Ka Leo o ka Lahui, Volume II, Number 657, 8 Malaki 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  MARAKI 8, 18932.     HELU 657

PULE NO LILIUOKALANI.

He i e ola ia Liliuokalani

He i e ola i ko Aupuni

He i e ola i ko Kanaka

I ka Elemakule i ka Luahine I ke Kane i ka Wahine

I ke Keiki i ke Kaikamahine

I ke Keiki i ke Kaikamahine

I ka Lahui aloha Alii

E ike ka Hikina me ke Komohana

E ike ka Akau me ka hema

Ka Lani me ka Honua

Ka uka hoi me ke kai

Ka wai hoi me ke ahi

No Liliuokalani ke Aupuni

Me ka lahui aloha Alii a pau

No oukou ka pono lanakila

E paa ke Aupuni a mau loa

Malolo kai Malolo kai e make

Make ke kaili ka pakaha aina

Ka hunahuna ka lokoino ke aloha ole

Ka poe hana ino aina a pau

E hoi lakou a pau i  ke kai

O ke kai ko lakou aina

Amama e ola ia Liliuokalani

He i e ola ia liliuokalani i ka Moi o ke Aupuni.

AHULILI.

 

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Kakauia no Ka Leo.)

MOKUNA XXXI.

He moeuhane anei keia a'u e ike nei, a i ole ia, na ka hoku anei o ka lewa lani i hoopuhili mai i ko'u noonoo kanaka?  E hai mai ia'u, e kuu mea i aloha ai, a e kuu Moi hoi, he moeuhane anei?

 

Ina kaua e noho hamau nei, ua ulu mai la ko'u noonoo ana no kekahi mele kaulana a kekahi wahine i haku ai, a ma ka'u hoomaopopo iho ua oiaio loa na olelo o ua mau pauku la, oia hoi ka mea e pili ana no ke aloha.  E heluhelu aku ana anei au ia oe?

Ua heluhelu aku la ka ui Senia he elua pauku o na mele nei, a oia iho keia:

Ua imi'a ia mai e ke aloha,

A loaa i ka lihilihi Palai o Puna;

Na ipo elua i paa ka manao.

E walea ana i ka lai o ke Kiawe.

HUI: I:--E kuu lei Mokihana,

Hoi mai kaua e hili.: ]

Ua a-na ia ka loa oia kula

A loaa i ka noeau o ka Mahina

Ua mahui mai au i ka Waikoloa

E mahee ana ka pili a na opua.

Oiai o Senia e heluhelu ana ua hoolohe pono mai la kana aloha, me pane pu ana mai:

He ku maoli no i ke aloha kena mau wahi lalani mele, a ua noeau no hoi ka mea nana i haku, he oiaio na mea a pau au i heluhelu mai la.

He oiaio aole na kaua i imi aku i ke aloha; aka, na ke aloha i imi mai ia kaua, a ma i akumu ke manao nei au, aole e ili mai ana maluna o kaua kekahi hopena ehaeha e like la me ka lalani hope loa au i heluhelu mai nei, pela no anei kou manao. e kuu aloha?

Aole, wahi a Senia i pane mai ai me kona aka iki ana iho, a neenee mai la hoi a kokoke i o Laionela la.  Aole anei oe i ike, e Laionela, oia hoi ua olioli loa au no kou kaawale ana e hiki ai ia oe ke aloha ia'u.  Aole hoi ia e like me he kumakaia ana ma kou aoao, oiai, aole oe i hoopaaia me kekahi mea e aku, e like la me a'u nei.

Ke hauoli nei no hoi au e Laionela no ka lilo ana mai o kou aloha ia'u nei, a owau hookahi hoi ke kuleana maluna ou.

Ua noho hamau iho la e Laionela no kekahi mau minute me he la na lilo aela kia leo hoene o ke kai, a he leo kanikau, a o ka mahina hoi ua huna aku la i kona malamalama mahope o na ao kaalelewa o ka lewa no ko lakou lohe ana mai i na olelo hooni mana a ka ui Senia.  A liuliu, ua huli hou aku la oia, a lala aku la i ke kino nani o kana wahine a puili mai la a pili iloko o kona poli, me ka hoope ana iho hoi ina honi he nui ma kona lehelehe, i oi aku mamua o na honi ana i ka wa i hala.

