Ka Leo o ka Lahui, Volume II, Number 632, 30 January 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.           HONOLULU IANUARI 30, 1893   Helu 632

 

HE NANEA KAMAHAO

 

--NO—

 

MAIKA

 

KE KEIKI

 

Hapa Ilikini a

Hawaii hoi.

 

KE KANAKA MUA LOA NANA

I PANA KE AKUA BEA A

NA ILIKINI I MAKA’U LOA

A1—A O KA WELI HOI O

NA ILI KEOKEO—A ME KA

LUKU IA ANA O KELA HUI

KEAKA A LI. 

 

Hiu a wela, lawe a lilo.  ke keiki,

Hapa Ilikini, elua i ka manawa

hookahi, na hana powa, a

me ka makeana o na hoa-

hanau Conegokena, ka

mare ana o Maika

a me na hana

hoomaino-

ino.

 

            Oiai nae o Maika e hoolohe ana i na olelo a keia mea e apo nei i kona kani-a-i, ua ike koke iho la oia, aole ka keia mea he mea e aku, o kana punua peepoii no ka—a i kona lohe ana ina olele a kana eha koni e pili ana iaia no kona aloha ole, oia hoi ke kali ana o kana aloha iaia iloko o keia po anu nui. 

            Ua hapapa koke aku la kona mau lima i ka kino o ua kaikamahine la ina he oiaio ua kali oia iaia i ua po la.

            Oiai nae kona mau lima i hapana aku ai.  ua ike koke iho la oia he oiaio no, ua hele wale ua kaikamahine la a pulu pe i ka ua noe a @ haukeke ana hoi lehelehe i ka ua mea o ke anu.

            I ka ike ana o Maika i ka pulu o ka aahu o kana ipo, ua pane aku la oia me ke ano hoopepe.  no ka mea, ua hele ka puuwai o ua Hapa Ilikini la a kokoke e ina-ha i ka ua mea o ke aloha no keia kaikamahine i ka pulu i ka ua.

            Aole au i manao e haina aku ia oe e like me keia a’u e ike nei.  no ka moa, haalele aku no hoi au ia oe i ka hale, heaha no hoi kou mea o ka aa ana ae nei e hoonahoa ae iloko o keia po pouli nui wale, oiai ka ua e haluku ana, a me ke anu hoi e iniki ana i kou ili lahilahi,

            Ua olelo mua aku no hoi au ia oe i nehinei e hoomanawanui oe no kau mea e iini nei.  no ka mea, e hooko ia aku ana no kou makemake a ina papha o keia huli naaupo ana ae nei au ia’u, a i halawai iho nei oe me kela mau mea e wahiho mai l@ mauka ae nei, ehia ka hoi mea aloha o ko’u ike hou ole aku i kou mau helehelena, no ka mea.  o kou pepehi koke ia no paha ia a make, a i ole, lawe ia paha oe e hana hoomainoino a i hooko ole aku oe i ko laua la makemake o kou pepehi hoomainoino ia iho no paha ia e like me na mea i hana ia aku maluna o ko makuakane i hala aku la ma kela aoao o ka muliwai eleele o ka make.

            I ka lohe ana o ua kaikamahine la ina.  olelo a Maika akahi no oia a ike iho ia mea o ka maka’u me kona mihi ana iho iaia no keia hana naaupo ana me kona pane ana aku ia Maika.

            Auwe!  ua ike iho nei no au i keia mau keiki i ka puka ana mai nei mailoko mai o ka pa o Conegokena ma.  oiai au i ike aku nei, holo aku nei au ilolo o ka nahelehele e pee ai,  me ko’u manao la, aole laua i ike mai ia’u, eia ka ua ike mai no, uhaele ae nei e huli ia’a iloko o ka nahelehele, a ua kokoke no hoi au e loaa ia laua, e ole e kokua mai nei na lani ia’u ma o ka iliki ana iho nei o kekahi kua ua nui, ia wa au i lohe aku nei i ka pane ana ae o kekahi o laua.

