Ka Leo o ka Lahui, Volume II, Number 621, 12 Ianuali 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.  Honolulu Ianuari 12, 1893  Helu 621

 

ME MOOLELO KAILI PUUWAI

-NO-

SENIA LUTERA

Ka Ui Puuwai Mabala

-:o:-

ENELANI KAHIKO

 

@

He Nanea Hooheno

no kekahi Kauna

Wahine Opio me

kana mau Aloha

Ekolu.

(Kakauia no Ka Leo.)

 

MOKUNA XXVII.

No keaha kou mea e pepehi ole mai

ai ia`u a make i keia manawa i

pau ko`u mau ehaeha?  Ai ole

ua oi aku anei ka hauoli o kou

puuwai lokoino i ka nana mai i

ko`u hoehaeha ia?

 

            Ua pouli a ano maule mai la keia, no ka nui o ka eha i loaa iaia, a i kona ike iho no hoi i ke kahe nui aku o ke koko maina palapu mai a na pohaku lokoino a na kuewa, ua ku iho la oia no kekahi manawa pokole, e nana ana mao a maanei ena.

            Elike la me kekahi wahine a kilohi ana i kona kahiko nani, a ia manawa me me kekahi leo uwe o ka pilihua, ua holo aku la oia elike me kekahi manu @ kahi ala ololi i haawi ia mai ai iaia no ka holo ana no kona ola.

            Iaia e holo la no kona pakele, ke haule makawalu mai la no na pohaku a na lima lekoino mauka a makai ona elike la me na pakaua, a ke komo kuhohonu loa iho la hoi ka eha iloko o kona kino, a ua ike maoli iho la no hoi oia i kona nowaliwali a ano paupauaho.

            Ua ike iho la oia aole he hiki iaia ka hoomau @a aku i ka holo no kona lanakila, no ka kahe nui ana e ke koko ke kumu nana i hoonawaliwali loa mai iaia, a ke ike pu iho la no hoi oia i ke ano haalele mai o kona ikaika iaia.

            E make anei au, wahi ana iaia iho, a iloko o na lima o keia poe kuewa lapuwale?

            Aole, aole au e make!

            E ola au i hiki ia`u ke hookau aku i hoopai maluna o keia wahine lokoino e kapa nei iaia he makuahine no`u.

            Aka o ka oiaio maoii he tiga puni koko, a me keia mau manao hou ona, ua loaa hou mai la ka ikaika iaia, a na kona piha huhu hoi i hookomo hou aki i ke ola iloko o kona mau aakoko.

            Ua hala mai la keia mawaho o ka laina a na kuewa w ku ana, a ke hookokoke aku la oia i kuhi o ka niulaau e ulu paapa ana.

            He manawa pokole wale no i koe a e hiki no iaia ke nalo mai, mai na maka lokooino mai o kona poe enemi, a ke hoomau la no keia i ka hooikaika`ana i ka holo no loko o ka ululaau.

            A i ka ike ana mai o ka Moiwahine lokoino, ke ahai la ka pupuhi o ka i-a o Ukoa, ua kuwo ae ia oia me ka leo nui:

            Mai hookuu aku e o`u mau kanaka.

            Aole o`u makemake e pakele aku oia mai ko kakou mau lima aku.

            E nana! e nana aku ko oukou mau maka iaia.

            Aia oia ke hookokole aku ia no ka ululaau, a ke komo oia iloko o laila, o kono lanakila no ia, a loaa ole ia oukou ke imi aku iaia.

            Ua ane paupauaho loa iho ia o Senia, a ano kaumaha mai la hoi kona puuwai, elike la me kekahi apana kepau, a me ka leo kaniuhu o ka mea i loaa i ka nawaliwali a e ane make aku ana hoi e hina iho iluna o ka ilihonua.

            Pa-e koke mai la kekahi leo e kokoke mai ana ma kona wahi e ku ana, a kahea mai la mo ka leo haahaa:

            E ke kaikamahine, e ke kaika mahine!

