Ka Leo o ka Lahui, Volume II, Number 647, 22 February 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOSEPH NAWAHI,

Honolulu Feberuari 22, ‘93

 

KA MOOLELO

O

HIIAKAIKAPOLIOPELE.

 

I HOOPONOPONOIA MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

           

            O ka nui koi o laua nei e au, no ka mea, ua makau laua no ka pali oia ke kumu o ko laua koi ikaika e au, koi no laua la e au, hoole hou aku keia, aole.

            I loa no ia kakou a au aku, hookahi no ke poi ana mai a makaukiu pau kakou i ka make. Koi hou no laua la e au, i na lakou e pii ma ka pali he loihi loa ia alanui o ke kokoke no keia, pela ko laua manao, a no ka nui koi e laua nei au malaila; alaila lalau ae o Hiiakaikapoliopele ika auki, i aku keia ia laua la, eia ke ala o kakou ia nei, e kaka ae au ika auki, a hoolei ae ike kai. I hoolei au a i nalowale aole ka auki aohe alanu, o kakou, aka i hoolei au ai nalowale ole ka auki, alaila no la au aku kakou, aka i nalowale ka auki, aohe ala o onei, aia ke ala ma ka Pali. 

            Ailaila kaka iho o Hiiakaikapoliopele i ka auki, a apau ka alualu o ka auki i ke kaka ia, oli aku ana keia he mele, no ko laua la koi e au ma makaukiu, nolaila manao keia ia Wahineomao ma he mau kanaka maoli laua aoia nei he kino eepa oiai ua ike keia ina mea apu, oia no ko laua hooko ole mai ka ia nei olelo aku ia laua, nolaila oli aku keia penei;

Au maka Hulaana,

Kaikoo ka pali,

Pihapiha o Eleele,

Ke kai o Makaukiu.

A‘u e hopo i ka loa,

O Honokaneiki ,

I kane la olu – a,

I wahine la wau – e.

            A pau i a mele a Hiiakaikapoliopele, kiola aku keia i ka i ka auki i loa no i ke kiola ana aku aianei, o ka nalo aku la no ia o ka auki i aku i aku keia ia laua la, aia la, e au aku nei kakou la, make kakou ia makaukiu.

Aole i pau. 

E hoomanawanui a Uwila hou aku –

 

Ka Moiwahine Liliuokalani

 

            He oia mau no ke ola o ka Moiwahine kaeaea o Hawaii, ka mea hoi a Kona lahui aloha i kapa aku ai me ka makahehi: “Ka Puuwai Hao Kila Makeneti.” Nani no ka pilipaa ana o ko ka lahui aloha, mahope o ke Alii i mohai i Kona ola no ka pono o kona lahuikanaka. Ke ku mai nei ka la 17 o Ianuari a hoeia mai i ke kupaa o ke Alii mahope o Kona lahui ponoi, aole hoi mamuli o ka onoonou ia, aka, mai Kona puuwai Alii ae no. Eia no Oia i ka olu kohai o Wasinetona, i ke Kappitala o Amerika. He oia mau no ka mohala, me he pua la no ka Melekule; o ke ala kupaoa, ka hanu o ke Alii.

 

E Hoolohe mai e ka Lahui Hawaii

 

            Ua hoike pono ia mai ia makou, aia he mau buke pa‘ihakahaka ia ma ka lima o na poe luna aupuni o Hilo, o Kohala, o Kauai; e koi ana i na kane, me na wahine e kakau inoa aku, no ka hoohui ana aku ia Hawaii nei me Amerika; me na olelo pahele, ku i ka hana maalea. O ka makou e hoonaauao aku nei, mai puni e kakau inoa me ko oukou hoomaopopo ole i na hopena o ia mea.

            Aole i kauohaia na luna aupuni e hana ia mea; oiai, o ka mea i kanohaia ia lakou, o ka hoohiki oihana ana o na poe luna aupuni. Oia wale no.

 

HE MAU NANEHAI NO KA NAAUAO.

 

            Imua o na opio o ke au o Liliuokalani.

           

            Nanehai 1. Mahea kahi o ka honua nei, aohe ona Lonitu?

            Nanehai 2. Heaha ka kumu i oi ae ai ke anu ma na piku Mauna, mamua o na wahi ma ke kumu Mauna?

            Nenehai 3. I na paha e kapaeia na Eanawai mau o ka Poai Lani o ke ao holookoa; alaila ihea la e waiho ai ka honua nei?

            Nenehai 5. Heaha la ka mea e moe ai (upoi ai) na maka i ka wa e pule ai?

            Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

 

[Ma ka loaa pono o ka haina, e kapaeia ai kekahi Nanehai, mai hoolaha mau ana].

 

W Nana e na Keonimana i Keia.