He mea makehewa wale no ia kaua ka hoao ana e huli i keia kaikamahine, ina kaua e hoomau aku ana i ka huli, e pulu loa ana.  kaua i ka ua, a e loaa ana hoi kaua i ke anu, a aole hoi e hook o ia ka kaua apana hana i hele mai nei, oi hoi ha.  wahi a kekahi o iaua i pane mai ai.

A o ko laua hoopau koke iho la no ia i ko laua manao huli ana ia’u no ka mea, i ko’u ku ana ae e naua aku ia laua e kukulu pau ana i ka loa o ko laua mau wawae i ka holo a pakele iho la wau.

O kou laki, wahi a Maika i pane mai ai me ke ano pihoihoi, ina oe i loaa iho nei e like me a’u i loaa ae nei e hiamoe ana iluna o ke kekake kapoo koke kela mau hua ale poka iloko o kou poo, aole hoi e hihi, ua halawai ae nei laua me Maika.

            Aole i pau.

 

HE  MOOLEO  KAILI  PUUWAI

 

--NO

 

SENIA  LUTERA

 

Ka Ui Puuwai Mabala

 

--:O:--

 

ENELANI KAHIKO

 

A  I  OLE

 

He Nanea Hoohena

 

no kekahi Kauna

Wahine Opio me

kana mau Aloha Ekolu.

 

(Kakauia no Ka Leo.)

 

MOKUNA XXVI.

 

Ua like no hoi me ia, a o ke ano puanuanu hoi !  Ua hoopunipuni anei ka ike a ko’u mau maka ia’u ?  E na lani, he oiaio anei na kahoaka o ka manawa ?  A e kuu aloha, o oe io anei ia ?  Ua kuhihewa no paha au; no ka mea.  ua piha ae nei na makahiki elua o ka waiho ana o ka’u mea i aloha ai iloko o ka opu a-na ole o ka honua !

A pela iho la laua i hui hou ai.  Ua ike hoi kekahi e ku mai ana kana ipo imua ona, aka, aole nae ona aa e pane i hookahi huaolelo e ike ia ai oia, no ka mea.  ua makemake hoi o Senia e hoomanao kana aloha aia oia iloko o kona luakupapau.  A oia hoi, e kanalua ana.  a e ake ana hoi e lele mai e puili iaia, e honi hoi i kona mau lehelehe aala.  aka e hoomanao wale ana no he like keia wahine me kana ipo.  He kupanaha no hoi keia ola ana, ua like ka hihipea me he punawelewele la !

Me kekahi pana pumehana ana o kona puuwai ua lohe hou aku la oia i ka leo lipolipo o kakahi mea e mele ana i ka mele ana i makemake nui ai, aka, ma ka hoeha nae i kona mau manao oia i lohe aku ai i keia wa.

E ka nahe uiu laau,

E ka makani puia ala,

E pili hou au me oe,

Kuu ipo o na la i hala.

Heaha la hoi oia i mele marai i keia leo mele ?  wahi ana i ai iho ai ia iho.  A heaha la kona kumu e hoomau nei ?  E hoala ana keia mele i ka mea i hala kahiko, a e hoehaeha ana hoi i kona puuwai, oia keia mau mea i hooulu hou ia mai.  aole oia e kala i ka@u ai a hoopoina hoi me ka manao e pio a nalo loa.  Eia oia me ia, ke aloha o na la kahiko, na la hoi i hala, eia hoi oia me ia malalo o ka lewa a me ka malu o na lau o ka mala laau, e leha aku ana kekahi i kona hiona maluna ona.  he pa pono ana hoi kona hanu pumehana maluna ona, ua kokoke loa hoi oia, me Senia, aka he malihini nae ko laua halawai ana.

A ia ia i pane mai ai.  ua komohia ia mai la hoi kona kino e ka hauoli, i awili ia hoi me ka hoehaeha lipolipo.

            Aole i pau.

 

KA KAKOU MILIMILI.

