Ka Leo o ka Lahui, Volume II, Number 664, 17 March 1893 — HUI HOOHUI AINA. E Kukuluia ana kekahi Hui e ka Poe e Kokua nei i ke Aupuni. E MAKAALA E NA HAWAII! NO KE KUOKOA O KOU AINA HANAU. [ARTICLE]

HUI HOOHUI AINA.

E Kukuluia ana kekahi Hui e ka Poe e Kokua nei i ke Aupuni.

E MAKAALA E NA HAWAII!

NO KE KUOKOA O KOU AINA HANAU.

Eia ke hoaoia nei e kukulu i kekahi Hui Hoohui Aina e ka poe e kokua nei i keia kumuhana, e kahea ana keia hui ke lawa na inoa i manao ia no ke kahea ana i halawai makaainana. O ke poo manao e kau ae la maluna penei na olelo: No ke kokua ana i ke Aupuni Kuloko a me ke kokua ana ma na ano a pau e like me ka hiki iloko o ko kakou mana ma ka hana ana e loaa mai ai, he hoohui ana i keia pae aina me Amerika Huipuia. O makou o ka poe nona na inoa malalo iho nei; ke hoohui nei makou ia makou iho loko o kekahi Hui Kalaiaina, me kela manao o ka hoohui aina. E na makamaka na Hawaii aloha aina a pau loa, e hoomaopopo me ke akahele loa i ke komo ana iloko o kekahi hui a kakau i ko oukou mau inoa ma kekahi buke a pepa paha, me ka maopopo ole ia oukou ke kahua o keia mau hui pakahi e ku nei, e like me keia nei. KA HUI HAWAII ALOHA AINA. Ke kahua i kukuluia ai, no ka hoomau loa ana i ka noho kuokoa ana o Hawaii nei — Hon. Joseph Nawahi Peresidena. He kumukanawai ko keia Hui i kakau inoa ia e ka Hon. J. Nawahi, J. K. Kaunamano, J. W. Bipikane a me ke 'lii J. A. Cummins, ke hoolahaia nei maloko o KA LEO. HUI HAWAII PONO KIVILA. O ke kahua o keia hui o ka loaa mai o ka pono kivila me ka nana ole i ke ano o ke kulana aupuni e loaa ana ia kakou. - Hon. C. W. Akepoka, Hope Peresidena. Aole i loaa ka Peresidena o keia hui i keia manawa. He Kumukanawai ko keia Hui e hoolaha ia nei ma ka "Holomua." KA HU KOKUA A KAKOO HOOHUI AINA. Oia ae la no ke kahua nui o keia Hui. Aole maopopo o na Luna nui aole no he maopopo o ke kumukanawai.

mai o ka oono kivila me ka nana ole i ke ano oke kulana aupuni e loaa ana ia kakou. — Hon. C. W. Akepoka, Hope Peresidena. Aole i loaa ka Peresidena o keia hui i keia manawa. He Kumukanawai ko keia Hui e hoolaha ia ka -Holomua." KA. I-lUI KOKUA A KAKOO HOOHUI AINA Oia ae la no ke kahua nui o keia Hui. Aole maopopo o na Luna nui aole no he maopopo o ke kumukanawai. i