Ka Leo o ka Lahui, Volume II, Number 645, 20 Pepeluali 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

JOSEPH NAWAHI,

 

HONOLULU FEBERUARI 20, ‘93

 

KA MOOLELO

o

HIIAKAIKAPOLIOPELE.

 

I HOOPONOPONOIA

MAI KA POE KAHIKO MAI A

ME KA POE I HOOPAA I NA

MOOLELO A ME NA

KAAO KAHIKO O

HAWAII NEI.

 

I mai o Wahineomao, ka; e hala loa paha auanei olua aole e loaa mai iau, i mai o Hiiakaikapoliopele @e loaa wale mai no maua ia oe ia nei.

            Ko Wahineomao hele aku la no ia, e hao aku ana no o Hiiakaikapoliopele ia Wahineomao noho ana i ka lua, ko Wahineomao kanaenae aku la no ia, e like me ke kamailio laua a Hiiakaikapoliopele.  A pau ke kanaenae ana aia nei, huli mai keia e hoi hu ae ana ka manao iloko oia nei, huli hou aku o wahineomao i mai o Pele, aole mau wahine i loaa mai nei ia oe e hele aku ana la, i mai o Wahineomao, he mau wahine la, ea; o kahi kaikamahine iho la o kau aikane ia, ae aku o Wahineomao ae, hoi mai hoi keia, e hookomo aku ana o Hiiakaikapoliopele i ka manao ia Wahineomao, huli hou aku o Wahineomao a pane aku ia Pele, me ke kuamuamu kau ia Pele, ka; kai no he wahine maikai oe e Pele, he maikai wale no na wahine o ka lua apau o oe no ka! Ka wahine ino o loko o keia wahi, ulaula kou mau maka mahole no noi, ino loa no oe e Pele a pau ia olelo ana a Wahineomao kona huli aku ia no ia hoi, e hae aku ana no o Hiiakaikapoliopele ia Wahineomao, loaa no laua nei ia Wahineomao.

            I mai o Hiiakaikapoliopele ia Wahineomao e! mama hoi oe, ae aku o Wahineomao, ae mama au, oia no ka olua ke hele nei, kuhi au ma hala loa olua, nolaila hoi wikiwiki mai nei au.

 

HOOPONOPONO

 

            Ua komo hewa ka hoonoho ana o kekahi mau huaolelo mai ka ike ae a ka maka, ake hooponopono nei makou e like me keia:

            Ma ke kolamu elua o ka aoao ekolu o ko makou pepa o ka Poalima nei, ua komo hewa ka huaolelo “Eluna,” o ka pololei malaila, “Elua.”

 

Ka Moiwahine Liliuokalani.

 

            He oia mau no ke ola o ka Moiwahine kaekae o Hawaii, ka mea hoi a Kona lahui aloha i kapa aku ai me ka makahehi:  “Ka Puuwai Hao Kila Makeneti.”  Nani no ka pilipaa ana o ko ka lahui aloha, mahope o ke Alii i mohai i Kona ola no ka pono o kona lahuikanaka.  Ke ku mai nei ka la 17 o Ianuari a hooia mai i ke kupaa o ke Alii mahope o Kona lahui ponoi, aole hoi mamuli o ka onoonou ia, aka, mai Kona puuwai Alii ae no.  Eia no Oia i ka olu kohai o Wasinetona, i ke Kapitala o Amerika.  He oia mau no ka mohala, me he pua la no ka Melekule; o ke ala kupaoa, ka hanu o ke Alii.

 

E Hoolohe mai e ka

Lahui Hawaii.

 

            Ua hoike pono ia mai ia makou, aia he mau buke pa’ihakahaka ia ma ka lima o na poe luna aupuni o Hilo, o Kohala, o Kaua‘i; e koi ana i na kane, me na wahine e kakau inoa aku, no ka hoohui ana aku ia Hawaii nei me Amerika; me na olelo pahele, ku i ka hana maalea.  O ka makou e hoonaauao aku nei, mai puni e kakau inoa me ko oukou hoomaopopo ole i na hopena o ia mea.

            Aole i kauohaia na luna aupuni e hana ia mea; oiai, o ka mea i kauohaia ia lakou, o ka hoohiki oihana ana o na poe luna aupuni.  Oia wale no.

 

HE MAU NANEHAI NO KA NAAUAO.

 

            Imua o na opio o ke au o Liliuokalani.

            Nanehai 1.   Mahea kahi o ka honua nei, aohe ona Lonitu?

            Nanehai 2. Heaha ke kumu i oi ae ai ke anu ma na piko Mauna mamua o na wahi ma ke kumu Mauna?

            Nanehai 3 .  I na paha e kapaeia na Kanawai mau o ka Poai Lani o kea o holookoa; alaila ihea la e waiho ai ka honua nei?

            Nanehai 5 Heaha la ka mea e moe ai (upoi ai) na maka i ka wa e pule ai? .

