Ka Leo o ka Lahui, Volume II, Number 655, 6 March 1893 — Page 2

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

JOSEPH NAWAHI,

Lunahooponopono a me Puuku.

POAKAHI, MARAKI 6, 1893

LEI AKULIKULI SONG.

 

E hoi ka nani i Kewalo

I ke kai lai o Kalia

Alia oe e apa nei

O ka wa kupono keia

E uleuleu ai na manu

Inuwai lehua o ka nahele

Hele no oe a hoi mai

Eia ke hoa e kohu ai

E olu ai o ka nohona

Ka nohona iho hoi ua lai

Haina ka puana o kuu lei

O Kapuahanolani no he inoa.

 

KE ALIIAIMOKU O HAWAII

   He maikai no Kona ola kiro.  He kuoo a he pihoihoi ole Oia.

KA HOOILINA MOI O HAWII.

   He maikai ke ola o Kama’liiwahine Victoria Kaiulani.  Aia Oia ma Wasinetona i Amerika Huipuia.

KA MOIWAHINE KANE-MAKE A ME KE KEIKI ALII KALANIANAOLE.

   He mau no ka maikai o ko Laua ola kino, aia no Laua ma ko Laua Home ae-kahakai ma Waikiki.

KE KEIKI’LII KAWANANAKOA.

   He maikai Kona ola e noho la ma Wasinetona.

Ena Hawaii Aloha Aina

Aloha Lahui, a Aloha Moi

Eia Mai ka Pono,

Hoolohe Mai Kakou.

   O na Hawaii a pau e aloha ana i ke Kuokoa o Hawaii, ke hoonaauao ia aku nei, e kupaa lakou, mai puni i na hoowalewale, e hoomanawanui, e uumi i ka hanu i ka houpo, e nana aku i ko ke Akua aloha ia kakou.

   Ina he mea oiaio, e hoouna ia mai ana paha ke Komisina e ninaa, a e hoomaopopo i ka manao, a me ka makemake maoli o ka Lahui Hawaii, no ka ninau hoohui aina, alaila, e hookoia auanei ko oukou makemake.

   He nui na olelo i hoolahaia ma Amerika, e olelo ana, o ka hapanui loa o na Kanaka Hawaii, ua apono lakou i ka hoohui aina.

   Ano kou wa e hoike ae ai e ke kanaka Hawaii, aohe oiaio oia mau olelo.  Ke ike nei kakou, e hoi hou mai ana @@ ka apono ana ia oukou i Hawaii nei.

HOOILINA MOI O HAWAII.

KE KAMA ALIIWAHINE VITORIA KAIULANI.

Ka Puuwai i Piha i ke Aloha no Kona Aina Hanau, ka Nohoalii, a me Kona Lahui.

   Aia oia ma ke Kapitala o Wasinetona; ma Amerika Huipuia i keia wa.

 

   Kona lohe ana no ka pilikia o Kona One Hanau, a me Kona au ana mai i na ale hanupanupa o ka Moana Atelanika.

 

   Kana nonoi ku i ke Aloha walohia, imua o ka Lahui Amerika, no ka hoihoi ana aku Iaia i ka Noho’lii o Hawaii, a pela aku.

O KA PONO, OIA KE LANAKILA.

   I ka wa i hiki mua aku ai Iaia, ka lohe no ka hookahuli aupuni ma Hawaii nei, ua ili iho maluna Ona na kaumaha luuluu o ke aloha no Kona aina hanau.  E hiolo makawalu ana na waimaka, maluna o Kona mau papalina lahilahi, me he mau pakaua la o ka Hooilo.  Ua hu mai na halialia a me ke aloha no Kona Lani Makuahine Moi, Kona Aina Hanau a me Kona Lahui ma kahi mamao.

   Mai ka aina mamao mai o Enelani; a maluna mai o ka Moana Atelanika ma ke Komohana, ua kau mai la Kona mau maka i hooipo ia e ke onaona no na Paemoku o Hawaii nei, e ake ana o ka ike mai.

KONA AU ANA MAI I KE KAI.

   Mamuli o ka nui o Kona aloha ua haalele aku la Oia ia Enelani, ma ka la 22 o Feberuari, a holo mai la no Amerika Huipuia; me Kona kahu hanai, Theo. H. Davies.  Ua manao Oia e holo mai e kipa mua ma Boston, a noho iki malaila, a pau ka (hoonohoia) poniia ana o Peresidena Cleveland, aka, ma kekahi lono hoi, e holo pololei mai ana no Oia no Wasinetona.

