Ka Leo o ka Lahui, Volume II, Number 639, 10 February 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.           HONOLL FEBRARI 10, 1893          Helu 639

 

 

HE MOOLELO KAILI PUUWAI

NO

SENIA LUTERA

Ka i Puuwai Mabala

O

ENELANI KAHIKO.

A I OIE

He Nanea Hooheno no kekahi Kauna Wahine Opio me kana ma Aloha Ekolu.

(Kakauia no Ka Leo.)

 

Ua makemake au e hoike aku ia oe no ke kaikamahine a’u i aloha ai, e ke ‘liiwahine – ua like oia me oe, aka nae, ua ano like aku kona nani me na kukna oloino o ka la, a ooe hoi, me ka hau aiai e haloii ana iluna o ka piko o na Mauna Alepa.

Alaila, ua aloha loa oe iaia, wahi a ka ui, me kona kahilo pono ana aku i na loina o kona helehelena.

He oiaio; ua aloha io au iaia, wahine Laionela, me ka leo haahaa a kuio, ua aloha a aloha au a oi aku mamua o ko’u ola ponoi iho.  A hookahi wale no mea i ike no na ehaeha i loaa ia’u, a me ka uhi eleele i uhi ia iho maluna o kuu puuwai, a me ka nalohia ana aku o ko’u aloha mai ia’u aku!

Heaha ia au i olelo maila? ua nalohia aku kona aloha mai ia’u aku, wahi a ka leo nahenahe i pane mai ai. E olelo mai ana anei oe, ua hoopale mai oia i ke aloha ana ia oe?  oia anei ke ano o kau olelo?

Ua nana koke aku la oia i ka mea nana ka ninau me ke pahaohao, a ha ke ano pouliuli o na la laau, i huna aku i kona hoa haihaiolelo, a ua pane malie aku la oia.

Aole, aole oia i hoopale mai i ke aloha ana ia’u aka nae na kekahi ma hana lokoino i hookaawale ae i na launa ana a ko maua mau puuwai aloha.  A oia hoi ka’u i pane ae nei, no kela mele a ke lii e mele mai la, na kela leo i hoihoi hou mai iaia i o’u i keia po, mai kona lua kupapau mai, a ina manawa a pau a’u e nana aku ai ia oe, e hoomanao ana au iaia.

Ua makemake au e hoike aku ai oe no ke kaikamahine a’ i aloha ai, e ke ‘liiwahine – ua like no hoi oia me oe, aka nae, ua ano like aku kona nani me na kukuna olino o ka la, a ooe hoi me ka hau aiai e halii ana iluna o ka piko o Mauna Alepa.

Alaila, ua hilinai aku la ua Senia nei a kiokoke ia Laionela – a kokoke me ka pa ana aku o kona lauoho nani ma na papalina o ua ipo aloha nei ana o na la i hala e aku, a pane la oia me ka leo hawanawana:

Ae, ua make oia?  E hai mai ia’u i na mea a pau e pili ana iaia, oiai ke ano hialaai loa aku nei hoi ko’u manao no kau mau olelo.

Ae, ua make oia, wahi ana me ka leo o ke ano kaumaha.  A o kahi aku o ka ehaeha ke hoomanao ae, oia ke ano o kona make ana.  Ina no hoi paha oia i make la iioko o kona home, me ka hoopuni ana aku a kona mau hoaloha iaia, ina no la hoi aole he olelo ana, aka hoi o ka loaa ana aku o kona kino iloko o ka muliwai e hoopuni ana i ko laua kakela nani me kona makuakane, a me kona helehelena naui i papaa a mainoino, i hooki ia me kekahi wai akika – o, aole e hiki ia’u ke hoomanawanui i ka hoomanao ana no ka hana mainoino weliweli i hookau ia aku maluna ona.

Ua puka aela he leo uwe malie mai kona mau lehelehe mai, a ku koke aela oia iluna o kona mau kapuai wawae, a hawanawana maila me ka leo ano luulu:

Piholo iloko o ka wai?  a me ka papaa ana o kona helehelena me ka wai akika?  O, auwe ka manaonao – auwe ka hopena weliweli no kekahi opio e make ai!  A ua maopopo no nae paha oe oia io no ua kino make la?  Pehea e hiki ai ia oe ke hoomaopopo ina ua mo’a a uliuli kona helehelena.

Ua hoaahu ia no hoi oia me kona aahu mare, wahi a Laionela, a o kona mau owili lauoho oia ma no, aole i ano e ae.

No kahi wa aku.

 

 

 

HE NANEA KAMAHAO

NO

MAIKA

 

KE KEIKI

Hapa Ilikini a Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA’U LOA AI – A O KA WELI HOI O NA ILI KEOKEO – A ME KA LUKU IA ANA O KELA HUI KEAKA A LI.

 

Hiu a wela, lawe a lilo ke keiki

Hapa Ilikini, elua i ka manawa

hookahi, na hana powa, a

me ka makeana o na hoa-

hanau Conegokena, ka

mare ana o Maika

a me na hana

hoomaino-

ino.

 

I ka pau ana o ka lakou paina ana, a ku ae la o Kapena Sula a hele pololei aku la no kahi o ka oihana makai me ka haalele ana iho no ia Maika ma e ai ana.

Ia Kapena Sula ia hala aku ai, ua pane mai la ke kaikamahine ia Maika, he keu maoli ko kaua laki, ina paha keia he makuakane e aku eliko me ko’u makuakane ponoi, a pela ko kaua loaa pono ana ae iloko o ka rumi, ko kaua ma mamake no ia aohe e puka aku kekahi wahi huaolelo o ka make mua no ia.