KE KONO AKU NEI MAKOU IA OUKOU E KIP MAI; A KE WAIHO PU AKU NEI I KEKAHI MAU KUMUKUAI HAAHAA LOA.

 

N. S. SACHS,

104 Alanui Papu, Honolulu.

 

            He heluna nui o na waiwai o na kane i loaa mai nei ia makou ma ka mokuahi hope loa mai nei.

Ua Hiki ia MAKOU ke Hoolawa aku i ko OUKOU Makemake ma na ANO a pau, a he HAAHAA loa ka MAKOU mau KUMUKUAI.

 

KOE NA AAHU O WAHO.

 

Na Pale Hi o luna o na kane 25c.                       Na Palule Kane Ano Hou loa $1.26

“          “  Huluhulu    “    50c.                     “            Kakini Kane 2 paa i ka 25c.

“     “    “  olalo “    50c.                     “      “          “          maikai loa

“  Palule Hana o na Kane mai ka 75c. a               “         “          “    3 pai i ke $1.00

pii aku                                              “  Hainaka Keokeo o na Kane

“          “ Aiana ole ia o na Kane o ke ano                          he $1.00 no ke Kakini

Maikai loa 60c.                                   “ Lei Ai Silika Ano Hou loa na Kane                                                                                                                                                         3 i ke $1.00

           

Na Paikini Hou loa, o na Aikala, Pulima, Kaawe, na Hainaka Ailika. A me na Lei Ai o na ano like ole he lehulehu loa; ma na Kumuku ai Haahaa loa.

           Na Pahu lole a me na Paiki e kuaiia no i ke Kumulilo. Na Lolewawae Ahinahina Pelekane Uliuli me ka Ulaula. Na Paalole o ka poe Pena, a me na Palule hana o na ano a pau. Na Paalole Auau o na Kane me na Kamalii, me na Lolewawae ekieki.

E hoomanao o ka makou no Kumukuai haahaa loa. E kipa mai, i pau ai ko oukou kuhihewa.

 

N. S. SACHS:

575-tfd. 104 Alanui Papu, Honolulu

$5,000 Makana! Haawi Wale ia!

 

E Hoomaka ana keia kuai me na makana Dala mai keia

POAKAHI AKU, NOV. 7, 1892

 

A e hoomau ia aku ane e like me ka hiki. Iloko o keia manawa kuai, o kela a me keia mea e kuai ana a hiki i ka $2. 59, e loss ana iaia he makana nani o na

Lako Dala a me Aniani Peachblow,

Ma ke aniani maoli, a i ole, ma ka Lako Satina.  

 

E HOOMANAO

            Aole o kela a me keia mea kuai 5,6, a 10 ana paha a ka mea kuai e loaa ai ka makana, aka, e haawi ana makou he makana i na mea e pau e kuai ana a piha ka huina maluna ae ma na waiwai kuai. Oiai, e waiho ana makou i ka hana, a e kuai ia aku ana na mea pau mamua ae o ka la 1 o Ianuari, 1893.

 

E hele mai i hookahi, e hele ma no a pau loa, mai ke nui a ka liilii.

  Chas. J. Fishels.

575 – tfd Halekuai alakai o na kumukuai haahaa loa.

 

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

MA KA HALE KUAI ALAHAIO\

B. F. EHLERS & CO – PAINAPA.

HELU 99 Alanui Papu.

 

Oili Pulelo PAINAPA e kela i Kaupoku o Hanalei; aka I hewa no nae i ka lele mua i ka hooulu i ka la ino.

 

            Oiai he manawa ilihune keia no ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoonoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku nei au ma ia hana maikai, no ka mea.

 

He Kawa ia Na‘i Lele a Opu.

            He mau makahiki loihi i hala ae nei, akahi okea kuu aluhua i ke ahi o o Kamaile a me ke Kawelu o Lanihuli, a i mea no hoi e hoo@@2 ai kela olelo kaulana a kahiko.

 

Ohi Hapuku ka I‘a o Kapaau.

            Eia ma Ko‘u Halekuai nei na Papale Kamalii ia ano a paa, ia Lako Lole na Hapuu a oukou o na paikini a pau, mai ke nui a ka ukulele, na Lako Lole o a Lede a me na Keonimana o ke ano hou loa i ike mua ole ia ma Hawaii nei, na Mamalu o na waihoolulu a pau, a pela aku, a pela aku.

E Kuai ia aku ana no ke Kumupaa,

            Nolaila mai hoohala i ka ike ana ia kaua. E hoomaka ana keia kuai hoekelakela mai a ma keia mua aka. Na ka mua ne ka loea, olo@l@ aku no ihope, mele.

573 tf-dly. B. F. EHLERS & CO.