   Ua makemake Oia e kamailio pu me Cleveland, no Kana kumu noi i hele mai ai.  A he manaolana Kona, e ae ia mai ana no e ka lokomaikai o ka lahui Amerika.  Aole hoi Oia i ike i kekahi kumu e hooneleia ai Oia i Kona kuleana, me Kona hana hewa ole, a me ka hoike ole ia aku hoi Iaia, e hele mai e pale Nona iho.  Aole hoi Oia i maopopo i na kumu o keia hana, koe wale no ma na mea i hoolahaia ma na nupepa.

   Ua hoole ka Hooilina Moi o Hawaii i Kona hoike manao ana i na mea pili i ka Harrison mau kumu hana hoohui aina, a hoole paha.  Ua ike no Oia he nele kona iaia.

   Ua makemake ka Hooilina Moi e kuokoa mau o Hawaii aole Ona makemake e noho aku malalo o kekahi mana hoomalu okoa.

   Ua hoike ae Oia, o keia hookahi wale no kana e noi nei i ka lahui Amerika, a ua hoike ae Oia i kona mahalo i na nupepa no na hoike ana i na hookomoia ana o kana koi ia Amerika.

   Ua olelo ae Oia, he mau hoa’loha pilipaa o Amerika me Hawaii.  Aole oia i hui launa me kekahi Luna Aupuni o Beritania, a aole no ona manao e keakea mai ana o Enelani i na pono o Hawaii.

KA PALAPALA A VICTORIA KAIULANI.  HE KU I KA WALOHIA NA MANAO.

   He 4 makahiki mamua ae nei, ma ke noi a Kakina a me ka Aha Kuhina o Hawaii, ua hoounaia Au i Enelani no ke a’o ana i kupono no ke kulana Hooilina Kalaunu o Hawaii, e like me ke Kumukanawai. Iloko o keia mau makahiki i pau, ua hoao au me ka hiki ma na ano a pau, i kupono no ko’u hoi ana aku i keia makahiki i ko’u aina hanau.

   Ua hoikeia mai nei ai’u; aia o Kakina ma Wasinetona, no ke noi ana aku ia oukou, e lawe aku i ka hae aloha o kuu aina a me kuu Kalaunu.

   Aole i hoikeia mai nei ia’u kekahi mea, ma ke ano pili aupuni no keia hana.

   Ua hana anei au i kekahi mea hewa, i hanaia mai ai keia hana maluna o’u a me kou mau makaainana?

   E holo aku ana au no Warinetona, no ka uwalo ana aku no ke Kalaunu, ka Lahui, a me ka Hae Hawaii.  Aole anei ka Lahui Amerika e aloha (menemene) mai ana no ka’u noi?

 

HOOKOMOIA NA PALAPALA KUE A NA AUPUNI O EUROPA.

   Ua hookomo aku la na Aupuni o Beritania, Farani, Geremania a me ke Aupuni Panalaau o Canada i ka lakou mau palapala kue i ke Aupuni o Amerika Huipuia e hoole ana i ka hoohui ana o ka Pae Aina o Hawaii me Amerika.

 

Hon. Ailuene Buki.

Ka Pohakuhauoli o Hawaii,

MA KAPALAKIKO.

   Ua loaa mai he mau leta mai ka Pohakuhauoli o Hawaii (Ailuene Buki) mai.  E hoike ana i na mea hou hope loa, a me kona kulana ma Kapalakiko.

   Ua nui no na kakau nupepa o Kapalakiko nei i hele mai e kukai olelo pu me a’u; Ua hoike aku au ia lakou i ka mea oiaio loa, no na hana i hana@u maluna o kakou a me ko kakou Aina aloha.  Eia nae ka mea apiki, aole o lakou hoolaha i ka’u mau olelo, no ko lakou ike maoli ana iho la i ka oiaio, a he hana hoohilahila hoi i ke kulana Hanohano o ke Aupuni a me ka Lahui Amerika, mamuli o na hana e lawelaweia e ko lakou Kuhina Kiwini a me ke Kapena o ka Moku manuwa Bokekona Wiltse.

   Ua hiki pu mai no kekahi poe kakau Nupepa o na Mokuaina Hikina o ka Aoao Demokarata; Ua hoike no au ia lakou e like no me ka’u i hoike ai i ko Kapalakiko nei noe.  O keia poe nae kai hoouna u ka’u mau olelo oiaio e paiia maloko e ka lakou mau Nupepa.