Heaha ka mea e make ai, manao oe ina o keia loaa pono ana ae nei o kaua ia Kapena Sula, a i hana mai oia i ka mea no kaa e poino ai, manao oe e nana make wale aku no a?  Aole loa au e ae aku ana e nana maka i ko kaua mea e poino ai.

Manao oe pehea kaua e pakele ai oia auanei ua lihi launa aku kou wahi ikaika i ko Kapena Sula.

Mai no oe a manao i ka nui ana o ke kino o Kapena Sula, he wahi ikaika kekahi me ia, he nui pumaia wale iho no, he olohaka oloko, ina oia e loaa i kekahi pai mahanahana mai na lima wikani aku o ka eheu o ka aina Ilikini, pakona ike ana i ka la i ka mea mahana.

Malia paha o ke ano mau o ka papai, ma ka nihi kahi olea.

Kahuhu!  i ke loaa ole mai i ka papai, e noke ai ko waha e ko’uko’u i ka alala.

I ko loaa ole aku paha o na niho liili o ua papai ala i ku ma lima e pau ak ai ia’u i ka haihai ia.

Pela paha, haihai io paha ia oe, ela aku no hoi oe a ike iho, aole loa e loihi loa na ia mai keia la aku, e halawai ana oe me a wahi papai io palupalu la wahi a Maika i pane hoomaeaka aku ai.

Ke hele loa mai la kau ma olelo mawaho o ka mea kupono e ku hoa pili o ka last night, no hea ia papai io palupalu.

Aole ka nehu oe i ike he palupalu ka io o ka papai, a o ka iwi ka mea oolea.

Hele oe makahi e, aole he papa; io kau mea i manao ai.

Auwe ka hoi e – i na ka hoi oe e hahai pololei ia aku, he papai no ka’u mea i manao ai, he kipaku mai ka hoi kau, heaha auanei hoi, he nani no hoi ia anu nei kipako mai la, e hoi ana no hoi paha au i ko’u wahi, no ka mea, ua mahaoi mai nei keia i kou wahi, ia wa i ku ae ai ua Hapa Ilikini nei me ka manao e hoi, aka nae, mamua o ka neeu ana aku o kona kapai, ua paa e mai la lina kania-i i ka puliki ia e kana aloha.

I pane hoomaouea wale ia aku nei no oe, o kou mea iho la no ka hoi ia e hoohuakeo ai, no kou aloha ole no paha ia kou mea e uhu nei a hoi?

Aole paha au i hoohuakeo, nau no hoi i kipaku mai nei, nolaila, e e hookumai oe ia’u e hoi e hooluolu iki.

E hoi kaua iluna o kuu rumi e hiamoe ai, aole i pau pono ko’makehiamoe.  Ua ao aku la no hoi o Maika i ke koi a kana aloha, no ma mea, aole i pau pono kona maluhiluhi a ke hui pu mai la hoi me kona uha i oha ai, no ia mea, ua hoi like aku la laua e hooluolu.

Ia laua no e wehewehe ana i ko laua mau aahu, lohe ana laua nei i kekahi leo o kahea ana ia Maika.

Aole i pau.

 

 

 

KA KAKOU MILIMILI.

Ma keia kakahiaka a makou e puka aku nei, ua pono ia makou ke hoike aku i ko mako mau makamaka heluhelu, no ka manawa pu ka o ka kakou wahaolelo, aole ia i kulike loa elike me kona wa maa ma mamua, mamuli o ke noi a ko makou mau limahana, no ke ano okaikai o ke kulana o ka aina e hiki ole ai ia lakou ke hana mahope iho o ka hora 5 o ke ahiahi 9 na la a pau.  Nolaila, ua hooko aku makou i ke noi a ko makou mau limahana i aloha nui ia, a e hoopuka ia aku ana KA LEO O KA LAHUI, i na hora makamua o kela a me keia la, e hoouluh@ ole ai i ko makou poe heluhelu.  Nolaila, e hoomanawanui a mai kunuk@.

 

 

 

HUIALAHAO A ME AINA O OAHU.

Papa Manawa

Mai a Mahope o Okateba 1, 1892

NA KAA

                                    A.M.    A.        P. M.   P. M.

Haalele ia Honolulu    6:15     8:45     1:45     4:35 †

Hoea i Honouliuli       7:15*    9:57     2:57     5:35 †

Haalele ia "                   7:30*    18:18   3:45     5:42†

Hoea i Honolulu          8:35*   11:55   4:53     8:50 †

 

NO KULANAKAUHALE MOMI IHO.

 

Haalele ia Honolulu                       5:10 │P.M.

Hiki i Kulanakauhale Momi          5:48 │

Haalele ia       "               "               6:55* A.M.

 

†  Poaono wale no

*  Koe ka Lapule

│  Koe ka Poaono.

Sept. 28           tf-dly.

 

 

 

NO KE KUAI.

 

1 – He Pa-Hale ma Alanui Sheridan, 11 80-100 eka. Uku Hoolimalima $315 no ka makahiki.

2 – He Pa-Hale ma ke Alanui Aupuni ma ke Awawa o Pauoa 1 37-100.  Uku hoolimalima $100 o ka makahiki.

3 – He Pa-Hale ma Alanui Liliha, kokoke i ke Alanui Kula.

4 – Hookahi Mahele Kuleana i ka Hi o Paleluahine, Awawa of Manoa.  He 313 ka nui o na eka aina ma o ka Hui ma keu Awawa, a ua mahelehele ia hoi iloko o 33 Kuleana.  He 13½ eka aina ka nui o ka mahele kuleana hookahi.

5 – He ekol apana aina ta@ ma Hauula: Koolaloa, Oahu, 1 13-100 eka.

E alaau ia

                   J.M. MONSARRAT. (Maunakea)

jan13 tf.