Ka Leo o ka Lahui, Volume II, Number 626, 20 Ianuali 1893 — E HOI KA EA O KA AINA I KA PONO. [ARTICLE]

E HOI KA EA O KA AINA I KA PONO.

E ka lahui Hawaii, ke haawi aku nei Ka Leo o ka Lahui i kona mahalo ia oukou a pau. Iloko o keia manawa ua ike ia ko oukou lokahi. e like me ka-i ana, a hoakoakoa ana paha, a kekahi pu-a-hipa, i hoopuni ia e ka poino. Ua maluhia kakou i keia la; e hoomaikai kakou i ke Akua no ia mea, oiai aia ma ka poho o Kona lima na mea a pau. I keia mau la, ua kuu mai Oia ia kakou mamuli o ka ike kanaka, a ke ike nei i kakou i ka hua oia alakai ana. Ua maopopo no i keia lahui, he olua mana o keia ao. o ke ao aua a ke Keiki a ke Akua, a o ko pahele ana a ka anela o ka hewa. Eia laua ke paio nei; ke hea

mai nei kekahi e hoopono, ka ume aku nei kekahi i ka make. Ua akaka keia mau ano ia kakou Eia he elua ano e hoea mau ana iloko o ke kanaka; aka, he hookahi no alanui o kakou e pono ai, oia ka hoopono. Aole o Kalani Kauikeaouli i apo wale ae i kela olelo ma ke poo o keia manao, me ka hoomaopopo ole i ke ano nui o ka olelo, oiai o ka hoopono oia no ka mea a ke Akua i makemake ai ia kakou e hana aku, a i ko kakou hooko ana i kona makemake, e hoohanohano a e hoomaikai mai no oia ia kakou a pau. Noiaila, aia ma ka kakou hana ana e pono ai kakou, a e pomaikai ai; a i ole hoi e hoopai ia ai. Ua ili mai ka poino i keia lahui i keia wa no ke aha ? He mea maopopo ua hewa kakou, a ua nele kakou i ka poe hoopono e lawa ai ke noi oia ka aoao o ka lahui, aka nae aole i nele loa.