Ka Leo o ka Lahui, Volume II, Number 623, 16 January 1893 — E KA LAHUI HAWAII! [ARTICLE]
E KA LAHUI HAWAII!
I keia la, he halawai akea ke kahea ia ana o na Misionari o ka Poai Hoomaemae a me ka poe e puni ana ia iakou, ma Manamana, me ka manao e imihala i ka Moiwahine no Kona manao aloha i ka lahui, ma Kona me ana e kukala i Kumukana {illegible} hou, e hoonau Iaia mai ka noho Moi ana, a e hoolilo i keia aupuni i repubalika. Nolaila, e ke aloha aina, na kanaka hanau o ka aina, e kupaa kakou mahope o ke aupuni, aole he hookahi Hawaii ponoi e komo iloko o keia halawai ke kono ia mai. E na Hawaii oiaio a pau, e kakoo kakou i ko kakou Moi, a e mohai i ko kakou mau ola no ka pono o ko kakou Moiwahine a me ka maluhia o ka aina. Ke kono ia aku nei na makaainana makee alii, e ku a maloeloe a hele pololei i ka halawai mamua o ka Hale Mele Hou, i kaia hora 2 auina la. I hookahi puuwai aloha me na umauma mai o a o o ka uina, e na mamo a Kamehameha.