Ka Leo o ka Lahui, Volume II, Number 629, 25 Ianuali 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOHN E. BUSH,

HONOLULU, IANUARI 25 1893

KA MOOLELO O HIIAKAIKAPOLIOPELE.

I HOOPONOPONOIA

MAI KA POE KAHIKO MAI A

ME KA POE I HOOPAA I NA

 MOOLELO A ME NA

KAAO KAHIKO O

HAWAII NEI, E

JNO. E. BUSH A ME S. PAALUHI.

            Hehi aku nei lakou i ke one o Nakuokamanu, hoea ana kekahi kanaka imua o ko lakou nei alo, oia o Paikaka, ua ahuwale kona wahi huna, a makau aku nei o Papanuiolaka a hoi hou aku la oia i hope i kahi ana i hele mai ai, aka, mamua o kona hiki ana ma kela aoao o ka muliwai a lakou i a-u mai ai, [Wailoa) aia hoi ua lilo ae la kona kino i puupohaku pahoehoe.

            O ke kumu o kona lilo ana i kino pahoehoe, oia no kona ae ana e hele pu me Hiiaka, aka, ua hoi hope oia no kona ike ana i kahi huna o Paikaka.

            Hoomau aku la no lakou nei i ka hele ana imua ahiki i Waiolama, a ike mai la ko laila mau akua ia Hiiaka ma, manao nui mai nei lakou e kii mai ia Hiiaka ma e pepehi.

            Ia Hiiaka ma i hookokoke aku ai i kahi o ua poe akua nei e noho mai ana, oia ka wa a ua poe akua nei i hao mai ai i ko lakou mana, me ko lakou manao e make ana o Hiiaka ma ia lakou, aka, ua kuhihewa loa ua poe akua nei, oiai ua wehe ae la o Hiiaka i kona pa-u a ani ae la i ka lewa a oia nohoi ka manawa i hamu ia ae ai o ua poe akua nei e ka ehu o ka pa-u o ua Hiiaka nei, a pau nui iho la i ka make.

            Hale aku nei lakou nei a hoea i Punahoa. e heenalu ana ko laila aliiwahine oia o Punahoa, e nanea ana hoi ke anaina kanaka i ka makaikai i ka heenalu ana a ko lakou aliiwahine.

            Ninau aku nei o Hiiaka i ke anaina kanaka:  E aha ana oukou?

            E nana ae ana makou i ko makou aliiwahine i ke akamai i ka heenalu.  Hoole aku la o Hiiaka aohe akamai o ko oukou aliiwahine i keia mea o ka heenalu.  He noho iho ko kakou me keia a ike kakou i kekahi nalu nui i ke kumai i kai i ke kualna nalu, alaila, i kona wa auanei e hee mai ai i ua nalu ne i, he oia ia mai koe. a loaa auanei kona mai he hilahila.

            Ia lakou nei no e nanea ana i ka nana i ua aliiwahine nei, a o ka oia koke ia maila no ia o ua aliiwahine la a ko e like me ka Hiiaka i kamailio mai ai i kanaka.

            Haalele lakou nei i keia wahi, hele aku nei lakou nei a hiki i kahi oia kanaka o Piihonua kona inoa, pa ana kahea a ua kanaka nei e komo maloko o kona hale o ko lakou nei komo aku la no ia.

            Olelo mai la ua kanaka nei, aloha ino oukou i ka pololi aohe ai o ko makou hale nei ua noho pio au.  O ke kumu o ko'u noho pio ana ua puhenehene maua me Pueo, ua pau loa i ka lilo ko'u mau waiwai, a oia la i lohe oukou, ua lilo na aina, na aina waa a me na upena a me ka malaai, ao kuu kino a pau i kalua iaia i ka imu.

            I aku la o Hiiaka i ua kanaka nei aohe ou pono i koe, eia wale no ka pono e hahai mai oe mahope o'u. a hahai akula ua kanaka nei ia Hiiaka ma, oiai o ka la ia ona e make ai ina e eo hou ana oia ia Pueo ma ka puhenehene hou ana.

 

            Na Leta e Waiho nei Maloko o ka Hale Leta a hiki i Dekemaba 31, 1892.

KALIHI.

            Kanohokuahiwi,

            N. Kamanu,

            Palapala.

            Mele,

            Kunihi,

KAMANUWAI.

            Mrs. James,

            Mailelaulii.

            Lonoikahaupu,

            Kupihe,

KEPOHONI,

            Hulihonua,

            Mary Kaoio,

KAWAIAHAO.

            Pahukula.

            P. Mokuahi.

            L. Kanewanui,

            Ellen Ku,

            Sarah K. Iona,

            W. H. Keala,

            Hattie,

            Malia Palea,

            Kahale,

AALA.

            Amala,

            Pua 2,

            H. Kalakapu,

            Makea,

HUEHUE,

            K. L. Pilipo,

            Haupu,

WAIKIKI-KAI.

            Mai.

KAMAKELA

            Kanae

PUUNUI.

            Kamanawa.

KAPUUKOLO.

            Wm. Kaona,

            A. Koalii,

            P. Makaioie.

            Akiao.

            A. K. Naumu,

            Amana,

            S. Nakai,

            Kanoe.

            N. Noiku.

KAKAAKO.

            Kahiamoe,

            A. Kipolo,

            M. Labati.

            Kaahiki,

            D. L. Kaikala.

            M. Keahiena,

            K. L. Pilipo.

KAPALAMA.

