Ka Leo o ka Lahui, Volume II, Number 621, 12 January 1893 — Page 3

KA LEO O KA LAHUI.

"E Mau ke Ea o ka Aina i ka Pono."

LA HANA 166.

Ianuari 9, 1893.

            Halawai ka Hale e like me ka mau.

                        Komite mau.

            Hoike no ka palapala hoopii 444. haawi ia i ka Loio Kuhina.

            Hoike no ka palapala hoopii 449, aponoia ka hoike a ke Komite.

            Kuhina Kalaiaina. ua kakau inoa ka Moi 6 bila kanawai.

 

Na Olelo Hooholo.

            Loio Kuhina, kanawai hoohaiki i na eemoku Pake.

            Helhelu mai o Kamauoha he olelo hooholo e hookaawaleia i $60,000 no na alanui o Oahu nei.  Haawiia i ke Komite Hookolokolo.

            Heluhelu elua ia ka bila a ka Loio Kuhina i hoolaha mai ai.

            Bipikane, no na buke kanawai i paa na inoa o na hoa, e lilo no lakou. holo ka olelo hooholo.

            Heluhelu mai o Hapakini he 10 palapala hoopii e hooholo loa ia ka bila Lotere, moe ma ka papa.

Na Hana o ka La.

            Heluhelu 3 ana o na bila 219, 243, 208, 236, 239, 238, 224, a hooholo loa ia.

            Hoike mai ke Komite Hookolokolo no ka olelo hooholo a Kamauoha e hooholoia i $25,000, aponoia.

            Hoolaha mai oia he kanawai e hookaawale ana i $25,000 no na alanui o Honolulu nei.  Heluhelu 2 a haawiia no ke kakaupoepoe.

            Waiho mai ke Komite Hookolokolo he hoike no ka bila 234, 3 hoopanee loa.  Aponoia ka hoike.

            Hoomaha ka hale i ke awakea.

            Auina La.

Halawai ka hale elike me ka mau.

            Nawahi, imua o ka Moiwahine e pili ana i ka hookuu ana o keia Hale, ma ka Poaha, Ianuari 12, ua oluolu i ka Moiwahine ka pane ana mai. e hookuu ana ka Ahaolelo i ka Poaono, Ianuari 14, i ka hora 12 o ke awakea.  Mahope o na hooponopono ana, aponoia ka hoike a ke Komite.

            Hoopanee ka hale.

                        LA HANA 167.

                                    Ianuari 10, 1893.

            Halawai ka hale e like me ka mau Heluhelu ia ka moolelo o ka la i Lala a aponoia.

Na Komite Mau

            Ua hoike mai ke Komite Pai. ua pau i ke pai ia kekahi bila kanawai.

Na Hana o Ka La

            Heluhelu ekolu ana o ka bila 207, hooholo loa ia.

            Heluhelu mai o White he hoike a ka hapanui o ke Komite e pili ana i ka bila Lotere. aponoia ka hoike, a haawiia no ke kakaupoepoe.

            Heluhelu ekolu ana o na bila 238; 240 a hooholo loa ia.

            Heluhelu elua o ka bila 244, a holo loa no ke kakaupoepoe ana.

            Heluhelu mai ke Komite Hookolokolo no ka hoololi ana i ka pauku 69 o ke kanawai hookolokolo, a holo no ke kakaupoepoe.

            Hoopanee ka hale.

LA HANA 157.

Ianuari 11, 1893.

Halawai ka Hale elike me ka mau Na Hana o ka La.

            Heluhelu ekolu ana o na bila 204 me 246, a hooholo loa ia.

            Heluhelu ekolu ana o ka bila 185 a mahope o na hoopaapaa ana, ua ninau ano ia a aponoia.

            Hoomaha ka Hale.

 

NU HOU KULOKO.

            Ahaolelo ko keia kakahiaka, hora 9.

 

            @  I na Luna lawe pepa o KA LEO, ke hai ia aku nei ka lohe ia oukou a @au, e hoihoi mai i keia mau helu 570, 580, 585, 586, 590, 594 me 595, ina he koena koe ma ko oukou lima.

            MA KE KAUOHA.

 

            I ka Poakolu nei i huli hoi aku ai ka Mole-mole o Hamakua maluna o ka Waialeale.  Eleu no.

 

            Piha- u ka Hale Ahaolelo ma ka Poakolu nei, no ka hoolohe ana i ka bila lulu lotere.  Ua niniau loa ka Aoao Hoomaemae.

