Ka Leo o ka Lahui, Volume II, Number 621, 12 Ianuali 1893 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA.

 

      Ua hookohu ia o A. S. Kuehu i keia la, i Komisina no ka Pa no ka Apana o Kohala, Akau, Mokupuni o Hawaii.

      Eia me keia iho ka Papa:

            Roft. Hind Jr.

            H. L. Holstien.

            A. S. Kaehu.

G. N. WILCOX,

Kuhina Kalaiaina.

      Keena Kalaiaina Jan. 4 1893.

      jan5 3sd.

 

      Ua hookohuia o Mr. Z. P. Kalokuokamaile, i keia la i Noteri no ka Lehulehu no ka Apana Hookolokolo Kaapuni Ekolu o ke Aupuni.

G. N. WILCOX,

Kuhina Kalaiaina.

      Keena Kalaiaina Dec. 19 1892.

      dec22 3tsd.

 

KUAI O KA AINA AUPUNI I KAPAIA O LAULA, KONA AKAU, HAWAII.

 

      Ma ka Poalua, Iulai 10, 1893, ma ka hora 12 awakea, ma ke alo o ka Hale Aliiolani, e kuai kudala ia ai ka aina aupuni o "Laula" ma Holoaloa Elua.  Kona Akau, Hawaii, nona ka ili o 38 2-10 eka oi iki aku a emi iki mai paha.

      UKU HOOKUMU.                                                $      100.

G. N. WILCOX,

Kuhina Kalaiaina.

      Keena Kalaiaina Dec. 12 1892.

      dec13 3ts.

 

      I kulike ai me ka Pauku 2 o ka Mokuna XXXV o na Kanawai o 1888, ua hookohu au i keia la ia Mr. Aarona, o Luna Pa Aupuni no ka Pa Aupuni ma Makanalua, Kanua Mai Lepera, Molokai.

G. N. WILCOX,

Kuhina Kalaiaina.

      Keena Kalaiaina Dec. 5 1892.

      dec12 3ts.

 

      I kulike ai me ka Pauku 1 o ka Mokuna XXXV o na Kanawai o 1888, ua hookaawale au i kekahi pa no ka hoopaa ana i na holoholona helehewa ma ke Kahua Mai Lepera, Molokai, maluna o kekahi apana e waiho kekoke la i ka Ilina Kupapau o Makanalua, Molokai.

G. N. WILCOX,

Kuhina Kalaiaina.

      Keena Kalaiaina Dec. 5 1892.

      dec12 3ts.

 

      Ua hookohuia o Chas. T. Gulick i Komisina o na Palapala Hoopaa no ka Paeaina Hawaii na kahi o Jonathan Austin i make.

G. N. WILCOX,

Kuhina Kalaiaina.

      Keena Kalaiaina Dec. 8 1892.

      dec12 3ts.

 

      I keia la, ua hookonuia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.

G. N. WILCOX,

Kuhina Kalaiaina.

      dec5 3tsd.

 

      O ka poe apau he mau hae kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhiua kalaiana, mai keia manawa aku, a hiki i ka la 1 o Iulai 1893, a me na mokupuni eae, ma ke Keena o ka Makai Nui, no ke kope hou ana i na inoa.

G. N. WILCOX,

Kuhina Kalaiaina.

      Keena Kalaiaina Dec. 2 1892.

      dec5 3tsd-dly.

 

      I keia la, ua hookonu ia aku o Mr. Ivon K. Kakani, i Luna Pa Aupuni, no ka Pa Aupuni o Hana, Mokupuni o Maui i hope no C. Pololu, i waiho mai.

G. N. WILCOX,

Kuhina Kalaiaina.

      Keena Kalaiaina Nov. 30, 1892.

      dec5 3ts-dly.

 

      I keia la, ua hookohu ia aku o S. W. Kekuewa Esq. i Notari no ka lehulehu, no ka Mahele Ekolu o ke Aupuni Hawaii.

G. N. WILCOX,

Kuhina Kalaiaina.

      Keena Kalaiaina Nov. 30, 1892.

      dec5 3ts-dly.

 

      I keia la, ua hookohu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.

G. N. WILCOX,

Kuhina Kalaiaina.

      Keena Kalaiaina Nov. 30, 1892.

      dec5 3ts-dly.

 

      I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. McIntosh i make.

G. N. WILCOX,

Kuhina Kalaiaina.

      Keena Kalaiaina Dec. 1, 1892.

      dec2 3tsd.

 

      U hookohu ia o J. H. Barenaba i keia la i Comisina no na Pa no Apana o Koolaupoko Mokupuni o Oahu.

      A penei iho ka Papa.

      Wm. H. Lowell, Awa, J. H. Barenaba.

G. N. WILCOX,

Kuhina Kalaiaina.

      Keena Kalaiaina Dec. 30, 1892.

      3te-dly.

