Ka Leo o ka Lahui, Volume II, Number 640, 13 February 1893 — Page 2

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

 

JOSEPH NAWAHI,

Lunahooponopono a me Puuku,

 

POAKAHI, FEBERUARI 13, 1893

 

Hoolaha a ka Lunahooponopono.

 

            Mai keia la aku, ua lilo holookoa ae nei na nupepa KA LEO O KA LAHUI a me "Ka Oiaio," malalo o ka'u hooponopono ana. Nolaila o na kauoha pepa a pau, na hookaa dala ana no ka pepa, na kakau manao ana mai, a pela aku, e hoouna ia mai na ko'u inoa ponoi, me na hua V. P. i kauia ma ke kihi hema malalo o ka wahi leta.

            JOSEPH NAWAHI.

            Lunahooponopono a Puuku no na nupepa i oleloia maluna ae.

            Honolulu, Feberuari 8th, 1893.

 

He hewa paha no ka Noho hale.

 

Ke O-pu a la i ke Ko'a.

 

Ka Palu Ai Ole.

 

O NA HOOMAKAU PAHA A KEAWEHIKU.

 

            O na lono i lohea mai nei no na Komisina mua; aia ko lakou wahi waa ke lana'la, i ke ko'a lawaia o Wasinetona. I ka wa o na lawaia i wehe ae ai i ka lakou mau wahi hokeolawaia; (ipuholoholona) eia ka; ua poina ia no i hope nei, na makau a Keawehiku: I keia wa, huli aku nei kekahi i kekahi, a hawanawana aku nei:-Ka! o-pu paha auanei i ke ko'a ka palu ai ole? Iniki aku nei kekahi; lou aku la: Ka!- he hewa paha no ka noho hale la?- Ka! pela paha @o la. E u-hoi hou no kakou i hope (Hawaii) Aia no ka pono mai laila mai.

 

Ke Kau mai la na maka o ka Peresidena o Amerika.

 

O ka Hiki Aku o ke Komisina Alii i Wasinetona.

 

            E na Hawaii aloha; e hoolana na manao; aia, ua puka mai ka malamalama o ko ke Akua aloha ia kakou; a ke paholaia aku nei ka lono oiaio; ua hoopuka ae ka Peresidena Harrisona i kona manao ponoi: E kali ana oia, a hiki aku ke Komisina Alii o ka Moiwahine Liliuokalani; Ua pono, a ua polo@ kou manao, e ka Peresidena.

            I keia kakahiaka, aia lakou ma @ huli hikina o na Ma@ Poha@ @ kaukoe ana no Wasinetona, a e hiki aku ana lakou i keia Poakolu ae a i ole ma ka Poaha paha. Aia ko kakou Kuhina Elele, ke kakali mai la no ke Komisina Alii, a e hookipa aku maloko o ka Hotele Victoria e kokoke la ma kela aoao mai o ka Hale Keokeo, kahi a ka Peresidena Harrisona e kakali mai la.

 

E ka Lahui e!

 

E Ka Lahui Hoi!

 

E KA LAHUI ALOHA O HAWAII!

 

Eia ko oukou Leo la! KA LEO O KA LAHUI!

 

            He nupepa keia e kokua ana i ko oukou mau pono pili paa mai na kupuna mai, a mai ka po mai; ka pono hoi o ko kakou aina, a me ko kakou Noho Moi.

            He nupepa keia e hoike ana i na mea ano hou loa, o ko kakou mau Paemoku a me na nuhou ano nui o na Aina E mai; Ma keia nupepa no, e ike ponoia ai na mea ano nui loa, e pili ana i na hana a na Komisina elua i holo aku nei no Wasinetona.

            Oiai, aia aku nei ko kakou makamaka kakau nupepa noeau i Wasinetona, me ke Komisina Alii; oia o Hon. J. E. Bush, ke kolopa uneune o ka Moana Pakipika; alaila, o na lono oiaio loa a pau, no na mea e hanaia ana ma Wasinetona, e hoouna pololei ia mai ana ia i ko kakou nupepa, ma keia mua iho.

            Oiai, no ka pono o ko kakou aina wale no, ko kakou lahui a me ko kakou Moi, ko Mr. Bush hele ana aku nei; a aole no ke kumakaia ana aku; alaila, e hooikaika pu ana oia me ke Keikialii Kawananakoa a me Mr. Numana: e loaa, a e hoihoi hou ia mai kou mau pono oikelakela e Hawaii.

