Ka Leo o ka Lahui, Volume II, Number 642, 15 February 1893 — Page 1
| This text was transcribed by: | Pam Sinclair |
| This work is dedicated to: | Winston E. Flood |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU FEBRUARI 15, 1893. Helu 642
HE MOOLELO KAILI PUUWAI NO SENIA LUTERA Ka Ui Puuwai Mahala o ENELANI KAHIKO.
A I OIE He Nanea Hooheno no kekahi Kauna Wahine Opio me kana mau Aloha Ekolu. (Kakauia no Ka Leo.)
MOKUNA XXVIII.
Ua makemake au e hoike aku ia oe no ke kaikamahine a’u i aloha ai, e ke ‘liiwahine – ua like oia me oe, aka nae, ua ano like aku kona nani me na kukuna olino o ka la, a ooe hoi, me ka hau aiai e halii ana iluna o ka puko o na Mauna Alepa.
Ua pane mai la o Laionela 1 keia mau huaolelo hoehaeha puuwai: aole loa e hiki ia’u, e kuu hoa!
I keia mau huaolelo i napoo aku ai iloko o ka waihona lohe o ua seuia nei, aia hoi haikea koke ae la na helehelena o ua ui nei, me kona puuwai i hookaumaha ia, kau ae la oia i kona mau lima mamua o kona puuwai, me he la e kaomi iho ana i na hakukoi ana a loko e lalawe ana, no na olelo a ka mea ana i hoomana ai me he akua la.
Ua huli aku la oia ma kahi e, me kona hoopuka hou ole mai i kekahi huaolelo; aka nae, o ke aloha o kana ipo, ua pii palua hou ae la ia i ko ka wa mua, a ua hiki loa iaia ke kaawi aku i kona ola iloko o kona poho lima, ina oia a huli mai iaia, a lawe aku iaia a hii ae iluna o kona mau lima a haawi iho i hookahi honi pumehana ma kona mau lehlehe, e like me ia i na la i hala e aku.
Aia na huna wai lelehuna o ka lua wai pipii, ke pipii malle ala me ka hoomaha ole mamua o ko laua alo, aole nae i ike aku ko lakou mau maka i na haawina kaumaha e hoalii ana maluna o ko lakou haku wahine.
Aia no hoi na manu mele leo lea o ka uluwehi o na lau laau e halelu ana i kela a me keia manawa; aka nae, ua kaupale ia aku ko lakou ike ana mai i na hiohiona kaumaha e hekau ana maluna o ka ui Senia.
Aia na maka hiaa o ka hoku a me ka mahina, ke kiai makaala mai la i ka hopena o na hana a na ui laua; aka nae, owai la iwaena o na mea ola uhane, i hoomaopopo i ke ano o ka laua mau wehewehe ana, aole aole loa hookahi.
Nolaila, wahi a ua ui nei ua nalo keia mau haawina a pau i ili iho maluna o ko’u hokua, a ke aa nei au e haawe hookahi i ke aloha a maua no ka hopena o keia ao.
Oiai keia mau noonoo e luaiele ana iloko ona, aia hoi lohe koliuliu aku la oia i ka leo himeni o kana kane, ke ‘lii Codona, oiai hoi kona mau manamana lima e hookapalili ana iluna o ka piano.
Aia oia ke noho mai la iluna o kona hanohano oikelakela, eia nae, ua lilo mai la ai nani imua o ke alo o ua ui nei i mea ole.
Aia malalo o ka malu o ua nohea nei na waiwai he nui, a oia hookahi ka moiwahine maluna o ia mau ulakolako he nui, aka iloko o ke ao holookoa, aole he puuwai luuluu a kaumaha e like ala me kona ia manawa.
Oiai, wahi ana: heaha ke ano o ka waiwai; ina aole ka’u mea i aloha ai ma ko’u aoao.
No kahi wa aku.
HE NANEA KAMAHAO NO MAIKA KE KEIKI Hapa Ilikini a Hawaiihoi.
KE KANAKA MUA LOA NANA I PANA KE AKUA BEA A NA ILIKINI I MAKA’U LOA AI – A O KA WELI HOI O NA ILI KEOKEO – A ME KA LUKU IA ANA O KELA HUI KEAKA A LI.
Hiu a wela, lawe a lili, ke keiki Hapap Ilikini, elua i ka manawa hookahi, na hana powa, a me ka makeana o na heahanau Conegokena, ka mare ana o Maika a me na hana hoomainoino.
Nolaila, o ka’u wale no e koi aku nei ia oukou oia keia, mai hoolohe oukou i ka ia nei mau olelo, a mai makau hoi oukou a hopohopo no ka pii ana aku iluna.
Aole ka he lohe ou mau pepeiao huluhulu i ka hookapu ia ana mai la, aole e pii iluna? wahi a kapena Sula, me ka leo okalakala heu panini.
He oiaio no hoi paha ia, aka aole anei i haawi ia mai nei ia kakou ka mana o keia hale ma ke kuekaa ana i kona mau aoao a pau? a ma ke kumu hea hoi oukou e hoopalaleha nei!