 

            Ua manao wale ia e hookohuia ana ka Hope Ilamuku Meherten, i Luna no Kawa, he haole mai Maui mai ma kona hakahaka.

 

            O kekahi o na keiki i hopu ia ai i kela la aku nei me Kalauao no ka aihue, ua hopu hou ia iho nei no i ka Poalua nei. no ka aihue ana i kekahi paa mikinalima mai kekahi halekuai mai ma Alanui Papu He piko pau iole maopopo keia.

           

            Ua hoea mai kekahi wahine Hawaii hoopono e uku i kona aie ia makou no hookahi pule i laweia no KA LEO i ka makahiki 1891, no ka uku he 25 keneta.  Ua hoihoi hou aku makou i kana makana maemae me ka manao aloha, oiai keia manawa loihi o elua maka hiki aole i poina kona aie iaia.

 

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

                                    A.M. A. P. M. P. M.

Haalele ia Honolulu 6:15* 8:45  1:45  4:35+

Hoea i Honouliuli    7:20* 9:57  2:57  5:35+

Haalele ia   "          7:30* 10:13 3:45  5:42+         

Hoea i Honolulu      8:35* 11:55 4:55  6:50+

NO KULANAKAUHALE MOMI IHO.

Haalele ia Honolulu                     5:10||  P. M.

Hiki i Kulanakauhale Momi         5:48||

Haalele ia     "                "               6:55*  A.M.

            +  Poaono wale no

            *  Koe ka Lapule

            ||  Koe ka Paono.

            Sept. 28 tf-dly.

 

Aole keia he Mau Hana Hoohoka !

--:  AKA HE MAU :--

WAIWAI HOU WALE NO, AOLE I POPOPO

-----: E LOAA NO :-----

MA KE KUMUKUAI EMI LOA !!

MA KAHI O

N. S. SACHS,

Helu 104         Alanui Papu, Honolulu           Helu 104.

 

O na Waiwai Hou Wale no ko ko Makou Halekuai Aole o na Apa Lole Popopo a Kahiko!

            Aole a makou mau hana hoopuunipnni ; aole a makou mannu ekaeka, oia hoi, aole o makou paali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ke makou mau makamaka a me na hoaloha, no ke

            Kumukuai Emi Haalele Loa, e loaa ole ai Kona Lua ke Ukali ae !

            Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae.  Ua loaa pu mai no hoi ma ko makou halekuai nei, he mau lako hou o na

            Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea na makemake makou e loaa ona wahi e hoahu ia ai ko makou mau waiwai lako huiuhulu.  Ua wehe pu ae nei makou he luhiehu o na APA HULUHULU Farani,, na Silika PANI'O a me na APA SILIKA LAU.  He mea pono e ike ko makou makamaka a me na hoaloha i keia mau waiwai hou a nani.  Emi ke Kumukuai.  O na APA SILIKA ELEELE. PAPAMU. a pela aku, e loaa no ma ko kumukuai haahaa loa.

            Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa.  Na Pua Papale, na Hulu Papale hou. e pela aku, e loaa no ma ko makou halekuai me ke kumukuai emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loea kana mau hana hookinohinohi ana i na papale.  Ua hiki ia makou ke kaena ae na oi ae kona loea mamua o na mea hana a kinohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike, ko mkkou moto, a aole o na hana poholalo. a mamua o ko oukou hele ana aku i kekahi halekuai e aku, e kipa mua mai ma ko makou halekuai.  E kilohi mua.  E nana.  E lolelole.  E hooia no oukou iho.

----------:  N. S. SACHS: ----------

575--tfd.          104 Alanui Papu. Honolulu.

 

He Kuai Hoopau Nui

MA KA

HEIAU O NA PAIKINI !

No Keia wahi Pule Hookahi Wale iho no !

A HE OIAIO

E Kuai pau aku ana ka Makou mau LOLE KEOKEO a pau, oia hoi

Na @Lilina, na Kalakoa a me na Lole Kilikia me na Huluhulu

Na Kinamu a me na Lole Nani onaano a Pau.

            @  E pau ana i keia Pule no ke Kumukuai hiki ole ke manaoia no ke emi loa.  E hoomanao o na Lede i keia kuai kamahao e panee ia aku nei imua o oukou.

575-tfd.           S. EHRLICH, Ka Heiau na@aikini.