 

            Ke haawi aku nei KA LEO O KA LAHUI i na hoomaikai ana he nui loa; ku ka paila hana ka haawe; no na makamaka a pau loa e hoouna mai ana i na mea hou ia makou.

            A pela pu no hoi me na poe a pau loa i panola mai i ko lakou mau lima kokua no ke ola makamae o ka kakou nupepa, ka ahailono o ka lamaku iloko o na home aloha o Hawaii.

 

KO HAWAII KAULANA OI KELAKELA.

 

            He uuku ke Aupuni o Hawaii, ke hookuku aku me na Aupuni o ke ao holookoa; me he mau hunahuna one ala o ke kahakai, kona mau mokupuni liilii, i poai ia e na kuaau nalu kai lelehuna, iloko o ka Mo@ Pakipika akea. Eia no nae ua ane like no a like: kau no hoi a kau, me na kulana o na Aupuni nui, a kaulana o ke ao nei.

            He Moi kona elike me na Aupuni Moi: he lahui no, he Ahaolelo Kaukanawai, he hooponopono aupuni, he mau oihana kalepa kuloko, he mau laina moku mahu, he mau laina kaa mahu, he mau laina telepone, he mau laina kukui @ila, he mau oihana mahiai kuloko, he mau mauna kiekie, he mau mokupuni liilii; he mau kahawai liilii, he mau lokowai liilii, he mau awawa uliuli; aka no ka Lua Pele o Kilauea; o Hawaii no ka oi. A oia ko Hawaii mea kaulana oikelakela.

 

NUHOU O NA AINA E.

 

Eka Lahui Hawaii!

 

He Leo no ka Manaolana.

 

Ua ko ka Pule a na Haipule.

 

Hoi hou ka Paakai i Waimea.

 

Na Lono no ke Komisina Mua

 

            Ua hiki aku kela Komisina mua o Kakina ma i Wasinetona, a ua hui aku la me ko kakou Kuhina Elele J. Mott Smith; a nana i hoolauna aku i ke Kakauolelo o ko na Aina E. Foster a me Tracy, Kakauolelo o ka Oihana Kaua o Amerika, a ia Peresidena Harrison hoi.

            Oiai nae ua loaa mua aku ia Peresidena Harrison, he elele mama ahailono, o na mea i hanaia ma Hawaii nei: mamua ae o ka hiki ana ku nei o ke Komisina a Kakina ma. Ua pane mai ka Peresidena: Aia he 40,000 o na poe Hawaii Ponoi oia Paemoku, auhea ko lakou Elele? E kali ana au a hoea mai na Elele Komisina mai ka Moiwahine mai. Aole e hiki ia'u ke lawe i na kumu a oukou e waiho mai nei.

            Nolaila, aia no lakou ke kakali mai la a hiki aku no ka Moiwahine Komisina.

            NA MANAO KALAIAINA.

            Ua piha a na nupepa o Amerika, i na hoike mana@ akea ana, no ke kokua i ka manao hoohui ia Hawaii nei me Amerika; a pela no hoi, he nui no na manao kue i ka hoohui ia Hawaii.

            Aka, o ka poe maoli nae no lakou ke kuleana oiaio kaokoa loa, oia no ka poe o ka lahui Hawaii Ponoi, nona ka heluna he 40,000 elike me ko Peresidena Harrison manao.

HE KAUOHA.

            He kauoha kai hoounaia aku ia Kapena Z. F. Day; e pani aku ma kahi o Mr. Wiltze ke Aliimoku Nui o ka moku kaua Bosetona (e ku nei ma Honolulu nei). E kau ana oia ma ka Mariposa o ka la 3 o Feberuari, a lawe ae i ke kulana Aliimoku Nui, i ka wa e hiki aku ai.

            Haohao iho nei makou, heaha la hoi nei kumu o kona kauoha awiwi ia ana mai nei?- Malia paha no kona hoolele ana mai i na koa o ka Bosetona ma ka la 16 o Ianuari, 1893; me ke kumu kupono ole? Aka, aole he maopopo iki, malia paha no ke komohewa ana i ke kai kapu a ke konohiki.

KA MAKE ANA O BLAINE.

            Ua make o Hon. James G. Blaine, ma ka hora 11 o ke kakahiaka o ka la 27 o Feberuari 1893, a i ke 63 hoi o kona mau makahiki o kona ola ana. He kanaka ike kalai aupuni ia o ke aupuni Repubalika o Amerika Huipuia. He Kuhina oia o ko na Aina e, e ka Aha Kuhina o Peresidena Harrisona; a no kona manao e holo Peresidena i kela kau koho balota iho nei; ua waiho aku oia i kona noho kuhina ana.

