria Ua oki Hawaii no Liliuokalani Ke Kuini hoi o ka Pakipika Kaulana Hawaii oia ka oi Haina ka puana a o ko wehi O Kawananakoa i ka wekiu Hea aku makou o mai oe Ka Hokuhele o ka Pakipika. Haku ia e Mrs. Kala, Honnakaha, Mar. 17 1893.