Ka Leo o ka Lahui, Volume II, Number 660, 13 March 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  MARAKI 13, 1893.     HELU 660

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Kakauia no Ka Leo.)

MOKUNA XXXII.

He mea nui oe ia'u i oi aku ma-

mua o kuu Akua ponoi, aka

nae i keia po e kaawale ka moe

ana o ko kaua alahele no ka

manawa pau ole !

 

Aia ka leo uwe hoeha naau o ua Senia la ke lawe ia la e na ahe lau makani, a o ka leo haluhu hoi o ke kai. ke nehe malie la i ka iliili.  Ua hapai ae la oia i kona mau maka a nana aela i na aouli o ka lewa, me na waimaka e hoopulupe ana i kona mau papaliha nohea.

Aia no hoi o Laionela ke nana mai la i kana ipo, me na maka pioo me ka nui ana o kona hanu e ake ana e hoomalielie mai i ua ui nei aka nae, komo e aku la nae ke ano maku iloko ona no kona kaimailio aku i ka mea i ala mai mai ka luakupapau mai, a ua like aku la o Senia iaia me ke akua lapu la, a ua kau mai la ka wali iaia.

Ua hiki ke lohe ia aku ka pana aan o ko laua mau puuwai, ia laua e noho ana me ka ekemu ole o kekahi i kekahi a na ka ui Senia i wehe ae i ka maluhia o ko laua noho ekemu ole ana, a pane mai la:

E Laionela, e kuu aloha pehea la oe e nana mai nei ia'u e like me he malihini la? wahi ana i pane aku ai, me ka pahola ana aku i kona mau lima me hela e uwalo aku ana.

Heaha ke kumu o kou ana ana aku i kou leo aloha, a pane ole mai hoi ia'u?  Aole anei i komo ka hauoli iloko ou, no ka ike hou ana mai ia'u?  Ae, he manawa i hala aku, owau hookahi kau aloha, a ke manaolana nei no hoi au aole i pau loa na wahi aweawe aloha iki iloko ou no'u i keia wa.

E pane mai ia'u no hookahi manawa!  O kuu lohe hou aku ka hoi la i kou leo mamua o ko'u huli ana aku no ko'u alahele!  Aole he hiki ia'u ke hoomanawanui hou no kekahi mau minute, he oiaio e Laionela, he mea hiki ole ia'u ke hoomanawanui!

Ua oki pu aela kona leo kaukau iloko o ke kaumaha piliaiku, a o na maka nani hoi i hoopulu ia e na waimaka eloelo, ua nana aela iloko o ko Laionela, me he la e mihi aku ana iaia no kona huli hoi hou ana mai ka luakupapau mai, iloko o ka manao kuhihewa ia, o ka elua ia o kona mau makahiki o ka moe ana iloko o kona home lua.

O Senia keia e ku mai nei imua o'u? wahi ana i hawanawana ae ai iaia iho me ka leo haalulu, me ke kau ana ae i kona lima ma kona poo, oiai hoi kona noonoo maikai e hoano e ia ana e keia mau hiohiona ana e ike nei.  O Senia, kuu lei aloha e na la i hala, ua ola hou!

Auwe, ua ike au me ko'u mau maka ponoi iaia e moe ana iloko o kona pahu kupapau!  A ua kukuli iho no hoi au ma ka aoao o kona pahu iaia e waiho ana, a pule aela au i ke Akua e heomake mai ia'u, i make like ai au me ia, a hoohui ia aku hoi iloko o ka make!  Ua hoopunipuni mai oia ia'u.  aloha wale oia, a hookahi kumu o kona hana ana ia hana maluna o'u!  O, aole !  he moeuhane wale no keia a'u e ike nei!  Aole he oiaio!  He moeuhane palaualelo keia!  He mau akaku hoopanaohao i ko'u noonoo maikai.

Aole ia he moeuhane, e Laionela!  wahi a ke kaikamahine nani i pane mai ai me ka leo uwe, me kona mau lima e kau ana ma kona umauma, e ake ana e hoopau ia ae ka ehaeha e loku hala ole la ikolo o kona puuwai.  He oiaio ka'u e hai aku nei ia oe.  Owau o Senia Lutera ke kaikamahine au i aloha ia i na la i hala.  Ke hoohiki ae nei au imua o ke Akua oiaio, owau io no keia o Senia.  O, e Laionela, e kuu aloha, aole anei ou hoomanao i ka la a kaua i hui mua loa ai?  Ua poina anei oe i ka la a'u i kukuli ai imua o'u ma ka lihi o ka muliwai me kuu ake ana e ike aku iloko o kou mau onohi maka; ina ooe io la ka mea a kuu uhane i aloha ai, a a'u hoi e moeuhane mau ai i na po a pau?  A ua hele mai no hoi oe a puili aku la ia'u iloko o ko poli, a hooma'u iho la no hoi oe i ko'u mau lehelehe me na honi aloha he nui!  A, e na Lani, oia mau honi a'u e hoomanao nei!  Me he la e ia ua lakou ma ko'u mau lehelehe i keia manawa.

Aole i pau.

 

HE NANEA KAMAHAO

---NO---

MAIKA

KE KEIKI

Hapa Ilikini a

Hawaii hoi.

KE KANAKA MUA LOA NANA

I PANA KE AKUA BEA A

NA ILIKINI I MAKA'U LOA

AI---A O KA WELI HOI O

NA ILI KEOKEO---A ME KA

LUKU IA ANA O KELA HUI

KEAKA A LI.

 

Hiu a wela, lawe a lilo, ke keiki

Hapa Ilikini, elua i ka manawa

hookahi. na hana powa, a

me ka makeana o na hoa-

hanau Conegokena, ka

mare ana o Maika

a me an hana

hoomaino-

ino.