            Ua loihi na la o ka hoomailo ana a ka mai maluna ona, a ua huipu ia hoi me na luuluu o ke aloha, no kana mau keiki kane elua i hala e aku i ka make mamua ona.

            E waihoia ana kona kino wailua ma Pa Ilina, Oak Hill ma Georgetown, kekahi apana ia o ke kulanakauhale o Wasinetona.

AHUWALE NA IWI O HUA I KA LA.

            Oiai i pahola pupuahulu aku ai na lono no Hawaii i ke Keena Oihana Aumoku kaua o Amerika, ua pahu ae la kekahi mau mea huna hoopoino.

            Ua oleloia, he aneane he hookahi makahiki mamua aku nei, ua hiki aku ma Wasinetona kekahi mau kiu malu mai ka poe hoohui aina mai o Hawaii; e hoao a e hana, i mea e hoohuiia ai o Hawaii. Aole nae e hiki ke hoomaopopo lea aku, o Hatawela, a i ole ia, o Kakina paha kekahi mawaena o ia poe kia malu.

            KA LONO MA LADANA.

            Ua hiki aku ka lono no ka hookahuli aupuni o Hawaii nei i Ladana ma ka la 30 o Ianuari; a mamuli o na ninau ana aku a ko kakou Luna Aupuni e noho la malaila, ua pane mai o Haku Rosebery, Kuhina o ko na Aina @ o Beritania; aole @ kue koke mai ana o Enelani, aka, @; aole loa o Enelani, Farani a me Geremania e ae mai e hoohuiia ka paemoku o Hawaii me Amerika Huipuia.

Kue o Beritania Nui!

 

Ehuehu Enelani,

 

I ke Kowa o Setokia.

 

KUE I KO AMERIKA HOOHUI ANA ME HAWAII NEI!

 

            Wasinetona Ianuari 30. Ua upuia, ua hiki mai he kauona, mai ke Aupuni mai o Beritania, ia Sir Julian Pauncef@te, ke Kuhina noho  o Enelani ma Wasinetona; e kue aku i na hana a na Aliimoku a me na puali koa o Amerika Hupuia ma Hawaii.

            Ua hoomauia keia koi kue, i ke Kuhina o ko na Aina E, me ka hoike ole i na mea o loko a hiki i ka la apopo.

            Ua hoomaopopoia, ua hookahua ia ke kumu o keia koi, mamuli e na manao i hoikeia aku e Major Woodhouse, ke Kuhina Noho o Beritania ma Honolulu: Aole ma na mea wale no, e pili ana i na hana i hanaia, ma na Mokupuni e kue ana i ko Woodhouse koi kue, aka, ua kue holookoa no hoi, i ka hoohui ana aku i keia poe moku me Amerika Huipuia; e like me na mea i manaoia e ke Aupuni Kuloko.

            Oia mau koi nae i hiki mai, he mea ia e hoop@i ae ai i ka mana@ hoohui aina. He mea kanalua ole ka hookoia oia manao, hoohui mamua o ka hoopau wale ana. Ua uluhua ka Peresidena no ke ul@lohi o ka mea e pili ana i ke kai @ Belina, a aole oia e kapae ae i ka hoike ana aku i kona manao Amerika wiwo ole imua o ka ao holookoa no kekahi olelo kanawai onipaa.

            Nolaila o kela koi a Beritania, ua manao ia he mea ia e hoomaalili ia iho ai ka ikaika o na koi ana i pau e i ka liuliu mua ia.

 

E KUE ANA NO O ENELANI.

 

Ka Manao o kekahi Aliimoku o ke Aumoku Kaua o Beritania no ka Hoohui Aina.

 

            Boston Feb. I. Ua olelo ae e Joseph N. White kekahi kanaka lawelawe oihana, i haalele aku ia Honolulu ma ka la 4 o Ianuari penei:

            O na Panalaau o Enelani, he uuku wale no lakou, aka ua nui nae ka ikaika mamuli o ka noh@ aloha pu ana, me na kamaaina. Aia no lakou ma ke kokua i ke Aupuni o na kupa makaainana, aole hoi e kokua, i ka hoolaha ana o ke ano aupuni Amerika. Ma na olelo