Ka Leo o ka Lahui, Volume II, Number 661, 14 March 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II                                    HONOLULU  MARAKI 14, 1893                          Helu 661

 

HE  INOA  NO  KALANINUIAHI  LAPALAPA

 

He inoa Nou e Kalani Lunalilo,

Kamalei a Liliulaniikekapu

Ua kapu no Oe a he hiwahiwa

A he nua Kalaunu no Hawaii

Aia Ko kino a i Enelani

I ka uiuwehiwehi a o Laoana

E imi ana i ka naauao

I pono hoi no ka noho Kalaunu

Me ko Hae nani oi kelakela

A ka puuwai a e haaheo ai

Ua halialia aku ke aloha

O na kaiaulu o ka Aina

O ka nalu hai o Kalehoawehe

A e ne hone ana i ka ae one

Ka makani holu nape i ka lau Niu

Halihali moani no Kahaloa

Na pua aala o Ainahau

E mapu hu ana i ke onaona

Kahiko mau ia no ia home

a ka Wohi kukahi e walea ai

Me he wai mapuna ala ka huahuai

Ke aloha o Kalani e pipii ana

I ka lohe ana aku nei i ka lono

Na hana hookohu a ke Kolea

Hoopunana ana me ka maalea

I ka hua Koae hapa Aiko

Ua pii ka ena o na Hilana

Na keiki o ke kipuka ili

O ehuehu mai e ka Liona

Hoolale na moku Akimalala

Hoeu e ka Bea noho kuahiwi

U@@ hua i ka leo o ke Kolohala

I ko kapu alapahi a na manu

E wa mai la i Amerika

Ilaila o Kalani wela ka manao

Hana e ke aloha i ka puuwai

Kau mai na maka no Hawaii

No ke one h@nau o ka makua

Ka pipii aku a ke Ao Aina

Ka Opua hoohaehae Naulu

Liuliu o Kalani no Nu Ioka

Alo mai o ke k@ hanupanupa

Mea ole wale no ia kai loa

I ka pua nani a o Ainahau

E imi ana i ka pono kakulike

Me ka laahia o ka noho Kalaunu

No ka Hae Hawaii welo haaheo

Me ka leo aloha o ka Lahui

Ao’i hopo iho o Kawekiu

Ka imina i ka pono o ka Aina

Aia no a ike kumaka

Launa pu me ka Peresidena

Hakalia ole iho ka manao

Ka iini o Kalaniahilapalapa

I ke kono ae no a ke aloha

Paila hana mau i ka nui kino

A he ui ninau na Kaiulani

Pehea ka manao e Kiliwalaua

Eia hoi Au ua hiki mai

No Ko’u kuleana i ke Aupuni

Ua puni paha oe i ka pele ia

E ka Alopeka hulu kalole

Ua pololei oe e ka Loea

E ka Lei Momi a Kekauluohi

Ua ike maka iho nei hoi A’u

Na hona epa a ka manu Pikake

A e poopoli ana me ka punua

Ma ka rumi kapu o ka Hale Keokeo

E kiloho ana i ka hulu eheheu

I ka pulu i ka na Kukalahale

Ka alawa ana iho kihi e ka maka

Hanapoo keia i ka papahele

Ua kuhihewa paha a he aniani

A i lana haakei ai ka manao

Ua hewa ke kalohe hua Makeke

Ua wela e ka waha puu e ka nuku

Aole e pakela ua lima nui

Ua ku i ka hewa Amerika

Me oe ke aloha Waianuhea

E ka pua Loke Lani a o Ladana

E hoi e ka Wohi noho i ke kapu

E ka noiau o ka lai a Ehu

Ehuehu o Kalani ko ka manao

Lanakila mau loa mai luna mai

Ike ia hawaii oia ka oi

Ka Hoku nani o ka Pakipika

He alohi i ka maka ke ike aku

Ka awihi ana mai hooheno au

E o e ka Wohi i ke Kalaunu

O Kawekiulani Kou inoa.

 

            MISS  KEKOAOHIWAIKALANI

                        Puahaula ni Hale

Kawaiiki.  March 9 ^th . 1893

 

 

Hoolaha a ka Lunahoponopono

 

   Mai keia la aku, ua lilo holoekoa ae nei na nupepa KA LEO O KA LAHUI a me “Ka Oiaio.”  malalo o ka’u hooponopono ana.   Nolaila o na kauoha pepa a pau, na hookaa dala ana no ka uepa, na kakau manao ana mai, a nela aku e hoouna ia mai ma ko’u inoa ponoi, me na hua V. P. i kauia ma ke kihi hewa malalo o ka wa hi leta

                                    JOSEPH  NAWAHI

 

Lunahooponopono a Puuku no na nupepa i o’eloia maluna ke.

