Ka Leo o ka Lahui, Volume II, Number 640, 13 February 1893 — Page 1
| This text was transcribed by: | Cyndi Defenbaugh |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU FEBRUARI 13, 1893 Helu 640
HE MOOLELO KAILI PUUWAI.
NO
SENIA LUTERA
Ka Ui Puuwai Mabala
---:O:---
ENELANI KAHIKO.
A I OIE
He Nanea Hooheno no kekahi Kauna Wahine
Opio me kana mau Aloha Ekolu.
(Kakauia no Ka Leo.)
MOKUNA XXVIII.
Ua makemake au e hoike aku ia oe me ke kaikamahine a’u i aloha ai, e ke ‘liiwahine----ua
like oia me ae, aka nae, ua ano like aku kona nani me na kukuna olino o ka la, a ooe hoi,
me ka hau aiai e @@@ ana iluna o ka piko o na Mauna Alepa.
Ma kona lauoho makou i ike ai @@ maoli no. No ka mea he ano e @@ kona lauoho; ae, ua hiki no ia’u @@ ike aku i ua lauoho la ina au e @@@ hou ana ine ia.
Aia ka ui ke noho maila me ke ana hoopolo, a me ka pane ole mai. Nolaila, ua manaoio maoli no lakou na make oia. Aole lakou i moeu@@ iki eia no oia ke ola nei, a ke noho pu la ma kona aoao. Ua loaa aku ke kino o kekahi kaikamahine @ loa, i hoaahu ia me kona mau kauoho mare iloko o ka wai, a me kona helehelena i hoane ia e ka wai @@@ make, a no ke ano like ana o @@ lauoho e like me kona, nolaila, @@ manao loa ia oia ua kaikamaine @@. Auwe, ke kuhihewa e, he @@@@ mai ka mua a ka hope! A @@@ paha ua oi loa aku no ka @@@ wahi ana iloko ona, no ka @@@ e noonoo oluolu ia oia e kona @@@ me @ kona make ana, ma
Maluna no anei ona—ka po ona i mare ia ai kona make ana? wahi a ke aliiwahine i ninau mai ai, me ka eueu ana o kona mau lehelehe, a he mau hoaloha no anei kekahi ona—mau makua i haalele ia iho mahope ona no ka hoomanao ana aku iaia.
Ae, ma kona po e hoohui ia ai me kana ipo i loaa ai iaia ! i loaa ai iaia keia haawina maipoino, wahi a Laionela, me ka leo luulu, a he makuakane kona mahope nei no ke kanikau ana aku nona mahope nei, oiai ua hala e kona makuahine ma ia alahele hookahi o ke aloha ole.
A he makuakane kona ma keia ao e kanikau nei iaia? Ua huikala anei oia iaia—awe puka hewa ae la ka hoi, o ka’u ka hoi i manao ai e ninau aku, ua poina anei kona hoomanao ana iaia i keia mawawa? A ma kona po mare kona make ana? Aloha ino ! O, aloha wale ia kaikamahine opio!
Aia na kulu waimaka ke iho makawalu la, ma na papalina o ua ui nei, me he mau kulu paka ua la no Kulanihakoi, a ua puili ae la hoi oia i kona mau lima ma kona lima ma kona umauma, me he la e kaomi iho ana i ke kapalili a kona puuwai.
A hoomanao hou ae la oia, e noho malie oia. Aole hoi e hookuu i ka ulupa a kona manao e alakai hewa iaia, e hoi hou ae oia a like me kona ano mau ka ui, ke ‘liiwahine nani Codona, ka mea hoi a na kane e kulou a hoomaikai aku no kona kulana kilakila nani, a na wahine hoi e enemi ino ai.
O Senia Lutera, me kona kuhihewa, kona mau hewa, a me ka hopena manaonao, ua make.
Aia oia ke hiolani la iloko o kona pahu kupapau, pela ka manao o na mea a pau, a oia—kana aloha, kana mea nui---ua hai mai nei ia’u ma kona lauoho nani ka oia i hoomaopopo ai.
A o ka helehelena nani ka ana e hooipo a e honi mau ai, ua uliuli a ua mainoino me he la ua papaa i ke ahi, a hiki ole iaia ke ike iho. Ae ua make oia---ua make i ka manao o kona mau hoaloha a me ke ao holookoa no ka manawa pokole !
No kahi wa aku.
He oluolu maikai no ke ola kino o ka Moiwahine Liliuokalani e noho nei ma Wasinetona, a pela no ka Moiwahine Kapiolani ma ka aekai o Waikiki.
HE NANEA KAMAHAO
---NO---
MAIKA
KE KEIKI
Hapa Ilikini a
Hawaii hoi.
KE KANAKA MUA LUA NANA I PANA KE AKUA BEA A NA ILIKINI I MAKA’U
LOA AI---A O KA WELI HOI O NA ILI KEOKEO---A ME KA LUKU IA ANA O
KELA HUI KEAKA A LI.
Hiu a wela, lawe a lilo, ke keiki
Hapa Ilikini, elua i ka manawa
hookahi, na hana powa, a
me ka make ana o na hoa-
hanau Conegokena, ka
mare ana o Maika
a me na hana
hoomaino-
ino.
I ka lohe ana o ua Hapa Ilikini nei i kona inoa, ua hoopuiwa koke ia ae la laua nei, a wikiwiki ino hou iho la laua nei i ke komo ana i ko laua mau aahu, a puka like hou mai la laua no ka rumi hookipa, ua ike koke aku la laua nei ia Conegokena makua me ka Ilamuku a me Kapena Sula, ia laua no a noho iho ma ko laua mau noho, ua ka mai la ka Llamuku a heluhelu mai la i kekahi palapala la, ua hoopii ia o Maika e Conegokena makua, no ke ki ana o Maika i kana mau keiki a make loa, i ka lohe ana o Maika i ke ano o ua palapala, ua ninau koke aku la oia ia Kapena Sula.