 

      I keia la, ua hookohuia aku o Keoki Kimokeo i hoa no ka Papa Alamui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokohiki waiho mai.

G. N. WILCOX,

Kuhina Kalaiaina.

      Keena Kalaiaina Nov. 30, 1892.

      dec5 3tsd.

 

      Ua hookohuia o Mr. Wm. H. Lowell a me Mr. Awa, i keia la, i mau Komisina o na Pa no ka Apana o Koolaupoko, Mokupuni o Oahu.

      Eia me keia iho ka Papa.

            G. Barenaba,

            Wm. H. Lowell,

            Awa.

G. N. WILCOX,

Kuhina Kalaiaina.

      Keena Kalaiaina Dec. 19, 1892.

      dec22 3tsd.

 

      Mamuli o ke kea ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni.  A o na Keena Oihana Aupuni o ke Aupuni, e pani ia no.

G. N. WILCOX,

Kuhina Kalaiaina.

      Keena Kalaiaina

      Honolulu. Dec. 9, 1892.

      3ts-dly.

 

KA LEO O KA LAHUI.

 

JNO. E. BUSH.

 

Lunahooponopono a me Puuku.

 

POAHA, IANUARI 12, 1893.

 

PUA KA UWAHI I KA BILA @ OTERE.

 

      Ma ka Poakolu nei ua hapai ia ka heluhelu ekolu ana o ka bila Lotere; i kapa ia hoi, ka bila Lulu a Bila Aila o Lahaina.

      Ma keia bila, ua lohea ka leo o na kalaiaina like ole o na aoao a elua, o kekahi poe hanohano e kue ana, a o kekahi poe hanohano hoi, e kokua ana.

      A ma ka auina la, ua hoomaka ia ke koho ana a ua ike ia penei:  Ka poe kue i ka bila. -- Na Kuhina Wilcox, Robinson, Jones, Brown, na alii, -- John Ena.  Kauhane. Marsden, Young, Baldwin, Cornwell, Walbridge.  Anderson. Thurton, McBryde, Dreier, na Lunamakaainana, -- Wilder, Kaohi, Waipuilani, Iosepa, Smith, Wilcox.  Huina 21.

      Ka poe kokua i ka bila, -- Na Alii Hopkin, Pua.  Peterson.  Cummins, Maile, Hoapili.  Kanoa.  na Lunamakaainana, -- Bipikape, Aki, Pua, Wilcox.  Bush. Nawahi, Koahou, Kaunamano, Kamauoha, Kapahu, Nahinu, White, Kanealii.  Edmonds, Kaluna, Akina.  Huina 23.

 

KA BILA LOTERE.

 

      Ma ka Poalua nei, ua hoea ae imua o ka Hale ka hoike a ka hapanui o ke komite wae e pili ana no ka bila Lotere, helu 185, ua noi ke komite e hooholo loa ia ka bila.

      I ka wa i pau ai ka hoike a ke komite i ka heluhelu ia, noi mai o Smith e hoopanee loa ia ka hoike a ke komite. aponoia.

      Noi hou ia e kakau ia na ae a me na hoole no ka hoopanee loa ana i ka hoike a ke komite, penei:

      Ma ka hoopanee loa i ka hoike he 17, hoole i ka hoopanee loa i ka hoike he 20.

      I ka wa i pau ai ka hoike a ke komite i ka heluhelu ia, noi mai o Smith e hoopanee loa ia ka hoike a ke komite. aponoia.

      Noi hou ia e kakauu ia na ae a me na hoole no ka hoopanee loa ana i ka hoike a ke komite, penei:

      Ma ka hoopanee loa i ka hoike he 17, hoole i ka hoopanee loa i ka hoike he 20.

      Ua apono ia ka hoike, a ua haawi ia ka bila no ke kakau poepoe ia a ma ka la inehinei i heluhelu 3 ia ai ua bila la, ea ua hoopilihua'ia na ilikea, no keia hana lokahi a na pea, e oie i kou waa ponoi e ka Hawaii oiaio, mai kaukai ia hai.

 

KE KANAWAI KAKAU INOA.

 

      Ua hooholo ka Ahaolelo he kanawai kakau inoa, no na kane a pau iloko o keia Aupuni, e hoomaka ana mai ka 15 makahiki aku a pii iluna.  Mamua aku nei ua hoike iluna.  Mamua aku nei ua hoike aku makou i  kekahi itamu e pili ana no ia kanawai hoehaa, a ua olelo makou i ko makou aloha i na elemakule, i oi aku mamua o ka ka Baibala i hoike ai.

      Aole makou e olelo ana no ka poe i hoonaauao ia, a i loaa hoi he noonoo maikai, aka, no na hapanea, oia ka makou e aloha nei.

      Nolaila, e ka Moi o keia mau pae moku, e haliu ae ko nonoo a nana ae i ou mau makaainana aloha, e noho ana mai Haawii o Keawe a Kauai o Manokalanipo, eia ka auhuhu la, ke makaukau nei e holo aku iluna o ka aina.