            Nanehai 6.  O ka hiona i ike ia ma ka moeuhane, he mau hoakaka anei ia o ke ola uhane o kea o maluna ma ka Lani?

            [Ma ka loaa pono ka haina, e kapaeia ai kekahi Nanehai, mai ka hoolana mau ana.]

 

E Nana e na Keonimana i Keia.

 

KE KONO AKU NEI MAKOU IA OUKOU E KIPA MAI; A KE

WAIHO PU AKU NEI I KEKAHI MAU KUMUKUAI HAAHAA LOA.

 

N.S. SACHS,

104 Alanui Papu, Honolulu.

 

            He heluna nui o na waiwai o na kane i loaa mai nei ia makou ma ka mokuahi hope loa mai nei.

Ua Hiki ia MAKOU ke Hoolawa aku i ko OUKOU Makemake

ma na ANO a pau a he HAAHAA loa ka MAKOU mau

KUMUKUAI.

 

KOE NA AAHU O WAHO.

Na Pale Ili o luna o na kane    25c.

Na Pale Huluhulu o na kane   50c.

Na Pale Huluhulu o lalo o na kane      50c.

Na Palule Hana o na Kane mai ka 75c. a pii aku.

Na Palule Aiana ole ia o na Kane o kea no maikai loa            60c.

Na Palule Kane Ano Hou loa $1.26.

Na Kakini Kane 2 paa i ka 25c.

Na Kakini Kane maikai loa 3 paa i ke $1.00

Na Hainaka Keokeo o na Kane, he $1.00 no ke Kakini.

Na Lei Ai Silika Ano Hou loa o na Kane 3 i ke $1.00.

 

Na Pakini Hou loa, o na Aikala, Pulima, Kaawe, na Hainaka Silika, a me na Lei Ai o na ano like ole he lehulehu loa; ma na Kumukuai Haahaa loa.

Na Pahu lole na Paiki e kuaiia no i ke Kumulilo.

Na Lolewawae Ahinahina Pelekane Uliuli me ka Ulaula.

Na Paalole Auau o na Kane me na Kamalii, me na Lolewawae ekekei.

E hoomanao o ka makou na Kumukuai haahaa loa.  E kipa mai, i pau ai ko oukou kuhihewa.

 

:N.S. SACHS:

575-tfd.                       104 Alanui Papu, Honolulu.

 

$5,000 Makana!                      Haawi Wale ia!

 

E Hoomaka ana keia kuai me na makana Dala mai keia

 

HOOKAHI AKU, NOV. 7, 1892

 

A e hoomau ia aku ana e like me ka hiki.

Iloko o keia Manawa kuai, o keia a me keia mea e kuai ana a hiki i ka $2.50,

 

Lako Dala a me Aniani Peachblow,

 

Ma ke aniani maoli, a i ole, ma ka Lako Satina.

 

E HOOMANAO

 

            Aole o kela a me keia mea kuai 5, 6, a 10 ana paha a ka mea kuai e loaa ai ka makana, aka, e haawi ana makou ke makana i na mea e pau e kuai ana a piha ka huina maluna ae ma na waiwai kuai.  Oiai, e waiho ana makou i ka hana, a e kuai ia aku ana na mea pau mamua ae o ka la 1 o Ianuari, 1893.

 

E hele mai i hookahi, e hele mai no a pau loa, mai ke nui a ka liilii.

                        Chas. J. Fishels.

575-tfd                        Halekuai alakai o na kumukuai haahaa loa.

 

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

 

MA KA HALE KUAI ALAKAI O

 

B. F. Ehlers & Co – PAINAPA,

 

HELU 99 Alanui Papu.

 

Oili Pulelo PAINAPA e kela i Kaupoku o

Hanalei; aka i hewa no nae i ka lele

Mua i ka hooulu i ka la ino.

 

            Oiai he Manawa ilihune keia no ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoouoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku nei au ma ia hana maikai, no ka mea

 

He Kawa ia Na’u i Lele a Opu.

     He mau makahiki loihi i hala ae nei, akahi okoa kuu uluhea i ke ahi o o Kamaile a me ke Kawelu o Lanihuli, a mea no hoi e hookoia ai kela olelo kaulana a kahiko

Ohi Hapuku ka I’a o Kapaau.

     Eia ma Ko’u Halekuai nei ma Panele Kamalii o na ano a pau, na Lako Lole a na Hapuu a oukou o na paikini a pau, mai ka nui a ka ukulele, na Lako Lole a na Lede a me na Keonimana o kea no hou loa i ike inoa ole ia ma Hawaii nei, na @ malu o na waihoolulu a pau, a pela aku, a pala aku

E Kuai ia aku ana no ke Kumupaa.

No laila mai hoohala i ka ike ana ia kaua.

     E hoomaka ana keia kuai hookelakela mai a ma keia mua aku.  Na ka oioi mua no ka loaa, oloolo aku no ihope, nele@.

575.  tf-dlv.                    B.F. ELERS & CO