He oiaio anei o na hoahanu Conegokena na kino make i loaa aku nei ia oe e kuu hoaloha maikai?
Ae o laua no.
Ae, eia ka’u kauoha ia oe e Kapena Sula, a e hooko oe me ka awiwi loa oia keia ka uoha aku nei au ia oe me ka Ilamuku e lawe olua ia’u a hoopaa i ka hale paaha e like me ka manao o kela palapala a ka Ilamuku i heluhelu mai nei, a i ko’u wa auanei e paa ai o kou wa ia e hoouna ai i kekahi poe makai e hele e huli i ka hale o Conegokena makua me oe pu kekahi e Kapena Sula e hele pu ai, a i kou wa auanei e ike ai i kekahi mau waiwai iloko o kona hale i hauhoa ia, e like me ka ukana i wehe ia mai mailuna mai o ka hokua o ka holoholona e lawe koke mai oe imua o ka hale hookolokolo. Ua ae mai la no hoi o Kapena Sula i ka manao o Maika.
A o ko Maika lawe ia aku la no ia e hoopaa, oiai nae lakou i puka ai mai kahi aku o Kapena Sula, ua huli ae la no o Conegokena e hoi no kona hale, ua nanea loa o Maika i ka hele imua me Kapena Sula i huli mai ka hana kokoke loa e komo o Conegokena makua i ka puka pa, ia wa i holo mai ai o Maika me ka mama nui a hopu aku la Conegokena makua a huki mai la, me ke kahea ana mai ke la leo nui i ka Ilamuku.
Heaha kou mea hooko ole i ka’u kauoha ia oe e ka Ilamuku, a hui pu me laua nei, ia wa i pane mai ai o Conegokena e hookuu koke oe ia’u e huki nei, aole oe he makai, aohe ou kuleana e kauoha ai i ka Ilamuku e hopu ia’u; aia wale no me ka palapala hopu, alaila hiki ke hopu ia ko’u kino, nolaila, e hookuu koke mai i ko’u kino.
Aole, aole loa au e ae ana hookuu aku i kou kino a hiki i kawa e huli ia ai o kou hale.
Ina aole oe e hookuu ae ana i kuu kino au e paa nei e keia wahi keiki ai waiu, alaila, e lawe koke no au i kou ola.
Me ka eleu nui ua olomana Conegokena nei i unuhi ae ai i kana mau pu panapana a kau mai la imua o Maikai oiai no o Maika e huki ana ina ke kuka o ua olomana la.
E like me ka eleu o ka popoki i kona wa lele ai e poi i ka iole, pela okoa iho la no ua Hapa Ilikini la i lele aku ai e hopu i na lima o Conegokena me ka iliki ana aku i kekahi peku mahanahana malalo iho o ka piko o ua olomana la i ka loaa ana aku o Conegokena i keia peku a Maika ua haalulu koke ae la kona kino holookoa, no ka mea, ua hee ka naau o ua olomana la.
I ka wa i ike mai ai o ka Ilamuku me Kapena Sula i ka paa ana o na lima o Conegokena ia Maika, ua lele mai la laua e kaili i na pu.
Aole i pau.
OLELO HOOLAHA.
E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu. Pikake a me na ano manu e ae apau loa e hele ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka lawe aihue i kekahi o ua mau ano manu nei, e hoike mai ma ko maua Hale Kuai ma Wailuku. Ua kapu pu ia no hoi na kanak a pau, aole e hele maluna o ko maua mau aina kula no ka lawe ana i na Bipi, Lio a mau Holoholona e ae, me ke hoi mua ole mai ia maua a i ko maua Luna paha, oia o Frank Freitas, e noho ala maluna o ka aina.
A. ENOS & CO.
Wailuku, Maui, Feb. 9 th , 1893
feb9 3msw.
HUI ALAHAO A ME AINA
O OAHU.
Papa Manawa
Mai a Mahope o Okatoba 1, 1892
NA KAA
A. M. A P. M. P. M.
Haalele ia Honolulu 6:15* 8:45 1:45 4:35~
Hoea i Honouliuli 7:20* 9:57 2:57 5:35~
Halele ia : 7:30* 10:13 3:45 5:42~
Hoea i Honolulu 8:35* 11:55 4:51 3:50~
NO KULANAKAUHALE MOMI IHO
Haaalele ia Honolulu 5:10~ P.M.
Hiki i Kulanakauhale Momi 5:48^
Haalele ia “ “ 6:55* A.M.
~ Poaono wale no
* Koe ka Lapule
^ Koe ka Poaono
Sept. 28 tf-dly
NO KE KUAI.
1—He Pa—Hale ma Alanui Sheridan, 11 80-100 eka. Uku Hoolimalima $315 no ka makahiki.
2—He Pa—Hale ma ke Alanui Aupuni ma ke Awawa o Pauoa 1 37-100. Uku hoolimalima $100 o ka makahiki.
3—He Pa—Hale ma Alanui Liliha, kokoke i ke Alanui Kula.
4—Hookahi Mahele Kuleana i ka Hui o Paleluahine. Awawa o Manoa. He 513 ka nui o na eka aina ma o ka Hui ma keia Awawa, a ua mahelehele ia hoi iloko o 33 Kuleana. He 15 ½ eka aina ka nui o ka mahele kuleana hookahi.
5—He ekolu apana aina taro ma Hauula; Koolauloa, Oahu, 1 15-100 eka.
E ninau ia
J. M. MONSARRAT.
(Maunakea)
jan13 tf