E kuu ipo wahi ana i pane mai ai me ka leo moakaaka, me ke kilohi ana aku hoi iloko o kona mau onohi maka nani, e kuu aliiwahine nani e, e hiki no anei ke hooi ia ae kou aloha ana no'u ina au e hoike aku ana ua haalele aku au he wahine a me ke hua hookahi o ko maua puhaka mahope, no ka manawa pau ole, a nou hoi e ka mea a kuu uhane i aloha kupouli ai?

Aia ka ui Senia ke nana la i na hoku i ka houiuiki mai i ko lakou malamalama, a o ko kai hoi mke po'i mai la i ka ae one, me kona hoolohe ana no nae i na olelo a kona hoa alo anui o ke kuluaumoo, a me na lima e puili ana ma kona umauma me he ia e noi mai ana e huikalaia aku oia ua pano mai la oia me ka leo ku i ke aloha.

E Laionela he oiaio anei o kou leo ka'u i lohe aku nei i ka olelo ana mai nei ua haalele aku la oe he wahine me ka hua o kona puhaka mahope?

Aole i pau.

 

He I e Ole Lanakila o Liliulani.

Pu-a ka lono puni o Maleka

Pehea oe e Hawaii nui o Keawe

Eia lakou nei na Pakaha Aina

na Hoonuinui olelo i loaa ka pono

Aole makou e punihei wale aku

Aia a hiki mai o Puaahilani

Ka imi pono o ka Lahui Hawaiii

Ilaila makou e hai like aku ai

No Liliuokalani ke Aupuni

No ka Moiwahine kaulana o ke ao nei

Hookahi puuwai o ke aloha oiaio

Lanakila o Hawaii a mau loa

Aohe i ae na mana Kahikolu

I ka hana lokoino a Kakina ma

Nou no e ka Lahui Hawaii ka lama

Ka Hae Kalaunu o Liliuokalani

Ka oukou leo noi ua hoolohe pono ia

Oia ka makou ae e hooko oiaio aku nei

Hauoli Hawaii nei puni na Ailana

O Liliuokalani ka Moi o ka Lahui

Ua hiki mai ka la lanakila o ke Aupuni

No Hawaii ke kalaunu a mau lao

Ola ia kini ke a mai la ke ahi

Ola ia kini ke a mai la ke ahi

Ola ia kini ke a mai la ke ahi

Hei e ola lanakila o Liliuokalani

AHULILI.

 

HE NANEA KAMAHAO

---NO---

MAIKA

KE KEIKI

Hapa Ilikini a

Hawaii hoi.

KE KANAKA MUA LOA NANA

I PANA KE AKUA BEA A

NA ILIKINI I MAKA'U LOA

AI---A O KA WELI HOI O

NA ILI KEOKEO---A ME KA

LUKU IA ANA O KELA HUI

KEAKA A LI.

 

Hiu a wela, lawe a lilo, ke keiki

Hapa Ilikini, elua i ka manawa

hookahi. na hana powa, a

me ka makeana o na hoa-

hanau Conegokena, ka

mare ana o Maika

a me an hana

hoomaino-

ino.

 

I ka wa a Keohookapalai e hue pau ana i na mea a pau, a i ka hope loa, ua hoopuka mai la oia i kana olelo hooholo:

He oiaio ua hoike pololei mai ne ka mea i hoopiiia nana i pepehi na kino make elua i ka po nei, me kona maopopo ole o na keiki paha a Conegokena aole paha, mamuli o ka aaki paa o ka pouli.

A hoi iho no hoi, aole he ho ke ma ka aoao o na mea nana ka hoopii, i hele mai a hooiaio na Maika i hana keia mau hana.

Nolaila, me ko'u noonoo pono ke waiho aku nei au i ka'u olelo hoopai a pau na hihia i waiho ia mai nei imua o'u.