 

No ka mea, wahi hou no a ua Lunakanawai nei, he hewa ino loa keia a oukou i hana ai.  Aole anei oukou e hahai mai ana i ka mea oiaio?

Aole,aole, aole loa makou i hewa, a heaha auanei ia mea a makou e hahai pololei aku ai me ko makou ike iho no aole makou i hana i kekahi hewa oia ano.

Ae, ke hoole paa mai la oukou, nolaila, ke hookau aku nei au i ke koikoi o keia hana maluna o ko oukou hokua pakahi.

Nolaila, ke hoomama aku nei au i ka hoopai maluna o ke kino palupalu o keia wahine, a aia maluna o oukou ke koikoi o ka oukou hewa i hana ai;

Nolaila, ke hoopai aku nei keia aha ia oukou ma ka---

Alia! alia! alia hoi oe e wikiwiki i ke kau ana i oe kau ana i ka hoopai maluna o keia poe, aia a hue pau mai lakou i na hana powa a lakou i hana ai, wahi a kahi makai i kahamaha koke mai ai.

Pehea auanei lakou e ae mai ai e hoike mai i ka lakou hewa i hana ai, wahi a ka lunakanawai.

He mea ole wale no ia mea ina oe e haawi mai ana i ka'u mea e nonoi aku nei ia oe?

Ua oluolu au i kau mea e noi mai nei.

He nani ia ua oluolu mai oe i ka'u noi. nolaila, eia au ke nonoi aku nei ia oe, e haawi mai oe i hookahi uha mailoko mai o kekahi o keia poe, i uha nae no kekahi kanaka aoo, a o ka hoopai no hoi oia kanaka e muumuu kona wawae, no ka mea, aole paha e hiki iaia ke ola loihi no elima mau makahiki hou aku, pehea la ia.

Oh!  ua oluolu loa au i kela noi au i noi mai la.

Ia wa i hoouna aku ai ua wahi makai nei i kali kalaiwa kaa ona e kii i kahi i kahi hale kamana ona a lawe mai i kekahi pahiolo kahiko i pau kakaikahi na maka i ka hakihaki a lawe mai i o'u nei. e wiki.

Aole i emo ia miki ana aku a ua wahi kalaiwa kaa nei. ua hoea hou mai la oia, me na mea a pau i kauoha ia aku ai iaia.

I ka loaa ana o ka pahi i kahi makai, ua hele aku la oia a ka iho la ma ke alo o ke kanaka i ano aoo a olelo aku aku la, ano kou wa e hele aku ai a moe iluna o kela pakaukau o ka waine a Conegokena i moe mua iho nei.

Ua hooko aku la ke kanaka e like me ke kauoha i loaa aku iaia.

I ka huli pono ana ae o kona alo iluna, o ka manawa no ia o kahi makai i hele aku ai a ku ma ka aoaoa o ke kaa, a pane aku la i na na huaolelo e holo ai na--ona i ke ke kani puu:

Ina aole oe e hahai mai ana i ka mea ioaio e pili ana i ka hewa a oukou i hana ai, alaila e pokepoke no auanei au i ou mau a-u a liili me keia pahi.

Ua ahona au e make mamua o ko'u hai ana aku i ua mea oiaio ole wahi a ua kanaka nei.

I ka lohe ana o kahi makai i ka nana o na olelo a kahi kanaka aoo ua hoomaka aku la oia e olo i ka wawae o ua kanaka nei, maluna pono iho o ke kuli

I ka paha ana o na minute he 10 akahi no a loaa iho ke poe o ke kuli, a e kahea wai ana hoi ke koko ma kela a me keia aoao o ka pakaukau, akahi no hoi a lohe ia aku ka leo uwe o ua kanaka nei, me ke kahea ana ae:

Ua pau, uoki kau mau hana hoo mainoino e ka makai, e hahai aku ana au i ka mea oiaio loa i hana like ia mawaena o makou!

I ka lohe ana o ua wahi makai nei i ka hoopuka ana ae o ua wahi makai nei i kela mau olelo maluna ae ua hooki koke iho la oia i kana olo ana.

Ia manawa ua wahi kuli eha nei i huepau mai ai i na mea huna a lakou i hana malu ai, me ke koe ole iho hookahi.

Auhea oe e ko makou haku Conegokena, mamuli o ka nui o na ehaeha i ili iho maluna o ko'u hokua ua hiki ole ia'u ke alo ae, nolaila e kala mai oe.

 

 

HUI ALAHAO A ME AINA.

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.M.   P. M.   P. M.

Haalele ia Honolulu               6:15*   8:45     1:45     4:35

@     i Honouliuli                  7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     8:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia          "                6:55*   A.M.

+ Poaono wale no

* Koe ka lapule

I Koe ka Poaono

Sept. 28

HOOLAHA AINA.

E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikia pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a pau mea i kuai a hoolimalima paha i keia mau aina, aole i mana ia kana ana, ina he mea a mau mea paka e paa nei i ua mau apana aina nei, e hoike koke mai ia'u, a i ole e kipaku no ua ia lakou.

S. K. KILA OPIO.

Honolulu, Feb. 17 1893.

Elia Kaululaau.

Kauka Hana Niho.

Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopi'ia ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

He Mikioi ka Holoi ana ma Niho.

He pa'a nehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

E ikeia kakou Hoa Kanaka o kipa hewa ke aloha ia lakou nei ae.

Keena Hana maluna ae o ka Hale Hana Pu i ke kihi o Alanui Moi a me Betala Puka komo e pii ai iluna o ke Keena ma Al. Moi.