   I ka manawa i ike ai na hoa o ka Aha. Senate o Amerika i keia moolelo ma ka aoao o ka Lahui Hawaii ua hoemi kokeia na manao pupuahulu o ka Hoohui Aina iloko o lakoou, a ua hoamaka e emi ka ikaika o ka aoao Hoohui aina iloko o ka Hale Ahaolelo.  Pela ke ami liilii ana a hiki i ka hiki ana aku nei o P. Numana me ke Keiki Alii Kawananakoa, na Komisina Alii.

   Ua hoike laua i ka laua moolelo a ua like loa me ka’u i hoolahaia ai ma na Nupepa.

   I ka ike hou ana o na hoa o ka Aha Senate i keia moolelo ua hooia ia mai ka oiaio e ka’u.  Ua hooholo lakou, e wiaho i keia ninau a na ka Hooponopono Aupuni o ka Aoao Demokalaka, e noonoo hou. Ua loaa mai keia lohe, ma ka uwea Telekalapa ua hauoli loa ai.

   E o’u mau hoa makaainana Hawaaii, o keia haawina kamahao, ua loaa no ia mai luna mai, a e hoonani kakou a pau loa me ka hoomaikai ana a me ka naau ku i ka mihi.

   Ko’u aloha kau e pahola aku ma na pe’a eha o kuu aina hanau, a no ko’u mau hoa makaainana e noho ana me ke kaumaha e hoolana i ko kakou manao, ua ola Hou o Hawaii.

   Ko oukou hoa oiaio

                                JNO. E. BUSH.

 

   Ma ka no Paiima nei, ua kii mai Ka Anela o ka make, o Mrs. Ane K. Lilikoi, ma Kikihale ae nei.  Aloha wale oia.

 

Ka Hihio Oiaio.

KA IKE ANA I NA MEA HUNA POHIHIHI E PILI ANA I KE KUIKAHI HOOHUI AINA.

   Ke hoike aku nei KA LEO O KA LAHUI me ka wiwo ole a me ka ikemaopopo hoi, i lohe ka Lahui Hawaii ponoi e noho anamai Hawaii a Niihau.

   Oia keia:  Ua haule ke’a Kuikahi no ka manawa pau ole!  Aole oia e ala hou mai.  Aole hiki e hoole ia mai ka makou hoike mai ka pomai.

   I na e hooholoia keia kuikahi hoohui aina, alaila, e ulu mai ana he haunaele nui mawaena o Europa a me Amerika, a e hoopilikia ia ko Amerika mau kahakai.  He hana naauao keia a na loea kalaiaina o Amerika, ma ka Koopuhili ana ia keia kuikahi alunu a Kakina ma, meko lakou nei ike ole.

   Haule la!  Haule hoi!  Haule loa!

 

Ka Nuhou Hauoli!!!

No na Pua, na Mamo

----A ME---

NA EWE O HAWAII.

   Ke o mai nui na kukuna olino maluna o Kou mau kualono nani;

 

           e Hawaii Monm!

            Ka Parediso o Polunesia,

            Ka hiwahiwa i poniia,

            Me ke Aloha o Kona Lahui.

 

            E ko makou Makua Lani,

            Euhi mai i Kou aloha,

            E pale Oe i na poino

            I upuia no Hawaii

 

            E hoomani i ke Kuokoa

            O ka Pae aina o Hawaii

            I mau kona hae e welo ana

            Akau i ka pua-aneane.

 

HOOPANEEIA KE KUIKAHI HOOHUU AINA O HAWAII.

  Loaa ia Hawaii he wa e hoomakaukau ai no ka houle ana i ka Hoohui Aina.

 

HOOPANEEIA KE KUIKAHI.

   Ma na lono i hoikeia ma na nupepa o Amerika, o ka la 20 o Febeurai, ua hoikeia ae na kumu i hiki ole ai ke hooholoia ke kuikahi hoohui aina o Hawaii.

   Ua nui ka hooikaika ana o na poe kokua e hooholo ia ke kuikahiaka, ua hookui pu ia mai la no hoi, me na kue ana o na hoa iloko a ka Ahaolelo nui o ke Aupuni o Amerika.

   No keia mau kue, na manaoia aole paha e hiki ke hanau keia mea iloko o keia Kau Helu Kamalimakumamalua o na Ahaalalo o Amerika.

   Ua hoike ia ne hoi, na manao no o Peresidena Harrison; e waiho