Nolaila o ka hana wale no imua o ka aha i keia manawa oia ka hoolohe aka i na mea i hanaia ma kahi noho o Conegokena, a me ke kumu i make ai o keia wahine, ua huli ae la ka lunakanawai a ninau aku a i ka Ilamuku.

I hea a malalo o ko wai malu i loaa aku nei ia oe keia mau waiwai?

Iloko o ka hale o Conegokena, a malalo no o kona malu na mea a pau i loaa aku nei.

A no wai keia mau waiwai?

No kapena Sula.

Ua huli ae la ua lunakanawai nei a ninau aku la ia kapena Sula, penei:

He oiaio nou keia mau waiwai i aihue ia?

Ae, no'u.

Ia wa pu no hoi i hahai pololei aku ai o kapena Sula i na mea a pau, a me ka hopena i ili iho maluna o kana mau kaua e hoouna ai i ka lua huna no ke kii ana i ke dala, a malalo o na kokua ahonui ana a na makai o ke aupuni, no ka hookolo ana mahope o ka maheu a maika i kuhikuihi mai ai, aia hoi, me he akaku la, ua ku hou mai la imua e ko'u alo na mea a'u i moeuhane mua ole ai e loaa hou ana.

I ka lohe ana o ka lunakanawai i na olelo a pau a Sula, ua hooiaio iho la oia mamuli hoi kekahi o ke kokua ana mai o ka Ilamuku; nolaila ua ninau hou aku la oia i ka Ilamuku:

A heaha hoi ke kumi i make i o kela wahine.

Ua pane aku la ka Ilamuku me ka piha inaina no ka kahi makai i pakike ai iaia, me kona manao e pilikia ana ua wahi makai pakike nei:

Malalo no hoi o na lawelawe pupuahulu ana a kela wahi makai o aa mai la na maka.

Ua mahalo au i na hookele ana  keia wahi makai a me kana mau hana koa, aka ua hoowahawaha au iaia mamuli o kona hana ino ana i ke kino ma'i o kula wahine, a he mea pono i ko'u manao, e kanu like ia laua iloko o ka lua hookahi.

I ka pau ana o keia mau olelo a ka Ilamuku, ua lehu aku la oia maluna o ua wahi makai, a iloko o kona piha inaina nui, ua ike aku la oia i ua wahi makai nei e kau mai ana i kona mau manamana lima i ka ihu.

I ka loha ana o ka lunakanawai i na olelo a ka Ilamuku, ua pii ae la kona inaina no kahi maikai me kona ninau ana aku i ua wahi makai la.  Aole i pau.

 

HUI ALAHAO A ME AINA.

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.        P. M.   P. M.

Haalele ia Honolulu               6:15*   8:45     1:45     4:35

@     i Honouliuli                  7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     8:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia          "                6:55*   A.M.

+ Poaono wale no

* Koe ka lapule

I Koe ka Poaono

Sept. 28

HOOLAHA AINA.

E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikia pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a pau mea i kuai a hoolimalima paha i keia mau aina, aole i mana ia kana ana, ina he mea a mau mea paka e paa nei i ua mau apana aina nei, e hoike koke mai ia'u, a i ole e kipaku no ua ia lakou.

S. K. KILA OPIO.

Honolulu, Feb. 17 1893.

OLELO HOOLAHA.

E ike auanei na kanaka a pau ma keia, ke papa loa ia akju nei na mea a pau, aole e hele maluna o na aina o kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pulehu.  Pikake a me na ano manu e ae apau loa e hele ala maluna o ua mau aina nei.  A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e he kanawai no ka lawe aihue i kekahi o ua mau au manu nei, e hoike mai nma ke maua hale Kuai ma Wailuku.  Ua hapu pu la no hoi na kanaka a pau, aole e hele maluna e ko maua mau aina kula no ka lawe ana i na Bipi, @ a mau Holoholona e ae, me ke noi mua ole mai ia maua a i he maua Luna paha, oia o Frank Freitas e noho ala maluna o ka aina.

A. ENOS & CO.

Wailuku Maui Feb. 9th 1893