 

            Ma keia kakahiaka a makou e puka aku nei.  ua pono ia makou ke hoike aku i ko makou mau makamaka heluhelu.  no ka manawa pu ka o ka kakou wahaolelo, aole ia i kulike loa elike me kona wa maa mau mamua.  mamuli o ke noi a ko makou mau limahana.  no ke ano okaikai o ke kulana o ka aina e hiki ole ai ia lakou ke hana mahope iho o ka hora 5 o ke ahiahi o na la a pau.  Nolaila, ua hookoaku makou i ke noi a ko makou mau lunahana i aloha nui ia, a e hoopuka ia aku ana KA LEO O KA LAHUI, i na hora makamua o kela a me keia la, e hoouluhua ole ai i ko makou poe heluhelu.  Nolaila e hoomanawanui a mai kunukunu.

 

HUIALAHAO AMEAINA

 

O OAHU.

 

Papa  Manawa

 

Mai a Mahope o Okatoba 1, 1892

 

NA KAA

A.     N. A. P. M. P. M.

Haalele ia Honolulu    6:15*  8:45  1:45  4:35+

Hoaa i Honouliuli       7:20*  9:57  2:57  5:35+

Haalele ia  “                7:30*  10:13  3:45  5:42+

Hoea i Honolulu         8:35*  11:55  4:55  6:50+

NO KULANAKAUHALE MOMI IHO.

Haalele ia Honolulu    5:10# P.M.

Hiki i Kulanakauhale Momi   5:48#

Haalelel ia   “           “   6:55# A.M.

            + Poaono wale no

·          Koe ka Lapule

# Koe ka Poaono.

            Sept. 28 tf-dky,

 

 

OLELO HOOLAHA.

 

            E ike auanei na mea a pau, ke papa loa ia aku nei lakou, aole e hoaie wale aku i kuu wahine mareia Mrs. Keliinohola, oiai, ua haalele kumu ole mai oia ia’u.  O ka poe e hoolohe ole ana maluna no o lakau ke poho.

            Mr. Keliinohola.

 

Halekoa, Ianuari 13, 1893.

jan 16 tf.

 

NO  KE KUAI.

 

  1---He Pa-Hale ma Alanui Sherida@.  11  80-100 eka.  Uku Hoolimalima $315 no ka makahiki.

  2---He Pa-Hale ma ke Alanui Aupuni ma ke Awawa o Pauoa 1 37-100.  Uku hoolimalima $100 o ka makahiki.

  3—He Pa-Hale ma Alanui Liliha, kokoke i ke Alanui Kula.

  4—Hookahi Mahele Kuleana i ka Hui o Paleluahine.  Awawa o Manoa.  He 513 ka nui o na eka aina ma o ka Hui ma keia Awawa a ua mahelehele ia hoi iloko o 3@ Kuleana.  He 15 ½  ika aina ka nui o ka mahele kuleana hookahi.

  5—He ekolu apana aina taro ma Hauula; Koolauloa, Oahu, 1 15-100 eka.

            E ninau ia

            J. M. Monsarrat.

            (Maunakea)

jan 13 tf.

 

 

Kauka Yong Kam

Pung.

(APANA.)

 

Helu 81.  Alanui Maunakea.

 

Ke Kauka Loea o ka

 

Aina  Pua!

 

Ua hiki ka hoola ia kela a me keia ane

ma’i.  mai ko na kane, wahine a @@

na keiki liilii.  O na mai’i ha—no

ua hiki loa ia ke hoola ia me

ka maalahi.  A o na mai’i

e pili ana i ka maka

pau pu ia’i ke

ola.  Ke ho-

ike ia aku nei.

eia ke ola ia nei, me

ka oluolu pu o kahi au

hau.  Ka poe pilikia hanau

keiki a hele nui paha o ke koke

a paa a lohi paha ka hanau ana, pa

paha o ka waiu, e hele @@@ mai i o’u @@

 

                        E KIPA mai e ka poe i hoo@@@ l@u ia me na haawina pilihaa a @@ @@ a na’u oukou e hooluolu aku.    

KAUKA YONG KAM PUNG

 

Honolulu Dec. 5, 1892, @@ @@@