Ka Leo o ka Lahui, Volume II, Number 646, 21 Pepeluali 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.      HONOLULU FEBRUARI 21, 1893.       Helu 646

 

ME MOOLELO KAILI PUUWAI

--NO--

SENIA LUTERA

 

Ka Ui Puuwai Mabala

--:O:--

ENELANI  KAHIKO!

 

A I OIE

He Nanea Hooheno

            no kekahi Kauna

            Wahine Opio me

            kana mau Aloha

            Ekolu.

(Kakauia no Ka Leo.)

 

  Oia@ ua Laionela nei e alakai ia e keia mau manao pupale, na hiki ole iaia ke hoomanawanui hou iho i hookahi minute.

  Ua ike aku la oia i ka mo@na maikai ana o na nohea kaili puuwai i @a po ala.

  Ia manawa oia i apo aku ai i k@ a-i o kana aloha a hoopi@ mai la iaia ma kona poli, a k@wi iho la i na honi he nui @ kona mau papalina, me ka noonoo ole ae he waiwai na @i. a komo iho la hoi ka hopohopo iloko ona.

  E kuu moiwahine, a e kuu aloha hoi. e honi mai ia'u! wahi a Laionela me ka leo pil@hoi, oiai ua ike no ia aohe n@ ia waiwai.

  Ua aloha au ia oe a oi aku m@a o ko'u ola ponoi iho!

  Ua hui ae la ua mau ui nei i kaki hookahi, a ninau aku l@ o Laionela:

  He aloha no anei oe ia'u? E p@e mai i ka'u ninau me ka @o!

  Ua aloha mua au ia oe e k@ haku, wahi a ua ui nei, i oi aku mamua o na mea e ae o keia ao, a oi aku mamua o ko'u aloha i ko'u akua.

  A no'u hoi e ke aliiwahine, he mea hiki ole ia'u ka hookaawale ana aku mai kou alo aku, mai ka hoolohe ana i kou leo nahenahe -- mai na awihi ana a kou mau maka nohenohea -- o, ua like ia me ka make! akahi no au a ike i ka nani o keia ola ana, e ka nani o na nani, a ke hoohiki paa nei au, na'u oe a mau loa aku.

  Ua hamau iho la ke liiwahine no kekahi mau minute, a me kona lima, e haalulu ana, ua hookau aku la oia ma ka lae o kona hoa, a pane aku la henei:

  Aole e hiki ia'u ke hoike aku i ka nui palena ole o ko'u aloha nou! O Laionela, e kuu Laionela, he oiaio akahi a loaa hou ia'u ka oluolu!

  Ua panai mai la kona hoa ma o komi honi kuwili ana mai i kona papalina nohea.;

  Ua like anei kou aloha e Laionela ia'u, e like me kou aloha iaia ? O ka'u e manao nei--e like me ko ke kaikamahine opio i aneane e lilo i wahine mare nau, au hoi i hai mua mai ai ia'u.

  E hai mai ia'u i ka oiaio, no ka mea, he makemake au e lohe mua,

  Aole au e manao ino wale aku ana no ke aloha i make, o ka'u e makemake nei e hai mai oe; na like anei ka nui o kou aloha ia'u, e like me ua aloha ala au i hala e aku i ka make?

  He mea maopopo ua aloha oia ia oe e like me ke aloha o ke kaikamahine opio, a o ko'u aloha hoi; he aloha ikaika e hiki ole ai ke maweheia koe wale no ka make.

  Ua aloha au ia oe e kuu moiwahine a oi aku mamua o ko'u aloha iaia,--kuu lei aloha o na la i hala, kuu milimili aloha Seuia i kaili ia mai a'u aku.

                 No kahi wa aku.

 

HE NANEA KAMAHAO

--NO--

MAIKA

 

KE KEIKI

Hapa  Ilikini  a

HAwaii hoi.

 

KE KANAKA MUA LOA NANA

             I PANA KE AKUA BEA A

            NA ILIKINI I MAKA'U LOA

            AI--A O KA WELI HOI O

            NA ILI KEOKEO--A ME KA

            LUKU IA ANA O KELA HUI         KEAKA A LI.

 

Hui a wela, lawe a lilo, ke keiki

Hapa Ilikini, elua i ka manawa

hookahi. na hana powa, a

me ka make ana o na 

hoahanau Conegokena, ka

mare ana o Maika

a me na hana

hoomainoino.

 

  Ike iho la na maka o oukou i ka hua o ka'u mea i paakiki ai, a nolaila, o ka mea pono wale no ia kakou e hana aku ai oia keia:

  E kii aku kakou a hoiliili mai i na mea i kauoha ia mai ia kakou e huli a hoakoakoa i kahi hookahi, a he hookahi ka lawe pu ana me keia poe a kaua i luku iho nei.

  Ua ae like mai la ua poe la, no ka mea ka kau mai la ka weli i ua poe nei no keia wahi taata a ke ooloa nui wale.