      Nolaila, e kuleana kou e vito a i keia kanawai hoehaa a hoihoi ae iloko o ka Hale, oiai hoi, ua olelo ia e ka manao o ka poe nana i kau, no ka pake ka, ke olelo nei makou aole pela ka oiaio, nou no'e ka Lahui Hawaii oiaio.

      Ma keia kanawai aole loa he mea e pakele ana mai na umii ana a keia kanawai.

      Aka, hookahi wale no puu hoomaha i koe oia no ka mana o ka Mana Hooko.

      Ma keia ke waiho nei makou a na ke Akua no e kokua mai.

 

HOOHENO O KA AHA OLELO

 

      Ua hanai puupuu ia ae ka Lunamakaainana o Palahemo, e kekahi hoa o ka Hale Ahaolelo.

 

      Ke liuliu nei na hoa o ka Hale Ahaolelo i na wahi oneopa no ka huli hoi ana aku no ko lakou mau apana like ole.

 

      Mamuli o ka nele o ke pakaukau o ke kakauolelo i ka hana ole, nolaila i hoopanee ai ka Hale i ka Poalua nei, a noho hou i ka Poakolu.

 

      I ka Poakolu nei i heluhelu ekolu ia ai ka bila Lotere, a i ka nana aku, e pulelu ana ke ahi haaheo i na pali, alia nae hoi.

 

      He mea hoahoa no makou ka ike ia aua o na helehelena o kekahi Luna Aupuni o ka Nana Hookolokolo e noho mai ana imua o ka Hale.

 

      Ma ke kakahiaka o ke Poakulu nei, oiai ka Mea Hanohano o Kau i komo aa ai iloko o ka Hale, ua hikaka hele ae oia a mai hookui me kekahi mau Lede ilikea.

 

      He nui ke kuaki o ke alii o Hawaii nona ka aina i kaulana i ka makaha, i ke alii o Oahu nei a me ko Kauai, i ke koho ana ma ka aoao e kakoo ana i ka bila Lotere, he lohe maoli ia aku no kona ke ana.

 

      He mau wahine haole kekahi i lulumi pu ae ma keia auna kookahi, a he mau kahuna pule elau pu kekahi, oiai ua kau ka weli i ka bila Lulu Lotere, oiai oia i komo ae ai iloko o ka Hale, a he mea keia e poino ai keia poai, no ia kumu ia pau nui ae ai ua poe nei, ea kau ka weli.

 

      Oiai o Hon. W. O. Smith e kamailio ana no ke ino o ka bila Lotere, a ua kapa pu ae oia he bila aihue heia, a aole hoi na ka aoao oka hapanui i lawe mai oia ka wa o ka Hon. J. E. Bush, i ninau aku ai iaia, pehea hoi na mahiko o oukou, manao anei oe aole ia he aihue, he olelo nei au he aihue no ia, oia ka wa i hehihehi ae ai ko loko o ka Hale, o keia ninau, aole loa e hiki ke pane ia mai, oiai, ua ku pono aku la i ka iwi hilo.

 

AHAOLELO O 1892.

 

LA HANA 165.

Ianuari 7, 1892.

 

      Halawai ka hale elike me ka mea maa mau.

 

Komite Mau.

 

      Komite Hoohaauo, no ka palapala hoopii helu 475, e waiho ma ka papa.

      Noi o White e haawi i ka Papa Hoonaauao.

      Heluhelu mai o Marsden he olelo hooholo e koho ka Peresidena i 5 lala o ke Komite, e hele aku a hoike i ka Moi e hookuu ana ka Ahaolelo i ka Poaluna, Ianuari ia 10.

      Lilo ka hale i ka hoopaapaa ana, a i ka ninau ana, ua holo elike me ka hoololi a ka Luna o Waialua.

      Kohoia na Komite, Nawahi, Wm. White, Baldwin, McBryde a me Kauhi,

Na Hana o ka La.

      Heluhelu 3 o ka bila 235, holo.

      Heluhelu 3 o ka bila 233, holo.

      Heluhelu 3 8 ana o ka bila 218, 211, 231, 243 a me 232, holo loa.

      Heluhelu 2 o ka bila 236, holo a haawi ia no ke kakau poepoe.

      Heluhelu 3 o ka bila 234, haawi ia i ke Komite o na Hana Hou.

      Heluhelu 2 o ka bila 239, holo.

      Hoike a ke Komite no ka bila 78 me 125, haawiia e pai.

      Heluhelu 2 o ka bila 238, holo no ke kakau poepoe ana.

      Heluhelu 2 o ka bila 234, holo no ke kakaupoepoe ana.

      Heluhelu 2 o ka bila 204, holo no ka kakaupoepoe ana.

      Hoopanee ka hale.