Ka Leo o ka Lahui, Volume II, Number 623, 16 January 1893 — KA LEO ALII. [ARTICLE]

Help Learn more about this Article Text

KA LEO ALII.

I ka auina la Poaono nei. ua lohea ka leo o ke Alii Aimoku o Hawaii, o Liliuololoku i ke kapu, i ka pane ana mai penei: E na makaainana aloha alii, ke hoike aku noi Au imua e oukou, ua makaukau Au i keia wa, no ke kukala ana aku i Kumukanawai Hou no Ko'u Aupuni, me Ko'u manao la hoi e holo pono ana, eia ka auanei e loaa ana na kula. Nolaila ke kauoha aku nei Au ia oukou e na makaainana aloha. e noi oukou me ka manaolana maikai, a mai nonohua iho a lili ka naau. Oiai, i keia mau la aku e hiki mai ana, e kukala aku no Au i ke Kumukanawai Hou.

Ua ike no na Luna Hooko o ke Kanawai i ka ewaewa o keia Kumukanawai Hou, aka, aole nae he olelo. Nolaila, ke manaolana nei Au, o ko ana no ka mea a oukou e O'u mau makaainana i akenui ai, a o Ko'u iini no ia. A o Kana kauoha hope loa, e pule kakou i ke Akua no ka hoopomaikai ana mai i keia Aupuni a me ka Nohoalii o Hawaii nei.