  Ua lilo hoi kana mau hana koa a wiwo ole a lakou i ike iho ai i na hora iho mamua, ua lilo ia he mea hoohialaai i ko lakou noonoo, me ko lakou kaena mau ana no ka ikaika o ua wahi makai  nei.

  Ia lakou nae e hooiliili ana i na mea i kauoha ia mai ia lakou, a i ko lakou ike ana ua akoakoa, o ko lakou nei ohikihiki loa aku la no ia no ka halepaahao, a pela pu hoi me na poe i hoeha ia, hookahi hele pu ana; a pela paha i holo ai keia mau wahi laina mele:

Ka hele'na ia a ka wai nui

Koe wahi opala ole iho.

  I ka'hala ana aku o ka nui o na makai me ka lakou mau lawehala, a koe iho la hoi o Maika a me kapena Sula, a me ka wahine a Conekona e waiho a make ana iluna o kahi moe, me kahi keiki paele e ku ana ma ka aoao o ka moe, ua huli ae la ua wahi makai kolohe nei a pane aku la ia kapena Sula.

  Pehea kou manao, ina kaua e lawe ana i keia wahine a me kahi keiki nika no ka hale paahao?

  Ma ke kumu hea auanei kaua e lawe aku ai?

   No kona kue ana i ka hana i kauoha ia mai ia kakou.

  Aole oia i kue mai i kakou hana, no ka mea, ke waiho mai nei oia i ka ma'i?

  Ia wa i poha ae ai ka aka hoohenahena a ua Ilikini nei, a panai aku la i keia mau wahi olelo:

  Alaila ke manaoio nei oe he ma'i io no ko keia waine e moe hoopunipuni mai nei ma kahi moe ea?

  Pela no hoi paha, no ka mea, ke ike aku la no hoi na maka nui o kaua a elua i na hiohiona o ka ma'i maluna ona.

  Pehea la o hiki ai i ka mea

i loaa ole ia mau haawina, kehoololi hou ae a like me kela e waiho mai la? wahi hou a kapena Sula.

  Penei: mamuii o ka inoino ino o ka noonoo no ka loaa pono ana mai la o ke kolohe, a-o ka lua, no ke aloha i ka hoa pili i ka noho aku i ke puhi ! lohe aku la oe ?

                 Aole i pau.

 

E ka Lahui e!

 

E ka Lahui Hoi!

 

E  KA  LAHUI  ALOHA  O

HAWAII!

 

Eia ko oukou LEO la! KA LEO o

            KA LAHUI!

 

  He nupepa keia e kokua ana i ko oukou mau pono pili paa mai na kupuna mai, a mai ka po mai; ka pono hoi o ko kakou aina, a me ko kakou Noho Moi.

  He nupepa keia e hoike ana i na mea ano hou loa, o ko kakou: mau Paemoku. a me na nuhou ano nui o na Aina E mai; Ma keia nupepa no, e ike ponoia ai na mea ano nui loa, e pili ana i na hana a na Komiaina elua i holo aku nei no Wasinetona.

  Oiai, aia aku nei ko kakou makamaka kakau nupepa noeau i Wasinetona, me ke Komiaina Alii; oia o Hon. J. E. Bush, ke kolopa uneune o ka Moana Pakipika; alaila, o na lono oiaio loa a pau, no na mea e hanaia ana ma Wasinetona, e hoouna pololei ia inai ana ia i ko kakou nupepa, ma keia mua iho.

  Oiai, no ka pono o ko kakou aina wale no, ko kakou lahui a me ko kakou Moi, ko Mr. Bush hele ana aku nei; a aole no ke kumakaia ana aku; alaila, e hooikaika pu ana oia me ke Keikialii Kawananakoa a me Mr. Numana; e loaa, a e hoihoi hou ia mai kou mau pono oikelakela e Hawaii.

 

  Ke haawi aku nei KA LEO O KA LAHUI i na hoomaikai ana he nui loa; ku ka paila hana ka haawe; no na makamaka a pau loa e hoouna mai ana i na mea hou ia makou:

  A pela pu no hoi me na poe a pau loa i panola mai i ko lakou mau lima kokua no ke ola makamae o ka kakou nupepa, ka aha@lono o ka lamaku iloko o na home aloha o Hawaii.

 

HUI ALA HAO A ME AINA

O OAHU.

Papa Manawa

Mai a Mahope o Okatoba 1, 1892.

NA KAA

                                    A  M.  A. M.  P. M. P  M.

Haalele ia Honolulu    6:15*  8:45  1:45  4:35+

Hoea i Honouliuli        7:20*  9:57  2:57  5:35+

Healeia      "                 7:30* 10:13  3:45  5:42+

Hoea i Honolulu          8:35* 11:55  4:55  6:50+

NO KULANAKAUHALE MOMI IHO.

Haalele ia Honolulu                            5:10|| P. M.

Hiki i Kulanakauhale Momi                5:48|| 

Haalele ia       "              "                    6:55* A. M.

   + Poaono waiono

   * Koe ka Lapule

   ||  Koe ka Poaono.

Sept.  28  tf-dly.