   Honolulu, Feberuari 8 ^th , 1893

 

   O ke awakea Poaha a me ke awakeo La Sabati na la ae ia o ko uka nei poe, e holo makaikai aku iluna o ka mokukana Naniwa nolaila, ma kahi o ka Poalima a a makou ihoike mau aku ai o ka Poaha ka pololei.

 

OLELO  HOOLAHA

 

   E ike auanei na kanaka a pau ma keia ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu.  Pikake a me na ano manu e ae apau loa e hele ala maluna o ua mau aina nei.  A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka lawe aihue i kekahi o ua mau an manu nei, e hoike mai ma ko maua Hale Kuai ma Wailuku.  Ua kapu pu ia no hoi na kanaka a pau, aole e hele maluna o ko maua mau aina kula no ka lawe ana i na Bipi, Lio a mau Holoholona e ae, me ke noi mua ole mai ia maua a i ko maua Luna paha, oia o Frank Freitas e noho aia maluna o ka aina.

 

1.  ENOS  & CO.

Wailuku, Maui, Feb. 9 ^th , 1893

feb9 3mew.

 

 

HE  NANEA  KAMAHAO

NO

MAIKA

KE  KEIKI

 

Hapa Ilikini a Hawaii hoi.

 

KE  KANAKA  MUA  LOA  NANA  I  PANA  KE  AKUA  BEA  A  NA  ILIKINI  I MAKA’U  LOA  AI  -  A  O  KA  WELI  HOI  O  NA  ILI  KEOKEO  - A  ME  KA  LUKU  IA  ANA  O KELA  HUI  KEAKA  A  LI.

 

Hiu a wela, lawe a lilo, ke keiki Hapa Ilikini elua i ka mapawa hookalii  na hana powa, a

ioe ka makeana o na  hoahanau Conegokena, ka mare ana o Maika a me na hana hoomainoino.

 

   No ka mea, wahi hou no a ua kuli eha nei iua aola au o kakai ana i ka mea oiaio, he mea maopopo o ke alo malie iho la no ia o keia wahi makai i kuu kuli a hiki i ka lele loa ana; nolaila, e kale mai e kuu haku ina ua hewa au ma keia haawi pio ana o’u, me keia mau olelo a ua kanaka nei, na waiho a maule aku la oia mamuli o ka nui o ke koko e kaheawai ana mai kona kuli mai.

  

   I kona pohala ana ae, ua lohe aku ia oia i ke noha ana ne o ka leo ninau a kona haku i ka iunakanawai:

 

   Ma kahi hea la o ke kumukanawai o ko kakou aina nei, i haawiia ka mana ia oe e kaku i keia hoopoai hoo@@ainoino maluna o kela kanaka.

 

   Kai no hoi no ko’u ike no hoi he kanawai ko’u mea i hana ai pela, lohe mai la ou mau pepeiao huluhulu.

 

   I ka loho ana o Conegekena i ka pane aaka ana akku o ka lunakanawai iaia, ua hele aku la oia, a kukuli iho la imua ona, me ka mihi pu ana mai i ka hewa a lakou i hana ai.

 

  Heaha no la hoi ko oukou mea hahai mua ole mai ua hewa oukou i kuu wa mua i ninau aku nei ia oe, waiho oe a koi koi ka hewa ina ko oukou aoao alaila hoike mai.

 

   Nolaila mamuli o ka oukou hunakele loa ana i ko oukou hewa oiaio, nolaila o kau ho@@ e Mr. Conegokena e noho oe iloko o ka halepaahao no na makahiki he kanakolu a o keia poe hoi he 20 makahiki pakahi o lakou ma ka hana oolea, a o kela wahine me hana keiki paele, i 10 makahiki o laua.

 

   A nou hoi e keia kanaka i hahai mai nei i ka mea oiaio, e hoihoiia oe ma ka halema’i aupuni.

 

   Nolaila, o ka hana wale no i koe a keia aha, oia ao ka haawi ana i na mahalo piha palena ole maluna o keia makai kiu piha noeau a wiwo ole nolaila, ke makemake nei au e ninau aku ia oe:

 

   E  oluolu anei oe e hahai mai i kou inoa io maoli, a me kou helenelena io maoli, a me kau kula i ao ai i keia oihana.