            Mary Kanane,

            Puuheana,

            Kahaialii,

            Moonohu,

            D. Keaunui,

            Nauha,

            Hale 2.

            S. K. Kawaiwai,

            J. S. Keliiwaaole.

LELEO.

            M. Kahoopiopio, Waiopua, K. Kekahili, Kanoena, Mikaela.

HAIMOEIPO.

            Sam Palea, K. Lono, S. K. Kaholoaho,

NIOLOPA.

            John Falani, Mary Kapai, D. Kamahoa

KAUMAKAPILI.

            Kamuela Kaili, Lilia Kupanihi J , Lu ahiwa.

KIKIHALE.

            Leikaimana, Kailiahi 2, Awili.

KAWA.

            M. Kaiolawe, T. Kekino.

MOANALUA.

            Peke Keoni, Uwai.

KAOPUAUA.

            Kepola, A. Kealohapili.

WAIKAHALULU.

            Koloa, Charles Kamaka,

PELEULA.

            Kapaoie, A. Waiholua.

KUNAWAI.

            Namaha, J. W. Kahawaii, Makanui, Punahoa Solomon, Haliaka.

KAAKOPUA.

            Elena Charley, Mrs. K. A., S. Keeuoholiilii,

KAPAUHI.

            Mrs. Hawane, H. Keoniumi.

KOULA.

            M. Opupahi, K. Alualu, D. Kupahu.

HONUAKAHA.

            Kanohomauna 2, Kahea.

APUA.

            Mrs. Kealohanui, Nakaikuahine, Kaapa

NA ALANUI,

            Malie Kana, Emil Bader, E. Kualino, S. K. Kawaiwai, Apikaila.

AUWAIOLIMU.

            Kimo Keai, Ned Kikoopaoa.

PAUOA.

            William Kuni, Kauuku.

HONOKAUPU.

            Namileewalu. Luli.

KAULUWELA

            Hinai Jr.

MAKIKI

            M. Kahoowaha.

KAPAMOO.

            Haanio,

ULAKOHEO.

            P. K. Haalou.

HAUHAUKOI.

            J. C, Aiona,

            Na Leta i hoihoi ia mai na Mokupuni mai.

            Kiope Alapai,

            Luisa Keaka.

            D. L. Kailiponi,

            Kaaiahu,

            Aleona,

            S, H. Keanini,

            Daniel K@au,

            Malia Kalua,

            Helen Solomon,

            Ana.

HONOLULU,

            K. Kanakaole, K, Kaolelo, Henry S. Kauhi.   William Kekoa, H. T. Kalua, Mary Hioa, Keliiwaaole Kaohe, K. Kain@hau, E, K. Pilipo, James P. Kamakaila, K. Kaeo, Kaiwimalakea, Awa, A. W. Alani, S. Kapu, Uwa, Anna Paakaula, Komo & Luika.

            O ka poe na lakou na Leta maluna ae e ninau moi ma na Leta i Hoelahaia.

            WALTER HILL,

            Luna Leta Nui.

Jan 9, 1wk-dly.

 

$5,000 Makana !         Haawi Wale ia !

 

E Hoomaka ana keia kuai me na makana Dala mai keia

POAKAHI AKU, NOV. 7, 1892.

A e hoomau ia aku ana e like me ka hiki.

Iloko o keia manawa kuai, o kela a me keia mea e kuai ana a hiki i ka $2.50, e loaa ana iaia he makana nani o na

Lako Dala a me Aniani Peachblow,

Ma ke aniani maoli, a i ole, ma ka Lako Satina.

E HOOMANAO

            Aole o kela a me keia mea kuai 5, 6, a 10 ana paha a ka mea kuai e loaa ai ka makana, aka, e haawi ana makou ke makana i na mea e pau e kuai ana a piha ka huina maluna ae ma na waiwai kuai.  Oiai, e waiho ana makou i ka hana, a e kuai ia aku ana na mea pau mamua ae o ka la 1 o Ianuari, 1893.

            @  E hele mai i hookahi, e hele ma no a pau loa, mai ke nui a ka liilii.

            Chas. J. Fishels.

575-tfd.           Halekuai alakai o na kumukuai haahaa loa.

HE KUAI HOOKELAKELA NUI !

 

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co. --PAINAPA.

HELU 99 Alanui Papu.

 

Oili Pulelo PAINAPA e kela i Kaupoku o Hanalei; aka i hewa no nae i ka lele mua i ka hooulu i ka la ino.

 

            Oiai he manawa ilihune keia no ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoonoho mai nei hoi kekahi mau ha le kuai e hoao ana e kulai kekahi i kekahi, nolaila ke komo pu aku nei au ma ia hana makai, no ka mea

He Kawa ia Na'u i Lele a Opu.

            He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko

Ohi Hapuku ka I'a o Kapaau.

            Eia ma K@ Halekuai nei na Papale Kamalii o na ano a pau, na Lako Lole na Hapuu a oukou o na paikini a pau, mai ke nui a ka ukulele, na Lako Lole o @ Lede a me na Keonimana o ke ano hou loa i ike mua ole ia ma Hawaii nei, na M malu o na waihoolulu a pau, a pela aku, a pela aku

E Kuai ia aku ana no ke Kumupaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku.  Na ka oiai mua no ka loaa, oloolo aku no ihope, nele.

375.     tf-dly.  B. F. EHLERS & CO,