Ka Leo o ka Lahui, Volume II, Number 662, 15 Malaki 1893 — HE WEHI NO KA LAHUI. [ARTICLE]

HE WEHI NO KA LAHUI.

He wehi no ka Lahui No Hawaii Nui Kualiholiho O ka opuu liko o ke Kalaunu Kiko-waena o ka Pakipika E ala Hawaii Nui o Keawe Ku mai o Maui Moku o Kama Ea mai Molokai Nui a Hina Kahela Lanai i ke a-ea Eia Oahu Kakuhiiniwa Ke haaheo nei me ka hanohano Hanohano Kauai i ka'u ike Pili mai o Lehua i ka mole olu Ua olu ka nohona a o Hawaii Nawe malie nei i ka puuwai Ua hiki mai nei ka Hokuloa Ka lono hauoli i Hawaii nei Ua moe i ke kau moe hooilo Hoohui Aina a ka lokoino I manao ai hoi a e lima nui I ka p6no Kivila a o Hawaii Kue ka mana o na haipule I ka hana pakaha a na enemi Hoi hou ke Ea o ka Aina He wehi hanohano no ka Lahui Umia ke aloha paa iloko Kaoni malie i ka puuwai O ka waiwai na ua sila ia Ua paa loa ke Aioha Aina Aole hoi hope na Hawaii - A kau e ka Hae o ka Lanakila Hea aku makou i ka Lahui

Pae e ka leo ua lanakila Haina ka puana a i lono ia Ua ola Hawaii a mau loa Haku ia e Mrs. Kala. Honuakaha, Mar. 10 1893. Mai haohao e ko makou poe lawe pepa i na aole e loaa a ku ka oukou nupepa, Oiai e hoopaa ana makou i ka pepa a na Luna hoihoi poloiei ole mai i ke ola o ka Pepa, a ke noi pu aku nei makou i ka poe i hookaa mua i ka lakou kala ina Luna i a ua ia o ka pepa, e hoike mai i ko makou nei Keena, a na makou ka hana me ia Luna. Mai poina i keia. JOSEPH NAWAHI, Lunahooponopouo.