 

   Aole au i ao ia i keia oihana, a aoie no hoi au he makai kiu, aka e kala mai oe ia’u, no ka mea he lawehala au no na mea a pau e pili ana i keia hihia.

 

   Heaha, wahi hou a ka lunakanawai.

  

   He iawehala, wahi hou a kahi makal.

 

   Ma ke kumu hea la oe i lawehala ai.

 

   Ma ka’u mau hana apuka imua ou a imua hoi o na poe a pau e no noho mai la.

 

   He ano e maoli keia i kou noonoo ana, o ka hiki ana i kekahi mea i hana i ka hewa ka hahai pololei ana mai he lawehala oia me kona hoohuoi ole ia.

 

   Akahi wale no au a iue ia oe e keia makai, nolaila, aole anei oe e oluolu e hahai mai i kou moole’o a me kau mau hana apuka, a ina no na ku oe i ka hewa ma na degere mama o ke kanawai, alaila e hookuu no au ia oe, a ina ua hewa oe, alaila e hoopai no au ia oe i hookahi hora ma ka hana oolea.

 

   Ma ka noonoo maikai ana o ua Maika nei ua hooholo ino la oia he mea pono nona e hahai i ka mea oiaio, a he mea no hoi ia noua o kaulana ai a pela pu hoi me kana aloha; no ia kumu ua pene aku la oia:

 

   Owau nei la e ku aku nei imua o oukou aole au he mea okoa, aka, owau no ka mea i hoopu ia no keia karaima, i meu e hooiaio ia ai ka’u mau olelo mua ia oukou, @ ae mai oe ia’u a me Maika e kouio iloko o kele rumi no elima minute a puka nou mai mana.

 

   Ua ae oluolu mai la ka lunakanawai i keia noi a ka makai; a napoo aku la iana nei iloko o ka rumi o ehpkoni.

 

   Oiai ke anaina o kali hoomanawanui ana ua hoopuiwa loa ia lakou mamuli o ka oili ana mai o kekahi keiki oi a e luhe ana hoi kona lauoho poai uliuli maikai mahope o kona kua.

 

 

HUIALAHAO  AMEAINA  O  OAHU.

 

Papa  Manawa

 

Mai a Mahope o Okatoba 1, 1892

 

NA  KAA

 

 

A.M.  A.  P.M.  P.M.

 

Haalele ia Honolu       6:15  8:45  1:45 4:35

Hoaa i Honouliuli        7:20  9:57  2:57 5:35

Haalele ia  “                7:30  10:13 3:45  5:42

Hoea i Honolulu          8:35 11:55  4:55  6:50

 

NO  KKULANAKAUHALE  MOMI  IHO

 

Haalele ia Honolulu                5:10 P>M>

Hiki i Kulanakauhale Momi  5:48

Haalele ia   “                          6:55 A.M.

+ Poaono wale no

*Koe ka Lapule

 Koe ka Poaono

 

                        Sept. 28 tf-dly

 

HOOLAHA  AINA.

 

  E ike auanei na kanaka @ pau ma keia Hoolaha, owau o S. K, Kila Opio, e noho ana ma Hanolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (@) Keploa (w) a me Ku (k) @@@ puni waiho la nia Kahuku Kau, @@@  puni o Hawaii.  O ka mea @ @@ @@ mea i kuni a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei e hoike koke mai ia’u a i ole e kipaku no au ia lakou.

                        S. K. Kila Opio

Honolulu, Feb 17, 1893

4ts-wkly

 

Elia Kaululaau.

Kauka  Hana  Niho.

 

   Ua hiki ke huki ma Niho me ka elia ole iloko o ka manawa pokole loa.  He loea me ka noeau ma ka Hoopiha ana i ka niho me ke Gula Kala a mea e ae paha.  He akamai loa ole i ka Hana ana i na Niho Kui o na ano a pau.

 

   He Mikioi ka Holoi ana ina Niho lie pa’anehe kona mau lima me Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

 

   O ke kanaka Hawaii hookahi wale no keia mailoko ae o ka huina o 40,000 kanaka i loaa ka laikini Kauka Hana Niho; mai ka Papu Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona aka mai maoli ma keia Oihana ano nui.

 

   E ikeia kakou Koa Kanaka o kipa hewa ke aloha ia lakou nei ao.

 

   Keena Hana maluna ae o ka Hale Hana Pu i ke kihi o Aianui Moi a me B@@@la Puka komo a pii ai iluna o ke Keena ma Al. Moi

 

mar6 - tfd