            E ku koke ae oe iluna, ma ke ola o ke Akua Kiekie Loa, e ku ae, a e holo aku no auanei kaua mai ke alo aku o kela poe diabolo!

            E hoiliili ae i kou wahi ikaika i koe, a na`u oe e hoopakele aku.

            A ia manawa pokele, ua paa mai la kona kino palupalu i ka lima o kekahi mea ana i ike ole ai mamua.

            A ua pakele oia i keia manawa!

            Wahi a ka leo lokomaikai i pa-e iho ai ma kona mau pepeiao.

            A oiai hoi oia e hanu paupauahoana i ka iho makawalu a na kiheahea koko e hiolo makawalu ana mai kona kino iho.

 

KA MOOLELO

-O-

HIIAKAIKAPOLIOPELE.

I HOOPONOPONOIA

 

MAI KA POE KAHIKO MAI A

ME KA POE I HOOPAAINA

MOOLELO A ME NA

KAAO KAHIKO O

HAWAIINEI, E

 

JNO. E. BUSH A MES. PAALUHI.

 

OLELO HOAKAKA.

            I hoolohe aku ka hana oia nei ma Koolau aole, lohe ana keia e kani aua ma Kona, ko ia nei hahai aki la no ia malaila; a hiki keia i Keawaula, auau keia i ke kai i Kilauea, ai no ia wahi ke waiho ia a hiki i keia la.

            A pau ka ia nei auau ana kani ana no ua mau pahu uei i ka Laeokaena, manao ae la keia mau pahu na Pohakuokauai, no ia mea huhu loa-iho ia ka uhane a no o Pele, me kona hooholo ina io na ke kupunakane e make an oia.  Hele aku la ko ia nei uhane a ike mai la o Pohakuokauai, a kahea mai la ia ia nei i kona ike mai oia nei keia e hele aki la.  Pane aku la o Pele me ka leo huhu mai, e make ana oe ia`u i keia la; nau no ka hoi na pahu hooluhi oe e hooluho ai ia`u.

            Pane mai o Pohakuokauai: Aole na`u ka pahu; aia hoi la hoi la ke kani mai i ka moana.  I noolohe aku ka hana e kani io mai ana no ua mau pahu nei.  Ae aku keia, a pane aki ia Pohakuokauai.  Ina pau kelamau pahu make oe ia`u i keia la.

            Huli aku la o Pele no ke ala moana o Kaieiewano, a ia ia nei i ka moana e hele nei kani ana ua mau pahu nei i Kauai ko ia nei au aku la no ia a pae ana ma Haena.  Malaila ko ia nei hookolo @na a hiki i kahi o na pahu e kani @na.  Nana aku la keia mawaho o ka hale kahi a na pahu e kani nei, a ike aku la keia he`aha hula ko loko, na ke alii.  E pai pahu ana na`alii, o Lohiau mawaena, o ke aikane, o Kauakahiapaoa ma kahi aoao, o ke kumu hula, o Mapu, ma kahi aoao; he mau kanaka kaeke elua mawaho mai lakou nei ekolu, e pai like aua i ka pahu.

            A hiki ko Pele uhane i Haena, ahe hele @ou aku ke kani ana a ka leo o ua mau pahu nei, no ka mea o ko Lohiau wahi ia e noho ai me Kauakahipaoa, kana aikane aloha.

            O ke kumu o ka lele ana o ka leo o ua mau pahu nei a me na leo oli a hiki i Hawaii, na na wahi akua no ia a Lohiau ma i lawe, oia o Kanikawi a me Kanikawa, a o ke kumu o ka hana ana o keia mau wahi akua, ua makemake laua e hiki o Pele i Haena, a mamuli o ka laua mau hana eepa ua hiki io no o Pele.

             I ka hiki ana aku o ua Pele nei i Haena, ua ike mai la no kanaka o Haena i ka hele aku i keia wahine me kona kino kanaka, ka poe hoi e makaikai nei i ka hula a ko lakou mau alii, oia o Lohiau me Kaukahiapaoa, ua hooho mai la na kanaka me na leo kupinai o ke ohohia, @ akena ana: Ka wahine ui - e! Ka wahine ui - e!!  Aole wahine ui a puni Kauai nei e like me keia wahine, ka ui, ka nani a me ka hiehie o kona kulana; pali ke kua, mahina ke alo, aohe puu a aohe kee.

