Ka Leo o ka Lahui, Volume II, Number 662, 15 Malaki 1893 — HE OHU NO KAIULANI. [ARTICLE]

HE OHU NO KAIULANI.

He ohu keia no Kaiulani Ka wehi Kalunu a o Hawaii Ka pua i poni ia e ke onaona I ka puuwai hoi o ka Lahui Eia Hawaii Moku o Keawe Ua keehi kulana aina ike Ua ike na Lani i ka Hiwahiwa I ka wohi ku a o Hawaii Nau i alo mai na kai anu O ka moana nui kai hohonu A hiki i ka lai Wakinekona I ka Hale Keokeo a o Nu loka Okaoka na hana aka pakaha i Lilo i mea ole na enemi Ua haule na nana a ka lokoino Ua ola Hawaii kau i ka Hano Ua kokua mai na mana Lani I ka leo walohia o ka Ihikapu E noi ana hoi me ka nahenahe No ke Kalaunu hoi a o Hawaii Umia e ka hanu e ka Ihikapu I ola ai hoi kou Lahui Eia ka lono i Hawaii nei Ua nele na hana a ke Kolea Ua hoi luulun na Komike Ua nele i ka pono a i upu ai I manao a hoi a e pakaha I ka lepo aloha a o Hawaii Ke hea mai nei ka Pae Opua Ua ola Hawaii a mau loa E welo hou kou Hae Hawaii Ma na kapakai o kou Aina Aina o ka nani me ka maikai Makaleho ia ai e ka Hihikolo Aole e loaa Hawaii nei Aina no Kane me Kanaloa Uoi kumu ia ua mole 'lalo Aohe eu e naue ai . He oia mau ia a mau loa A kau hou i ka hano hawea Haina ka puana o Kaohulani E ola o Kalaninuiahilapalaoa Haku ia e Mrs. Kala. Honuakaha, Mai. 10 1893.