Hewa anei kakou ke hele a ikemaka i ka oiaio a me ka ole o ka ia nei mau hoopunipuni, a i ole ua makau honua anei oe e kapena Sula no ke alakai ana aku ia kakou no ka hopena o ka kakou huakai?
E hahai mai mahope o ko’u meheu no luna o keia hale, a mai hooikaika i ko oukou mau keehina wawae, o lele loa auanei ka hanu o ke dala ke ike mai ia kakou.
Me keia mau olelo ana, ua miki aku la oia nana ke alakai ana me ka makau a hopohopo ole iho.
I ua wahi makai la e kalali ana i ka pii iluna, ua kahea hou aku la o kapena Sula, aole make pii aku, mahope kakou pilikia.
He keu maoli no oukou a ka poe hoopauha nui wale, i na no hoi paha i ike kamalii he makau wale, heaha la ka mea o ka hele ana mai nei, i noho nui ia aku nei no paha e hamohamo i ka laaa a Kekuaokalani.
Me keia mau olelo, ua huli ae la no oia a pii no iluna, aole i hala he hapalua hora o kona napoo ana aku iloko, ua lohe aku la o kapena sula ma i kani paapaaina mai o ka pu, a me ka leo uwe pu o kekahi wahine.
Ia wa i hooho ae ai o kapena sula, auwe! lele loa mai la ka hanu o ua wahine ma’i nei, a i ole ua ki ia mai la e ka hoaloha o kakou i ka pu.
Aole i pau pono ae keia mau olelo a ua kapena Sula nei, oia hoi lohe aku la lakou i ka leo hooho o ua wahi hoaloha nei o lakou e kahea ana me ka leo nui;
Loaa pono! loaa pono ia’u ke kolche e--- e wiki mai oukou e o’u mau hoaloha, mai lohi!
I ka lohe ana o kapena Sula ma i keia leo kahea o ko lakou hoa makai, ua hoomaka aku la lakou e holo iluna me ka awiwi nui.
I ka hemo ana aku o ka puka ia lakou, ua hoophiwa loa ia lakou i ko lakou ike ana aku i kekahi poe e noke ia ana i ka ulupa, e kekahi keiki opiopio me ka lauoho loihi keokeo i hiki aku ka loa i na kuli.
Aole i pau.
E ka Lahui e!
E Ka Lahui Hoi!
E KA LAHUI ALOHA O HAWAII!
Eia ko oukou Leo la! KA LEO O KA LAHUI!
He nupepa keia e kokua ana i ko oukou mau pono pili paa mai na kupuna mai, a mai ka po mai; ka peno hoi o ko kakou aina, a me ko kakou Noho Moi.
He nupepa keia e hoike ana i na mea ano hou loa, o ko kakou mau Paemoku, a me na nuhou ano nui o na Aina E mai; Ma keia nupepa no, e ike ponoia ai na mea ano nui loa, e pili ana i na hana a na Komisina elua i holo aku nei no Wasinetona.
oiai, ala aku nei ko kakou makamaka kakau nupepa noeau i Wasinetona, me ke Komisina Alii; oia o Hon. J. E. Bush, ke kolopa uneune o ka Moana Pakipika; alaila, o na lono oiaio loa a pau, no na mea e hauaia ana me Wasinetona, e hoouna pololei ia mai ana ia i ko kakou nupepa, ma keia mua iho.
Oiai, no ka pono o ko kakou aina wale no, ko kakou lahui a me ko kakou Moi, ko Mr. Bush hele ana aku nei; a aole no ke kumakeia ana aku; alaila, e hosikaika pu ana oia me ke Keikialii Kawananakoa a me Mr. Numana: o loaa, a e hoihoi hou ia mai kou mau pono oikelakela e Hawaii.
Ke haawi aku nei KA LEO O KA LAHUI i na hoomaikai ana he nui loa; ku ka paila hana ka haawe no no makamaka a pau loa e hoouna mai ana i na mea hou ia makou.
A pela pu no hoi me na poe a pau loa i panola mai i ko lakou mau lima kokua no ke ola makamae o ka kakou nupepa, ka ahailono o ka lamaku iloko o na home aloha o Hawaii.
HUI ALAHAO A ME AINA O OAHU.
Papa Manawa Mai a Mahope o Okatoba 1, 18@2 NA KAA
A.M. A.M. P.M. P.M.
Haalele ia Honolulu 6:15 8:45 1:45 4:35^
Hoaa i Moouliuli 7:30* 9:57 3:37 5:@@^
Haalele ia “ 7:30* 10:13 3:45 5:@@^
Hoaa i Honolulu 8:35* 11:35 4:55 @ ^
NO KULANAKAUHAI@ MOMI IHO.
Haalele ia Honolulu 5:30 P.M.
Hiki i Kulamakauhale Momi 5:45
Haalele ia “ “ 5:55 A.M.
^ Poaono wale no
* Koe ka Lapule
1 Koe ka Ponono.
Sep. 28 tf-dly.