            Holo aku nei ka leo kupinai o na kanaka a lohe o Lohiau ma, oia ka laua i ninau ae ai:  Heaha hoi keia piha uwa o na kanaka?  I aku la kekahi mau kanaka, heaha mai ka hoi ka olua, he wahine ui, he wahine malihini aia ae mawaho, oia ke kumu o na kanaka i olo mai la ka piha uwa, na ka ui launa ole mai o ua wahine la.

            Aole i pau.

            Ekolu wale no makou e pauaka nei, i ka nupepa Ka Leo.

            O Kalanao ke keiki i hopu ia iho nei i kela la aku nei i ke komo aihue ana i kekahi mau halekaui o ke taona nei, ua lawo ia ae imua o ka Aha Hoomalu ma ka ia onehine.

            Ua manelehele ia ka na nui @ Hon. T. S. Pratt ma Waikiki, iloko o na pa hilii e hiki ai ke ku hoolimalima ana no iwakalua makahiki, no ka uku hoolimalima oluolu.  E hele aku i ka loio o ka mea non@ ka waiwai oia o Mr. J. A. Magoon a me ia e kuka pu ai.

 

HOOLAHA I`A AUPUNI.

            E ike  auanei na kanaka a pau, eia ma ka Pa Aupuni o Makiki nei kekahi mau lio helehewa, lio w puakea melemele keokeo lokini ma ka lae, 2 wawae keokeo ak a hema, 2 wawae eleele ak a hema hao JOS kuni hope akau ke kuni malalo o keia mau kuni ekolu, aole ike pono ia powehiwehi.

            Lio keiki k puakea kekahi o keia lio, aole kuni.  Lio w ahinahina keokeo eleele ka hulu o keia lio hao JOS kuni hope ak.  Lio keokeo 2 wawae mua paa i kapuai hao, hao N kuni hope ak.  Lio w ulaula kiko keokeo ma ka lae 2 wawae eleele mua 2 wawae keokeo hope hao H kuni hope hema keia mau hua JH, ua hui i kahi hookahi, ua hookaawaleia i kulike me ke k@.

            Lio k eleele 2 wawae keokeo mua kikokiko keokeo ma ke kua he mau pohaka keokeo ma ka opu aoao ak a hema hao @ 3P kuni hope ak 3P @ P maiona P malalo o ia mau kuni, lio k ulaula keokeo lokihi ma ka lae 1 wawae keokeo hope ak hao III kuni hope hema.

            O ka mea a mau mea nona keia mau lio, e pono e kii koke mai, o hala na la he 15 e kuai kudala akea ia aku ke hiki aku i ka la 7 o Ianuari, 1893.  D. KAOAO,

            Luna Pa Aupuni.

            Honolulu. Dec. 27, 1892.

            dec27 tf.

 

Kauka Yong Kam

Pung.

@APANA.

 

Helu 81, Alanui Maunakea.

Ke Kauka Loea o ka

Aina Pua!

 

Ua hiki ke hoola ia kela a me keia @

Ma`i, mai ko na kane, wahine a @

Na keiki liihi.  O na ma`i ha-no

ua hiki loa ia ke hoola ia me

ka maalahi.  A o na ma`i

e pili ana i ka maka

pau pu ia i ke

ola.  Ke h@

ike ia aku nei,

eia ke ola ia nei, me

ka ola ia nei, @

ka oluolu pu o kahi @

hau.  Ka poe nilikia @

keiki a hele nui paha @

a paa a lohi laha ka @

paha o ka walu, e hele @

            E KIPA mai @ lau ia me na haawina @ a na`u oukou o hooluolu aku.

            KAUKA YONG KAM PUNG.

            Honolulu Dec. 5, 1892.  @